Дик Чейни. Акс аз бойгонӣ

Дик Чейни: Обама ин фоҷиъаи ИМА аст

3
(Таҷдидшуда 17:28 18.03.2015)
Сиёсатмадори саршиноси амрикоӣ раҳбари феълии Кохи сафедро бадтарин раиси ҷумҳур дар миёни ҳамаи президентҳои собиқи ин кишвар дониста изофа кард, ки Обама дар посух ба интиқодоти зиёди мухолифонаш бидуни далеле аз “қорти қавмӣ” истифода мекунад.

ДУШАНБЕ, 18 мар — Sputnik. Дик Чейни, муъовини собиқи раиси ҷумҳурии ИМА дар мусоҳиба бо маҷаллаи Playboy аз фаъолият ва сиёсати Барак Обама интиқоди сангин кард, хабар медиҳад РИА Новости.

"Ба Барак Обама менигараму бешубҳа бадтарин раиси ҷумҳур аз миёни ҳамаи руасое, ки ман дидаам, мебинам. Замоне буд, ки ман шадидан аз Ҷими Картер интиқод мекардам, вале вай ба ҳеҷ ваҷҳ бо Обама қиёс намешавад ва ин зараре, ки вай ба кишвар мерасонад — ин фоҷиъа аст, фоҷиъаи воқеъӣ ва моро зарур меояд, ки қиммате ҳангуфтеро пардохт кунем, то аз ин ҷарие, ки дар замони раёсати Обама ба он афтодем, берун биоем", — гуфт Чейни.

Ба эътиқоди сиёсатмадори амрикоӣ, раҳбарони ояндаи Иёлоти Муттаҳида аз имконоти кофӣ барои муқобала бо таҳдидот ва хатарот бархурдор нахоҳанд буд, зеро талафоти бештар зимни раҳбарияти Барак Обама ва тими вай ба арсаи тавлидоти низомӣ расонида шуд — "дар бахши зеҳнӣ, молӣ ва сармоягузории давлатӣ".

Дик Чейни ҳамчунин изҳор дошт, ки Обама ва додситони кулл Эрик Холдер ба ҳангоми шунидани интиқодоти мухолифон аз "қорти қавмӣ" истифода мекунанд, вале ба гуфтаи Чейни, ҳар дуи онҳо "сазовори интиқодот барои бесалоҳиятӣ ва амал накардан ҳастанд" ва ранги пӯст ин ҷо ҳеҷ нақше надорад.

3
Барчаспҳо:
интиқодот, Кохи сафед, Дик Чейни, Барак Обама, ИМА
Мавзуъ
Обама: қатли Немтсов- нишонаи бад шудани вазъи озодӣ дар Русия
Обама гуфт, ИМА бо ислом ҷанг намекунад
Истифодаи никнейми “Обама” ва “Путин” дар Чин мамнуъ шуданд
Ба эътирофи Обама ИМА барои тағйири ҳукумат дар Украина мусоидат кард
Голфбозии Обама базми арӯсиро халадор кард
Министр иностранных дел РФ Сергей Лавров

Лавров дар бораи танишҳо дар марзи Тоҷикистону Қиғизистон: Русия омодаи кӯмак аст

392
(Таҷдидшуда 19:58 26.05.2020)
Вазири умури хориҷаи Русия Сергей Лавров аз Тоҷикистону Қирғизистон даъват кардааст, ки дар марз аз истифодаи нерӯ худдорӣ кунанд

ДУШАНБЕ, 26 мая — Sputnik. Ҷониби Русия аз Тоҷикистон ва Қирғизистон даъват меорад, ки дар марз аз истифодаи силоҳ даст кашанд ва омода аст, ки ҳамчун миёнрав хизмат кунад. Дар ин боравазири умури хориҷии Русия Сергей Лавров баъди нишасти вазирони умумири хориҷа дар ҷаласаи СПАД гуфтааст.

 "Ин вазъ дар марзи Тоҷикистону Қирғизистон, мутаассифона бори аввал нест. Мо аз шариконамон даъват меорем, ки онҳо роҳи маслиҳатомезро пеш гиранд ва ҳарчи тавонанд аз истифодаи қувва худдорӣ кунанд. Мо омодаем ҳамчун миёнрав хизмат кунем. Ҳарчи зудтар вазъият ба эътидол ояд, ҳарчи беҳтар аст. Дар ин бора имрӯз ба дӯстонамон ҳам гуфем", - таъкид кардааст Лавров.

Ёдрас мешавем, 24 май бар марзи Тоҷикистону Қирғизистон таниши навбатӣ ба миён омад. Марбонони ҳарду кишвар тир кушоданд.

Марзбонии ду давлат ҳодисаро гуногун тавзеҳ доданд.

