Абдуфаттоҳ Ғоиб зимни нишасти хабарӣ

Ҳамаи муовинони Абдуфаттоҳи Ғоиб барканор шуданд

63
(Таҷдидшуда 10:13 19.02.2015)
Эмомалӣ Раҳмон дар ҷаласаи Шӯрои амният аз камбудиҳои Агентии назорати давлатии молиявӣ ва мубориза бо коррупсия интиқод намуда буд.

ДУШАНБЕ, 19 фев — Sputnik. Дар пайи интиқоди Эмомалӣ Раҳмон, раисиҷумҳури Тоҷикистон аз фаъолияти Оҷонсии зидди фасоди молӣ, дар ин ниҳод тағйироти кадрӣ сурат гирифт, менависад АМИТ "Ховар".

Бо фармонҳои президент муовини якуми директори Агентии назорати давлатии молиявӣ ва мубориза бо коррупсия Тоҳир Ҷобирзода, муовинҳои директори Агентии назорати давлатии молиявӣ ва мубориза бо коррупсия Раҷабалӣ Ширинов ва Миллопар Бандишозода аз вазифаҳои ишғолнамуда сабукдуш шудаанд.

Эмомалӣ Раҳмон дар ҷаласаи Шӯрои амният аз камбудиҳои Агентии назорати давлатии молиявӣ ва мубориза бо коррупсия интиқод намуда буд.

Вай гуфта буд, махсусан аз тарафи кормандони ин ниҳод содир кардани ҳуқуқвайронкуниҳо, аз ҷумла кирдорҳои коррупсионӣ боиси нигаронист. Аз ҷониби кормандон риоя нашудани муҳлатҳои муқарраршуда ва бидуни тамдиди мӯҳлат кашол додани санҷиш ба мушоҳида мерасад.

Президент афзуда буд, ҳолатҳое ҷой доранд, ки ҳангоми санҷишҳои молиявӣ қонунвайронкуниҳои ҷиддӣ, аз қабили камомад ва тасарруфи воситаҳои пулию молӣ ошкор гардидаанд, вале маводи санҷишӣ барои додани баҳои ҳуқуқӣ ва қабули қарори қонунӣ ба мақомоти ҳифзи ҳуқуқ ирсол карда нашудааст.

Ҳамчунин дар асоси дастури раисҷумҳур, аз ҷониби прокурори генералии Тоҷикистон Юсуф Раҳмонов прокурори Вилояти Мухтори Кӯҳистони Бадахшон Муҳаммад Арбобов ва роҳбарони прокуратураҳои вилоятҳои Суғду Хатлон Шариф Қурбонзода ва Сироҷиддин Нурзода ва ҳам прокурори шаҳри Душанбе Мирзошариф Шарифзода аз вазифа озод шуданд.

63
Барчаспҳо:
интиқод, барканорӣ, фасод, оҷонсии коррупсия, прокуратура, Раҷабалӣ Ширинов, Тоҳир Ҷобирзода, Миллопар Бандишоев, Абдуфаттоҳи Ғоиб, Душанбе
Мавзуъ
Додситонҳои Душанбе, Суғд, Хатлон ва Бадахшон иваз шуданд
Члены движения Талибан, архивное фото

Ғанӣ амр дод, ки то 2 ҳазор маҳбуси Толибонро раҳо шаванд

70
(Таҷдидшуда 11:12 25.05.2020)
Президенти Афғонистон Ашраф Ғанӣ тасмим гирифт, ки тақрибан ду ҳазор маҳбусони толибонро дар посух ба оташбас ба иди Фитр озод кунад

ДУШАНБЕ, 25  май — Sputnik. Президенти Афғонистон Ашраф Ғанӣ амр дод, ки то 2000 нафар аъзои ҷунбиши радикалии Толибон раҳо карда шаванд, гуфт сухангӯи ӯ Седик Седикки.

