Нишасти навбатии ША СПАД дар Душанбе баргузор мегардад

© Sputnik / Алексей НикольскийМулоқоти роҳбарони кишварҳи узви СПАД дар Кремл
Мулоқоти роҳбарони кишварҳи узви СПАД дар Кремл - Sputnik Тоҷикистон
Обуна шудан
Дар баробари муҳокимаи масъалаи тақвияти ҳамкориҳои кишварҳои узв дар чорчӯби СПАД, табодули афкор роҷеъ ба масоили доғи минтақа ва ҷаҳон, аз ҷумла хатароти ношӣ аз терроризм ва фаъол шудани гурӯҳҳои тундрав, ба мисли “Давлати Исломӣ” дар меҳвари нишасти Душанбе дар моҳи сентябр хоҳад буд.

ДУШАНБЕ, 5 авг — Sputnik. Рӯзҳои 14-15 сентябри соли равон дар Душанбе баргузории ҷаласаи Шӯрои амнияти Созмони Паймони Амнияти Дастҷамъӣ (ОДКБ) дар назар аст, омадааст дар хабари сомонаи ВКХ ҶТ.

Дар ин нишаст раисиҷумҳурони Русия, Белорус, Арманистон, Қазоқистон, Қирғизистон ва Тоҷикистон иштирок хоҳанд кард.

Сарвари МТС: аз хатари "ДИ" моро СПАД ҳимоят менамояд

Маврид ба ёдоварист, Владимир Путин, президенти Русия дар ҷараёни мулоқоташ бо Эмомалӣ Раҳмон, раисиҷумҳури Тоҷикистон дар моҳи майи соли равон дар шаҳри Уфа иброз дошт, ки моҳи сентябр ба Душанбе меравад ва дар нишасти СПАД иштирок мекунад.

Дар баробари муҳокимаи масъалаи тақвияти ҳамкориҳои кишварҳои узв дар чорчӯби СПАД, табодули афкор роҷеъ ба масоили доғи минтақа ва ҷаҳон, аз ҷумла хатароти ношӣ аз терроризм ва фаъол шудани гурӯҳҳои тундрав, ба мисли "Давлати Исломӣ" дар меҳвари нишасти Душанбе дар моҳи сентябр хоҳад буд.

Созмони Паймони Амнияти Дастҷамъӣ ташкилоти низомиву сиёсӣ буда, дар асоси Паймони амнияти дастҷамъӣ дар соли 1999 ташкил гардид. Айни замон кишварҳои Русия, Арманистон, Қирғизистон, Тоҷикистон ва Белорус ба он шомиланд.  

Лентаи хабарҳо
0