Рӯҳонӣ, президенти Эрон

Истиқболи гарми Душанбе аз тавофуқи Эрон ва кишварҳои "шашгона"

9
(Таҷдидшуда 09:25 15.07.2015)
Раисҷумҳури Тоҷикистон гуфтааст, ба тавофуқ расидани Эрон бо гурӯҳи 5+1 зафар ёфтани ақлу заковат ва тафаккури инсонист.

ДУШАНБЕ, 15 июл — Sputnik. Эмомалӣ Раҳмон, раисҷумҳури Тоҷикистон ба раисҷумҳури Эрон Ҳасани Рӯҳонӣ дар робита ба тавофуқи ҳастаии ин кишвар бо гурӯҳи 5+1 номаи табрикотӣ ирсол кардааст, менависад сомонаи президент.

"Бо камоли хушнудӣ ва масаррати фаровон хабари ба тавофуқ расидани Ҷумҳурии Исломии Эрон ва гурӯҳи "5+1"-ро дар масоили барномаи ҳастаии Шумо дарёфт намудам", — тазаккур додааст Эмомалӣ Раҳмон.

Раисҷумҳури Тоҷикистон дар идомаи номааш гуфтааст, пирӯзии афкори созанда дар ин мавзӯъ "дар воқеъ зафар ёфтани ақлу заковат ва тафаккури инсонист, ки он на танҳо ба нафъи Эрони бародар, балки ба манфиати тамоми минтақа аст" ва ба мардумони соҳати паҳновари он ва ҳамаи бани Одам зиндагии орому осоишта, пешрафту тараққӣ ва ояндаи хубу осмони беғуборро таъмин мекунад.

"Бо ибрози табрику таҳнияти Ҷаноби Олӣ ва мардуми Эрон бо ин дастоварди бузург ба кишвари бародар амну амонӣ ва рифоҳу саодат орзумандам", — навиштааст президенти Тоҷикистон.

Тавофуқи ҳастаии Эрон бо гурӯҳи 5+1 рӯзи 13 июл дар шаҳри Венаи Австрия ба ифоқа расид. Эрон ду соли ахир барои лағви таҳримоти Ғарб дар қиболи барномаҳои ҳастаияш вориди гуфтугӯ буд.

9
Барчаспҳо:
5+1, ҳастаӣ, тавофуқ, номаи табрикотӣ, Ҳасани Руҳонӣ, Эрон
Национальный флаг Китая

Қарор шуд: Чинро даҳдаста буғӣ мекунанд, оё Русия ҳам даъват мешавад?

610
(Таҷдидшуда 18:44 05.08.2020)
Дар заминаи дарк намудани ногузирии Ҷанги сард бо Чин, ки эҳтимолан таҳримҳо, маҳдудиятҳои равобити иқтисодӣ ва муқовиматро дар пай хоҳад дошт, ҷомеаи коршиносони ғарбӣ, дар ҷустуҷӯи роҳи пирӯзӣ бар Пекин ҳастанд

ДУШАНБЕ, 5 авг — Sputnik. Қариб ҳама имконоти "буғӣ кардани Чин", ки дар Вашингтон, Брюссел ва Лондон баррасӣ мешаванд, созмони эътилофи бузургеро дар назар дорад, ки бо қувваи коллективӣ барои нест кардани Чин равона мешавад, чуноне бо ИҶШС шуда буд.

Аммо, агар дар сатҳи баъзе принсипҳои роҳнамо ҳеҷ гуна гуногунӣ мушоҳида нашавад, дар сатҳи татбиқи мушаххаси ин принсипҳо мушкилии ҷиддӣ ба миён меояд, ки ҳалли онҳо найзаҳои президентҳо, сарвазирҳо, дипломатҳо ва таҳлилгаронро мешиканад.

