Вазири умури дохилаи Украина Арсен Аваков. Акс аз бойгонӣ

Вазири умури дохилаи Украина шояд аз мансабаш маҳрум шавад

7
(Таҷдидшуда 17:24 15.05.2015)
Вазири корҳои дохилаи Украина бо сабаби ҳамлаи гурӯҳи то ҳол номаълум дар назди манзили зисти муовинаш ба гурӯҳи наворбардорони як шабакаи телевизионӣ шояд аз мансабаш барканор шавад.

ДУШАНБЕ, 15 май — Sputnik. Бархе аз вакилони парлумони Украина тарҳи санад дар бораи истеъфои вазири корҳои дохила Арсен Аваковро омода карда, онро барои баррасӣ пешниҳод сохтаанд, иттилоъ медиҳад РИА Новости.

"Кумитаи мубориза алайҳи фасоди Радаи болои Украина пешниҳод дар бораи омодасозии санади истеъфои Аваковро ҷонибдорӣ карда, зери он ҳамаи аъзои кумита имзо гузоштанд",- иброз дошт узви гурӯҳи мазкур Юрий Деревянко.

Вакили парлумон аз ҷиноҳи аз ҳама сернуфузи Радаи боло "Блоки Петр Порошенко" ("Блок Петра Порошенко") Сергей Лешенко гуфт, яке аз сабабҳои истеъфои Аваков аз мақоми вазирӣ ҳодисаи марбут ба муовини ӯ- Сергей Чеботар мебошад. Ба иттилоъи расонаҳои украинӣ, аснои наворбардории як барномаи телевизионӣ дар назди хонаи Чеботар ба гурӯҳи наворбардорон ҳамла сурат гирифт.

Кормандони шабакаи телевизионӣ бар ин назаранд, ки ҳамла аз ҷониби домоди муовини вазир Олег Полишук ва тоҷири шиносаш Сергей Гаврилко тарҳрезӣ шудааст. Бо иттиҳоми ҳамла ба хабарнигорон ду парвандаи ҷиноӣ боз гардид, аммо бо гузашти ду ҳафта аз ҳодиса на муҷримин боздошт гардиданду на дар қиболи Чеботар чораҳои интизомӣ андешида шуданд.

Ба қавли Лешенко, миёни вакилоне, ки санади истеъфои Аваковро имзо кардаанд, на фақат аъзои ҷиноҳи "Ёрии худӣ" ("Самопомош"), балки вакилон аз фраксияи  "Ҷабҳаи мардумӣ" ("Народный фронт") низ ҳастанд.

7
Барчаспҳо:
истеъфои вазири умури дохилаи Украина, ҳамла ба журналистон, ҳодиса дар назди хонаи муовини вазир, ҳамла ба наворбардорон, Ёрии худӣ, Ҷабҳаи мардумӣ, Блоки Петр Порошенко, Радаи Боло, Сергей Лешенко, Юрий Деревянко, Сергей Чеботар, Арсен Аваков, Олег Полишук, Украина
Мавзуъ
Дар Украина алайҳи Янукович парвандаи ҷиноӣ боз шуд
Аврупо ба бозтоби воқеъии ҳаводис дар Украина шубҳа дорад
Президент Франции Эммануэль Макрон и президент Таджикистана Эмомали Рахмон

Эммануэл Макрон ба Эмомалӣ Раҳмон: "аз шумо хотироти нек дорам"

205
(Таҷдидшуда 20:53 30.10.2020)
Президенти Фаронса Эммануэл Макрон раисиҷумҳури Тоҷикистонро бо аз нав интихоб гардидан ба маснади сарвари давлат муборакбод гуфт

ДУШАНБЕ, 30 окт — Sputnik. Президенти Фаронса Эммануэл Макрон ба унвони раисиҷумҳури Тоҷикистон Эмомалӣ Раҳмон номаи шодбошӣ ирсол кардааст, хабар медиҳад котиботи раисиҷумҳури Тоҷикистон.

Дар нома ин сиёсатмадор аз сафари охирини раисиҷумҳури Тоҷикистон ба Фаронса ёдоварӣ кардааст.

"Ман аз музокироти дар рафти сафари Шумо ба Порис, ки моҳи ноябри соли гузашта баргузор шуда буд, хотироти нек дорам. Тавре ки он вақт таъкид карда будам, ман алоқаманди таъмиқи бештари ҳамкориҳои дуҷониба, бахусус муносибатҳои мо дар соҳаи иқтисод, аз ҷумла дар бахшҳои энергетика ва авиатсия, ки имкониятҳои ҷолиби диққати ширкатҳои ду кишвари моро доранд, ҳастам".

Макрон ҳамчунин талошҳои Эмомалӣ Раҳмонро ҷиҳати таъмини суботи минтақа ва рушди иқтисодиву иҷтимоӣ таъкид кардааст

Дидору мулоқоти Эмомалӣ Раҳмон бо сиёсатмадорони воломақоми Урупо

"Дар баробари ин, ман аз идомаи муколамаи мову шумо доир ба ташаккули таркибии сиғаи минтақавии "5+1", ки Шумо ба он рағбат пайдо карда будед ва аз нигоҳи ман роҳи умедбахши таҳкими муносибатҳои дуҷонибаи мо бо кишвари Шумо ва ҳамсояҳоятон дар Осиёи Марказӣ мебошад, хушҳол хоҳам буд", мегӯяд Макрон.

205
Барчаспҳо:
номаи шодбошӣ, Тоҷикистон, Фаронса, Эммануэл Макрон, Раҳмон
Президент Республики Таджикистан Эмомали Рахмон

Президент Ҳукумати Тоҷикистонро ба истеъфо равон кард

1268
(Таҷдидшуда 20:18 30.10.2020)
Бо фармони президенти Тоҷикистон Эмомалӣ Раҳмон, Ҳукумати кунунии кишвар ба истеъфо равон карда шуд

ДУШАНБЕ, 30 окт — Sputnik. Раисиҷумҳури Тоҷикистон Эмомалӣ Раҳмон, бо имзо як фармон имрӯз, Ҳукумати кунунии Тоҷикистон ба истеъфо равон кард.

"Ҳукумати Ҷумҳурии Тоҷикистон дар ҳайати Сарвазир, муовини якум ва муовинони Сарвазир, вазирон, раисони кумитаҳои давлатӣ то таъини аъзои нави Ҳукумати Ҷумҳурии Тоҷикистон вазифаҳои худро иҷро намояд", - омадааст дар фармони президент.

Навори пурраи маросими савгандёдкунии президенти Тоҷикистон Эмомалӣ Раҳмон

Ин фармон мутобиқи моддаи 74 Конститутсияи Ҷумҳурии Тоҷикистон ва моддаи 9 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон" имзо шудааст.

1268
Барчаспҳо:
Ҳукумат, Эмомалӣ Раҳмон, истеъфо