Ҷаласаи СПАД. Акс аз бойгонӣ

Нишасти Шӯрои вазирони хориҷии СПАД дар Душанбе оғоз шуд

15
(Таҷдидшуда 10:34 02.04.2015)
Ҷаласаи Шӯрои вазирони умури хориҷии кишварҳои узви Cозмони Паймони Амнияти Дастаҷамъӣ, ки дар Душанбе идома дорад, аз мулоқот бо раиси ҷумҳури Тоҷикистон Эмомалӣ Раҳмон оғоз шуд.

ДУШАНБЕ, 2 апр — Sputnik. Вазирони умури хориҷии кишварҳои узви Созмони Паймони Амнияти Дастаҷамъӣ дар Душанбе ҳузур доранд ва субҳи панҷшанбеи 2 апрел бо Эмомалӣ Раҳмон, раиси ҷумҳури Тоҷикистон мулоқот карданд, менависад "Радиои Озодӣ".

Хабарнигори "Озодӣ" аз "Қасри Миллат" хабар додааст, ки қабл аз оғози иҷлосияи Шӯрои вазирони кишварҳои аъзои Созмони Паймони Амнияти Дастаҷамъӣ, раиси ҷумҳури Тоҷикистон раҳбарони ниҳодҳои дипломатии Арманистон, Белорус, Қазоқистон, Қирғизистон ва Русия Эдвард Налбандян, Владимир Макей, Ерлан Идрисов, Абдилдаев Эрлан Бекешович ва Сергей Лавровро ба ҳузур пазируфт.

Ба дунболи ин мулоқот, вазирони умури хориҷии кишварҳои аъзои Созмони Паймони Амнияти Дастаҷамъӣ ба Бӯстонсарои ҳукуматӣ — маҳали баргузории иҷлоси Шӯрои вазирони кишварҳои узви СПАД рафтанд, гуфтааст хабарнигор радио.

Вазорати умури хориҷии Тоҷиистон қаблан иттилоъ дода буд, ки мавзӯи меҳварии ҷаласаи Шӯрои вазирони хориҷии кишварҳои аъзои Созмони Паймони Амнияти Дастаҷамъӣ, баҳси пешгирии хатар ва чолишҳои муосир дар минтақа, мебошад. Ҷаласаи Шӯрои вазирони корҳои хориҷии давлатҳои аъзои Созмони Паймони Амнияти Дастаҷамъӣ таҳти раёсати вазири корҳои хориҷии Тоҷикистон Сироҷидин Аслов баргузор мегардад.

Барои иштирок дар ҷаласаи Шӯрои вазирони корҳои хориҷии СПАД намояндаи амалкунандаи САҲА — вазири корҳои хориҷии Сербия Ивича Дачич, роҳбари Маркази минтақавии СММ доир ба дипломатияи боздоранда дар Осиёи Марказӣ Мирослав Енча ва директори Маркази САҲА доир ба пешгирии низоъҳо Адам Кобератский, даъват шудаанд. Дар ин нишаст дабири кулли СПАД Николай Бордюжа низ ҳузур дорад.

Ба иттилои вазорати умури хориҷии Тоҷикистон, дар рӯзномаи ҷаласаи Шӯрои вазирони корҳои хориҷаи СПАД тасдиқи нақшаи машварати намояндагони давлатҳои аъзои ин созмон доир ба сиёсати хориҷӣ, амният ва мудофиа дар нимаи дуюми соли 2015 ва нимаи аввали соли 2016, ба нақша гирифта шудааст.

