Парчами Иттиҳодияи Аврупо

Батлер: мушкили Украина аз мушкили Юнон сангинтар доман мезанад

7
(Таҷдидшуда 11:54 14.07.2015)
Ба эътиқоди коршинос агар вазъи иқтисодӣ дар Украина сангинтар шаваду кор то ба варшикастагӣ бирасад, ин амр муҷиби теъдоди зиёди муҳоҷирон мешавад ва дар ин сурат мушкили муҳоҷироне, ки аз баҳри Миёназамин убур мекунанд, барои Аврупо як амри маъмулӣ хоҳад шуд.

ДУШАНБЕ, 13 июл — Sputnik. Дар пасманзари мушкили Юнон ҷомеъаи Аврупо ба даргирии Украина чандон таваҷҷӯҳ намекунад, ҳарчанд ба навиштаи профессори бритониёӣ Ник Батлер, ки дар равзанаи худ дар сомонаи рӯзномаи Financial Times мунташир кардааст, ин мушкил сангинтар аз мушкилоти қаблӣ хоҳад шуд, хабар медиҳад РИА Новости.

Ба гуфтаи вай, сиёсатмадорон метавонанд "танҳо дар як мушкил" таваҷҷӯҳи худро муттамаркиз кунанд ва феълан Аврупо танҳо аз вазъ дар Юнон нигаронанд.

"Дар як моҳи ахир таваҷҷӯҳи ҳама ба Юнон равона шудааст ва эҳтимоли воқеъие вуҷуд дорад, ки дар Украина мушкили сангинтаре доман мезанад, ҳарчанд ин мушкилро теъдоди надаке мушоҳида мекунанд", — навиштааст вай.

Ба гуфтаи вай, агар вазъи иқтисодӣ дар Украина сангинтар шавад ва кор то ба варшикастагӣ бирасад, ин амр муҷиби ихроҷи теъдоди зиёди муҳоҷирон мешавад ва дар ин сурат мушкили муҳоҷироне, ки аз баҳри Миёназамин убур мекунанд. Барои Аврупо як амри маъмулие хоҳад шуд.

Аз ҷумла атбоъи Украина метавонанд ба кишварҳое назири Лаҳистон, Руминия, Маҷористон ва Словакия муҳоҷират кунанд.

Батлер ёдовар мешавад, ки баъд аз гирдиҳамоиҳои нахустин дар Майдан дар моҳи ноябри соли 2013 иқтисоди Украина рӯй ба таназзул ниҳод. Соли гузашта мизони тавлидоти нохолиси миллӣ ба панҷ фоиз коҳиш ёфт ва дар соли ҷорӣ ба пешбиниҳои мухталиф уфти панҷ-даҳ фоизӣ дар пеш аст.

Раванди сармоягузориҳо ба кишвар мутаваққиф шуду иҷрои тарҳҳое назири истихроҷи гази слантсеӣ якҷо бо ширкатҳои Shell ва Chevron фаромӯш шуданд. Ба гуфтаи Блаттер баъд аз "ғасби Қрим" аз сӯйи Русия ва даргириҳои низомӣ дар Донбасс бастагии Украина аз воридоти ангиштсанг ва газ аз Африқои Ҷанубӣ, Австралия, бархе аз кишварҳои Аврупоӣ ва "мутаъассифона" аз Русия бештар шуд.

Ин ҳама ба сангинтар шудани вазъи қарзҳои Украина мунҷар шуд, ки ба гуфтаи коршинос ҳоло ғайри қобили мулоҳиза мебошад. "Украина наметавонад дигар қарзҳои хориҷии худро бозпардохт кунад ва ба ин далел пардохтҳои ҳармоҳааш барояш хеле сангин шудааст", — муътақид аст вай.