Қаблан Толибон дар Афғонистон аз қатъи тирпаррониҳо давоми се рӯз ба ифтихори Иди Фитр хабар доданд. Президенти Афғонистон инро истиқбол кард ва изҳор дошт, ки раванди озодшавӣ аз маҳбасҳо ҷонибдорони ҷунбиши радикалии Толибон суръат хоҳад ёфт ва аз Толибон даъват карда шуд, ки раҳоии маҳбусонро низ суръат бахшанд.

"Президент Ғанӣ имрӯз (якшанбе) Ҷараёни раҳо кардани 2000 нафар маҳбусони толибонро ҳамчун иқдоми хайрхоҳона дар посух ба эълони оташбаси онҳо дар замони Иди Фитр оғоз кард. Ҳукумати федералии Афғонистон пешниҳоди сулҳро тавсеа медиҳад ва барои таъмини муваффақияти раванди сулҳ қадамҳои минбаъда меандешад "гуфт Сиддиқӣ дар Твиттер.

Ёдовар мешавем охири моҳи феврал, дар як маросим дар Қатар, ИМА ва гурӯҳи радикалии Толибон аввалин созишномаи сулҳро зарфи беш аз 18 соли ҷанг имзо карданд, ки хуруҷи нерӯҳои хориҷӣ аз Афғонистон дар тӯли 14 ва гуфтугӯи сулҳро пешбинӣ мекунад.

Муколама миёни ҳукумати Ғанӣ ва Толибон моҳи март пас аз раҳоии маҳбусон аз ҳарду ҷониб оғоз шуд.

70
Барчаспҳо:
оташбас, раҳоӣ, маҳбусон, Толибон, Ашрафғанӣ Аҳмадзай, Афғонистон
Пограничный столб. Таджикско-афганская граница.

250 нафар: Тоҷикистон шаҳрвандони Афғонистонро раҳо кард

762
(Таҷдидшуда 15:33 24.05.2020)
Тоҷикистон ҳудуди 250 шаҳрванди Афғонистонро иҷозаи хуруҷ аз марзҳояшро дод. Аксари онҳо донишҷӯёни макотиби олӣ будаанд

ДУШАНБЕ, 24 май — Sputnik. Мӯҷибуллоҳ Маликзода, атташеи фарҳангии сафорати Афғонистон дар Тоҷикистон ба Sputnik Тоҷикистон гуфт, ин афрод рӯзҳои шанбеву якшанбе аз гузаргоҳи марзии "Панҷи поён"-и Тоҷикистон ба "Шерхон Бандар" – и Афғонистон гузаштанд.

Вай афзуд, аксари онҳо донишҷӯёни макотиби олии Тоҷикистонанд.

"Вақте вазорати маорифи Тоҷикистон донишҷӯёнро қабл аз муҳлат рухсат кард, бачаҳои мо ба далели банд будани марзҳо натавонистанд ба хонаҳояшон баргарданд ва мувоҷеҳи мушкилоти молиявӣ шуданд”, - гуфт Мӯҷибуллоҳ Маликзода.

Тибқи иттилои сафорати Афғонистон дар Душанбе, ҳудуди 400 донишҷӯ, унвонҷӯёни магистириву доктори ин кишвар дар макотиби олӣ, магистратураву докторантураҳои Тоҷикистон машғули таҳсилу пажӯҳиш мебошанд. Аз ин теъдод таҳсили 70 нафар бо бурсияи давлати Тоҷикистон сурат мегирад.

Донишҷӯёни Афғонистон дар риштаҳои тиб, иқтисод, сиёсат, молия, муҳандисӣ, фанновариҳои ҷадид ва дигар фанҳо таҳсил мекунанд.

Вазорати маориф ва илми Тоҷикистон ҳанӯз 30 апрели соли ҷорӣ донишҷӯёни курсҳои 1, 2 ва 3-и муассисаҳои таҳсилоти олии касбиро бар асоси бо як қарори Ситоди ҷумҳуриявии пешгирӣ аз паҳншавии бемории "вируси корона" ё COVID-19 рухсат карда буд. 10 май бо як қарори дигар хатмкунандаҳо низ рухсат шуданд.

