Эмомалӣ Раҳмон дар ҷаласаи Шӯрои вазирони умури хориҷаи кишварҳои узви СПАД дар Душанбе 2 апрели соли 2015

Ҷалби таваҷҷӯҳи роҳбарони ВУХ СПАД ба ифротгароӣ

11
(Таҷдидшуда 15:20 08.09.2015)
Райисҷумҳури Тоҷикистон таваҷҷӯҳи вазирони умури хориҷаи давлатҳои узви СПАД-ро ба масоили вобаста ба пурзӯр намудани ҳифзи сарҳадот ва мубориза бо таблиғгарони ғояҳои ифротгароӣ, инчунин пешгирӣ аз гумроҳшавии ҷавонону наврасон ҷалб кард.

ДУШАНБЕ, 2 апр — Sputnik.Президент Эмомалӣ Раҳмон вазирони корҳои хориҷии давлатҳои аъзои Созмони паймони амнияти дастаҷамъиро, ки барои иштирок дар ҳамоиши навбатӣ ба шаҳри Душанбе ташриф овардаанд, ба ҳузур пазируфт, менависад РИА Новости.

"Масоили вобаста ба пурзӯр намудани ҳифзи сарҳади давлатии Тоҷикистон бо Афғонистон ва мубориза бо таблиғгарони ғояҳои ба ном Давлати исломии Ироқу Шом ва пешгирӣ аз гумроҳшавии ҷавонону наврасони ноогоҳ аз умдарин мавзӯъҳо мебошанд",- иброз дошт Раҳмон аснои мулоқот бо вазирони умури хориҷаи кишварҳои узви СПАД.

Имрӯз раҳбарони ниҳодҳои дипломатии Арманистон, Белорус, Қазоқистон, Қирғизистон ва Русия Эдвард Налбандян, Владимир Макей, Ерлан Идрисов, Эрлан Абдилдаев ва Сергей Лавров ҷиҳати ширкат дар ҷаласаи Шӯрои вазирони умури хориҷаи кишварҳои узви СПАД ба Душанбе омадаанд.

Ба таъкиди Эмомалӣ Раҳмон, "кишварҳои аъзои СПАД дар муборизаи муштарак бо хатарҳои ҷаҳони муосир чун терроризму ифротгароӣ, ҷиноятҳои созмонёфтаи фаромиллӣ, аз ҷумла ҷиноятҳои иттилоотию кибернетикӣ, бояд мавқеи мушаххасу ҳамоҳангшуда ва механизмҳои зуд фаъолшаванда дошта бошанд".

Имсол раёсат дар Созмони Паймони Амнияти Дастаҷамъиро Тоҷикистон бар дӯш дорад ва нишастҳои ҳамаи сатҳу зинаҳои он таҳти раисии Душанбе ҷараён мегиранд.

11
Барчаспҳо:
ҷалби таваҷҷӯҳ, ҷаласа дар Душанбе, ифротгароӣ, Шӯрои вазирони умури хориҷаи СПАД, СПАД, Ерлан Идрисов, Владимир Макей, Эдвард Налбандян, Сергей Лавров, Эмомалӣ Раҳмон, Арманистон, Қирғизистон, Қазоқистон, Душанбе, Тоҷикистон, Русия
Мавзуҳо:
Шӯрои вазирони умури хориҷаи СПАД хостори таҳкими марзи ҶТ аст (5)
Мавзуъ
Нишасти Шӯрои вазирони хориҷии СПАД дар Душанбе оғоз шуд
Гурӯҳи кории СПАД оид ба Афғонистон 3 апрел дар Тоҷикистон ҷамъ меоянд
Раҳмон ва Бордюжа авлавиятҳои СПАД-ро баррасӣ мекунанд
Намояндагони СПАД масоили муҳоҷирати ғайриқонуниро баррасӣ мекунанд
Омодагии Русия ва СПАД барои кӯмак ба Афғонистон

Трамп дар феҳристи номаҳбубтарин раисони ҷумҳӯрӣ дар таърихи Амрико

48
Бинобар назарсанҷӣ ҳатто дар байни ҷумҳурихоҳон низ маҳбубияти Трамп коҳиш ёфтааст ва танҳо 60 дарсади онҳо амалкарди уро мусбат арзёбӣ кардаанд

 ДУШАНБЕ, 18 январ - Sputnik. Норизоятӣ аз Трамп ӯро ба яке аз номаҳбубтарин раисони ҷумҳӯрии ҳамаи давронҳои Амрико табдил карда аст.

