Музокироти шашгона дар масоили барномаи ҳастаии Эрон

Нишасти “шашгона” ва Эрон. Барои анҷоми таҳияи созишнома

14
(Таҷдидшуда 12:50 25.06.2015)
Алорағми ин нукта, ки то замони ниҳоии тавофуқоти барномаи ҳастаии Эрон панҷ рӯз боқӣ мондааст, ҷониби Эрон баъйид намедонад, ки музокирот баъд аз 30 июн низ идома хоҳанд дошт.

ДУШАНБЕ, 25 июн — Sputnik. Масъулони сиёсии "шашгона" ба Вена барои ширкат дар давраи ниҳоии таҳияи тавофуқоти комили барномаи ҳастаии Эрон ворид мешаванд. Ҳайъати Русияро дар ин музокирот муъовини раҳбари ВКХ Сергей Рябков раҳбарӣ мекунад, хабар медиҳад РИА Новости.

Ба "шашгона" Русия, ИМА, Чин, Бритониё, Фаронса ва Олмон шомил ҳастанд. Ба гуфтаи Рябков музокирот 30 июн баргузор мешавад. Дар ин маросим вазири корҳои хориҷии ИМА Ҷон Керрӣ ширкат хоҳад кард ва вуруди вай ба Вена рӯзи ҷумъа дар назар аст.

Масоили таҳримот, дастрасии нозирони байналмиллалӣ ба таъсисоти бахши ҳастаӣ, назорати содиротӣ — мушкилотест, ки то ҳол ҳалли худро наёфтаанд. Ба иттилоъи Рябков, пешрафт тибқи сиёҳнависи тавофуқоти комил ва замимаҳои он ва матни қатъномаи минбаъдаи Шӯрои амнияти СММ ба хубӣ ҷараён дорад.

То замони ниҳоии имзои тавофуқот ҳамагӣ панҷ рӯз боқӣ мондааст (ҳанӯз дар моҳи ноябри соли 2014 ҷонибҳо мӯҳлати ниҳоии 30 июнро муқаррар карда буданд). Вале ҷониби Эрон бар ин назар аст, ки музокирот баъд аз 30 июн низ идома хоҳад дошт.

Дар масоили таҳримот

Баъд аз анҷоми давраи навбатии музокирот Рябков хабар дод, ки "шашгона" ва Эрон тавонистанд дар заминаи мундариҷаи қатъномаи ояндани Шӯрои амнияти СММ ва мушкилоти таҳримот, аз ҷумла дар заминаи лағви ботадриҷи онҳо ба пешрафтҳое даст ёбанд.

Аз ҷумла, наҳваи қаблии таҳримот алайҳи Эрон мутаввақиф шуда ва сипас бо дарназардошти арзёбии МАГАТЭ аз иқдомоти Теҳрон комилан лағв мешавад, вале суръати лағви таҳримот бояд ба ҷониби Эрон созгор бошад.

Вале наҳваи бозгашти таҳримот дар сурати нақзи тавофуқот аз сӯйи Теҳрон "шашгона" дар ин музокирот шакли муносиби дуҷонибаеро дунбол дорад, ки нигарониҳои ҳам ИМА ва ҳам Русияро дар бар мегирад.

Дар ин бора Рябков дар сӯҳбат бо РИА Новости изҳор дошта буд. Вай аз ҷумла зикр карда буд, ки "нақшаи мушшахасе вуҷуд дорад, ки мавзеъи қатъии мо барои таъмини нақши ША СММ ҳамчун ниҳоде, ки дар ин замина тасмимот мегирад", яъне "ҳеҷ навҳае дигареро бидуни ША мо роҳ намедиҳем".

"Аз сӯйи дигар, ИМА иддаъо доранд, ки дар сурати набудани наҳваҳои дигари ҳалли вазъи эҳтимолии нақзи тавофуқот таҳримот бояд ба шакли комил ва ё ба шакли дигаре аз сар гирифта шаванд. Ба онҳо низ замонате зарур аст, ки дар ниҳоят чунин иқдом сурат бигирад", — изҳор дошт Рябков.