15
Барчаспҳо:
Бӯстонсарои ҳукуматӣ, Қасри миллат, субот, амният, баррасӣ, 2 апрел, оғоз, ҷаласа, СПАД, Сироҷиддин Аслов, Тоҷикистон
Мавзуҳо:
Шӯрои вазирони умури хориҷаи СПАД хостори таҳкими марзи ҶТ аст (5)
Мавзуъ
Гурӯҳи кории СПАД оид ба Афғонистон 3 апрел дар Тоҷикистон ҷамъ меоянд
Раҳмон ва Бордюжа авлавиятҳои СПАД-ро баррасӣ мекунанд
Намояндагони СПАД масоили муҳоҷирати ғайриқонуниро баррасӣ мекунанд
СПАД фаъолшавии "Давлати Исломӣ"-ро бе посух нахоҳад гузошт
Председатель Совета Федерации РФ Валентина Матвиенко и глава палаты парламента Таджикистана Рустам Эмомали

Муҳоҷиру пулу гӯшаи тоҷикон: натиҷаҳои нахустсафари расмии Рустами Эмомалӣ ба Маскав

1318
(Таҷдидшуда 21:09 25.11.2020)
Нахустин сафари расмии Рустами Эмомалӣ дар Маскав, ки зимни он ба ҳайси раиси Маҷлиси миллӣ бо аъзои парлумони Русия ва ба ҳайси шаҳрдори Душанбе бо Сергей Собянин мулоқот кард, анҷом ёфта истодааст

ДУШАНБЕ, 25 ноя — Sputnik. Зимни ҷаласаи муштарак Валентина Матвиенко, раиси палатаи болоии парлумон ва Рустами Эмомалӣ самтҳои асосии ҳамкории ду кишвар – саноат, тиҷорат ва ҳамкории минтақаваиро муайян намуданд.

Раиси Маҷлиси миллӣ гуфт, гарчанде Русия тайи солҳои зиёд шарики асосии тиҷории Тоҷикистон мебошад (гардиши мол тайи 8 моҳи 2020 ҳудуди 720 миллион доллар), имкониятҳои истифоданашудаи ҳамкорӣ ҳанӯз зиёданд.

“Ҳиссаи сармоягузориҳои мустақими Русия ҳанӯз ҳам ба имконоти мавҷуда ҷавобгӯй набуда, зарфиятҳои ҳамкории иқтисодии Русия ва Тоҷикистон пурра истифода нашуда истодааст”, - изҳор дошт ӯ.

Валентина Матвиенко дар навбати худ аҳамияти сафари раиси палатаи болоии парлумони Тоҷикистонро таъкид карда, афзуд, ки он таконе барои рушди ҳамкориҳои дуҷонибаи Тоҷикистону Русия хоҳад шуд.

Ба гуфтаи ӯ, яке аз монеаҳои асосии рушди ҳамкориҳои иқтисодии дуҷониба коғазбозиҳои зиёд ва расмиёти мураккаб мебошад.

“Бюрократияи зиёдатию таъхиркориҳо монеи рушди ҳамкорӣ дар ин бахш мебошанд. Барои ин ба хулоса расидем, ки як роҳҳалро таҳия кунем. Тариқи кумитаҳои соҳавӣ ҳамоҳангсозиро вусъат бахшида, заминаи ҳуқуқию шартномавиро таҳким мебахшем”, - изҳор дошт раиси Шӯрои Федератсия.

Ба гуфтаи ӯ, миёни Душанбе ва Маскав баъзе нофаҳмиҳо дар масъалаи устуворсозии заминаи ҳуқуқӣ-шартномавӣ вуҷуд дорад. Ва аъзои парлумони ду кишвар метавонанд барои ҳамоҳангӣ ва тезондани тасвиби ҳуҷҷатҳо созиш кунанд.

Рустами Эмомалӣ инчунин бо ноиби раиси Ҳукумати Русия, Алексей Оверчук, ки ҳамраисии Комиссияи байниҳукуматии Тоҷикистону Русия дар умури ҳамкориҳои иқтисодиро низ ба уҳда дорад, мулоқот намуд.

