Флаги России, ЕС, Франции и герб Ниццы на набережной Ниццы

Назарсанҷӣ: ИМА ва ИА дар ҳамоҳангӣ алайҳи ФР таҳрим ҷорӣ карданд

33
(Таҷдидшуда 13:28 23.12.2014)
Тибқи назарсанҷие, ки оҷонсии ICM Research бо дархости Sputnik анҷом дод, 27 % аврупоиҳо гуфтанд, ИА таҳти фишори ИМА алайҳи Русия таҳрим ҷорӣ кард.

ДУШАНБЕ, 23 дек — Sputnik. Пажӯҳиш аз ҷониби оҷонсии ICM Research дар даҳаи аввали моҳи декабр бо дархости Sputnik дар Британияи Кабир, Олмон ва Фаронса сурат пазируфт.

Ба суоли оҷонсӣ дар бораи Иттиҳоди Аврупо чӣ тавр бар зидди Русия таҳрим ҷорӣ кард, 27 дарсади аврупоиҳо гуфтанд, ки ин таҳримот таҳти фишори ИМА сурат гирифтю 37 % дигар бошанд, ворид кардани таҳримотро алайҳи Русия кори ҳамоҳангии ИА ва ИМА медонанд.

Аз ҳама бештар дар Олмон (47 %) бар ин назаранд, ки ИА ва ИМА алайҳи Русия дар мувофиқа бо якдигар таҳрим эълон карданд. 22 % пурсидашудагон гуфтанд, Иттиҳоди Аврупо таҳти фишори Иёлоти Муттаҳидаи Амрико алайҳи Русия таҳрим ҷорӣ кард.

Дар Фаронса баръакс, фақат 27 дарсад иброз доштанд, ки ИА ва ИМА таҳримҳоро алайҳи Русия ҳамоҳанг кардаанд, 33 % дигар бошанд, фишори ИМА-ро баъид медонанд.

Аз ҳама бештар дар ироаи посух сокинони Британияи Кабир душворӣ кашидаанд ва ин рақам баробар ба 17 % аст.

Ба суолҳои ҷомеашиносон беш аз  ҳазор нафар ҷавоб гуфтанд. Интихоб аз рӯи ҷинс, сину сол, ҷуғрофия сурат гирифта, фосилаи эътимод 3 % ва эҳтимолияти эътимод 95 %-ро ташкил медиҳад.

Тасвирбаён (инфографика)-и назарсанҷии таҳримҳои ИА ва ИМА алайҳи ФР
© Инфографика .
Тасвирбаён (инфографика)-и назарсанҷии таҳримҳои ИА ва ИМА алайҳи ФР

33
Барчаспҳо:
алайҳи Русия, таҳримот, таҳрим, ICM Research, ИА, Sputnik, ФР, Британияи Кабир, Фаронса, Олмон, ИМА, Русия

Эмомалӣ Раҳмон бо Владимир Путин телефонӣ суҳбат кард

687
(Таҷдидшуда 13:59 02.07.2020)
Раисиҷумҳури Тоҷикистон Эмомалӣ Раҳмон, имрӯз бо кишвардори Русия Владимир Путин телефонӣ суҳбат карда, ҳамтои русашро ба муносибати бо муваффақият анҷом ёфтани раъйпурсӣ барои тағйирот ба Конститутсия, табрик намуд

ДУШАНБЕ, 2 июл — Sputnik. Президенти Тоҷикистон Эмомалӣ Раҳмон бо кишвардори Русия Владимир Путин телефонӣ суҳбат кард.

Бино ба гузориши котиботи раисиҷумҳур, дар ибтидои суҳбат президенти Тоҷикистон Владимир Путинро ба муносибати бо муваффақият анҷом ёфтани раъйпурсӣ барои тағйирот ба Конститутсияи Русия табрик намуда, таъкид кард, ки нишондиҳандаҳои баланди иштироки раъйдиҳандагон дар он, боз як далели возеҳи аз ҷониби ҷомеа пурра дастгирӣ ёфтани сиёсате мебошад, ки роҳбарияти кишвар ҷиҳати тақвияти давлатдорӣ дар Русия пеша кардааст.

Раҳмон ҳамчунин зикр кардааст, ки тағйироти конститутсионӣ ба раванди рушди босуботи кишвар такони тоза бахшида, ҳатман ба нафъи тамоми шаҳрвандони Русия хизмат хоҳанд кард.

Дар ин зимн, Президенти Тоҷикистон ба мардуми дӯсти Русия сулҳу амонӣ, некӯаҳволӣ ва шукуфоии бардавом орзу намудааст.

Манбаъ афзуда, ки президентҳои Тоҷикистон ва Русия ҳамчунин атрофи масъалаҳои алоҳидаи мубрами ҳамкории минтақавӣ ва байналмилалӣ мубодилаи афкор намуданд.