Вале ба гуфтаи вай, "вале наҳваи дигаре низ вуҷуд дорад, ки ин ду талаботро дар бар мегирад". Ҷониби Русия тақозо хоҳад кард, ки ин шакл "ҳифз шавад дар дар матни ояндаи ША СММ зикр карда шавад ва ин санад қабл аз ҳама барои таъйиди ин тавофуқот тасвиб мешавад ва маворидеро дар назар дорад, ки иқдомоти ҷавобӣ дар сурати рух додани мавориди ғайричашмдошт чӣ гуна хоҳанд буд".

Лағви маҳдудият барои воридоти силоҳ

Рябков изҳор дошт, ки Русия ҳамчунон бо "шашгона" дар мавриди лағви фурӯши силоҳ музокироти тунде анҷом медиҳад, зеро ин мавзӯъ ҳам барои Эрон ва ҳам барои Русия дар бархе аз маворид муҳим мебошад.

"Мо то ҳол дар вазъе қарор дорем, ки тунд ҳастанду ҳалли мусолиҳатомези миёни шариконро надорад, вале ин амр моро раҳгум намесозаду барои мо вазъиятеро эҷод намесозад, ки мо ба таҳлука биафтему онро фоҷиабор арзёбӣ кунем. Ин вазъ чашмдошт буд ва мо бар ин назар набудем, ки ҳама ба соддагӣ ба даст меояд. Ҳоло фурсати барои ҳалли ин мушкил вуҷуд дорад ва мо машғули он мешавем", — гуфт Рябков.

Дастрасӣ ба таъсисоти низомии Эрон

Порлумони Эрон рӯзи сешанбе тарҳи қонунеро тасвиб кард, ки тибқи он дастрасии коршиносони СММ ба таъсисоти низомӣ ва уламои кишвар мамнӯъ шудааст. Тибқи ин санад, бозрасии таҷҳизоти ҳастаии кишваро танҳо Созмони байналмиллалии энержии ҳастаӣ (СБЭҲ) дар чаҳорчӯби қарордод дар бораи замонатҳо бо агентӣ метавонад анҷом бидиҳад.

Москав муътақид аст, ки Эрон бояд қабл аз ҳама бо СБҲЭ дар бораи дастрасӣ ба таъсисоти низомӣ тавофуқ кунад ва дар ин сурат "ҳар гуна нигарониҳои ширкаткунандагони музокирот дар чаҳорчӯби ин қарордоди Эрон бо агентӣ аз байн хоҳанд рафт".

Рябков бар ин назар аст, ки ин мушкил то авохири музокирот боқӣ мемонад, зеро ҳалли сареъи он ғайримумкин аст.

Зеро таърихи умури масоили ҳастаии Эрон фавқуллода душвор буда ва дар атрофи ин мушкил "адами эътимоди зиёде" ҷамъ шуда ва ба ин далел бархе аз кишварҳо иддаъо доранд, ки наҳваи бозрасиҳои Эрон бояд алорағми санади изофии ҳусни тафоҳум "дарозмуддат" бошад, таъкид кард Рябков. "Ин мавзӯъ баҳсталаб аст", — гуфт вай.

Бархе аз ширкаткунандагони ғарбии ин музокирот пофишорӣ доранд, ки бозрасиҳо бояд на танҳо таъсисоти ҳастаиро дар бигиранд, балкӣ таъсисоти низомӣ низ бояд бозрасӣ шаванд.

Раҳбари ВКХ Русия хабар дод, ки Маскав дар ҳалли ин мушкил омода аст кӯмак кунад, вале бар ин назар аст, ки "на ҳама аз таъсисоти низомӣ барои бозрасӣ бояд боз карда шаванд, зеро ин амр ба амнияти кишвар рабт дорад".

ИМА, Исроил ва бархе аз кишварҳои Ғарбӣ Эронро дар таҳияи силоҳи ҳастаӣ зери пардаи истифодаи мулкӣ аз атом муттаҳам мекунанд. Кишварҳои Иттиҳодияи Аврупо аз 1 июли соли 2012 харидории нафти Эронро таҳрим карданд — чунин амали худро онҳо шарҳ дода гуфтанд, ки қасд доранд аз ин роҳ Теҳронро водор созанд, то аз аҳдофи ҳастаӣ даст кашад. Вашингтон низ таҳримоти мушобеҳро рӯйи даст бигирифт.

