Анҷумани ҲНИТ. Акс аз бойгонӣ

Иттиҳодияи Аврупо аз вазъи ҲНИТ нигарон аст

20
Иттиҳодияи Аврупо ва Созмони амнияту ҳамкории Аврупо бо пахши як изҳорот аз нигарониҳои Ҳизби наҳзати исломии Тоҷикистон дар мавриди фишор ва нақзи Созишномаи сулҳи тоҷикон оиди плюаризми сиёсӣ ҷонибдорӣ кардаанд.

ДУШАНБЕ, 6 июл — Sputnik. Созмони амнияту ҳамкории Аврупо изҳоротеро мунташир кард, ки дар он аз вазъият атрофи Ҳизби наҳзати исломии Тоҷикистон нигаронӣ мешавад, иттилоъ медиҳад ОИ "Авеста".

САҲА ва Иттиҳоди Аврупо мегӯянд дар пайи интихобот фишор болои аъзои ҲНИТ афзоиш ёфта, наворҳои шубҳабарангези истеъфои аъзои ҳизб пайдо шуданд.

"Хулосаи ниҳоии нозирони САҲА аз раванди интихоботи парлумонии соли равон нишон додааст, ки бо маҳдудиятҳои зиёде гузашта, барои ҳамаи номзадҳо шароити баробар таъмин нашудааст",-омадааст дар изҳороти мазкур.

Ҳамзамон, таъкид гардидааст, ки барои якумин бор дар 18 соли охир яке аз тарафҳои калидии созишномаи сулҳи тоҷикон — ҲНИТ, бо нишони эътироз аз нақзи муқаррароти созишномаи сулҳ оид ба плюаризми сиёсӣ ва инчунин бо нишони эътироз алайҳи фишорҳо болои ҳизбу аъзоёнаш шикоят кардааст.

Дар изҳорот инчунин омадааст, ки "мо аз матлаби ахир дар нашрияи ҳукуматӣ оиди тафтишот алайҳи Муҳиддин Кабирӣ, раиси Ҳизби наҳзати исломии Тоҷикистон дар робита бо хусусигардонии ғайриқонунии 16 соли пеш нигаронем". Ин созмонҳои бонуфуз баъди муҳлати тӯлонӣ сар задани ин иттиҳомро шубҳаовар хонда, баёнгари афзоиши фишор болои аъзои ҲНИТ ва таҳқиби фаъолону мухолифони сиёсӣ тариқи ифтитоҳи парвандаҳои ҷиноӣ донистаанд.

Дар ниҳояти изҳорот аз ҳукумати Тоҷикистон қотеъона даъват шудааст, ки ӯҳдадориҳои байналмилалияшро дар назди САҲА иҷро кунад ва барои плюаризми сиёсии сулҳомез фазоро боз кунад.

 

20
Барчаспҳо:
фишор болои аъзоёни ҳизби сиёсӣ, наворҳои шубҳаангез, авзоъ атрофи ҲНИТ печида аст, изҳори нигаронии созмонҳои байналмилалӣ, Иттиҳодияи Аврупо, ИА, САҲА, ҲНИТ, Муҳиддин Кабирӣ, Вена, Душанбе, Тоҷикистон
Мавзуҳо:
ҲНИТ дар “гирдоб”-и сиёсат (31)
 Избранный президент Кыргызстана Садыр Жапаров. Архивное фото

Содир Ҷабборов расман президенти Қирғизистон шуд

156
(Таҷдидшуда 12:35 28.01.2021)
Дар толори Филармонияи милли Қирғизичстон маросими савгандёдкунии Содир Ҷабборов бо ҳузури беш аз ҳазор меҳмон ҷараён дорад

ДУШАНБЕ, 28 янв – Sputnik.  Кишвардори тозаинтихоби Қирғизистон Содир Ҷабборов расман ба иҷрои вазифа сар кард, хабар медиҳад Sputnik Қирғизистон.

Ба иттилои манбаъ, маросими савгандёдкунии Ҷабборов дар толори Филармонияи милли ин кишвар бо ҳузури беш аз ҳазор меҳмон сурат гирифт.

Гуфта мешавад, миёни меҳмонон ҳамчунин собиқ кишвардор Сооронбой Жээнбеков, ки бо хоҳиши худ истеъфо дода буд, низ ҳузур дорад.

Манбаъ меафзояд, ҳамаи меҳмонон қабл аз иштирок дар маросими мазкур, аз ташхиси коронавирус гузаштанд.

Ҷабборов пас аз адои савганд дар муроҷиат ба тамоми шаҳрвандони Қирғизистон ваъда дод, ки софдилона ба халқу ватан хизмат мекунад.