Таваҷҷуҳи махсус ба ҳамкориҳои тиҷоратию иқтисодӣ равона карда шуд. Аз ҷумла Оверчук ва Рустами Эмомалӣ ҳамкорӣ дар бахши куҳкорӣ, саноати коркард, бахши энергетикаю сӯзишворӣ ва хоҷагии қишлоқро баррасӣ намуданд.

Масъалаи содироту воридоти маҳсулоти ғизоӣ, аз ҷумла меваю сабзавот аз мавзӯъҳои меҳварии мулоқот буд.

Албатта ҷонибҳо соҳаи гуманитариро низ бетаваҷҷуҳ нагузоштанд. Рустами Эмомалӣ бо аъзои парлумони Русия масоили вусъат бахшидани сохтмони макотиби русӣ дар Тоҷикистонро ба миён гузошту Валентина Матвиенко аз Рустами Эмомалӣ хост ба ҷавонон таваҷҷуҳ дода шавад.

“Ман ҷонибдори барқарорсозии ҳарчи зудтари ҳамкориҳо дар бахшҳои гуманитарӣ, афзоиш дар бахши фарҳангу маориф, варзиш ва албатта ҷавононам”, - таъкид кард раиси Шӯрои Федератсия. Ӯ давом дод, ки дар дунё созмону ҳаракатҳои ифротию террористӣ зиёданд, ки барои мағзи ҷавонон талош мекунанд. Мо бояд пешдастӣ кунем, тариқи табодули таҷриба бояд ҳарчи бештар лоиҳаҳо ва маъракаҳоро амалӣ созем.

Аз ҷумлаи иқдоми мушаххас пешниҳод гардид, ки дар 20-солаи наздик теъдоди намояндагиҳои донишгоҳҳои Русия дар Тоҷикистон афзоиш дода шавад. Таъкид гардид, ки дар заминаи макотиби Маскав барои омӯзгорони забони русии макотиби Душанбе ва дар заминаи беморхонаҳо барои табибони тоҷикистон курсҳои такмили ихтисос гузаронда шаванд.

Барои Рустами Эмомалӣ дар мулоқот бо аъзои парлумон ва ҳукумати Русия масъалаи муҳоҷирони меҳнатӣ буд. Ӯ дар бораи расмиёти содаи ҷалби муҳоҷирони тоҷик ба кор, барқарорсозии парвозҳо ва пешгирии паҳншавии коронавирус миёни муҳоҷирон суҳбат кард.

Масъалаи муҳоҷиронро инчунин дар мулоқот бо ҳамтои русиягияш, Сергей Собянин низ баррасӣ намуданд.

Зимни гуфтушунид густариши ҳамкориҳо дар бахши тиҷорату иқтисод фарҳангу гуманитарӣ ва роҳандозии равобити бевосита миёни хоҷагидорон баррасӣ шудаанд.

Собянин ва Рустами Эмомалӣ зарурати афзоиши ҳамкорӣ дар бахши маориф, тандурустӣ, сайёҳӣ ва навсозии техникию моддии хоҷагиҳои коммуналиро таъкид намудаанд.

Инчунин ба иттилои котиботи шаҳрдории Маскав, ҷонибҳо таъсиси гӯшаи Тоҷикистон дар намоишгоҳи “ВДНХ”-ро баррасӣ кардаанд, ки дар он ҷо аз соли 1939 то 1965 вуҷуд дошт.

Натиҷаи музокирот имзои Барномаи ҳамкорӣ барои солҳои 2020 – 2023 миёни Маскав ва Душанбе шуд.

Дар баробари мулоқот бо Матвиенко, Собянин ва Оверчук, раиси Маҷлиси миллии Тоҷикистон бо раиси Думаи давлатии Русия, Вячеслав Володин музокироти телефонӣ анҷом дод.

Зимни суҳбат аз ҷумла баргузории Ассамблеяи парлумонии Созмони аҳдномаи амнияти дастаҷамъӣ дар шаҳри Душанбе баррасӣ гардидааст, ки санаи эҳтимолии он охири марти соли 2021 мебошад.