ИМА ба сармоягузорӣ ба иқтисоди Эрон ба маблағи беш аз 20 миллион доллар маҳдудияро роҳандозӣ карданд ва кишваре, ки ин муқарраротро нақз мекунад, низ бо таҳримот рӯбарӯ мешавад. Ширкатҳо ва бонкҳое, ки ба тавлидоти силоҳ ва ё ҳастаии Эрон мушорикат мекунанд, низ бо таҳримот фаро гирифта шудаанд.

14
Барчаспҳо:
омодагӣ ба даври ниҳоии музокироти "шашгона" бо Эрон, РИА Новости, Шӯрои амнияти СММ, ВКХ Русия, Ҷон Керри, Сергей Рябков, Теҳрон, ИМА, Вена, Эрон

"Бо модарам падруд гуфта будам": Лукашенко дар бораи ҳамла ба Раҳмон гуфт - видео

1887
Президенти Белорус Александр Лукашенко дар мусоҳиба бо рӯзноманигорон дар бораи интихоботи президентии баргузоршуда дар Тоҷикистон гуфт

ДУШАНБЕ, 24 окт — Sputnik. Президенти Белорус Александр Лукашенко дар рафти сафари кориаш ба минтақаҳои кишвар бо рӯзноманигорон мулоқот кард ва аз интихоботи президентии Тоҷикистон низ гуфт. Дар ин бора телевизиони СТВ гузориш медиҳад.

Ӯ дар посух ба саволҳо дар бораи шӯришҳо дар Белорус аз интихобот дар Тоҷикистон ёдрас шуд.

"Эмомалӣ, дӯсти меҳрубони ман аст. Ман ӯ ва хонаводаашро хуб мешиносам. Дар интихобот бештар аз 91 дар сади овозҳоро ба даст овард. Ин мутлақо одилона аст. Касе ҳатто наҷунбид, касе нашӯрид, дар ҳоле ки кӯшиш карданд кишварро такон диҳанд", - қайд кард президети Белорус.

Вай афзуд, ки дар Тоҷикистон одамоне низ зиёданд, ки метавонистанд вазъро пас аз интихобот тезу тунд кунанд, аммо ҳодисае рух надод.

"Чаро? Чунки онҳо дар миёнаҳои соли 90-ум дар назди чашмони ман, ба қавле дусад ҳазор, ба қавле аз сесад то ниммиллион нафарро аз даст доданд. Он замон дар бораи инқилоби рангин намегуфтанд, он вақт исломгароҳо ғавғо бардошта буданд", - гуфт Лукашенко.

Вай қайд кард, ки шахсан ҳамон вақтҳо ба Тоҷикистон рафта буд.

Далелҳои камёфт дар бораи президенти Тоҷикистон Эмомалӣ Раҳмон

"Ва Раҳмон, ки каме аз ман калонтар аст, пурра сабз, бо ҷанг ба Душанбе ворид шуда буд. Аз почааш тир хӯрда буд. Мо он ҷо будем ва худаш нақл карда буд, ки қазия чигуна буд. "Ман, - мегуфт, - бо модарам падруд гуфта будам, зеро намедонистам, ки зинда мемонам". Ва ӯ бо мардум кишварро аз исломгароҳо тоза кард", - ба ёд меоварад президенти Белорус.

Лукашенко афзуд, ки мардуми Тоҷикистон, ки аз даҳшатҳои ҷанг гузаштаву хуб дар хотир доранд, маҳз барои ҳамин раисҷумҳури амалкунандаи Тоҷикистонро дастгирӣ мекунанд.

 

1887
Заместитель председателя Совета безопасности РФ Дмитрий Медведев

75 соли СММ: мушкилоти кӯҳна, чолишҳои нав ва ҳалли масъалаҳои глобалӣ

109
Созмони Милали Мутаҳид имсол аз 75 - уми солгарди таъсисёбӣ ҷашн мегирад. Дар ин робита сомонаи RT матолиби калони Дмитрий Медведевро нашр намудаст

ДУШАНБЕ, 24 окт – Sputnik. Рӯзи 24 октябр СММ аз солгарди ттаъсисёбии худ ҷашн мегирад. Дар ин робита Дмитрий Медведев муовини роҳбари Шӯрои бехтарии Федератсияи Русия аз бурду бохт ва лоиҳаҳои бузурги ин созмон ибрози назар намуд.

Матолиби калони Дмитрий Медведевро сомонаи RT мунташир намудааст.

