Сӯҳбати президент бо донишҷӯён: дар бораи ваҳдат ва “Давлати исломӣ”

© Пресс-служба президента ТаджикистанаЭмомалӣ Раҳмон, президенти Тоҷикистон. Акс аз бойгонӣ
Эмомалӣ Раҳмон, президенти Тоҷикистон. Акс аз бойгонӣ - Sputnik Тоҷикистон
Обуна шудан
Президент дар суҳбат бо донишҷӯёни Донишгоҳи аграрии Тоҷикистон гуфтааст, фирефтаи ваъдаҳои бардурӯғи таблиғотчиён нашаванд.

ДУШАНБЕ, 26 июн — Sputnik. Президент Эмомалӣ Раҳмон дар арафаи Рӯзи ваҳдати миллӣ бо донишҷӯён мулоқот ва дар бораи ваҳдат сӯҳбат кард, менависад сомонаи президенти Тоҷикистон.

Ҷаласаи ҲНИТ. Акс аз бойгонӣ - Sputnik Тоҷикистон
Ҳусайнӣ: “агар президент бихоҳад, ҲНИТ номашро тағйир медиҳад”

Ин мулоқот имрӯз, 26 июн бо донишҷӯёни Донишгоҳи аграрии Тоҷикистон доир шуд.

"Барои расидан ба ин рӯзи саид мардуми тоҷик аз имтиҳони бисёр сахту сангини таърих гузашта, ба шарофати хиради азалии худ ба мухолифати мусаллаҳона ва ҷанги таҳмилии шаҳрвандӣ хотима бахшид ва ба аҳли башар исбот намуд, ки метавонад таҳти парчами ваҳдату ҳамдигарфаҳмӣ сарҷамъ гардад", — гуфтааст президент.

Раисҷумҳур таъкид кардааст, ки вазифаи муҳими мардум муаррифии аҳамияти Ваҳдати миллӣ, ҳамзистии тамоми шаҳрвандон, наслҳо ва ақидаҳо барои имрӯзу фардои Тоҷикистон аст.

Эмомалӣ Раҳмон аз шиддати ифротгароӣ изҳори нигаронӣ кардааст.

Президенти ҶТ: аз НАТО барои таҳкими ҳамкориҳо пуштибонӣ мекунем

"Фаромӯш набояд кард, ки амният ва ваҳдати миллии Тоҷикистон метавонад таҳти таъсири раванду рӯйдодҳои ҷаҳони пуртазоди имрӯза, аз ҷумла торафт вусъат гирифтани таҳдиди хатарҳои нав, аз қабили таассубу хурофот, ифротгароии динӣ, терроризм ва дигар ҷинояткориҳои муташаккили трансмиллӣ осебпазир гардад", — афзудааст президент.

Дар ин мулоқот вай ҳамчунин аз гароидани баъзе ҷавонон ба гуруҳи террористии "Давлати исломӣ" изҳори нигаронӣ карда, тазаккур додааст, ки ин ҳаракати иртиҷоӣ ҳеҷ умумияте ба дини ислом надорад, балки баръакс нақшаву ниятҳои қудратҳои ҷаҳониро, ки рушди давлатҳои мусулмониро намехоҳанд, амалӣ карда истодааст.

"Муошират ва мукотибаи фарзандони худро назорат кунанд, онҳоро аз таъсири манфии сомонаҳои тарғибкунандаи зӯровариву фаҳш ва дигар рафторҳои ғайриахлоқӣ, инчунин аз ҳар гуна даъвату тарғиботи тундгароёна ҳифз намоянд", — даъват кардааст аз волидайни тоҷик.

Лентаи хабарҳо
0