Сооронбой Жээнбеков ба маросими савгандёдкунии Содир Ҷабборов даъват шуд

Ёдовар мешавем, дар Қирғизистон рӯзи 10 январи соли ҷорӣ интихоботи фаврии президентӣ баргузор шуд ва Содир Ҷабборов бо ба даст овардани 79 дарсади раъйи интихобкунандагон барандаи ин маъракаи сиёсӣ эълон шуд.

Ҷабборов моҳи декабр дар паи нотинҷ шудани вазъият дар Қирғизистон аз зиндон баромад ва сарвазир таъин шуда буд.

156
Барчаспҳо:
президент, савгандёдкунӣ, Қирғизистон

"Муҳаббат бояд дуҷониба бошад": Путин дар бораи муносибати Русия бо Аврупо

136
(Таҷдидшуда 18:07 27.01.2021)
Раҳбари Русия инчунин вазъи кунунии ҷаҳонро тавсиф карда, онро бо солҳои сиюми асри гузашта муқоиса кард

ДУШАНБЕ, 27 январ - Sputnik. Президенти Русия Владимир Путин мутмаин аст, ки Русия ва Аврупо бояд ҳаросҳои гузаштаро дур кардаву "якҷоя бошанд".

"Муносибатҳои Федератсияи Русия ва Аврупо ҳоло муқаррарӣ нестанд, мо бояд ба муколама ва рӯзномаи мусбат баргардем. <...> Федератсияи Русия ва Аврупо шарикони комилан табиии иқтисод ва илм мебошанд, аммо муколама бояд ростқавл бошад, мо бояд ҳаросҳои гузаштаро дур кунем",-гуфт Путин.

Ба гуфтаи ӯ, Маскав омода аст муколама барқарор кунад, мехоҳад ва талош мекунад, аммо "муҳаббат бояд дуҷониба бошад."

Сарвари давлат ин суханонро дар Форуми умумиҷаҳонии иқтисодӣ дар Давос - ва бори аввал пас аз соли 2009 гуфт.

Путин вазъи кунунии ҷаҳонро бо солҳои 30-юм муқоиса кард: ба ақидаи ӯ, табақабандии иҷтимоӣ шиддат гирифта, радикализми рост ва чап афзоиш меёбад ва равандҳои сиёсӣ дар кишварҳои пешрафта шадидтар мешаванд.

Кушиши Аврупо барои ҳифзи муносибат бо Русия ва ояндаи худ

Дар ҳамин ҳол, раҳбари Русия қайд кард, ки "робитаи мутақобилаи кишварҳои гуногун дар ҳалли мушкилоти кунунӣ метавонад ба афзоиши эътимоди тарафайн имкон диҳад".

"Ҳоло муҳим аст, ки аз як изҳороти умумӣ ба тиҷорат гузарем, саъй ва захираҳои воқеиро барои ноил шудан ба ҳам коҳиши нобаробарии иҷтимоӣ дар дохили кишварҳои алоҳида ва ҳам тадриҷан ба ҳам наздик шудани сатҳи иқтисодҳои кишварҳои мухталиф ва минтақаҳои сайёра равона кунем. Пас аз он бӯҳрони муҳоҷират нахоҳад буд ",-илова кард ӯ.

Кишвардори Русия инчунин дар бораи яке аз мушкилоти муҳимтарини сайёра - пандемияи COVID-19 истода гузашт.

Ба гуфтаи Путин, мубориза бо коронавирус дар ҷаҳон бояд муштарак бошад.

"Ҷомеаи ҷаҳонӣ бояд шароит фароҳам оварад, то олимон ва мутахассисон якҷоя кор кунанд, то фаҳманд, ки чаро ва чӣ гуна мутатсия ба амал меояд, масалан, коронавирус чӣ гуна намудҳо дорад ва аз ҳамдигар чигуна фарқ мекунанд", - шарҳ дод президент.

Нахустин гуфтугӯи телефонии Путин бо Байден: сарони кишварҳои қудратманд аз чӣ гуфтанд?

Раҳбари Русия мӯътақид аст, ки "акнун тамаркуз ба рафъи мушкилоти на хаёлӣ, балки воқеӣ дар ҷаҳон муҳим аст".

136
Барчаспҳо:
иқтисод, Аврупо, муносибат, Владимир Путин
Маъруфджон ва Солехахон Мансуровы

Беҳтар шуда буданд: даргузашти пайи ҳами зану шавҳар Маъруфҷон ва Солеҳахон аз коронавирус

147
(Таҷдидшуда 14:31 28.01.2021)
Манзили хонаводаи Мансуровҳо дар Конибодом чанд рӯз пайи ҳам ба мотамхона табдил ёфт - падару модари хонавода Маъруфҷон ва Солеҳахон якбора дар пайи сироятёбӣ аз коронавирус ҷон ба Ҷонофарид супурданд

ДУШАНБЕ, 28 янв – Sputnik. Зану шавҳаре аз Тоҷикистон қурбони бемории ҳамагири коронавирус шуданд. 