Новобаста аз мушкилоту бӯҳрон, ки СММ ва кишварҳои аъзои он давоми чанд даҳсола  рӯбарӯ гардиданд, маҳз ба туфайли механизмҳои байналмилалии ҳуқуқӣ ва сиёсӣ, ки дар Оиномаи созмон дарҷ шудаанд, боиси сар назадани ҷанги сеюми ҷаҳонӣ шуд.

Аммо, ҳамоно на ҳама кишварҳо аз ин мушкилоте, ки асрҳои XX ва XXI оварданд, дарси ибрат гирифтанд.

Хотиррасон мекунам, ки вақте Созмони Милали Муттаҳид таъсис ёфт, давлатҳои таъсисдиҳанда, аз ҷумла ИҶШС, рисолати худро гузоштанд. Он аз се принсип иборат аст - талош барои ҷаҳони устувор ва амн, таблиғи ғояи ҳуқуқи инсон ва ташкили низоми одилонаи ҷаҳонӣ.

Аммо пас аз як соли таъсисёбии ин созмон, муттаҳидони дирӯза дар эътилофи зидди Гитлер, ки ба халқҳо озодӣ оварданд, худро дар паҳлӯҳои муқобили баррикадаҳои Ҷанги Сард қарор доданд. Ҳоло тасаввур кардан ғайриимкон аст, ки қариб 40 сол мо дар шароити таҳдиди ҳаррӯзаи ҷанги атомӣ, нобудшавии худи инсоният зиндагӣ мекардем.

СММ ба Тоҷикистон барои мубориза бо оқибатҳои пандемия 60 миллион доллар медиҳад

Сохторҳои СММ барои барқарор кардани сулҳ дар тамоми ҷаҳон корҳои зиёдеро анҷом доданд. Ҳамин тариқ, яке аз вазифаҳои муҳимтарини СММ халъи силоҳ, коҳиш ва нест кардани тамоми захираҳои силоҳи қатли ом мебошад. Дар Конфронси оид ба халъи силоҳ, ки соли 1978 бо қарори Иҷлосияи якуми махсуси Ассамблеяи Генералии Созмони Милали Муттаҳид таъсис ёфтааст, як қатор созишномаҳои бунёдии байналмилалӣ таҳия ва қабул карда шуданд, ки ба таъмини амнияти халқҳо, паст кардани шиддати байналмилалӣ ва эҷоди эътимоди байни давлатҳо дар соҳаи корбурди силоҳи ҳастаӣ равона карда шудаанд. Дар ин раванд ИҶШС нақши махсус дошт. Имрӯз мо бояд фавран корро дар ин самт идома диҳем. Умедворем, ки нишасти шахсии кишварҳои "панҷгонаи ҳастаӣ", ки Русия пешниҳод кардааст, дар Шӯрои Амнияти СММ барои баррасии мушкилоти мубрами башар баргузор мешавад. Масъалаи тамдиди Шартнома оид ба чораҳо оид ба минбаъд коҳиш ва маҳдуд кардани силоҳҳои стратегии ҳуҷум (START III) низ ҳалли фавриро талаб мекунад. Мо инчунин мавқеъро дар мавриди тамдиди ин санади муҳим таҳия кардем.

Ҳамзамон, на танҳо кам кардани силоҳи мавҷударо таъмин кардан, балки хатари таҳдидҳои навро ба ҳадди ақал расонидан зарур аст. Дар ин замина, Русия ба ҷойгиркунии системаҳои нави мушакӣ дар Аврупо ва минтақаҳои дигар мораторий эълон кард. Мо ба қадамҳои мутақобилаи шарикони ғарбии худ умедворем.

Дар бисёр қисматҳои ҷаҳон, ошӯбҳои хунин ҳамоно идома доранд ва ҳамарӯза одамони зиёд қурбон мешаванд. Ба ин масъалаҳо бояд ҳаман баҳои ҳуқуқӣ дода шавад ва хулосаи мушаххаси Шӯрои Амнияти СММ имкон медиҳад, ки ҳақро аз ноҳақ фарқ кард, кӣ таҷовузкор аст ва кӣ қурбонии таҷовуз. Дар акси ҳол, дар шароити пур кардани иттилооти тақаллубӣ, ҳақиқат дар паси тасвири зебои телевизионӣ ё паёмҳо дар шабакаҳои иҷтимоӣ пинҳон мемонад.