Гап сари ин, ки дар бахре аз пойтахтҳои кишварҳои Урупо ва дар "марказҳои пажӯҳиши" - и ИМА аллакай дарк мешавад, ки баъзе аз давлатҳои Иттиҳоди Урупо (аз қабили Олмон, Фаронса ва Италия) ва ҳамчунин чанде аз кишварҳои Осиё аз чӣ бошад, намехоҳанд дар Ҷанги сард бар зидди Чин чун пешоҳангҳои ИМА ширкат кунанд.

Зиёда аз ин, онҳо намехоҳанд, ки барои пирӯзии ИМА дар ин ҷанг пул пардохт кунанд (ки он дар ҷанҷолҳои абадии Олмон ва Фаронса барои пардохти ду фоизи ММД барои "боми низомии" Амрико хуб мушоҳида мешавад) ва онҳо ҳатто омода нестанд, ки қатъиян содироти Huawei - и Чин барои шабакаҳои 5G - ро манъ кунанд, ки албатта Вашингтон ва Лондонро  бениҳоят ба хашм меорад.

Дар заминаи изҳороти урупоӣ дар бораи созмони қувваҳои мусаллаҳи худӣ ва Декларатсияи Макрон оиди хоҳиши бурдани сиёсати мустақил (яъне на бо Чин ва на бо Амрико) гумонҳо оиди он, ки ташкили эътилофи зидди Чин бисёр душвор ва гарон хоҳад буд, рӯз аз рӯз афзун мешавад ва дар баробари ин ҷустуҷӯи ҳалли ин мушкил низ тақвият меёбад.

Нашриёти бонуфузи Foreign Affairs, ки таҳти назорати маркази Council on Foreign Relations ("Шӯрои муносиботи байналмилалӣ") ду роҳи ҳалли ин масъаларо нишон медиҳад, ки якеро роҳи "Доналд Трамп" ва дигареро "Борис Ҷонсон" номидан мумкин аст.

Бо назардошти таъсири бузурги Council on Foreign Relations ба тафаккури элитаи амрикоӣ ва ҷонибдорони онҳо дар Урупо (худи маркази "фикрҳо" қариб чун "сояи ҳукумати ИМА" пиндошта мешавад), бояд ба методҳое назар кард, ки барои ҳалли ин бӯҳрон пешниҳод мешаванд, чун ба Русия муносибат дорад.

Ба мақолаи нави Foreign Affairs, ки таҳти унвони "Шӯрои демократия метавонад гуногуниро дар муносиботи байналмилалӣ ҳифз кунад", роҳҳои пешниҳодшуда ба нигоҳ доштани қудрати Амрико камаш дар ҷаҳони Ғарб нигаронида шудааст.

Муаллифони нашриёти бонуфузи Амрикоӣ баҳсро аз ҷое оғоз мекунанд, ки тартиботи кунунии ҷаҳонӣ гулӯгир мешавад ва таҳдиди аслӣ имрӯз на коронавирус, балки Русия ва Чин мебошад.

"Вале то ҳамагирии коронавирус низ, он низоми гуногунҷабҳае, ки бо кумаки Амрико пас аз хотимаи Ҷанги дуюми ҷаҳонӣ сохта шуд, базӯр аз уҳдаи ҳалии мушкилот мебарояд. COVID - 19 нишон дод, ки подшоҳ - бараҳна аст, вале дар асл подшоҳ чанд вақт боз либоси тунук дошт".

G7, ки пас аз шоки нафтии соли 1973 созмон дода шуд, то ҳол берун аз минтақаи Урупо як аъзо - Ҷопонро дорад. "Бистгонаи бузург", ки пас аз бӯҳрони соли 1997 дар Осиё созмон ёфт, қадру қиммати худро замони буҳрони иқтисодии соли 2008 нишон дода, аз нигоҳи сиёсӣ ва нуқтаи назари қобилияти ҳалли мушкилоти байналмилалӣ хеле номувофиқ дониста шуд. Дар ҳамин ҳол, эҳё шудани авторитаризм дар Русия ва Чин  Шӯрои амнияти СММ - ро аз пой зад".

