Э. Раҳмон зимни ифтитоҳи маҷмааи варзишӣ дар Хуҷанд. Акс аз бойгонӣ

ВАО: Эмомалӣ Раҳмон мушобеҳ ба "офтоб" ва "ситораи бахт" аст

22
(Таҷдидшуда 12:00 09.02.2015)
Раиси Кумитаи дини Тоҷикистон дар як рисола Эмомалӣ Раҳмонро “офтоб”-у “ситораи бахт” хонда, гуфтааст, “ба қадри ӯ расидан, номи ӯро гиромӣ доштан қадршиносӣ аз Тоҷикистон аст.”

ДУШАНБЕ, 9 фев — Sputnik. Раиси кумитаи дини ҳукумати Тоҷикистон Абдураҳим Холиқзода, ки ҳамакнун номзад ба вакилии парлумон аст, раисҷумҳур Эмомалӣ Раҳмонро бо сифатҳое, чун "офтоб", "ситораи бахт", "фарзанди фарзонаи миллати тоҷик" ва ғайра тавсиф кардааст, менависад "Радиои Озодӣ".

Холиқзода ин ҳарфҳоро дар рисолае бо номи "Бунёдгузори давлати миллӣ", ки  "Ҷумҳурият" — нашрияи расмии ҳукумат — рӯзи 6 феврал онро нашр кардааст, навишта ва илова кардааст, ки "тасвири корнамоиҳои чунин шахсиятҳо берун аз тавони қалами як шахсу ва ҳатто як даврон аст".

Эмомалӣ Раҳмон аснои ифтитоҳи як маҷмааи варзишӣ дар шаҳри Хуҷанд. Акс аз бойгонӣ
Саҳифаи расмии маркази матбуотии президент дар Facebook

"Дуруст аст, ки инъикоси симои шахсе, ки халқи беш аз ҳазор сол аз саҳнаи таърих дурафтодаро аз сари нав ҳамчун миллати соҳибдавлат ба арсаи сиёсати ҷаҳонӣ ворид кардааст, халқи гирифтори гирдоби нобудиро наҷот додааст, миллатро дар кӯтоҳтарин замон аз вартаи ҷанги шаҳрвандӣ раҳондааст, тасвири корнамоии фарзанди миллат, ки ҷон дар кафи даст душманонро ба оғӯш кашида, ҷинояткоронро авф карда, гурезаҳоро ба Ватан баргардонда, ба миллати мотамзада Ваҳдат, Субот, Амният оварда, ҳама дороӣ, қудрат ва сиёсатро дар хизмати инсон вогузор сохта, пояи давлатдориро аз сирф, низоми молияро аз хазинаи холии бағоратрафта, лашкарро бо сарфармондеҳони кироя, ҳуқуқро бо ғояҳои анъанавию миллӣ тарҳрезӣ намуда, оби наҷотбахши озодиву соҳибдавлатиро барои ташнагони беш аз ҳазорсола эҳдо, садои модари тоҷикро ҳамчун модари миллати соҳибдавлат то ба созмонҳои байналмилалӣ расонда, мардуми парешонро атрофи дастархони миллат муттаҳид карда, дар харитаи сиёсии ҷаҳон давлатеро бо номи Тоҷикистон сабт намудааст, кори саҳл нест", — навиштааст Холиқзода.

Муаллиф дар идома ба "сайри таърихӣ" пардохта, суқути Шӯравӣ дар ибтидои солҳои 90-ро натиҷаи пирӯзии капитализм бар сотсиализм меномад, аз фурӯ рафтани Тоҷикистон ба коми ҷанги шаҳрвандӣ ёд мекунад ва менависад, вакилони порлумони вақт бо ин ки 23 сол пеш Эмомалӣ Раҳмонро раҳбари давлат интихоб карданд, "иштибоҳ накардаанд".

Оқои Холиқзода дар зимн бо бори дигар баршумурдани хидматҳои Эмомалӣ Раҳмон нақши "эҳтироми рамзҳои давлатӣ ва қаҳрамонони миллат"-ро  дар баробари "нақши қадршиносию шукргузории неъматҳо" як василаи муассири рушд ва низоми давлат "дар ҳама давру замонҳо" унвон мекунад.

