Исфандиёр Абдураҳмонов. Акс аз бойгонӣ

ҲХДТ иддаои Абдураҳмоновро бепоя хонд

21
(Таҷдидшуда 17:57 12.05.2015)
“Созандагони Ватан”, қаноти ҷавонони Ҳизби халқӣ-демократии Тоҷикистон, истеъфои раҳбари собиқашро хоҳиши худи ӯ дониста, аммо иддаои ӯ дар мавриди “маҳалагароӣ” дар ҳизбро рад кард.

ДУШАНБЕ, 12 май — Sputnik. "Созандагони Ватан", ҷиноҳи ҷавонони Ҳизби халқӣ-демократии Тоҷикистон, рӯзи 12 май бо нашри як изҳорот иддаои раиси собиқаш Исфандиёр Абдураҳмонов оиди "шеваи нодурусти мудирият дар ҲХДТ" —ро рад кард, менависад "Радиои Озодӣ".

Исфандиёр Абдураҳмонов, ки ба гуфтаи худаш, ба нишони эътироз аз мақом канор рафт ва ҳоло берун аз Тоҷикистон ба сар мебарад, дар суҳбат бо расонаҳо, аз ҷумла раҳбарони собиқашро "ба маҳалгароӣ, ҳасадхӯрӣ, нодида гирифтани лаёқату малакаи кории истеъдодҳои ҷавон ва ҳамчунин ноадолатӣ" муттаҳам кард.

"Аввалин чизе, ки маро кор дар ин соҳа дилхунук сохт, ин маҳалгароии баъзе аз шахсони мақомдори ҳизби мо буд. 27 феврал як озмун доштем бо номи "иншои беҳтарин" ва дар низомномааш гуфта шуда буд, танҳо барои ҷавонони пойтахт аст. Вале азбаски дар ин иқдоми мо муовини раиси ҳизб Раънохон Бобоҷониён даст дошт, ҷойҳои намоёнро нафарони аз вилояти Суғдбуда гирифтанд, ки ин ба норозигии шадиди ҷавонон рӯбарӯ шуд", — гуфтааст Абдураҳмонов дар сӯҳбат бо "Озодӣ".

Исфандиёр Абдураҳмонов сабаби дигари норизоияти худро ба як ҳодисаи интихоботӣ рабт додааст.

"Дар арафаи интихобот байни соҳибкорон ва фурӯшандагони бозорҳо ташвиқот мебурдам, онҳо аз ман хоҳиш карданд, як микрофони озод биёрем ва онҳо хоҳишҳояшонро ба сатҳи болоӣ расонанд. Муовини аввал дар ҷавоб гуфтанд, аз паяш нагард. Агар нафаре, ки солҳо дар дастгоҳи президент кор кардаву ҳамин гапро гӯяд, дигар чӣ хулоса бароварданам мумкин аст?!", — гуфтааст Абдураҳмонов.

Аммо Шӯрои ташкилоти ҷамъиятии ҷавонон "Созандагони Ватан" дар изҳороте, ки 12 май тариқи расонаҳо нашр кард, аз ин гуфтаҳои Исфандиёр Абдураҳмонов изҳори ҳайрат намудааст.

"Хеле аламовар аст, ки ҷавонони ҳизб ҷиҳати таъсиси як созмон, ки ҳадафҳои созанда дорад тӯли чандсолаҳо дастҷамъона заҳмат мекашанд, барои фаъолу шинохта шудани он нерӯю дониши худро равона месозанд, вале як нафари тасодуфӣ, ки аз кӯчаи сиёсату одоб нагузаштааст, ҳанӯз кори назаррасе барои ин созмон анҷом надода, дар як лаҳза мехоҳад обрӯю эътибори онро ба замин яксон созад", — омадааст дар изҳорот.

Дар идомаи изҳорот таъкид шудааст, ки Абдураҳмонов бо миёнаравии бархе аз афроди баландпояи ҳизб раҳбари "Созандагони Ватан" интихоб шуд. Изҳороти "Созандагони Ватан" интихоби Исфандиёр Абдураҳмоновро "иштибоҳи ҷиддӣ" хонда, ӯро як ҷавони вазифахоҳу мансабҷӯ муаррифӣ мекунад, ки мехост аз тариқи соҳиб шудан ба ин мансаб, соҳиби пулу мол гардад.