Дар ҳамин ҳол, бино ба иттилои атташеи фарҳангии сафорати Афғонистон дар Душанбе, ҳудуди 30 нафари дигар, ки инфиродӣ ва ё бо аҳли хонавода дар Тоҷикистон қарор доштанд ва то ба ҳол банд монда буданд, низ муваффақ ба тарки ин кишвар шуданд.

Омори нигаронкунандаи коронавирус дар Афғонистон: 178 фавт ва беш аз 7 ҳазор дардманд

"Инҳо афроде буданд, ки барои тафреҳ, хабаргирии наздикон ва тадовӣ ба Тоҷикистон омада буданд. Вазъи молиявии эшон низ дар ин миён ба вахомат гароид. Хушбахтона, рӯйхати афродро, ки мо ба вазорати мӯҳтарами хориҷаи Тоҷикистон ироа кардем, қабул шуд ва иҷозаи убури марзро доданд. Ҳарчанд рӯзҳои истироҳат буд, марзбонони тоҷик шаҳрвандони моро ба он сӯи дарё интиқол доданд”, - гуфт Мӯҷибуллоҳ Маликзода.

Дар ҳамин ҳол, ин танҳо мавриди вижаи иҷозаи шаҳрвандони Афғонистон аз сӯи ҳукумати Тоҷикистон аст. Марзҳои ду кишвар то замони номаълум дигарбора баста хоҳанд монд.

Тоҷикистон сар аз 16 март охирин гузаргоҳҳои марзиаш бо Афғонистон – "Панҷи поён" – ро баста буд.

762
Барчаспҳо:
донишҷӯён, шаҳрвандон, Афғонистон, Тоҷикистон
Работа российских военных врачей в полевом госпитале Бергамо

Бо даъвати Рустам: груруҳи табибони чинӣ барои мубориза бо коронавирус ба Душанбе омаданд

0
(Таҷдидшуда 11:54 25.05.2020)
Гуруҳи 14 нафара иборат аз табибон, аз ҷумла вирусологҳои чинӣ аз музофоти Шэнсии бо парвози чартерии махсус ба Душанбе омаданд

ДУШАНБЕ, 25 май — Sputnik. Тибқи иттилои дафтари матбуотии шаҳрдорӣ, пизишкони чинӣ бо даъвати Рустами Эмомалӣ барои мубориза бо коронавирус ба Душанбе омаданд.

Ба иттилои манбаъ, ҳамчунин аз чониби Сафоратхонаи Чин ба Тоҷикистон 5 адад дастгоҳи нафасгирии сунъӣ   (ИВЛ) ва аз тарафи  Ҳукумати мардумии музофоти Шенсӣ бошад, 10 адад дастгоҳи нафасгирии сунъӣ (ИВЛ), 2400 баста либоси муҳофизатии яккарата, 9500 адад ниқоби муҳофизатии тиббӣ,  45000 ҷуфт дастпӯшакҳои яккарата, 45000 дона бахил кумак карда шудааст.

Манбаъ мегӯяд, ҷониби Комиссияи ҳамҷаворӣ ва дӯстии Созмони ҳамкориҳои Шанхайи  Ҷамъияти дӯстӣ бо кишварҳои хориҷаи музофоти Шенсӣ зиёда аз 3000 Реагенти кислотаи нукелин барои муайянсозии сирояти коронавирус кумак  расид.

Тибқи иттилои манбаъ, ҳаҷми кумак, дар маҷмуъ, маблағи беш аз 700 ҳазор доллари ИМА-ро ташкил медиҳад.

Баъди карантини 108 миллион кас: ошкоршавии чанд гирифтори коронавирус дар Чин

Гуфта мешавад, тамоми таҷҳизот ва лавозимоти тибии дастрасшуда, ки барои пешгирӣ аз паҳншавии бемориҳои сироятӣ, аз ҷумла  коронавирус COVID-19 таъинот доранд, ҳамчунин барои муолиҷаи гирифторони бемории коронавирус пешбинӣ шудаанд, ба муассисаҳои Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва сохторҳои он дар шаҳри Душанбе супорида шуд.

0
Барчаспҳо:
табибон, Рустами Эмомалӣ, Душанбе, Чин, Тоҷикистон