687
Барчаспҳо:
мулоқот, суҳбати телефонӣ, Тоҷикистон, Эмомалӣ Раҳмон, Владимир Путин
Рустами Эмомалӣ, раиси Маҷлиси миллӣ бо муовинонаш Раҷаббой Аҳмадзода ва Ёдгор Файзов (аз рост)

Рустами Эмомалӣ хостори тағйироти кадрию корӣ дар парлумон шуд: муҳлат 1 моҳ

2188
(Таҷдидшуда 16:18 01.07.2020)
Рустами Эмомалӣ, раиси Маҷлиси миллии Тоҷикистон дар ҷаласаи дуюми палатаи болоии парлумон таҳти роҳбарияш хостори тағйироти кадрию корӣ дар ин ниҳод шуд

ДУШАНБЕ, 1 июл — Sputnik. Раиси Маҷлиси миллӣ дар ҷаласа таъкид кард, ки на ба шумораи лоиҳаҳои қонунҳо, балки ба мазмун ва сифати онҳо диққати аввалиндараҷа зоҳир карда шавад.

“Бо ин мақсад зарур мешуморам, ки барои интихоб ва ба кор қабул намудани мутахассисони ҷавону болаёқат ва донандагони забонҳои хориҷӣ ҳарчи зудтар озмуни интихоби кадрҳоро эълон карда, қабул ва ҷобаҷогузории онҳо тибқи тартиби муқарраргардида роҳандозӣ карда шавад”, - изҳор дошт Рустами Эмомалӣ.

Ӯ ба роҳбари Дастгоҳи Маҷлиси миллӣ супориш дод, ки бо мақсади муайян намудан ва баланд бардоштани сатҳи дониши касбии кормандони Дастгоҳ аттестатсияи навбатӣ гузаронида, барои аз нав ҷо ба ҷо кардани кадрҳо дар муддати як моҳ пешниҳодҳои асоснок манзур намояд.

“Омӯзиши вазъи таъмини хизматрасонии ҳуқуқӣ, коргузорӣ, ташкилӣ, таҳлилӣ, итилоотӣ ва молиявию техникии Маҷлиси миллӣ собит менамояд, ки барои мукаммал гардонидани низом ва фаъолияти сохторҳо зарурати дар шакли нав таҳия ва қабул намудани санадҳои меъёрии ҳуқуқӣ пеш омадааст”, - илова намуд ӯ.

Рустами Эмомалӣ дастур дод, ки дар муддати ду моҳ санадҳои меъёрии танзимкунандаи фаъолияти Дастгоҳи Маҷлиси миллӣ дар таҳрири нав таҳия ва барои қабул пешниҳод карда шаванд.

2188

Омори сирояту шифоёбӣ аз COVID - 19 дар моҳи июн

0
(Таҷдидшуда 21:01 02.07.2020)
Омори гирифторон, шифоёфтагон ва фавтидагон аз коронавируси навъи COVID - 19 дар моҳи июнро аз тасвирбаёни Sputnik Тоҷикистон бубинед
Коронавирус дар Тоҷикистон: омори моҳи июн
© Sputnik /

Тибқи додаҳои Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар давоми моҳи июн дар Тоҷикистон 2024 нафар ба коронавирус сироя 2564 нафар аз ин беморӣ шифо ёфт ва 5 кас ҷони худро аз даст дод.

Дар умум бино бар омори Вазорати беҳдошти кишвар аз 30 апрели соли равон то 30 июн дар Тоҷикистон 5954 кас гирифтори коронавирус шуда, 4568 нафар шифо ёфтанд ва 52 кас қурбони ин вабои аср гардиданд.

Ҳукумати Тоҷикистон барои пешгирии паҳншавии ин беморӣ чораҳоеро дар моҳи май роҳандозӣ карда буд, ки бархе аз онҳо бардошта шуданд ва баъзеи дигар ҳамоно фаъол боқӣ мемонанд.

Ҳамин тавр, боғчаҳо ва мактабҳо то 18 август баста буда, донишҷӯён пеш аз муҳлат ба таътил фиристода шуданд. Дар кишвар пӯшидани ниқоб ҳатмӣ буда, масҷидҳо баста шуда, намози дастаҷамъома манъ шуд.

Кадом маҳдудиятҳо дар Тоҷикистон бардошта шуданд

Равуо миёни вилоятҳо ва навоҳии кишвар озод шуд. Баргузории маросими дафн иҷоза дода шуд.

Аз 15 июн дар шаҳри Душанбе фаъолияти бозорҳои либоса, марказҳои савдо, кинотеатрҳо, театрҳо, сартарошхонаҳо, кошонаҳои ҳусн оғоз шуд.

Баргузории маросими арӯсӣ иҷоза дода шуд: бо ширкати на бештар аз 100 меҳмон, пӯшидани ҳатмии ниқоб, дастпӯш ва санҷиши ҳарорати бадан.

Бозии футбол бидуни тамошобин иҷоза дода шуд.

Аз 25 июн барои бозгардонии шаҳрвандони Тоҷикистон, аз Русия ба Тоҷикистон парвозҳои махсус роҳандозӣ шуд. То имрӯз беш аз 600 шаҳрвандони Тоҷикистон ба Ватан бозгардонида шуданд.

0
Барчаспҳо:
омор, вируси нав, Тоҷикистон