"Роҷеъ ба он, ки Эмомалӣ Раҳмон барои давлати муосири тоҷикон нақши бунёдгузориро дорад, хизматҳои наҷотдиҳанда ва созандаи ӯ дар соҳаи сиёсати давлатӣ, тарҳрезии низоми ҳуқуқӣ, шаклгирии иқтисодиёти миллӣ, таҳияи низоми адолати иҷтимоӣ, ҳифз ва рушди фарҳанги пурғановат ва дигар ҷанбаҳо барои гӯши шунавою чашми бино шарҳи иловаро талаб надорад", — афзудааст Холиқзода.

Абдураҳим Холиқзода ҳамчунон бо шарҳи муфассали банд ба банд "5 амали таърихии сарвари давлат"-ро бамешуморад:

1.Таъсиси ҳокимияти давлатӣ

2. Ваҳдати миллӣ

3. Роҳ ба сӯи давлати демократӣ, ҳуқуқбунёд, дунявӣ ва ягона

4. Таҳияи низоми ҳуқуқи миллӣ

5. Ҳифзи истиқлолияти давлатӣ

Муаллиф ба ҳайси раиси Кумитаи дин ва танзими расму ойин ба хусус ба нақши Эмомалӣ Раҳмон дар таҳияи қонуни танзим таъкид мекунад. Ӯ ин қонуни соли 2007 қабулшударо бо муҳимтарин ислоҳоту инқилобҳои мазҳабӣ дар таърихи дунё, аз ҷумла бо Ян Гусу Мартин Лютер барин ислоҳталабони ҷаҳони масеҳӣ монанд карда, менависад, ҳамин гуна, "инқилобу ислоҳоти баъдии соҳибони қудрат ва пешвоёни миллатҳо Кромвел дар Англия, Мейдзи дар Ҷопон, Ф. Рузвелт дар Амрико, Гарибалди дар Итолиё, Де Голл дар Фаронса, Маҳатма Ганди дар Ҳиндустон, Пётри 1 дар Русия ҳар як дар доираи муайян расму ойинҳо ва доираи анъаноти миллатҳоро дар асоси манфиати мардум зери таъсири қонуну санадҳои меъёрӣ қарор додаанд."

Книга Э. Рахмона Таджики в зеркале истории на французском языке. Архивное фото
Официальная страница пресс-службы президента РТ в Facebook

Абдураҳим Холиқзода мӯътақид аст, ки Эмомалӣ Раҳмон "мисли як ситораи бахт, як рӯшноии фараҳбахш аз миёни мушкилию монеаҳо, торикию зулмот на танҳо солим гузашт, балки бо ғами халқ, фикри мардум ва умеди наҷоти миллат шарик ва ҳамдастон шуда… мисли офтоб зимистони қаҳратуни миллатро ба баҳори сарсабз табдил дод… Ба қадри ӯ расидан, номи ӯро гиромӣ доштан ва роҳи интихобкардаи ӯро ҳифз карда идома додан, эҳтиром аз роҳи таърихии муборизаи халқи тоҷик барои истиқлолият буда, қадршиносӣ аз Давлати миллӣ, демократӣ, ҳуқуқбунёд ва дунявии Тоҷикистон аст."

Абдураҳим Холиқзода, ки то соли 2010 масъулияти риояи қонуни танзим дар дастгоҳи раёсатҷумҳурии Тоҷикистонро бар ӯҳда дошт, моҳи майи соли 2010 раиси Кумитаи дин таъин шуд. Дар моҳи декабри соли 2014 дар анҷумани ҳизби ҳокими халқии демократӣ аз номи ин ҳизб номзад ба вакилии порлумон пазируфта шуд ва ғолибан баъди интихоботи 1 март раҳбарии Кумитаи динро бо курсии вакилии Маҷлиси намояндагон иваз мекунад.

