Сафари раҳбарони Фаронса ва Олмон ба Киев

Тарҳи ҷадиди тавофуқоти сулҳи Минск ба Кремл пешниҳод мешавад

6
Тарҳи ҳалли қазияи низомӣ дар Донбасс, ки аз сӯйи се кишвар дирӯз дар Киев таҳия шуд, тавофуқоти Минск мебошад, ки ба шароити феълӣ мутобиқ карда шудааст.

ДУШАНБЕ, 6 фев — Sputnik. Садри аъзами Олмон Ангела Меркел ва раиси ҷумҳури Фаронса Франсуа Олланд имрӯз дар Маскав нақшаи расидагӣ ба сулҳ дар Украинаро ироа мекунанд, ки бар пояи тавофуқоти сулҳи моҳи сентябри Минск таҳия шудааст, хабар медиҳад РИА Новости.

Асоси ин нақша санади Минск мебошад, ки бо дарназардошти тағйир ёфтани вазъ дар ҷанубу шарқи Украина аз тирамоҳи соли гузашта бознигарӣ шудааст. Ибтикор барои таҳияи тарҳи нав ба нигаронии Берлин ва Минск аз эҳтимоли воридоти аслиҳаи марговар ба Киев аз сӯйи ИМА маншаъ гирифтааст.

Санади Минск, ки аз 12 банд иборат аст, аз сӯйи намояндагони Украина, ҷамоҳири худэъломи Донетск ва Луганск бо миёнаравии Русия ва САҲА 5 сентябр имзо шуда буд. Ин санад аз муқаррароти оташбас ва табодули асирон ва бархе аз тавофуқоти сиёсӣ, аз ҷумла тааҳҳуди Украина барои тасвиби қонун дар бораи мақоми вижаи манотиқи Донбасс иборат буд. Барои иҷрои ин санад дар авосити моҳи сентябр тавофуқоти Минск таҳия шуда буд.

Ҷонибҳо рӯзи гузашта дар пайи музокироти чаҳорсоъата таъаҳҳудоти худ ба санади Минскро эълом карданд.

Порошенко, Меркел ва Олланд зарурати оташбаси фаврӣ дар шарқи Украина, ихроҷи артишҳои хориҷӣ, канор бурдани васоили ҷангии сангин ва озод кардани куллияи асирон даъват карданд. Ин нукот муқаррароти санади Минскро такрор мекунанд. Вале ҳамакнун рӯшан мешавад, ки ин бозгашти комил ба тавофуқоти моҳи сентябр набудааст.

"Масоиле баррасӣ шуданд, ки роҳҳои иҷрои тавофуқоти Минскро мушшахас мекунанд. Таъкид мекунам, ки куллияи тавофуқот, на бандҳои ҷудогонаи он", — таъйид кард вазири хориҷаи Украина Павел Климкин.

Дафтари садри аъзами Олмон низ хабар дод, ки асоси музокироти Меркел ва Олланд рӯзи ҷумъа дар Маскав куллияи 12 нукоти санади Минск хоҳанд буд. Вале расонаҳои олмонӣ менависанд, ки масири аз ҳам ҷудошавии ҷонибҳо бо дарназадошти тағйири вазъ муҷаддад мешавад.

Яке аз ин нашрияҳо навиштааст, ки раҳбарони ду кишвар ба Киев ба хотири "ба даст овардани ризоияти Петр Порошенко" барои иҷрои ин барнома мераванд. "Ба Порошенко мехостанд тавзеъ диҳанд, ки ин охирин шонси наҷоти Украина аз шикати низомӣ ва бӯҳрони иқтисодӣ мебошад", — навиштааст нашрия.

Порошенко изҳор дошт, ки музокироти Киев "умедворкунанда аст ва барои оташбас имкон медиҳад". Вале Чалий изофа кард, ки ҳоло Маскав сухани худро нагуфтааст ва то натоиҷи ниҳоӣ вақт зиёд аст.