Маъруфҷони 72-сола ва Солеҳахони 68-сола, зодагони шаҳри Конибодом нобаҳангом зимни сафар ба Русия ба бемории КОВИД-19 гирифтор шудаву мутаассифона, табибон натавонистанд онҳоро наҷот диҳанд.

Хабари даргузашти нобаҳангоми зану шавҳар шоми дирӯз дар шабакаҳои иҷтимоӣ паҳн гардид, аммо далели даргузашти онҳоро касе шарҳ надод.

Ба Sputnik Тоҷикистон муяссар шуд, ки баъзе ҷузъиёти марги мармузи волидони хонаводаро ошкор кунад.

Ба қавли яке аз наздикони хонавода, Маъруфҷон ва Солеҳахон дар пайи сироятёбӣ аз коронавирус дар Русия даргузаштаву тобути онҳо ба Тоҷикистон интиқол ёфт ва дар Конибодом зану шавҳарро пайи ҳам ба қабр гузоштанд.

Онҳо ҳамагӣ ду моҳ пеш барои хабаргирии фарзандон ва таҷлили якҷояи соли нав ба Маскав сафар карда буданд.

Ба қавли манбаи Sputnik Тоҷикистон, охирҳои моҳи декабр Солеҳахон Мансурова зодрӯз дошт. Чанд рӯз пас аз ҷашни мавлуд маълум шудааст, ки зан ба коронавирус гирифтор шудааст.

"Ба ҷашни зодрӯз маъракаи ороста буданд. Шояд, маҳз дар ҳамон маърака бошад ба коронавирус сироят ёфтаанд, аллакай 27-уми декабр ташхиси коронавирус мусбат баромадааст", - гуфт вай.

Ба қавли наздики хонавода, сипас ташхиси падари хонавода низ мусбӣ баромад ва ҳарду пайи ҳам ба бемористон интиқол ёфтанд.

"Онҳо қариб тамоми моҳи январ дар шӯъбаи эҳёи бемористон буданд. Аммо мутаассифона ҳарду ҳам даргузаштанд", - гуфт бо изҳори таассуф ӯ.

Ба қавли манбаи Sputnik Тоҷикистон Солеҳахон Мансурова чанд рӯз пеш аз марг пас аз кома (беҳушӣ) ба худ омадаву худро беҳтар ҳис кардааст, аммо нобаҳангом даргузаштааст.

Мотам дар Донишгоҳи Хуҷанд: Масаид Шерматов, ихтироъкори маъруфи кишвар аз олам даргузашт

"Фарзандон чанд рӯз тобути модарро дар Маскав нигоҳ доштанд, то баъди каме беҳтар шудани падар ба Конибодом раванд".

Ба гуфтаи вай, вақте падари хонавода низ ба ҳуш омадаву каме худро беҳтар ҳис мекунад, фарзандон тобути модарро ба Конибодом мебаранд, аммо ҳамагӣ пас аз як рӯзи рафтанашон, мард ҳам якбора вазнин шуда, табибон натавонистаанд ӯро наҷот диҳанд.

Тоҷирони тоҷик тобути Маъруфҷон Мансуровро ба Конибодом бурдаву рӯзи гузашта пас аз ҳудудан се рӯзи ҷанозаи ҳамсараш, ӯ низ ба хок супурда шудааст.

"Шояд тақдир ва нону насиб гӯянд, ҳарду ҳам ба беҳтарин бемористонҳои Маскав хобонида шуда буданд ва духтурони маъруфи Русия табобати онҳоро ба дӯш гирифта буданду ба онҳо даст надод, ки наҷоташон диҳанд", - гуфт вай бо таассуф.

Маъракаи ҷаноза бо риояи қоидаҳои беҳдоштӣ доир гардидааст.

Хонаводаи Мансуровҳоро дар шаҳри Конибодом яке аз оилаҳои намунавӣ арзёбӣ мекунанд. Sputnik Тоҷикистон охири моҳи ноябр дар бораи даргузашти Мансурҷон Қосимови 103-сола, куҳансарбози Ҷанги бузурги Ватанӣ аз Конибодом ва падари марҳум Маъруфҷон Мансуров гузориш дода буд.

Ёдрас мешавем, ин даргузашти ду тоҷикистонӣ аз коронавирус дар ҳолест, ки тибқи омори Вазорати тандурустӣ ҳафтаи дувум аст, ки омори коронавирус дар кишвар ба сифр баробар аст. Новобаста аз ин, вазорат аз сокинон даъват меорад, ки барои пешгирии бемории ҳамагир чораҳои беҳдоштиро риоя кунанд.

147
Барчаспҳо:
вируси корона, Русия, Тоҷикистон, даргузашт