Бинои порлумони Тоҷикистон. Акс аз бойгонӣ

Нахустин ҷаласаи парлумони ҷадиди ҶТ бидуни мухолифон

8
(Таҷдидшуда 10:11 17.03.2015)
Нахустин ҷаласаи парлумони ҷадиди Тоҷикистон бидуни ширкати аҳзоби мухолиф ва баргузор мешавад.

ДУШАНБЕ, 17 мар — Sputnik. Ҷаласаи нахустини ҳайати ҷадиди Маҷлиси намояндагон, ки ба он вакилони аҳзоби мухолиф интихоб нашуданд, имрӯз баргузор мешавад, хабар медиҳад Радиои Озодӣ.

Тибқи маъмул ҷаласаро бояд куҳансолтарин вакили порлумон ифтитоҳ кунад. Сухангӯйи порлумони Тоҷикистон Муҳаммадато Султонов ба Радиои Озодӣ хабар дод, ки куҳансолтарин вакил дар ҳайъати феълӣ раҳбари Ҳизби сотсиалистӣ Абдуҳалим Ғаффоров мебошад, ки 63 сол дорад.

"Дар ҷаласаи нахустин умдатан масоили ташкилӣ, аз ҷумла таъсиси комитетҳо ва комиссияҳои порлумонӣ баррасӣ мешаванд. Мавзӯъи аслӣ — интихоби раиси Маҷлиси намояндагон мебошад", — таъкид кард сухангӯй.

Тибқи қавоиди нонавишта маъмулан ин симмат ба намояндаи шарқи кишвар вогузор мешавад. Панҷ соли ахир раиси Маҷлиси намояндагон Шукурҷон Зуҳуров, зодаи минтақаи Рашт, намояндаи ҳизби ҳокими халқи демократ буд, ки муҷаддадан аз ҳавзаи интихоботии Рашт вакил интихоб шуд.

Ба навиштаи хабаргузории Азия-Плюс, ба ҷаласаи нахустин ҳузури хабарнигорон иҷоза дода намешавад. Маркази матбуотии Маҷлиси намояндагон хабар дод, ки чунин тасмим аз сӯйи дафтари раёсати ҷумҳурӣ гирифта шудааст.

"Чун ҷаласаи нахустин бо ширкати Эмомалӣ Раҳмон баргузор мешавад, ба ин масоил кормандони маркази матбӯъотӣ машғул буданд. Ин масъала аз мо бастагӣ надорад, вале дар ҷаласоти оянда мо ҳамаи хабарнигорон, аз ҷумла намояндагони васоити оммаи мустақил ва хориҷиро даъват мекунем", — гуфт Муҳаммадато Султонов.

Бояд зикр кард, ки дар тӯли 20 соли ахир ин барои бори нахуст аст, ки ба ҷаласаи нахустини ҳайъати ҷадиди порлумон намояндагони расонаҳои мустақил ва хориҷӣ роҳ дода намешаванд. Аз соли 1995 дар ҳамаи ҷаласаҳои нахустини ҳайъатҳои ҷадиди Маҷлиси намояндагон, ки маъмулан бо ширкати раиси ҷумҳури кишвар баргузор мешаванд, намояндагони расонаҳо ҳамеша ширкат доштанд.

8
Барчаспҳо:
парлумон, ҷаласаи нахустин, Маҷлиси намояндагон, Муҳаммадато Султонов, Шукурҷон Зуҳуров, Тоҷикистон
Мавзуъ
Натиҷаҳои ниҳоии интихобот аз сӯи КМИРТ эълон шуд
Шӯрои сиёсии ҲНИТ: “интихобот ношаффоф ва ғайриозод буд”
Раҳмон: интихобот мардумро бояд бештар сарҷамъ кунад
Свечка, архивное фото

Сайфиддин Тӯраев собиқ номзади президентӣ аз олам даргузашт

1506
(Таҷдидшуда 12:26 30.05.2020)
Сайфиддин Тӯраев, сиёсатмадори варзидаи тоҷик ва аз номзадҳои собиқи курсии президентӣ дар Тоҷикистон, имрӯз дар синни 75 солагӣ дар зодгоҳаш шаҳри Истаравшан даргузашт

ДУШАНБЕ, 30  май — Sputnik. Хабари даргузашти Сайфиддин Тӯраевро, дар ҳукумати шаҳри Истаравшан тасдиқ карданд.

Акбар Маърупов, роҳбари дастгоҳи раиси шаҳри Истаравшан дар суҳбат ба Sputnik Тоҷикистон гуфт, Тӯраев бар асари бемории қалб дар синни 75 солагӣ дар манзилаш даргузашт.

"Вақтҳои охир аз бемории қалб ранҷ мебурданд. Имрӯз рӯзашон буд шуд ва дунёро падруд гуфтанд", - гуфт Маърупов.

