Истироҳат дар Қрим

Расонаҳо: вакилони Бундестаги Олмон аз Қрим дидан мекунанд

10
(Таҷдидшуда 14:53 03.08.2015)
Ба гуфтаи муовини раиси комитети Шӯрои Федератсия дар умури байналмиллалӣ Андрей Климов эҳтимоли сафари вакилони аврупоӣ ба нимҷазираи Қрим дар ҷараёни ҷаласаи навбатии Анҷумани порлумонии САҲА дар Муғулистон рӯзҳои 15-19 сентябр баррасӣ хоҳад шуд.

ДУШАНБЕ, 3 авг — Sputnik. Вакилони парлумон ё Бундестаги Олмон дар пасманзари сафари ҳамтоёни фаронсавии худ ба Қрим ҳамчунин эҳтимоли боздид аз ин нимҷазираро матраҳ мекунанд, изҳор дошт дар мусоҳиба бо нашрияи "Известия" вакил аз ҳизби "Чап"-и Олмон Александр Ной, хабар медиҳад РИА Новости.

"Ман бар ин назарам, ки сафари вакилони порлумонии Фаронса ба Қрим иқдоми дурусте буд. Ба унвони вакили аз сӯйи мардум интихобшудаонҳо муваззафанд ба мақомоти расмии Фаронса, ба сиёсатмадорон ва ҳамчунин ба сокинон қисса бикунанд, ки дар ин нимҷазира воқеъан чӣ рух медиҳад. Ин тасмими дуруст ва намунавӣ мебошад. Ҳизби чапгарои Олмон дар Бундестаг дар умури сиёсӣ дар муқоъиса бо аҳзоби дигар назароти мутафовит дорад ва ба ин далел сафар ба Қрим барои мо муносиб мебошад", — гуфт вай ба нашрия. 

Муъовини раиси комитети Шӯрои Федератсия дар умури байналмиллалӣ Андрей Климов ба нашрияи "Извести" хабар дод, ки эҳтимоли сафари вакилони аврупоӣ ба нимҷазираи Қрим дар ҷараёни ҷаласаи навбатии Анҷумани порлумонии САҲА дар Муғулистон 15-19 сентябр баррасӣ хоҳад шуд.

Қаблан гузориш шуда буд, ки ба дунболи ҳамтоиёни фаронсавӣ гурӯҳе аз вакилони порлумони Италия аз ҳизби "Панҷ ахтар", вакил аз ҳизби италиявии "Анҷумани Шимол" ва бархе аз сиёсатмадорони дигари аврупоӣ эълом карданд, ки қасди сафар ба Қримро доранд. 

Қрим баъд аз баргузории ҳамапурсии моҳи марти соли 2014, ки дар он бештаре аз сокинони ин нимҷазира, ки он замон аз вилояти мухтори Украина дониста мешуду қонунӣ будани табадуллоти давлатии моҳи феврал дар Украинаро напазируфтанд, барои дубора пайвастан ба қаламрави Русия раъй доданд. Москав иддаъо дорад, ки баргузории ҳамапурсӣ дар Қрим мутобиқ ба меъёрҳо ва қавонини байналмиллалӣ ва Оинномаи СММ буд.

10
Барчаспҳо:
тасмими вакилони порлумонии аврупоӣ барои сафар ба Қрим, тасмим барои сафар ба Қрим, ҷанг дар Украина, Бундестаги Олмон, Александр Ной, Андрей Климов, Қрим, Олмон, Русия
Мавзуъ
"Почтаи тоҷик" муросилотро ба Қрим мерасонад
Вакилони фаронсавӣ мехоҳанд ба ватан “намои дигари Қрим”-ро биоваранд
премьер-министр Узбекистана Абдулла Арипов

Санаи сафари сарвазири Ӯзбекистон ба Тоҷикистон маълум шуд

307
(Таҷдидшуда 21:34 19.09.2020)
Палатаи савдо ва саноати Тоҷикистон мегӯяд, сафари Абдулло Арипов, сарвазири Ӯзбекистон ба Душанбе ба рӯзҳои 28-30 сентябр рост меояд

ДУШАНБЕ, 19 сен — Sputnik.  Омодагӣ ба сафари Абдулло Арипов дар Палатаи савдо ва саноати Тоҷикистон баррасӣ шуд. Дар доираи ин сафар анҷумани соҳибкорони Тоҷикистону Ӯзбекистон рӯзҳои 28-30 сентябр ба нақша гирифта шудааст.

Инчунин зимни ин сафар ҷаласаи навбатии Комиссияи байниҳукуматии Тоҷикистон ва Ӯзбекистон баргузор мегардад

Дафтари матбуоти вазорати иқтисод ва савдои Тоҷикистон, мегӯяд, ҳоло омодагиҳо ба ҷаласаи навбатии Комиссияи байниҳукуматии Тоҷикистон ва Ӯзбекистон давом доранд.

Тибқи иттилои манбаъ, ин нукта зимни вохӯрии  Вазири рушди иқтисод ва савдои Тоҷикистон Завқӣ Завқизода ва муовини якуми Вазири сармоягузорӣ ва савдои хориҷии Ӯзбекистон Лазиз Қудратов, муовини Вазири иқтисод ва паст кардани сатҳи камбизоатии Ӯзбекистон Акмалхон Ортиқов, ки 18 сентябр дар шаҳри Душанбе баргузор гардид, мавриди баррасӣ қарор гирифт.