22
Барчаспҳо:
тавсиф, ташбеҳ, "ситораи бахт", "офтоб", "Ҷумҳурият", Кумитаи дин, Абдураҳим Холиқзода, Эмомалӣ Раҳмон, Тоҷикистон
Министр иностранных дел РФ Сергей Лавров

Лавров дар бораи танишҳо дар марзи Тоҷикистону Қиғизистон: Русия омодаи кӯмак аст

436
(Таҷдидшуда 19:58 26.05.2020)
Вазири умури хориҷаи Русия Сергей Лавров аз Тоҷикистону Қирғизистон даъват кардааст, ки дар марз аз истифодаи нерӯ худдорӣ кунанд

ДУШАНБЕ, 26 мая — Sputnik. Ҷониби Русия аз Тоҷикистон ва Қирғизистон даъват меорад, ки дар марз аз истифодаи силоҳ даст кашанд ва омода аст, ки ҳамчун миёнрав хизмат кунад. Дар ин боравазири умури хориҷии Русия Сергей Лавров баъди нишасти вазирони умумири хориҷа дар ҷаласаи СПАД гуфтааст.

 "Ин вазъ дар марзи Тоҷикистону Қирғизистон, мутаассифона бори аввал нест. Мо аз шариконамон даъват меорем, ки онҳо роҳи маслиҳатомезро пеш гиранд ва ҳарчи тавонанд аз истифодаи қувва худдорӣ кунанд. Мо омодаем ҳамчун миёнрав хизмат кунем. Ҳарчи зудтар вазъият ба эътидол ояд, ҳарчи беҳтар аст. Дар ин бора имрӯз ба дӯстонамон ҳам гуфем", - таъкид кардааст Лавров.

Ёдрас мешавем, 24 май бар марзи Тоҷикистону Қирғизистон таниши навбатӣ ба миён омад. Марбонони ҳарду кишвар тир кушоданд.

Марзбонии ду давлат ҳодисаро гуногун тавзеҳ доданд.

Фаврӣ: тирандозӣ дар марзи Тоҷикистону Қирғизистон дар рӯзи ид

Қирғизистон сокинони Ворухро дар гузаштан ба минтақаи қирғизҳо барои чарронидани чорво муттаҳам кард, аммо ба иттилои КДАМ Тоҷикистон баръакс, чӯпонҳои қирғиз дар ҳудуди деҳаи Пули Офтобрӯяи ҷамоати деҳоти Ворухи шаҳри Исфара, ки бо деҳаи қирғизнишини Мойнок ҳамсарҳад мебошад, вориди қаламрави Тоҷикистон гардида, ба муноқишаи навбатӣ бо сокинони наздимарзии ҶТ даст заданд.

436
Члены движения Талибан, архивное фото

Ғанӣ амр дод, ки то 2 ҳазор маҳбуси Толибонро раҳо шаванд

157
(Таҷдидшуда 11:12 25.05.2020)
Президенти Афғонистон Ашраф Ғанӣ тасмим гирифт, ки тақрибан ду ҳазор маҳбусони толибонро дар посух ба оташбас ба иди Фитр озод кунад

ДУШАНБЕ, 25  май — Sputnik. Президенти Афғонистон Ашраф Ғанӣ амр дод, ки то 2000 нафар аъзои ҷунбиши радикалии Толибон раҳо карда шаванд, гуфт сухангӯи ӯ Седик Седикки.

Қаблан Толибон дар Афғонистон аз қатъи тирпаррониҳо давоми се рӯз ба ифтихори Иди Фитр хабар доданд. Президенти Афғонистон инро истиқбол кард ва изҳор дошт, ки раванди озодшавӣ аз маҳбасҳо ҷонибдорони ҷунбиши радикалии Толибон суръат хоҳад ёфт ва аз Толибон даъват карда шуд, ки раҳоии маҳбусонро низ суръат бахшанд.

"Президент Ғанӣ имрӯз (якшанбе) Ҷараёни раҳо кардани 2000 нафар маҳбусони толибонро ҳамчун иқдоми хайрхоҳона дар посух ба эълони оташбаси онҳо дар замони Иди Фитр оғоз кард. Ҳукумати федералии Афғонистон пешниҳоди сулҳро тавсеа медиҳад ва барои таъмини муваффақияти раванди сулҳ қадамҳои минбаъда меандешад "гуфт Сиддиқӣ дар Твиттер.