1318
Барчаспҳо:
мулоқот, Русия, Тоҷикистон
Вячеслав Володин, раиси Думаи давлатии Русия, акс аз бойгонӣ

Раиси Маҷлиси миллӣ дар Маскав бо Володин телефонӣ суҳбат кард

423
(Таҷдидшуда 20:06 25.11.2020)
Рустами Эмомалӣ, раиси Маҷлиси миллии Тоҷикистон, бо Вячеслав Володин, раиси Думаи давлатии Русия гуфтушунид кард

ДУШАНБЕ, 25 ноя – Sputnik. Раиси Маҷлиси миллии Тоҷикистон зимни сафараш дар Маскав бо раиси Думаи давлатии Русия, Вячеслав Володин музокирот анҷом дод.

Тибқи иттилои котиботи Думаи давлатии Русия, муколамаи Рустами Эмомалӣ ва Вячеслав Володин ба воситаи занги телефонӣ амалӣ шуд.

Таъкид шудааст, ки зимни суҳбат ҷонибҳо масоили ҳамкориҳои байнипарлумониро баррасӣ кардаанд.

Аз ҷумла эҳтимоли баргузории Ассамблеяи парлумонии Созмони аҳдномаи амнияти дастаҷамъӣ дар шаҳри Душанбе баррасӣ гардидааст. Санаи эҳтимолии баргузории ин ҳамоиш охири марти соли 2021 мебошад.

Инчунин хабар дода шуд, ки Рустами Эмомалӣ аз Вячеслава Володин даъват кард, ки аз Тоҷикистон боздид намояд.

Қаблан раиси Маҷлиси миллии Тоҷикистон бо Александр Жуков, муовини аввали раиси Думаи давлатии Русия мулоқот намуда, масоили гуногун, аз ҷумла муҳоҷират ва тиҷорату иқтисодро баррас кард.

423
Барчаспҳо:
гуфтушунид, мулоқот, Русия, Тоҷикистон
КамАЗ, акс аз бойгонӣ

Садамаи маргбор: ронандаи "КАМАЗ" пиёдагардро пахш кард

0
(Таҷдидшуда 11:08 27.11.2020)
Вазорати умури дохилаи Тоҷикистон аз садамаи нақлиётӣ дар ноҳияи Шаҳринав хабар медиҳад, ки боиси ба ҳалокат расидани як пиёдагард шуд

ДУШАНБЕ, 27 ноя — Sputnik. Тибқи иттилои Вазорати корҳои дохилӣ, ҳодисаи мудҳиш рӯзи 26-уми ноябр, тахминан соати 10:30-дақиқа, рух додааст.

Гуфта мешавад, ронандаи худрави тамғаи "КАМАЗ-ХОВА" аз уҳдаи идораи нақлиёт набаромада пиёдагардро пахш намудааст.

Маҳмадаминов дар садамаи нақлиётӣ ҷон бохт: ду мусофири дигар ба беморхона интиқол ёфтанд

Ронанда Бобоев Навруз Бобоевичи сокини  32 - сола, дар шоҳроҳи Душанбе - Турсунзода, ҳангоми ба қафо ҳаракат намудан бо қисми қафои чархи мошин, пиёдагард - сокини ноҳияи Шаҳринав Пиров Нарзиқул Остонқуловичи 59 - соларо пахш кардааст.

Бархӯрди маргбор: садама дар шоҳроҳи "Душанбе-Хоруғ" ҷони ду кӯдак ва ронандаро гирифт

"Дар натиҷа, пиёдагард Пиров Н.О. ҷароҳатҳои вазнини ҷисмонӣ бардошта, дар беморхона ба ҳалокат расидааст", - омадааст дар хабарнома.

Манбаъ афзудааст, ки аз рӯи ҳодисаи мазкур таҳқиқот идома дорад.

0
Барчаспҳо:
маргбор, ҳалокат, садама, ВКД ҶТ