Иқдоми Трамп дар напазируфтани шикаст дар интихобот, ки ҳаводиси хушунатбори Конгрессро ба бор овард, мизони ризоят аз амалкарди ӯро ба 29 дарсад коҳиш додааст.

Ба гузориши хабаргузории "Парс тудей" ба нақл аз "Дейли мил", натиҷаҳои назарсанҷии "Пив", ки рӯзи ҷумъа мунташир шуд, нишон дод мизони ризоят аз Доналд Трамп ба 29 дарсад кам шуд, ки поинтарин мизон дар давраи раёсати ҷумҳурии ӯ ба шумор меравад.

Норизоятӣ аз Трамп ӯро ба яке аз номаҳбубтарин раисони ҷумҳӯрии ҳамаи давронҳои Амрико табдил карда аст.

Ин мизони ризоят 9 дарсад камтар аз августи  2020 баровард шудааст.

Бинобар ин назарсанҷӣ ҳатто дар байни ҷумҳурихоҳон низ маҳбубияти Трамп коҳиш дошта аст ва танҳо 60 дарсади онҳо амалкарди уро мусбат арзёбӣ кардаанд.

 Ин дар ҳоле аст, ки дар моҳи августи 77 дарсади ҷумҳурихоҳон чунин назаре доштанд.

Тибқи ин гузориш ба назар мерасад худдории Трамп аз пазириши шикаст дар интихобот ва шуриши хушунатбори Конгресс дар рӯзи шашуми январ аз далилҳои аслии ин коҳиш бошад.

Назарсанҷии "Пив" нишон дод, ки 54 дарсади амрикоиҳо фикр мекунанд,Трамп бояд аз қудрат барканор шавад ва 45 дарсад муътақиданд ӯ бояд давраи худро ба поён бирасонад.

48
Барчаспҳо:
назарсанҷӣ, Доналд Трамп, ИМА
Брифинг, посвященый председательству Республики Таджикистан в Шанхайской организации сотрудничества в 2020-2021 гг.

Санаи ҳамоиши президентҳои давлатҳои узви СҲШ дар Душанбе маълум шуд

529
(Таҷдидшуда 21:01 15.01.2021)
Ҷаласаи сарони кишварҳои узви Созмони ҳамкории Шанхай дар шаҳри Душанбе нимаи моҳи сентябри соли равон дар назар аст

ДУШАНБЕ, 15 янв — Sputnik. Ҷаласаи сарони кишварҳои узви СҲШ рӯзҳои 16 – 17 сентябр дар шаҳри Душанбе ба нақша гирифта шудааст, хабар дод Аҳмад Саидмуродзода, сардори раёсати кишварҳои ИДМ-и Вазорати умури хориҷии Тоҷикистон.

Раёсат дар СҲШ-ро соли равон Тоҷикистон ба уҳда дорад. Имсол инчунин ҳамоиши ҷашнӣ - 20-умин солгарди таъсисёбии созмон мебошад.

Нахустин мулоқоти ҳамоҳангсозони миллии кишварҳои узви СҲШ дар соли ҷорӣ 26-29 январ дар шаҳри Душанбе дар нақша аст.

“Дар Вазорати корҳои хориҷӣ барои баргузории саммити СҲШ, ки 16-17 сентябр дар назар аст, ситоди махсус ташкил шуда, нахустин ҷаласаи ҳамоҳангсозони миллӣ 26-29-уми январ дар Душанбе баргузор мешавад”, - изҳор дошт Аҳмадзода зимни мулоқот бо хабарнигорон.

Ӯ афзуд, ки сомонаи махсус ташкил дода мешавад, ки иттилоъ дар бораи чорабиниҳои асосии Созмони ҳамкории Шанхай дар соли равонро фаро хоҳад гирифт.

Баробари мулоқоти сарони кишварҳои узви СҲШ ва вазирони умури хориҷии давлатҳои созмон, инчунин мулоқотҳои роҳбарони идораҳои соҳавӣ – аз мудофиа то иқтисоду тиҷорат ба нақша гирифта шудаанд.