Ёдовар мешавем охири моҳи феврал, дар як маросим дар Қатар, ИМА ва гурӯҳи радикалии Толибон аввалин созишномаи сулҳро зарфи беш аз 18 соли ҷанг имзо карданд, ки хуруҷи нерӯҳои хориҷӣ аз Афғонистон дар тӯли 14 ва гуфтугӯи сулҳро пешбинӣ мекунад.

Муколама миёни ҳукумати Ғанӣ ва Толибон моҳи март пас аз раҳоии маҳбусон аз ҳарду ҷониб оғоз шуд.

157
Барчаспҳо:
оташбас, раҳоӣ, маҳбусон, Толибон, Ашрафғанӣ Аҳмадзай, Афғонистон
День 28 мая

Ҷашнҳои рӯзи 28 май дар Тоҷикистон ва ҷаҳон

0
(Таҷдидшуда 03:53 28.05.2020)
Рӯзи бисту ҳаштуми май дар Тоҷикистн аз Рӯзи сарҳадчиён ҷашн гирифта мешавад. Ҳамчунин дар ин рӯз дар Эфиопия Рӯзи суқути низомӣ қайд карда мешавад

Рӯзи 28 май дар ҷаҳон чӣ рух дод

Соли 1993 Монако узви 182-юми СММ шуд.

Соли 2009 Президенти вақти Туркия Абдулло Гул бо сафари расмӣ ба Тоҷикистон омад.

Соли 1863  дар Бостон аввалин маротиба дар Америка полк ташкил карда шуд, ки он танҳо аз сарбозони сиёҳпӯст иборат буд.

Рӯзи 28 май дар Тоҷикистон чӣ рух дод

Соли 2003 Парлумони Тоҷикистон Қонуни Ҷумҳурии Тоҷикистон «Дар бораи реклама»-ро қабул кард.

Соли 2008 бо Қарори Ҳукумати Ҷумҳурии Тоҷикистон «Қоидаҳои ташкил ва низоми нигаҳдории ҳудудҳои таърихию фарҳангии махсус ҳифзшаванда»  тасдиқ гардид.

Соли 2009 дар шаҳри Душанбе миёни Тоҷикистону Туркия 3 санади нави ҳамкорӣ ба имзо расид.

День 27 мая
© Sputnik / Стас Этвеш / Вишнякова Мария

Соли 2010 «Стратегияи миллии фаъолгардонии нақши занон дар Ҷумҳурии Тоҷикистон барои солҳои 2011-2020» қабул гардид.

Соли 2013 дар шаҳри Бишкек миёни Президенти Ҷумҳурии Тоҷикистон Эмомалӣ Раҳмон ва Президенти Федератсияи Россия Владимир Путин доир ба роҳҳои рушди минбаъдаи ҳамкорӣ дар соҳаҳои энергетика, саноат, илму техника, маориф, фарҳанг ва густариши робитаҳо миёни минтақаҳои ду кишвар гуфтугӯйи судманд сурат гирифт.

Соли 2014 пас аз анҷоми мулоқоту музокирот миёни Президенти Тоҷикистон Эмомалӣ Раҳмон ва Подшоҳи Мамлакати Баҳрайн шайх Ҳамад ибни Исо оли Халифа  7 санади нави ҳамкорӣ ба имзо расид.

Соли 2012 дар Минск ҷаласаи шӯрои роҳбарони Агентиҳои иттилоотии давлатии Иттиҳоди Давлатҳои Мустақил  баргузор гардид.

Соли 2014 дар Баҳрайн Форуми истеҳсолкунандагон ва соҳибкорони Тоҷикистону Баҳрайн баргузор гардид.

Ҷашнҳои рӯзи 28май


 

  • Дар Тоҷикистон — Рӯзи сарҳадчиён.
  • Дар Эфиопия — Рӯзи суқути низоми ҳарбӣ.
  • Дар Озарбойҷон- Рӯзи ҷумҳурӣ.
0