Фаврӣ: тирандозӣ дар марзи Тоҷикистону Қирғизистон дар рӯзи ид

Қирғизистон сокинони Ворухро дар гузаштан ба минтақаи қирғизҳо барои чарронидани чорво муттаҳам кард, аммо ба иттилои КДАМ Тоҷикистон баръакс, чӯпонҳои қирғиз дар ҳудуди деҳаи Пули Офтобрӯяи ҷамоати деҳоти Ворухи шаҳри Исфара, ки бо деҳаи қирғизнишини Мойнок ҳамсарҳад мебошад, вориди қаламрави Тоҷикистон гардида, ба муноқишаи навбатӣ бо сокинони наздимарзии ҶТ даст заданд.

392
Члены движения Талибан, архивное фото

Ғанӣ амр дод, ки то 2 ҳазор маҳбуси Толибонро раҳо шаванд

150
(Таҷдидшуда 11:12 25.05.2020)
Президенти Афғонистон Ашраф Ғанӣ тасмим гирифт, ки тақрибан ду ҳазор маҳбусони толибонро дар посух ба оташбас ба иди Фитр озод кунад

ДУШАНБЕ, 25  май — Sputnik. Президенти Афғонистон Ашраф Ғанӣ амр дод, ки то 2000 нафар аъзои ҷунбиши радикалии Толибон раҳо карда шаванд, гуфт сухангӯи ӯ Седик Седикки.

Қаблан Толибон дар Афғонистон аз қатъи тирпаррониҳо давоми се рӯз ба ифтихори Иди Фитр хабар доданд. Президенти Афғонистон инро истиқбол кард ва изҳор дошт, ки раванди озодшавӣ аз маҳбасҳо ҷонибдорони ҷунбиши радикалии Толибон суръат хоҳад ёфт ва аз Толибон даъват карда шуд, ки раҳоии маҳбусонро низ суръат бахшанд.

"Президент Ғанӣ имрӯз (якшанбе) Ҷараёни раҳо кардани 2000 нафар маҳбусони толибонро ҳамчун иқдоми хайрхоҳона дар посух ба эълони оташбаси онҳо дар замони Иди Фитр оғоз кард. Ҳукумати федералии Афғонистон пешниҳоди сулҳро тавсеа медиҳад ва барои таъмини муваффақияти раванди сулҳ қадамҳои минбаъда меандешад "гуфт Сиддиқӣ дар Твиттер.

Ёдовар мешавем охири моҳи феврал, дар як маросим дар Қатар, ИМА ва гурӯҳи радикалии Толибон аввалин созишномаи сулҳро зарфи беш аз 18 соли ҷанг имзо карданд, ки хуруҷи нерӯҳои хориҷӣ аз Афғонистон дар тӯли 14 ва гуфтугӯи сулҳро пешбинӣ мекунад.

Муколама миёни ҳукумати Ғанӣ ва Толибон моҳи март пас аз раҳоии маҳбусон аз ҳарду ҷониб оғоз шуд.

150
Барчаспҳо:
оташбас, раҳоӣ, маҳбусон, Толибон, Ашрафғанӣ Аҳмадзай, Афғонистон
Девушка в наручниках, фото из архива

Боздошти зане, ки бо як зарби корд шавҳарашро захмӣ кард

0
(Таҷдидшуда 13:35 27.05.2020)
Вазорати умури дохилии Тоҷикистон аз боздошти як ҷавонзани 19 сола дар вилояти Суғд хабар медиҳад, шавҳарашро бо як зарби корд захми кардааст

ДУШАНБЕ, 27  май — Sputnik. Бино ба иттилои дафтари матбуотии ин ниҳод, дар пайи гузаронидани чорабиниҳои оперативӣ-ҷустуҷӯӣ ҷавонзани 19-солаи сокини шаҳраки Ғафурови ноҳияи Б.Ғафуров ҳамчун гумонбар дар қасдан расонидани зарари вазнин ба саломатӣ дастгир карда шуд.

Ба иттилои манбаъ, номбурда, санаи 19-уми майи соли 2020, тахминан соати 23:30-дақиқа, ҳангоми дар хонаи истиқоматии ҳамзисташ ҷавони 20-солаи сокини ноҳияи Исфара қарор доштанаш, аз сабаби муноқишаи ба миёномада, бо корди хоҷагӣ 1-маротиба ба тарафи чапи қафаси синаи ҷабрдида задааст.

Аммо вазорат шарҳ надодааст, ки ҷавонзан шавҳарашро дар пайи  чи баҳс  захмӣ кардааст.

Манба мегӯяд, дар натиҷа, ҷабрдида ҷароҳати вазнини ҷисмонӣ бардошта, дар беморхона бистарӣ шудааст.
ВУД мегӯяд, нисбати гумонбаршаванда парвандаи ҷиноятӣ бо моддаи 110 қисми 1 Кодекси ҷиноятии Ҷумҳурии Тоҷикистон оғоз карда шуда, тафтишот идома дорад.

0
Барчаспҳо:
захмӣ, шавҳар, корд, зан, боздошт, ВКД, Суғд, Тоҷикистон