Сӯҳбати раиси ҷумҳури Русия В.Путин бо нахуствазири Ҳинд Нарендра Модӣ

СҲШ аз тавсеъаи ин созмон хабар дод

11
(Таҷдидшуда 16:32 11.02.2016)
Ҳинд, ки дар чанд соли ахир ба Осиёи Марказӣ ва СҲШ таваҷҷӯҳи калон зоҳир мекунад, дар моҳи сентябри соли 2014 расман дархости узвият дар Созмони Ҳамкориҳои Шанхайро кард. Аз замони таъсис ин созмон ҳеҷ кишвари дигареро ба суфуфи худ напазируфта буд.

ДУШАНБЕ, 9 июл — Sputnik. Созмони Ҳамкориҳои Шанхай раванди ба узвияти комил пазируфтани Ҳиндро оғоз мекунад, изҳор дошт раиси ҷумҳури Русия Владимир Путин 8 июл дар дидор бо нахуствазири Ҳинд Нарендра Модӣ дар ҷараёни ҳамоишҳои оғозшудаи СҲШ ва БРИКС дар Уфа, хабар медиҳад сомонаи раиси ҷумҳури Русия.

Дар ҷараёни дидори Путин бо нахуствазири Ҳинд масоили пешрафти минбаъдаи ҳамкориҳои шарикии Русия ва Ҳинд ва ҳамчунин тақвияти бахши фанновариҳои олӣ ва навовариҳои технологӣ дар ҳамкориҳои тиҷоративу иқтисодии миёни ду кишвар матраҳ шуданд.

Ҳинд ба гунаи Афғонистон, Эрон, Муғулистон ва Покистон аз мақоми нозири СҲШ бархурдор аст. Дар таърихи худ СҲШ ба суфуфи ин созмон ҳеҷ кишвари дигареро напазируфтааст.

Дар солҳои ахир Ҳинд ба Осиёи Марказӣ ва СҲШ таваҷҷӯҳи бузург нишон медиҳад. Дар моҳи сентябри соли 2014 ин кишвар барои узвият дар ин созмон дархости расмӣ карда буд. Якҷо бо Ҳинд Покистон низ дархости узвият карда буд. Эрон низ тақозои узвияти комил дар ин созмонро дорад.

Ба навиштаи сомонаи раҳбарияти Русия дар СҲШ фаъол кардани ҳамгироӣ бо кишварҳои нозир, аз ҷумла дар умури мусоъидат ба Афғонистон ва ҷалби он ба фаъолияти ин созмон, тақвияти ҳамкорӣ бо шарикони муколамаи СҲШ ва фароҳам кардани шароити тавсеъаи ин СҲШ аз аҳдофи умдаи ин созмон мебошанд.

Русия қасд дорад дар замони раҳбарияташ дар созмон мақоми ин созмонро ба унвони чаҳорчӯбаи судманди муколама ва ҳамкорӣ дар умури амнияти минтақавӣ, мубориза бо терроризм, ҷудоихоҳӣ, тундгароӣ ва қочоқи маводди мухаддир боло бубарад.

Созмони Ҳамкориҳои Шанхай созмони байналмиллалии доимист, ки дар бораи таъсисаш 15 июни соли 2001 дар Шанхайи Чин эълом шуда буд. Қазоқистон, Чин, Қирғизистон, Русия, Тоҷикистон ва Ӯзбекистон узви СҲШ мебошанд.

Феълан панҷ кишвар — Афғонистон, Ҳинд, Эрон, Муғулистон ва Покистон аз мақоми нозимр дар СҲШ бархурдоранду Белорус, Туркия ва Шри-Ланка шарикони муколамаи ин созмон мебошанд.

Масоҳати умумии кишварҳои узви СҲШ ҳудуди 30 миллиону 189 ҳазор километри мураббаъ аст, яъне 3/5 масоҳати Авруосиё ва аҳолиаш — 1,5 миллиард нафар мебошад, ки ¼ аҳолии ҷаҳонро ташкил медиҳад.

11
Барчаспҳо:
омодагии СҲШ барои тавсеъа, СҲШ, Нарендра Модӣ, Владимир Путин, Уфа, Ҳинд, Русия
Мавзуъ
Президенти Покистон: мо тасмим дорем ба СҲШ бипайвандем
Мулоқоти Рустами Эмомалӣ, раиси Маҷлиси миллӣ бо Улуғбек Иноятов, муовини раиси Палатаи қонунгузории Олий Маҷлиси Ӯзбекистон

Рустами Эмомалӣ ва Иноятов дурнамои муносиботи Тоҷикистону Ӯзбекистонро баррасӣ карданд

259
(Таҷдидшуда 16:57 21.09.2020)
Рустами Эмомалӣ, раиси Маҷлиси миллии Тоҷикистон, дар мулоқот бо ҳайати Ӯзбекистон таҳти раёсати Улуғбек Иноятов, муовини раиси Палатаи қонунгузории Олий Маҷлиси ин кишвар густариши ҳамкориҳоро баррасӣ кард

ДУШАНБЕ, 21 сен — Sputnik. Тибқи иттилои котиботи Маҷлиси миллӣ, дар мулоқот масъалаҳои марбут ба ҳолати кунунӣ ва дурнамои муносибатҳои ҳамкорӣ миёни ҷумҳуриҳои Тоҷикистону Ӯзбекистон мавриди баррасӣ қарор дода шуд.

Зикр шудааст, ки солҳои охир равобити миёни ҷумҳуриҳои Тоҷикистону Ӯзбекистон ба шарофати иродаи сиёсии роҳбарони ду кишвар - Эмомалӣ Раҳмон ва Шавкат Мирзиёев торафт густаришу таҳким ёфта, уфуқҳои нав ба навро касб менамояд.