Ҳеҷ як созмони дигари байналмилалӣ, чӣ расад ба иттифоқҳои низомӣ, монополияи мақомоти оинномавии СММ-ро дар ифодаи иродаи ҷомеаи ҷаҳонӣ такон дода наметавонад.

Кӯча мерӯфтаму 120 рубл маош мегирифтам: тарҷумаи ҳоли Дмитрий Медведев

Сенарияи маъмулии дахолати ғайриқонунӣ ба корҳои дохилии давлатҳо такрори худро идома медиҳад: ҷудошавӣ дар ҷомеа, дастгирӣ ва мусаллаҳ кардани оппозисиюн барои сарнагун кардани ҳукумати кунунӣ бо истиноди расмӣ ба арзишҳои демократӣ. Соли 2003 як эътилофи байналмилалӣ бо роҳбарии Иёлоти Муттаҳида, ки як қатор кишварҳои НАТО-ро дар бар мегирифт, ба Ироқ ҳамла кард. Бо баҳонаи мубориза бо терроризми байналмилалӣ ва ҷустуҷӯи силоҳи қатли ом президенти қонунии кишвар Саддом Ҳусейн сарнагун ва қатл карда шуд, "давлати авторитарӣ" нест карда шуд ва як "воқеан демократӣ" ба вуҷуд омад. Аз ин чӣ баромад - ҳама медонанд. Мисоли дигар он аст, ки аз соли 2012 инҷониб ИМА дар ҳамкорӣ бо кишварҳои НАТО ба шӯришиён дар Сурия дастгирии пинҳонии низомӣ мерасонад. Ин танҳо ба хунрезиҳои азим ва бӯҳрони дохилӣ дар ин кишвар оварда расонд.

Гузашта аз ин, кӯшиши паст кардани нуфузи СММ ва ба ҷойи он таъсис додани "Ҷомеаи миллатҳои демократӣ", боиси нигаронии махсус мебошад. Ин гуна ғояҳо инсониятро муттаҳид намекунанд, балки тақсим мекунанд, ба афзоиши шиддати байналмилалӣ мусоидат мекунанд ва дар ниҳоят ба низоъҳои мустақим оварда мерасонанд.

Таназзули кунунии иқтисодии ҷаҳонӣ, ки дар натиҷаи пандемияи ҷаҳонӣ ба амал омадааст, давлатҳоро маҷбур мекунад, ки арзишҳоро аз сари нав баррасӣ намуда, ба манфиати ҳифзи ҳаёт ва саломатию ҳуқуқҳои инсон, ки мавҷудияти шоиста ва бехатарро кафолат медиҳанд, афзалият диҳанд.

Расулзода унвонии Дмитрий Медведев барқияи шодбошӣ ирсол намуд

Тарс аз эҳёи "супердавлати" тоталитарӣ, ба мисли Олмони фашистӣ, ҳукуматҳои бисёр кишварҳоро (пеш аз ҳама аврупоӣ) пас аз ба охир расидани Ҷанги Дуюми Ҷаҳон маҷбур кард,то соҳибихтиёрии миллии худро ба таври назаррас маҳдуд кунанд ва ваколатҳои худро ба сатҳи ватанӣ супоранд. Ин таҷриба хеле фарқ кард.

Дар ин кор набояд се ҳолатро фаромӯш кард.

Аввалан, як давлати заиф наметавонад ҳуқуқи шаҳрвандони худро таъмин кунад ва худро аз таҳдидҳои ҷаҳонӣ муҳофизат кунад. Худи намунаи ба таври фавқулодда табдил ёфтани Ҷумҳурии Веймар ба Рейхи сеюм ба таври возеҳ нишон дод. Мутаассифона, Русия низ ду маротиба дар асри гузашта (солҳои 1917 ва 1991) дар арафаи анархия ва суқути давлат буд. Ва ҳарду замон, ки фурӯпошии кишвар бо шиорҳои озодии умумӣ ва демократия ҳамроҳ буд. Ва имрӯз мо намунаҳои "давлатҳои ноком" -ро мебинем, ки қодир нестанд системаи сиёсии устувор созанд ва шаҳрвандони худро ба оянда рӯшан боварӣ кунонанд.