Сайфиддин Тӯраев, аз элитаҳои сиёсии Тоҷикистон дар солҳои 1990 - ум дониста мешавад. Ӯ ҳамроҳ бо Раҳмон Набиев, Давлат Худоназаров, Бурихон Салимов, Бобишо Шоев ва чанде дигар аз сиёсатмадорони вақт аз номзадҳои аввалин интихоботи президентӣ дар соли 1991 ба ҳисоб мераванд, ки шумори аз овози тарафдорони худро ба даст овардаанд.

Тӯраев дар интихоботи соли 1999 бори дигар ҳам номзад баргузида шуд, вале барои иштирок дар ин маъракаи сиёсӣ комёб нашуд.

Баъди ин ӯ, аз саҳнаи сиёсат канор рафт ва рӯ ба тиҷорат овард.

Бино ба иттилоъи сарчашмаҳои таърихӣ Сайфиддин Тӯраев, дар соли 1945 дар шаҳри Истаравшан ба дунё омада, соли 1973 Донишакадаи нассоҷии Маскав ва Академияи хоҷагии халқи вобастаи Шӯрои Вазирони СССР-ро хатм кардааст.

То солҳои 1986 ба сифати коргари оддӣ, устои баст ва мудири Фабрикаи трикотажи шаҳри Ӯротеппа кор кардааст.

Солҳои 1986-89 вазири хидмати маишии Тоҷикистон буд.

Солҳои 1991-92 – ноиби аввали раиси Шӯрои Олии Тоҷикистон интихоб шуда, моҳи октябри соли 1999 – номзади интихоботи раёсатҷумҳурии Тоҷикистон.

Ӯ оиладор ва соҳиби 6 фарзанд аст. Бино ба гуфтаи роҳбари дастгоҳи шаҳри Истаравшан қарор аст, имрӯз маросими хоксупории Тӯрев соати 16:00 баргузор гардад.

1506
Барчаспҳо:
Тоҷикистон, даргузашт
Министры иностранных дел России и Таджикистана Сергей Лавров и Сироджиддин Аслов

Нотаи Тоҷикистон ба Русия: Душанбе тарафи сеюмро дар марз номақбул хонд

2143
(Таҷдидшуда 21:05 29.05.2020)
Вазорати умури хориҷии Тоҷикистон изҳороти Сергей Лавров, вазири умури хориҷии Русия дар мавриди миёнаравӣ дар масоили марзи Тоҷикистону Қирғизистонро номақбул хонда, таъкид кардааст, ки гуфтушунидҳои марзӣ кори дохилии ду давлат мебошад

ДУШАНБЕ, 29  май — Sputnik. Вазорати умури хориҷии Тоҷикистон 29 май бо ирсоли як нота ба Вазорати умури хориҷии Русия пешниҳоди миёнаравии Сергей Лавровро ғайри қобили қабул хондаст.

Душанбе дар нота ба унвонии Маскав инчунин таъкид кардааст, ки масъалаи марз дар ҷаласаи Шӯрои вазирони умури хориҷии СПАД баррасӣ нашуда буд, ки баъдан Лавров дар бораи он изҳори назар кард.

Тоҷикистон дар нота унвонии Русия баён доштаст, ки ҷалби тарафи сеюмро ба ҷараёни гуфтушунид дар масоили марзии Тоҷикистону Қирғизистонро мувофиқи мақсад намедонад.

Таъкид шуд, масоили аломатгузорию муайянсозии марз кори дохилии кишварҳои узви СПАД буда, танҳо тариқи дуҷониба амалӣ мешавад.

ВУХ афзуд, ба самъи ҷониби Русия расонда шуд, ки гуфтушунидҳои марзии Тоҷикистону Қирғизистон мунтазам дар доираи Комиссияи байниҳукуматӣ бо такя ба таҷрибаи пешрафтаи ҷаҳонию воситаҳои ҳуқуқӣ амалӣ мешаванд.

Қаблан Сергей Лавров, вазири умури хориҷии Русия дар пайи ҷаласаи СПАД зимни нишасти матбуотӣ аз Тоҷикистон ва Қирғизистон даъват кард, ки дар марз аз истифодаи силоҳ даст кашанд ва Русия омода аст, ҳамчун миёнрав бошад.

"Ин вазъ дар марзи Тоҷикистону Қирғизистон, мутаассифона бори аввал нест. Мо аз шариконамон даъват меорем, ки онҳо роҳи маслиҳатомезро пеш гиранд ва ҳарчи тавонанд аз истифодаи қувва худдорӣ кунанд. Мо омодаем ҳамчун миёнрав хизмат кунем. Ҳарчи зудтар вазъият ба эътидол ояд, ҳарчи беҳтар аст. Дар ин бора имрӯз ба дӯстонамон ҳам гуфем", - таъкид кардааст Лавров.