Ин бисёр ташхиси ҷасурона аст, ки бо суханони зер гуфа мешавад: Ҳамаи чиз аз даст рафт ва чизе кор намекунад!.

Ва албатта ду роҳи ҳал пешниҳод мешавад, яке аз ҷониби Ҷонсон ва дигаре аз тарафи Трамп.

"Ҷонсон нахустин шуда моҳи май пешниҳод кард, эътилофе иборат аз даҳ кишвари демократӣ созмон дода шавад, ки аз кишварҳои узви G7 ва Австралия, Индия ва Куреи Ҷанубӣ ташкил шуда D10 номгузорӣ шавад, то дар соҳаи алоқа алтернативаи Huawei - ро дошта бошад. Пасон Трамп вохӯрии  G7-ро, ки бояд моҳи июн баргузор мешуд, лағв кард ва ба ҷои он баргузории формати  G11 дар тирамоҳро пешниҳод кард. Аз пешниҳоди Ҷонсон пеш гузашта Трамп хостори воридшавии ҳамаи кишварҳои зикршуда ва боз Русия шуд".

Коршиносони Foreign Affairs ворид кардани Русияро ба ин эътилоф тавсия намедиҳанд, вале онҳо формати  "D10" - ро хуш доранд, яъне пешниҳоди Ҷонсонро. Маънои тавсия ин аст, ки ҳатто агар Русияро барои дар барномаи зидди Чин ширкат кардан бовар кунонанд ҳам, пешниҳоди Трамп бисёр бад аст ва дар оянда бенатиҷа хоҳад буд, чун бар зидди Чин аст, вале пешниҳоди Ҷонсон беҳтар менамояд чун ин эъттилоф на бар зидди Чин, балки "эътилоф ба хотири хубиҳо" хоҳад шуд.

Албатта ин ҷо сухан дар бораи шиорҳои хушки "Демократия", "Озодӣ" ва "Ҳуқуқи инсон" хоҳад рафт. Аҷибаш ин, ки ин пешниҳод муқобили сиёсати ҳозираи хориҷии Вашингтон гузошта шудааст: "ИМА метавонад бар зидди барномаи сармоягузории чинии "Як камарбанд-як роҳ" ва тарҳи "Северный поток — 2", ки Русия дастгирӣ мекунад, муқобилият нишон диҳад, вале барои онҳо ба ҷонибдории худ кашидани дигар кишварҳо мушкил хоҳад буд, агар барномаеро пешниҳод насозанд. Вашингтон наметавонад бидуни истифодаи ҳеҷ чиз бар чизе пирӯз шавад".

Мушкили ин равиш дар он аст, ки намешавад "Демократия" ва "Озодӣ"- ие, ки дар ИМА сохта мешавад барои Олмон гази Русия ва барои Италия сармоягузории чиниро иваз кунад.

Ин ҷо маблағи амрикоиҳо ба кор меомад, вале ба Вашингтон чунин муносибат лозим нест, новобаста аз насаби президенти оянда: ба Байден ва Трамп мустамлика лозим аст, ва бозгардонии Иттиҳоди Урупо ба ин сатҳ чӣ дар доираи D10 ва чӣ  G11, номумкин аст, дар бораи Русия умуман бояд чизе нагуфт.

610
Барчаспҳо:
буғӣ кардан, Русия, Чин

Байден ба Трамп: Голфбозӣ бас аст, коратро анҷом бидеҳ

250
Номзади Ҳизби демократ дар интихоботи раёсатҷумҳурии Амрико бо интиқоди шадид аз амалкарди раиси ҷумҳури ин кишвар дар муқобила бо вируси корона аз ӯ хост ба ҷои голфбозӣ кардан вазифаҳояшро анҷом диҳад

ДУШАНБЕ, 2 авг — Sputnik. Ҷо Бойден дар як паёми твиттерӣ бо интиқоди шадид аз амалкарди Доналд Трамп навиштааст "дарёфти мукофотпулии бекорӣ барои миллионҳо нафар нимашаб ба поён мерасад. 