Сониян, барои рушди устувори инсоният гуногунандешӣ ва озодии бемаҳдуди сухан кам аст. Тавре ки дар соли 1945 ва имрӯз, миллионҳо одамон на танҳо дар кишварҳои рӯ ба тараққӣ, балки дар кишварҳои дорои иқтисодиёти рушдёфта, дар зери хатти камбизоатӣ зиндагӣ мекунанд, эҳтиёҷоти оддии худро барои худ ва оилаҳояшон бароварда наметавонанд, худро бегона ҳис мекунанд, аз дастовардҳои тамаддуни муосир канда мешаванд.

Вазифаи асосии давлат имрӯз иборат аз он аст, ки ҳар як шаҳрванд худро ҳамчун узви комилҳуқуқи ҷомеа эҳсос намояд, барои худшиносӣ имкониятҳои баробар фароҳам орад, эътибори мардум ва эътимод ба ояндаро ташаккул диҳад. Технологияҳо зуд тағир меёбанд, аммо инсон ҳамон тавре боқӣ мемонад, ки даҳҳо, садҳо ва ҳатто ҳазорҳо сол пеш буд. Дар маркази манфиатҳои ӯ ҳамеша оила, наздикон, орзуҳои ояндаи беҳтарини фарзандон мебошанд. Дар давоми садҳо сол халқҳои кишварҳои мо дар тарсу ҳарос аз душман, аз таҳдиди ногузири ҷанг зиндагӣ мекарданд. Аммо тарс ва нобоварӣ наметавонад барои сохтани ҷаҳони устувор истифода шавад. Ниҳоят тарс бояд бо умед иваз карда шавад. Ҳанӯз дар соли 1953, дабири кулли дуввуми Созмони Милали Муттаҳид, Даг Хаммаршелд гуфта буд: "Барои сохтани ҷаҳоне, ки бидуни тарсу ҳарос аз инсон, мо бояд бе тарсу ҳарос бошем. Барои сохтани ҷаҳони одил мо бояд одил бошем".

Лавров ба суол дар бораи имкони дохил шудан ба ҳукумати нав посух дод

Сеюм, ҳеҷ кадоме аз мушкилоти ҷаҳонӣ бидуни барқарор кардани волоияти ҳуқуқи байналмилалӣ дар асоси иродаи мувофиқашудаи давлатҳо ҳал намешавад. Сарчашмаи асосии ҳуқуқи байналмилалӣ шартномаи байналмилалӣ мебошад, ки онро давлатҳои соҳибихтиёр ба имзо расонидаанд. Оинномаи СММ низ ба ин категорияи маъхазҳо тааллуқ дорад.

Мо набояд фаромӯш кунем, ки СММ ҳамчун як созмоне таъсис ёфтааст, ки бояд роҳҳои ҳалли мушкилоти шадидтарини ҷаҳонро ҷӯяд ва дар посбонии манфиатҳои сулҳу амният бошад. Он барои наҷот додани наслҳои минбаъда аз балои ҷанг, тасдиқи эътимод ба ҳуқуқҳои асосии инсон, таъмини эҳтироми қонунҳои байналмилалӣ ва беҳтар намудани шароити зиндагии одамон таҳия шудааст. Дар ниҳоят, Созмони Милали Муттаҳид барои ноил шудан ба ин ормонҳои олӣ таъсис дода шудааст.

109
Барчаспҳо:
Дмитрий Медведев, СММ

Ӯ то охири дунё қаҳрамон хоҳад монд: тоҷикон дар бораи пирӯзии Ҳабиб

0
(Таҷдидшуда 14:59 25.10.2020)
Муҳорибаи Ҳабиб Нурмуҳаммадовро дар саросари ҷаҳон аз ҷумла Тоҷикистон миллионҳо нафар тамошо кардаву ба он вокунишҳо карданд

ДУШАНБЕ, 25 октябр - Sputnik. Размикори доғистони шоми гузашта ҳарифи амрикоияш Ҷастин Гетҷиро бо як маҳорити зебои ба худ хос шикаст дод.

Ин рақобатро дар баробари миллионҳом мухлисони сайёра дар тоҷикистон низ тамошо карданд.

Сафҳаҳои расонаҳои иҷтимоӣ то оғози рақобат пур аз таманниёти пирӯзӣ бар размикори доғистонӣ буду баъдан табрикборон шуд.