Вай изофа кард, ки "мо умедворем, ки Маскав аз ин тарҳ пуштибонӣ мекунад". Гузашта аз ин дидори Порошенко бо ноиби раиси ҷумҳури Амрико ва сипас бо Меркел дар назар аст.

6
Барчаспҳо:
сулҳи Украина, музокироти Маскав, садри аъзами Олмон, президенти Фаронса, руасои ҷумҳур, Ангела Меркел, Петр Порошенко, Франсуа Олланд, Владимир Путин, Фаронса, Олмон, Украина, ИМА, Русия
Мавзуҳо:
Музокироти Минск ба тавофуқ расид, дар Украина оташбас эълом мешавад (5)
Мавзуъ
СММ: теъдоди қурбониён дар Украина аз 5,3 ҳазор нафар бештар шуд
Меркел: ихтилоф дар Украина ҳалли низомӣ надорад
Здание МИД РТ в Душанбе, архивное фото

Нигаронии Тоҷикистон аз даргириҳои шадид дар Қарабоғи Кӯҳӣ: даъват ба оташбас кард

28
(Таҷдидшуда 18:22 28.09.2020)
Тоҷикистонро низ вазъияти Қарабоғи Кӯҳӣ бетараф нагузошт. Ҳукумати кишвар дар робита ба даргириҳои шадиди миёни Озарбойҷону Арманистон амиқан изҳори нигаронӣ кард

ДУШАНБЕ, 28 сен — Sputnik. Вазорати умури хориҷии Тоҷикистон дар робита ба вазъияти Қарабоғи Кӯҳӣ изҳороти расмӣ нашр намуд.

Дар изҳороте, ки торномаи ВУХ нашр намудааст, гуфта мешавад, ки Тоҷикистон аз задухӯрди низомӣ байни Ҷумҳурии Озарбойҷон ва Ҷумҳурии Арманистон амиқан изҳори нигаронӣ менамояд.

"Аз ҷонибҳо бо исрор даъват мекунем, ки барои қатъи амалиёти ҳарбӣ чораҳои таъхирнопазир андешанд. Бар онем, ки ҳалли низоъ дар Кӯҳистони Қаробоғ танҳо бо роҳҳои сиёсиву дипломатӣ имконпазир аст", - таъкид мешавад дар хабари вазорат.

Зимнан, Тоҷикистон аҳамияти истисноии ҳалли мусолиматомези ихтилофоти мавҷударо дар чаҳорчӯби меъёрҳои пазируфтаи байналмилалӣ таъкид менамояд.

Даргириҳои шадид дар Қарабоғи Кӯҳӣ: даҳҳо нафар аз ду ҷониб куштаву захмӣ шуданд - акс

Ёдовар мешавем, субҳи рӯзи якшанбе, вазорати дифоъи Озарбойҷон эълом кард, ки нерӯҳои мусаллаҳи Арманистон ба маҳалҳои аҳолинишини хатти тамос дар Қарабоғ тирандозӣ кардаанд.

Ҳарду ҷониб якдигарро дар шиддат гирифтани мухолифат муттаҳам карданд. Ин даргирӣ миёни аҳолии осоишта низ маҷруҳ ва ҳалокшудаҳо барҷой гузошт.

28
Барчаспҳо:
даргирӣ, Қарабоғи Кӯҳӣ, изҳорот, Тоҷикистон
http://1news.uz/culture/ozodbek-nazarbekov-vystupil-protiv-besplatnykh-vystupleniy-/

Назарбеков: "сулҳу ваҳдат бевосита аз сиёсати кишвардорони ҳар ду давлат маншаъ мегирад"

184
(Таҷдидшуда 18:10 27.09.2020)
Вазири фарҳанги Ӯзбекистон, ки феълан дар Тоҷикистон қарор дорад, аснои мулоқот бо ҳамтои тоҷики худ изҳор дошт, сулҳе, ки феълан миёни ин ду кишвар побарҷост аз сиёсати Раҳмону Мирзиёев маншаъ мегирад

ДУШАНБЕ, 27 сен — Sputnik.Вазири фарҳанги Ӯзбекистон Озодбек Назарбеков, ки дар раъси намояндагони илму фарҳанги кишвараш дар Тоҷикистон қарор дорад, имрӯз дар мизи мудаввар бахшида ба дӯстии мардумони ин ду кишвар, иштирок намуд.