Манбаъ афзуд, ки иштирокчиёни вохӯрӣ ба масъалаи рушду инкишофи ҳамкориҳо, дар аксар соҳаҳои мавриди назар, бахусус парламентаризм диққати хос зоҳир намуданд.

“Дар мулоқот таъкид гардид, ки самтҳои афзалиятноки ҳамкориҳо дар бахши парламентаризм бениҳоят фарох буда, аз ҷумла соҳаҳои сиёсӣ, иқтисодӣ, иҷтимоӣ, гуманитарӣ ва ғайраҳоро фаро мегирад”, - омадааст дар иттилоия.

Таъкид шудааст, ки бояд дар мадди аввал механизми фаъолияти амалии гурӯҳҳои дӯстӣ ва ҳамкории байнипарламентӣ роҳандозӣ гардад. Котиботи Маҷлиси миллӣ афзуд, иштирокдорони мулоқот изҳор доштанд, ки ҷиҳати бо мазмуни нав пурра сохтани ҳамкориҳои байнипарламентӣ, ки талаботи замони муосир мебошад, тамоми имконият ва захираҳои мавҷударо сафарбар хоҳанд кард.

259
Барчаспҳо:
Ӯзбекистон, Эмомалӣ Раҳмон, Тоҷикистон
премьер-министр Узбекистана Абдулла Арипов

Санаи сафари сарвазири Ӯзбекистон ба Тоҷикистон маълум шуд

341
(Таҷдидшуда 21:34 19.09.2020)
Палатаи савдо ва саноати Тоҷикистон мегӯяд, сафари Абдулло Арипов, сарвазири Ӯзбекистон ба Душанбе ба рӯзҳои 28-30 сентябр рост меояд

ДУШАНБЕ, 19 сен — Sputnik.  Омодагӣ ба сафари Абдулло Арипов дар Палатаи савдо ва саноати Тоҷикистон баррасӣ шуд. Дар доираи ин сафар анҷумани соҳибкорони Тоҷикистону Ӯзбекистон рӯзҳои 28-30 сентябр ба нақша гирифта шудааст.

Инчунин зимни ин сафар ҷаласаи навбатии Комиссияи байниҳукуматии Тоҷикистон ва Ӯзбекистон баргузор мегардад

Дафтари матбуоти вазорати иқтисод ва савдои Тоҷикистон, мегӯяд, ҳоло омодагиҳо ба ҷаласаи навбатии Комиссияи байниҳукуматии Тоҷикистон ва Ӯзбекистон давом доранд.

Тибқи иттилои манбаъ, ин нукта зимни вохӯрии  Вазири рушди иқтисод ва савдои Тоҷикистон Завқӣ Завқизода ва муовини якуми Вазири сармоягузорӣ ва савдои хориҷии Ӯзбекистон Лазиз Қудратов, муовини Вазири иқтисод ва паст кардани сатҳи камбизоатии Ӯзбекистон Акмалхон Ортиқов, ки 18 сентябр дар шаҳри Душанбе баргузор гардид, мавриди баррасӣ қарор гирифт.

Ҳамзамон манбаъ таъкид доштааст, ки зимни вохӯрӣ ҷонибҳо инчунин вазъ ва дурнамои ҳамкории дуҷонибаро дар соҳаи тиҷоратию иқтисодӣ, аз ҷумла зиёд намудани нишондиҳандаҳои ҳаҷми гардиши савдои дуҷониба, таъсиси корхонаҳои муштарак дар минтақаҳои озоди иқтисодии Тоҷикистон баррасӣ намуданд.

341
Барчаспҳо:
ҷаласа, ҳамкорӣ, Ӯзбекистон, Тоҷикистон

Оғози машқҳои низомии “Қафқоз-2020”

0
(Таҷдидшуда 01:15 23.09.2020)
Машқҳои байналмилалии низомӣ “Қафқоз-2020” дар вилояти Астрахани Русия оғоз ёфтанд. Дар ин машқҳои низомӣ бе аз 80 ҳазор аскару афсар, инчунин 250 тонк, 450 худрави ҷангии пиёданизом, 200 тӯпу рокетандоз иштирок хоҳанд кард

Машқҳои низомӣ санаи 21 сентябри соли равон оғоз ёфтанд. Таи ҳафтаи ахир  низомиён таҷҳихзоту аслиҳаро барои иштирок дар машқҳои низомӣ омода карданд. 

Аз ҷумла пеш аз оғози машқҳои байналмилалӣ тамоми низомиён аз санҷиши вируси корона гузаронида шуданд.

Дар машқҳо беш аз 80 ҳазор нафар аскару афсар, инчунин 250 тонк, 450 худрави ҷангии пиёданизом, 200 тӯпу рокетандоз иштирок доранд.

Русия барои иштирок дар ин машқҳо ҳамчунин низомиёни Арманистон, Мянма, Покистон ва Эронро низ даъват кардааст.

Низомиёни Тоҷикистон ба ин машқҳои низомӣ ба ҳайси нозир даъват шудаанд.  

Ҳамчунин дар феҳристи кишварҳои даъватшуда Озарбойҷон ва Ҳиндустон низ буд, аммо мақомоти ин кишварҳо имсол аз иштирок дар ин машқҳои низомӣ “Қафқоз-2020”худдорӣ карданд.

0
Барчаспҳо:
Афсар, аскар, Астрахан, артиш, тамрин, машқи низомӣ, машқ, Русия