Яке офаринаш мехонду дигаре аз маҳорат ва сеюми табрикаш мекарду шери майдон мегуфт.

Ҷонӣ Сафарзода аз корбарони фаъоли фейсбук аз одамият ва шахсияти размкиор ситоиш карда, навиштааст: “Суҳробе, ки бе падар дигар мубориза намебарад!

Шояд манро ҳам ба Ҳабибпарастӣ гунаҳгор кунед. Аммо шахсияте, ки миллати манро, расму ойни манро, забони манро эҳтиром мегузорад чаро эҳтиромаш накунам. Рафтору гуфтори Исломияш худ як инсоният аст. Охирон муҳориба ва ғалабааш ба кулли мухлисонаш муборак! Ӯ то охири дунё вуҷуд дорад қаҳрамон хоҳад монд!".

Аъзам Акбаров, журналит ва фаъоли ҷомеаи шаҳрвандӣ навиштааст, ки Ҳабиб Нурмуҳаммадов ба таърихи варзиши ҷаҳонӣ абадӣ ҳамчун муборизи боинтизом, боодобтарин ва мағлубнашавандаи UFC дохил шуд!

Ҳолати ғайриинтизор барои ҳама мухлисон ин эълони хотимаи корномаи варзишгар буд.

Ӯ гуфт, ба модараш ваъда додааст, ки ин охирин набардаш аст ва бо ҳамин тарки майдон мекунад

Сорбон Амонуллозода бошад навиштааст: “Бо сари баланд тарки майдон кардан ба мисли оне аст, ки ҳамеша қаҳрамони майдон боқӣ мемонӣ. Ҳабиб ту ҳамеша барои мо қаҳрамон будӣ, ҳастӣ ва хоҳӣ монд!”.

Азиз Нақибзод, рӯзноманигори тоҷик тарки майдон кардани размикорро қаҳрамонӣ хондааст. 

"Қаҳрамонии Ҳабиб дар айни шуҳрат тарки майдон карданаш аст! Бо сари боло ва обурӯ.
Бузургтарин ғалабааш ҳам ғалаба бар нафс ва васваса аст",- навиштааст Нақибзод.


Алӣ Ализод корбари дигар бошад навиштааст, ӯ меравад, меравад шикстнопазир. Ташаккур барои ҳама чиз, қаҳрамон!

Ёдовар мешавем ин нахустин рақобат ва пирӯзии Ҳабиб бидуни падараш буд, ки чанд моҳ меш фавтид.

Размикор пас аз пирӯзӣ дар майдон барои набуди падараш гирифт ва пирӯзияшро ба ӯ бахшид.

Завқибек Сайидаминӣ, фаъоли шабакаҳои иҷтимоӣ навиштааст дар ин ҳолат бо ӯ гирист.

"ОҲҲҲ БЕПАДАРӢ.... Дишаб вақти дидани ин лаҳзаҳо дар баробри Ҳабиб сахт гиристам Ин ҳолатро фақат инсоне дарк мекунад, ки аз сояву дасти Дуои Падар маҳррум аст Сахти сахт аст, вақте ба мушкилие рӯ ба рӯ мешавиву ба насиҳату ҳидояти Падар зор, вале Ӯ канорат нест Ё дар коре муваффақ мешаву Ӯ нест, то дар канорат шодиву фахр кунад. Ҳамин аст, ки набуданаш лаззати ҳар муваффақиятро берангу беарзиш мекунад".

Ҳабиб Нурмуҳаммадов рақиби амрикоии худ Ҷастин Гетҷиро аз роҳи буғӣ кардан шикаст дод. Аз 29 муҳорибае, ки Ҳабиб анҷом додааст, ягон маротиба ба шикаст мувоҷеҳ нашуд ва акнун бидуни мағлубият дар ин намуди варзиш, ба фаъолияти худ нуқта гузошт.

Ёдовар мешавем, соли 2019 дар Душанбе низ пирӯзии Ҳабиб Нурмуҳаммадов бар Дастин Пуареро таҷлил мекарданд. Шабе, ки рақобати ин ду размикор ба ғалабаи Ҳабиб анҷом ёфт, сокинони зиёд дар пойтахт ба хиёбонҳо баромада, ғалабаи Нурмуҳаммадовро якҷо қайд мекарданд.

 

 

 

 

0