Ин дар ҳолест, ки  24 май дар марзи Тоҷикистону Қирғизистон таниши навбатӣ ба миён омад, ки дар натиҷа ҷавонзани 25-сола шаҳрванди Тоҷикистон маҷруҳ шуд.

2143
Барчаспҳо:
Тоҷикистон
Рабочая встреча под председательством Исфаринского района по эпидемиологической ситуации и профилактике заболевания

Ҷаласаи ситоди сайёр дар Суғд: дар Ҷаббор Расулов сироят ба вируси корона коҳиш ёфт

0
(Таҷдидшуда 12:27 01.06.2020)
Дар ҷаласаи ситоди сайёри вилояти Суғд раиси ноҳияи Ҷаббор Расулов, муовинони раиси ноҳия, роҳбарони сохторҳои қудратӣ, раисони ҷамоатҳо, сардухтур ва роҳбарони корхонаҳои саноатии ноҳия иштирок карданд

ДУШАНБЕ, 1 июн – Sputnik. Дар ноҳияи Ҷаббор Расулов ситоди сайёри назди Раиси вилоят оид ба вазъи эпидемологӣ ва пешгирии паҳншавии бемории COVID-19 баргузор шуд, иттилоъ додааст дафтари матбуоти мақомоти вилояти Суғд.

Дар ҷаласаи корӣ раиси ноҳия таъкид карадааст, ки аз ҷониби мақооти кишвар барои солимии ҷомеъа тамоми шароитҳо фароҳам оварда шудааст.

Ҳамзамон, дар машварати корӣ ба Раиси вилоят хабар доданд, ки дар ноҳияи Ҷаббор Расулов вазъи эпидемологӣ таҳти назорати кормандони соҳаи тиб қарор дорад.

Ҳамзамон қайд карда шуд, ки барои фаъолияти табибон дар беморхонаҳо ва табибони оилавӣ барои пешгирии сироятёбӣ тадбирҳои зарурӣ андешида шудааст.

“Дар натиҷа ҳоло сироятёбии сокинон ба бемории COVID - 19 дар ноҳияи Ҷаббор Расулов ру ба пастрави ниҳода дар ҳолати коҳишёбӣ арзёбӣ карда шуд”, - таъкид доштааст раиси ноҳияи Ҷаббор Расулов.

Ҳамзамон аз ҷониби Раиси вилоят дастур дода шуд, ки дорувориҳои зарурӣ, корҷома, ниқоб ва маводҳои антисептикӣ ҳадди ақал барои се моҳ захира карда шавад.

Ҳамчунин ба раисони ҷамаотҳо ва фаъолон супориш дода шуд, ки байни мардум ташвиқоту тарғиботи пешгирии бемориро пурзур намоянд ва гаштугузор, баромадан аз хона, бе ниқоби муҳофизатӣ манъ карда шавад.

“Меъёрҳои нигоҳ доштани фосила риоя гардад, зеро риоя нагардидани қоидаҳои санитари гигенӣ боиси паҳншавии беморӣ мегардад. Барои харидории маводи рӯзгор аз хизматрасониҳои дастарас истифода намоянд. Дар марказҳои саломатӣ барои фавран расонидани машваратҳои тиббӣ тариқи Онлайн чораҷӯи намуда, фаъолияти баландгӯякҳо барои огоҳонидани мардум мунтазам ба роҳ монда шавад”, - таъкид доштааст раиси вилояти Суғд Раҷаббой Аҳмадзода.

Инчунин раиси вилоят барои пурзӯр кардани корҳои безараргардони ва саривақт бартараф кардани манбаъҳои пайдоиш ва паҳншавии беморӣ, ба масъулин дастур дод, ки дар ин самт корҳоро бо ҳам бештар намоянд.

«Аз кохишёбии сироятёби бемори форигболи накрда корхои ташвикоти дар бозору магоза таквият дода шавад. Зеро пастшавии сироятёби холо пурра бартараф ёбии бемори нест. Сокинонро зарур аст пеш аз ҳама аҳли оилаи худ ва ҷомеаро аз сироятёбӣ ва паҳншавии бемории COVID-19 эҳтиёт намоянд. Аз ҳар гуна ҷамъомадҳо ва барпо кардани маракаҳои хонаводагӣ худдори намоянд”, -гуфт Аҳмадзода.

Ҳамзамон дар машварати корӣ масъалаҳои кишоварзӣ, аз ҷумла саривақт гузаронидани кишти картошка, мувофиқи агротехникаи парвариши пахта, ба роҳ мондани нашъу намои пахта ва фаъолияти мунтазами корхонаҳои саноатӣ ва пойгоҳҳи обкашӣ мавриди баррасӣ қарор гирифт.

0
Барчаспҳо:
ноҳия, корхона, ситод, раис, муовин, Ҷаббор Расулов, Тоҷикистон, Суғд