"Созандагони Ватан" мегӯяд, касе дар дастгоҳи марказии ҲХДТ ва бахши ҷавонони он ба Исфандиёр Абдураҳмонов ҳисси кинаву бадбинӣ надошт ва "ба гумони ғолиб баъди ба зимма гирифтани раҳбарии он ба зудӣ эҳсос намудааст, ки бори заҳмати ин созмонро бо донишу маърифати заифе, ки дорад, наметавонад бикашад ва бинобар ҳамин танҳо баъд аз се моҳ истеъфо додааст."

Дар ин изҳорот ҳатто ба зиндагии шахсии ин раҳбари пешини "Созандагони Ватан" ишорат шудааст, ки гӯё ду хонумро ба сифати ҳамсар интихоб намуда ва сарсону саргардон намудааст ва хонаводаи солим надоштааст. Изҳороти "Созандагони Ватан" ба дигар паҳлӯҳои зиндагии хонаводаи раҳбари пешини худ низ мудохила намуда ва мегӯяд, ки як бародари ӯ барои қаллобӣ маҳбус аст ва бародари дигараш барои "фиребу найрангҳои молиявӣ" дар пайгарди қонунӣ қарор дорад.

Созмони "Созандагони Ватан", ҷиноҳи ҷавони Ҳизби ҳокими халқӣ-демократии Тоҷикистон 27 июли соли 2011 дар шаҳри Душанбе ташкил шуда ва мисли комсомол дар назди Ҳизби коммунист мебошад. Нахустин раиси ин созмон Адҳам Мирсаидов интихоб шуда буд.

21
Барчаспҳо:
маҳалгароӣ, эътироз, пахш, роҳбар, истеъфо, изҳорот, "Созандагони Ватан", ҲХДТ, Исфандиёр Абдураҳмонов, Душанбе
Ҷо Байден кишвардори феълии Амрико бо Ллойд Остин. 8 апрели соли 2009

Бори нахуст сиёҳпӯст роҳбари Пентагон шуд: Ллойд Остин кист?

1157
(Таҷдидшуда 13:48 23.01.2021)
Ллойд Остин 67 сол дорад ва дорои рутбаи генерали чаҳорситора аст. Ӯ ҳанӯз соли 2016 ба нафақа баромада буд

ДУШАНБЕ, 23 янв — Sputnik. Сенати Амрико номзадии Ллойд Остинро ба мақоми раҳбари Пентагон тасдиқ кард, хабар медиҳад РИА Новости.

Бар хабари манбаъ, ба ҷонибдорӣ аз Остин 93 сенатор раъй дода танҳо ду нафар мухолиф баромаданд. Як рӯзи пеш, аз номзадии ӯ кумитаи соҳавии сенатҳо пуштибонӣ кард.

Зимнан, ба довталабони ҳарбие, ки камтар аз ҳафт сол пеш ба нафақа баромадаанд, тасдиқи махсуси Конгресс зарур аст. Остин бошад, соли 2016 ба нафақа баромада буд.

Ллойд Остин 67 сол дорад ва дорои рутбаи генерали чаҳорситора аст. Остин аввалин сиёҳпӯст мебошад, ки ба вазорати мудофиаи ИМА роҳбарӣ мекунад.

Номбурда дар Олмон ва сартосари Амрико хидмат намуда, дар ҳайати фармондеҳи дивизия буд ва то соли 2006 ба рутбаи генерал-лейтенант расид.

Пентагон: коронавирус миёни низомиёни афғон густариши шадид ёфтааст

Соли 2010 Остин фармондеҳи қувваҳои Амрико дар Ироқ таъйин шуд ва масъули аз қаламрави ин кишвар берун овардани низомиёни амрикоӣ буд. 

Моҳи декабри соли 2011, ӯ муовини фармондеҳи Ситоди артиш таъин шуд ва аз соли 2013–2016 фармондеҳии марказии Амрикоро раҳбарӣ кард. Вай дар ин вазифа дар таҳияи стратегияи Вашингтон дар мубориза бо "Давлати Исломӣ" нақши калидӣ дошт.

Пас аз ба нафақа баромадан дар 2016, ӯ дар ҳайати Шӯрои директорони бузургтарин истеҳсолкунандаи силоҳ Raytheon кор мекард.