Батлер зикр мекунад, ки баргузории ҳамоиши бузурге дар Вашингтон дар заминаи ҷалби сармояҳои ҷадид ба Украина бозгӯи ин нуқта аст, "ҳукумати ИМА вазъи Украинаро ҷиддитар аз кишварҳои Аврупо дарк мекунад". Ҳамзамон вай афзудааст, ки бидуни ҳалли мушкили қарзҳои ин ҳамоиш судовар нахоҳад буд.

Коршинос бар ин назар аст, ки Аврупо бояд ба Украина кӯмак кунад ва агар ин корро накунад, пас бо кишвари "ноӯҳдабарое" бо ҷамъияти 45 миллион нафарӣ дар наздикии Будапешт ва Варшава рӯбарӯ мешавад.

7
Барчаспҳо:
изҳори назар, Financial Times, Ник Батлер, Бритониё, Украина
Мавзуъ
Мусоҳиба бо Лавров: бӯҳрон дар Украина, равобити Русия ва ИМА, муқобала бо ДИ
Аврупо ба бозтоби воқеъии ҳаводис дар Украина шубҳа дорад
Сорос омодааст ба иқтисоди Украина $1 миллиард маблағгузорӣ намояд
Порошенко: назорати пулиси ИА роҳи беҳтарин барои шарқи Украина аст
Мақомоти ҷудоихоҳони шарқи Украина ҷонибдори бетарафии Киев ҳастанд
СБП ба Украина $17,5 млрд медиҳад
ВКХ ФР, Олмон, Фаронса ва президенти Украина дар бораи бӯҳрони Донбасс
Раҳбарони Фаронса, Олмон ва Украина хостори сулҳ дар Донбасс мебошанд
Пустое кресло

Маъмурияти дипломатии сафири Итолиё дар Тоҷикистон ба анҷом расид

46
Муовини вазири корҳои хориҷии Тоҷикистон Музаффар Ҳусейнзода ба Андреа Бертотсӣ барои саҳми арзандааш дар тақвияти ҳамкории дуҷониба миннатдорӣ баён намуд

ДУШАНБЕ, 8 июл — Sputnik. Маъмурияти дипломатии сафири Итолиё дар Тоҷикистон ба анҷом расид, хабар медиҳад Вазорати умури хориҷии Тоҷикистон.

Бино бар иттилои манбаъ, чанде пеш муовини вазири умури хориҷаи Тоҷикистон бо сафир мулоқот кардааст.

"Мулоқоти видеоии Муовини вазири корҳои хориҷии Ҷумҳурии Тоҷикистон Музаффар Ҳусейнзода бо Сафири Ҷумҳурии Италия дар Ҷумҳурии Тоҷикистон бо қароргоҳ дар Тошканд Андреа Бертотсӣ бино бар ба поён ёфтани маъмурияти дипломатиаш барпо гардид", - тавзеҳ медиҳад манбаъ.

Гуфта мешавад, Музаффар Ҳусейнзода ба Андреа Бертотсӣ барои саҳми арзандааш дар тақвияти ҳамкории дуҷониба миннатдорӣ баён намуд.

Зимни гуфтугӯ ҷонибҳо инчунин аҳаммияти баргузории чорабиниҳои банақшагирифташуда, аз ҷумла вохӯриҳо дар сатҳи олӣ ва баландро, пас аз ба эътидол омадани вазъи ҷаҳон бар асари вобаста ба ҳамагирӣ таъкид карданд.

 

 

 

46
Официальный визит президента РФ В. Путина в Таджикистан. День второй

Занги Эмомалӣ Раҳмон ба Назарбоев: 80-солагӣ муборак

128
Дар ин зимн ҷонибҳо атрофи як қатор масъалаҳои тавсеаву таъмиқи ҳамкории ду кишвар дар сиғаи шарикии стратегӣ ибрози ақида намуда, аҳамияти пешбурди минбаъдаи ин раванди созандаро бар нафъи мардумони ба ҳам дӯсти Тоҷикистон ва Қазоқистон таъкид карданд

ДУШАНБЕ, 6 июл – Sputnik. Имрӯз, 6 июл раисҷумҳури Тоҷикистон Эмомалӣ Раҳмон ба якумин президенти Қазоқистон Нурсултон Назарбоев сӯҳбати телефонӣ анҷом додааст. Дар ин бора котиботи раисҷумҳури Тоҷикистон гузориш медиҳад.