Ба гуфтаи намояндаи ВУХ Тоҷикистон, имсол барои бори аввал дар Душанбе Анҷумани иқтисодии СҲШ ба нақша гирифта шуда, инчунин ташкили мулоқоти намояндагони бахши сайёҳию расонаҳо дар назар аст.

СҲШ созмони байналмилалие мебошад, ки Тоҷикистон, Русия, Ҳинд, Қазоқистон, Қирғизистон, Чин, Покистон ва Ӯзбекистонро дар бар мегирад.

529
Барчаспҳо:
мулоқот, Созмони ҳамкории Шанхай, Тоҷикистон
Душанбе площадь Дусти памятник Исмаилу Самани

Ба Тоҷикистон гармӣ меояд - пешгӯии дақиқи ҳавошиносон барои ҳафтаи нав

0
(Таҷдидшуда 12:14 18.01.2021)
Ҳафтаи навин дар вилоятҳои марказии Тоҷикистон рӯзҳои гарм ва офтобӣ хоҳад буд, дар ин миён сокинони Душанбе, вилояти Хатлон ва Суғдро бориши кӯтоҳмуддати борон интизор аст

ДУШАНБЕ, 18 янв — Sputnik. Бино ба гузориши Ожонси ҳавошиносии Тоҷикистон дар ҳафтаи нав сокинони Тоҷикистонро рӯзҳои гармӣ фотобӣ ва гоҳо боронӣ интизор аст.

Тибқи гузориши Ожонси ҳавошиносӣ имрӯз дар Душанбе ҳавои бебориш ва офтобӣ пешбинӣ мешавад.

Ҳарорати ҳаво шабона 0℃ гарм ва рӯзона  +18℃. мешавад. Фардо, 19 январ ҳавои пойтахт рӯзона +12℃ гарм ва шабона +1-3℃ гарм шуда, борони пешгӯӣ мешавад.

Дар ноҳияҳои тобеи марказ низ чунин ҳаво ҳукмфармо мешавад, вале дар доманакӯҳҳо шабона ҳарорати ҳаво то -5℃, миёнаҳои ҳафта ин ҷо борони кӯтоҳмуддат ва бориши барф пешбинӣ мешавад.

Дар шимоли Тоҷикистон, дар шаҳри Хуҷанд рӯзона каме сардтар аз +8 то +10℃, шабона бошад аз 0 то +2℃ мешавад.

Дар умум дар вилояти Суғд ҳавои абрӣ пешбинӣ шуда, дар ноҳияҳои кӯҳӣ бориши борон ва барф дар назар аст. Дар доманакӯҳҳо ҳарорати ҳаво аз 3 то 8℃ хунук мешавад.

Рӯзи чоршанбе, 20 январ вазиши бод аз тарафи шарқ то 18 метр дар як сония мерасад.

Дар Вилояти Мухтори Кӯҳистони Бадахшон имрӯз, бебориш мешавад, ҳарорати ҳаво шабона 15℃ сард ва +1℃ гарм мешавад. Рӯзи сешанбе, 19 январ бориши барф оғоз мешавад, ки то рӯзи чоршанбе давом мекунад. пройдет.

Дар ноҳияи Мурғоб шабона то 28℃ сардӣ, рӯзона наздики 18℃ хунукӣ, дар ноҳияи Булункул шабона сардтарин нуқтаи ҷумҳурӣ - аз - 43 то 45℃ сардӣ пешбинӣ мешавад.

Дар ҷануби кишвар вилояти Хатлон рӯзҳои офтобӣ дар пеш аст. Ҳаво бебориш ва бод аз сӯи шарқ то  8 метр дар як сония мевазад. Ҳаррати ҳаво дар доманакӯҳҳо шабона -2+3℃, рӯзона то +19℃ гарм мешавад.

Миёнаҳои ҳафта дар вилоят, шабона боронҳои кӯтоҳмуддат пешгӯӣ шуда, рӯзона бориш намешавад, вале меғ мефарояд.

0
Барчаспҳо:
зимистон, гармӣ, Боду ҳаво, боду ҳаво, Тоҷикистон