Мо як барномаи муассир дар сатҳи миллӣ барои гирифтани тест (корона) ё ҳатто як барнома барои контроли ин вирус надорем. Коркунони ҳавзаи саломат ва беҳдошти мо ҳануз таҷҳизоти кофии ҳифозати шахсӣ надоранд. Сафарҳои охири ҳафта барои голфбозӣ кардан дигар бас аст. Оқои раиси ҷумҳур коратро анҷом бидеҳ", менависад шабакаи Алъолам.

Бойден ҳамчунин навишт: Имрӯза иҷораҳо боло рафтааст. Доналд Трамп масъулияти раҳбарӣ кардани мо барои хориҷ шудан аз буҳрони КОВИД-19-ро раҳо кардааст ва мо акнун ба хотири ҳамин бо буҳрони маскан ва иҷора мувоҷеҳ ҳастем. Оқои раиси ҷумҳур ҳамин алъон иқдом бикун то амрикоиҳо маҷбур набошанд байни боми болои сарашон ё ғизо рӯи мизашон, якеро интихоб кунанд.

Пешгӯии Трамп амалӣ мешавад? фавти 865 маризи коронавирус дар Амрико давоми як шабонарӯз

Трамп ва аъзои давлати Амрико, ба иллати амалкарди заиф дар муқобила бо вируси корона дар рӯзҳои ахир ба шиддат мавриди интиқод қарор гирифтаанд.

Омори  донишгоҳи Ҷонз Ҳопкинз нишон медиҳад маҷмуъи мубталоён ба КОВИД-19 дар Амрико ба 4 миллиону 620 ҳазору 239 нафар расида ва шумори қурбониён аз 154 ҳазору 360 нафар гузаштааст.

250
Доллары США, архивное фото

Дар лоиҳаи буҷаи Тоҷикистон барои соли 2021 пандемияи коронавирус ба назар гирифта мешавад

0
(Таҷдидшуда 14:31 06.08.2020)
Вазорати молияи Тоҷикистон намунаи ниҳоии лоиҳаи буҷети давлатиро барои соли 2021 аз рӯи натиҷаҳои семоҳаи сеюми соли 2020 тасдиқ мекунад

ДУШАНБЕ, 6 авг — Sputnik. Лоиҳаи буҷаи давлатии Тоҷикистон барои соли 2021 бо назардошти нишондиҳандаҳои макроиқтисодӣ дар заминаи пандемияи коронавирус таҳия хоҳад шуд, хабар медиҳад Вазорати молияи ҷумҳурӣ.

Вазорат қайд кард, ки намунаи ниҳоии лоиҳаи буҷаи давлатии Тоҷикистон барои соли 2021 дар асоси натиҷаҳои семоҳаи сеюми соли 2020 муайян карда мешавад.

Ғайр аз ин, соли ҷорӣ нишондиҳандаҳои дурнамо барои солҳои 2022-2023 таҳия карда мешаванд.

Мутобиқи нишондиҳандаҳои пешгӯии Вазорати молия, моддаҳои хароҷоти буҷети давлатӣ барои солҳои 2021-2022 бояд 29,7% ва 29% ММД-ро ташкил диҳанд.

Бонкдори №1: аз ҷалби миллиардҳо доллар амонатҳои шабонарӯзӣ то афзоиши ММД ва таваррум

Ҳаҷми умумии даромади буҷети давлатӣ барои соли 2021 дар ҳаҷми 28,6 миллиард сомонӣ ба нақша гирифта шудааст

Ҳамзамон, дар робита ба пандемия аз коронавирус, буҷаи давлатии Тоҷикистон барои соли 2020 ихтисор карда шуд.

0