"Дар ҷараёни суҳбат кишвардори Тоҷикистон якумин Президенти Ҷумҳурии Қазоқистонро бо рӯйдоди муҳим – 80–солагии зодрӯзаш самимона табрик карда, таманниёти неки худро ба соҳибҷашн иброз намуд", - менависад котиботи раисҷумҳур.

Раисҷумҳури Тоҷикистон фаъолияти самарабахши солҳои тулонии Нурсултон Назарбоевро дар маснади Президенти Қазоқистони дӯст бахусус зикр кардааст.

Дар ин зимн ҷонибҳо атрофи як қатор масъалаҳои тавсеаву таъмиқи ҳамкории ду кишвар дар сиғаи шарикии стратегӣ ибрози ақида намуда, аҳамияти пешбурди минбаъдаи ин раванди созандаро бар нафъи мардумони ба ҳам дӯсти Тоҷикистон ва Қазоқистон таъкид карданд.

Қаблан Эмомалӣ Раҳмон унвонии якумин Президенти Ҷумҳурии Қазоқистон барқияи табрикотӣ ирсол намуд.

128

Коженов тағйиротҳо ҳангоми гирифтани патентро тавзеҳ дод

0
Раиси Федератсияи муҳоҷирони Русия Вадим Коженов тавзеҳ дод, ки аз 1 июл тартиботи гирифтани иҷозатномаи кор барои муҳоҷирон чигуна мешавад

ДУШАНБЕ, 8 июл — Sputnik. Раиси Федератсияи муҳоҷирони Русия Вадим Коженов дар мусоҳиба бо телевизиони "Мир-24" гуфт, ки аз 1 июл муҳоҷирони меҳнатӣ ҳангоми дархости патент бояд кадом тағйиротҳоро дар назар бигиранд.

Ӯ ёдрас шуд, ки 18 апрел раисҷумҳури Русия Владимир Путин фармонеро ба имзо расонид, ки мувофиқи он муҳоҷирони меҳнатӣ аз 15 март то 15 июн имтиёзҳои калон ба даст оварданд. Яъне, муҳоҷирон аз супурдани андози патент ва худро ба қайд гузоштан озод шуданд.

"Мақомоти Русия тамоми чораҷӯиҳоро андешиданд, то дар давраи мушкили карантин ба муҳоҷирон кӯмак расонанд", - таъкид кард Коженов.

Ёдрас мешавем, Русия аз 27 март, чун даҳҳо кишвари дигар, марзҳояшро баст ва парвозҳои байналмилалӣ лағв шуданд.

15 июн мӯҳлати амали фармони мазкур то 15 сентябр тамдид гардид.

"Ягона маҳдудият дар он аст, ки касе ки кор мекунад ва даромад дорад, бояд андози патентро супорад. Нафароне ки аз кор маҳрум шуданд, метавонанд, бидуни нигаронӣ аз ҷарима ва депорт дар ҳудуди Русия монанд", - гуфт президенти федератсия.

 

Ҳамчунин ӯ афзуд, ки ба муҳоҷирон иҷозат дода мешавад, ки бидуни убури сарҳад патент ба даст оранд. Зеро марзҳо бастаанд. 

Кӯмак: Коженов байни муҳоҷирон хӯрока тақсим кард - Навор

"Агар дар ин муддати зикргардида мӯҳлати патенти муҳоҷир ба анҷом расад, ӯ бидуни убури сарҳад метавонад навашро ба даст орад", - таъкид кард вай.

Раиси муҳоҷирон афзуд, ки Русия ба ворид шудани муҳоҷирон ба кишвар маҳдудияте ҷорӣ накардааст ва замоне ки карантин ба анҷом мерасад, хоҳишмандон метавонанд ба Русия сафар кунанд.

0