Ҳамзамон манбаъ таъкид доштааст, ки зимни вохӯрӣ ҷонибҳо инчунин вазъ ва дурнамои ҳамкории дуҷонибаро дар соҳаи тиҷоратию иқтисодӣ, аз ҷумла зиёд намудани нишондиҳандаҳои ҳаҷми гардиши савдои дуҷониба, таъсиси корхонаҳои муштарак дар минтақаҳои озоди иқтисодии Тоҷикистон баррасӣ намуданд.

307
Барчаспҳо:
ҷаласа, ҳамкорӣ, Ӯзбекистон, Тоҷикистон
Здание парламента Республики Таджикистан

Санаи сафари Иноятов дар садри вакилони Ӯзбекистон ба Душанбе маълум шуд

214
(Таҷдидшуда 17:09 19.09.2020)
Маҷлиси намояндагони Тоҷикистон санаи сафари ҳайати вакилони Ӯзбекистонро таҳти роҳбарии Улуғбек Иноятов ба Душанбе эълон кард

ДУШАНБЕ, 19 сен — Sputnik. Ҳадафи сафар иштирок дар нахустин ҷаласаи муштараки гурӯҳҳои парлумонии дӯстӣ ва ҳамкории Тоҷикистон ва Ӯзбекистон мебошад. Ҳайати намояндагони парлумони Ӯзбекистон 20 сентябр ба Душанбе меояд.

Дар Душанбе мулоқотҳои ҳайати парлумонии Ӯзбакистон ва Тоҷикистон 21 сентябр ба нақша гирифта шудааст.

Муҳаммадатов Султонов, котиби матбуоти Маҷлиси намояндагони Тоҷикистон, ба “Ховар” иттилоъ додааст, ки ҳайати Ӯзбекистонро, ки ба ҳайати он намояндагони ҳарду палатаи парлумони ин кишвар шомиланд, муовини раиси Палатаи қонунгузории Олий Маҷлиси Ҷумҳурии Ӯзбекистон Улуғбек Иноятов сарварӣ мекунад.

“Гурӯҳи дӯстӣ ва ҳамкории Маҷлиси намояндагон бо парлумони Ӯзбекистонро муовини раиси Маҷлиси намояндагони Маҷлиси Олии Ҷумҳурии Тоҷикистон Дилрабо Мансурӣ сарварӣ мекунад”, - омадааст дар иттилоия.

Манбаъ илова намуд, ки щайати Ӯзбекистон дар доираи ин сафар ҳамчунин бо раиси Маҷлиси намояндагон Маҳмадтоир Зокирзода мулоқот намуда, аз шаҳри Турсунзода дидан менамояд.

214
Барчаспҳо:
парлумон, Ӯзбекистон, Тоҷикистон

Муроҷиати видеоии Путин ба Маҷмаи умумии Созмони милал

0
(Таҷдидшуда 21:23 20.09.2020)
Ин муроҷиати видеоии Владимир Путин, раисҷумҳури Русияро тамоми ҷаҳон дар рӯзи ифтитоҳи нишасти ҳафтоду панҷумини Маҷмаи умумии СММ тамошо хоҳанд кард

ДУШАНБЕ, 20 сен — Sputnik. Раисҷумҳури Русия Владимир Путин дар нишасти 75-умини Маҷмаи умумии Созмони милали муттаҳид иштирок мекунад.

Тавре телевизиони "Россия 1" гузориш медиҳад, президент аллакай махсус барои Маҷмаи умумии Созмони милали муттаҳид муроҷиати видеоӣ сабт кардааст.

Дар навор дида мешавад, ки Путин дар назди овезае, ки дар он "Ояндаи ҳама бо қувваи ҳама" навишта шудааст, суханронӣ мекунад.

Афзун бар ин дар навор, бастаи ғафсеи коғазҳоро метавон дид, ки бо он сарвари кишвар навор сабт кардааст.

Ҳафтаи дараҷаи олии нишасти 75-уми Маҷмаи умумии СММ дар Ню-Йорк аз 22 то 29 сентябр баргузор мешавад.

Бо далели пандемия, чорабинӣ дар "формати виртуалӣ" баргузор мешавад. Дар ҳамин ҳол, дар толор аз ҳар як кишвар як намоянда иштирок хоҳад кард.

СММ: муҳоҷирони Осиёи Миёна дар кишварҳои Аврупо ҳавзаҳои террористӣ ташкил доранд

Маҷмаи умумӣ ба роҳбарони кишвар ва вазирон пешниҳод кардааст, ки баромадҳояшонро сабт кунанд ва онро дар толор намоиш хоҳанд дод. Давомнокии видео на бояд бештар аз 15 дақиқа бошад.

Навори муроҷиати Путинро дар рӯзи ифтитоҳи нишаст - 22 сентябр намоиш медиҳанд.

Бино бар иттилои котиботи СММ, созмон аз роҳбарони 26 кишвар чунин навор дарёфт кардааст.

0