1157
Барчаспҳо:
роҳбар, Амрико, Пентагон
Первые политические консультации между Таджикистаном и Оманом

Баргузории нахустин ройзаниҳои сиёсӣ миёни Тоҷикистону Умон

78
(Таҷдидшуда 19:39 20.01.2021)
Ҳайати дипломатҳои Тоҷикистон таҳти роҳбарии ноиби аввали вазири умури хориҷии кишвар, Хусрав Нозирӣ нахустин машваратҳои сиёсӣ бо Салтанати Умонро баргузор кард

ДУШАНБЕ, 20 янв — Sputnik. Тибқи иттилои Вазорати умури хориҷӣ, нахустин даври ройзаниҳои сиёсӣ байни вазоратҳои корҳои хориҷии Тоҷикистон ва Салтанати Умон дар шакли маҷозӣ баргузор шуд.

“Ҳайатҳои тарафҳоро муовини якуми вазири корҳои хориҷии Тоҷикистон Хусрав Нозирӣ ва Муовини вазири корҳои хориҷии Салтанати Умон Шайх Халифа бин Алӣ ал- Ҳорисӣ роҳбарӣ намуданд”, - омадааст дар иттилоия.

Манбаъ афзуд, дар ройзаниҳо масъалаҳои марбут ба ҳолати кунунӣ ва дурнамои таҳкими ҳамкориҳо байни Тоҷикистону Умонро баррасӣ намуданд. Аз ҷумла  дар соҳаҳои сиёсӣ, иқтисодӣ, тиҷоратӣ, сармоягузорӣ, энергетика, сайёҳӣ, кишоварзӣ, саноат, алоқаи ҳавоӣ, таҳкими пояи шартномавӣ ва ҳуқуқӣ, ҳамкории ду кишвар дар чаҳорчӯби созмонҳои байналмилаливу минтақавӣ ва дигар мавзӯъҳои мавриди эҳтимоми муштарак баррасӣ шуданд.

Афзоиши содироти ширинӣ ва шакалоти Эрон ба Тоҷикистон

Ҷонибҳо барқарорсозии тамосҳои сатҳи олӣ ва табодули боздидҳоро дар рушду нумӯи ҳамкориҳои дуҷониба муҳим арзёбӣ намуда, зимнан зарурати татбиқи Барномаи иҷроӣ байни Вазоратҳои корҳои хориҷии ду кишвар барои солҳои 2020-2022-ро, ки ҳангоми сафари расмии Вазири корҳои хориҷии Ҷумҳурии Тоҷикистон ба Масқат 19 декабри 2019 ба имзо расида буд, таъкид карданд.

78
Барчаспҳо:
Вазорати умури хориҷии Тоҷикистон, ҳамкорӣ, Тоҷикистон-Уммон

Чӣ гуна духтараки 7 - сола кӯҳҳои барфпӯшро фатҳ мекунад - видео

0
(Таҷдидшуда 18:55 24.01.2021)
Комёбиҳои ин духтарак ҳамаро дар ҳайрат гузошт. Ӯ ҳамагӣ 7 сол дорад, вале аллакай чандин нишон ба даст овардаасту қуллаҳои баландро фатҳ намудааст

Василиса Ермакова ҳамагӣ ҳафт сол дорад, аммо аллакай бо ҳунари худ дар Русия се рекорд гузоштааст: ҷаҳидан аз трамплин ба сноуборд бо гардиши 540 дараҷа аз миёни хурдсолон, ҷаҳиш бо гардиши 360 дараҷа ба сноуборд ва ҷаҳиш аз баландӣ бо суръати ( 48 км / соат) дар скейтборд.

Дар баробари ин ӯ дар мусобиқот аз рӯи сноуборд ҳафт нишони тиллоӣ ба даст овардааст. 

Василиса аз се солагӣ ба ин навъи варзиш шавқ пайдо кард. Ҳамааш замоне оғоз шуд, ки волидонаш ӯро бо худ ба истироҳатгоҳи лижаронӣ бурданд.

"Вақте ман либос мепӯшидам ӯ, тахтаро гирифта бо ду пояш болои он баромад ва аз баландӣ худро ҳаво дод. Дар пеш монеъа буд, вале ӯ наафтид, рост лағжида рафт. Мо ҳамаи инро ба навор гирифтем", - нақл кард падари духтарак Антон.

Се лижарони тоҷик барои Ҷоми Қароқурум дар Покистон зӯрозмоӣ мекунанд

Волидон аввал қарор карданд, ки ба духтарак лижабозиро меомӯзанд, вале пас аз як сол Василиса сноубордро низ аз худ аст. Тренери Василиса падараш мебошад, ки пеш ба ҳамин навъи варзиш машғул будааст.

0
Барчаспҳо:
Русия, варзишкор, духтарак, комёбӣ