Вазири фарҳанги Ӯзбекистон Озодбек Назарбеков ба Тоҷикистон омад

Бар хабари котиботи Вазорати фарҳанги Тоҷикистон, дар оғози ҳамоиш Зулфия Давлатзода вазири тоҷик иброз намуд, ки таърихи миллати тоҷик ва ӯзбек то андозае ба ҳам наздик мебошанд. 

"Дар шароити душвори пандемия аҳолӣ пеш аз ҳама ба фарҳанг ниёз дорад, зеро фарҳанг ба онҳо имкон медиҳад бо рӯҳияи болида ва иродаи қавӣ ба вазъиятҳои бӯҳронӣ мубориза баранд", - изҳор доштааст Вазири фарҳанги Тоҷикистон.

Зимнан, Вазири фарҳанги Ҷумҳурии Ӯзбекистон Озодбек Назарбеков низ иброз намудааст, ки ин нахустин сафари онҳо ба Тоҷикистон нест.

"Сулҳу ваҳдат бевосита аз сиёсати пешгирифтаи президентони  ҳарду  давлат маншаъ мегирад. Тавсеаи равобити судманди Тоҷикистону Ӯзбекистон дар шароити ҷомеаи муосир саҳифаи наверо дар муносиботи гуногунсамтаи ду давлат  боз намуд", - афзудаст Назарбеков.

Дар ҷараёни мизи мудавар намояндагони ҳар ду ҷониб доир ба рушди муносибатҳои илмию фарҳангӣ изҳори назар намуда, нақши сиёсати пешгирифтаи роҳбарони ҳар ду давлатро дар тақвияти ин ҳамкориҳо муҳим шумориданд.

184
Барчаспҳо:
Ӯзбекистон, Тоҷикистон
Скорая помощь в Афганистане, архивное фото

Таркиши минаи сарироҳӣ дар марзи Тоҷикистону Афғонистон 4 кушта барҷой гузошт

3
(Таҷдидшуда 18:55 28.09.2020)
Музофоти Қундузи Афғонистон, ки ҳаммарз бо Тоҷикистон аст, минаи сарироҳӣ инфиҷор шудааст. Дар натиҷа чанд кас бар асари таркиш ҷон бохтанд

ДУШАНБЕ, 28 сен — Sputnik. Бар асари таркиши минаи сарироҳӣ дар марзи Тоҷикистону Афғонистон дасти кам 4 нафар ба ҳалокат расиданд, хабар медиҳад шабакаи Shamshad News.

Ба иттилои манбаъ, таркиш дар вулусволии Алиобод дар музофоти Қундуз, ки бо Тоҷикистон ҳаммарз аст, рух додааст.

Бар хабари маълумоти расмӣ, минаи сарироҳӣ асное ба кор даромад, ки воситаи нақлиёт убур кард. Ба эҳтимоли зиёд, минаро Ҷангиёни ҳаракати Толибон гузошта буданд.

Ҳушдори гурӯҳи Толибон ба ширкатҳои ҳавопаймоии Афғонистон

Пизишкон фавти чаҳор нафаро расман тасдиқ намуданд, аммо мақомоти ҳифзи ҳуқуқи ин кишвар аз ҳалокати 6 нафар хабар доданд.

Алъон ҷангиёни Толибон масъулияти ин ҳамларо бар ӯҳда нагирифтанд.

3
Барчаспҳо:
мина, таркиш, Афғонистон