Муҳаммадалӣ Ҳайит. Акс аз бойгонӣ

ВАО: рӯбарӯкунии шарики Ҳоҷӣ Ҳалим бо Муҳаммадалӣ Ҳайит

46
(Таҷдидшуда 21:58 12.10.2015)
Расонаҳо аз қавли Ҷамшед Ёров, вакили дифои Маҳмадалӣ Ҳайит, муовини боздоштшудаи раиси Ҳизби наҳзати исломии Тоҷикистон хабар додаанд, ки мақомот зерҳимояи ӯро бар асоси се моддаи Кодекси ҷиноии кишвар айбдор мекунанд.

ДУШАНБЕ, 23 сен — Sputnik. Маҳмадалӣ Ҳайит, ноиби боздоштшудаи раиси Ҳизби наҳзати исломии Тоҷикистон баъди зуҳри 22 сентябр бо яке аз шарикони дастгиршудаи Ҳоҷӣ Ҳалим рӯбарӯ карда шудааст, менависанд расонаҳои хабарии Тоҷикистон.

Ин муовини раиси ҲНИТ рӯзи 16 сентябр дар пайи эълони анҷоми амалиётҳои вижаи мақомоти қудратии Тоҷикистон барои нобуд кардани дастаи генерали кушташуда Абдуҳалим Назарзода ҳамроҳ бо 12 узви Раёсати олии ин ҳизб боздошт гардидааст.

То кунун нисбати онҳо мақомоти тафтишотӣ иттиҳоми хосеро эълон накардаанд ва интизор меравад рӯзи ҷумъа ва ё шанбе ин иттиҳом ироа шавад. Додситонии кулли Тоҷикистон танҳо бо нашри як изҳорот гуфт, онҳо дар ҳамдастӣ бо гуруҳи генерал Назарзода муттаҳаманд.

Баъд аз нашри ин изҳорот мақомоти қудратии Тоҷикистон бо намоиши як гузориш тавассути Шабакаи аввал гуфтанд, ҲНИТ қасди ҳамла ба як чанд иншооти муҳими давлатиро доштааст.

Дар рӯбарӯкунии зуҳри 22 сентябр ҳам узви боздоштшудаи дастаи Назарзода гуфтааст, Муҳаммадалӣ Ҳайитро дар канори Муҳиддин Кабирӣ, раис ва дигар азъзои фаъоли ҲНИТ дар таърихи 6 марти соли ҷорӣ дар манзили зисти Абдуҳалим Назарзода, маъруф ба Ҳоҷӣ-Ҳалим дидааст, ки нақшаи ҳамла ба иншоотҳои давлатиро баррасӣ мекарданд.

Ин дар ҳолест, ки тавре расонаҳо аз қавли Ёров хабар медиҳанд, Муҳаммадалӣ Ҳайит баёноти шоҳидро тӯҳмат дар нисбати худаш, Муҳиддин Кабирӣ ва дигар фаъолони ҲНИТ хондаааст.

Ёров гуфтааст, феълан ифтитоҳи парвандаҳои ҷиноӣ аз рӯи се моддаи Кодекси ҷиноӣ — 179 (террор), 104 — (одамкушӣ), 187 — (ташкили иттиҳоди ҷиноӣ) алайҳи зерҳимояаш дар назар аст.

Талошҳои Sputnik барои тамос бо Ёров ба хотири гирифтани иттилои бештар бенатиҷа буданд.    

46
Барчаспҳо:
Кодекси ҷиноӣ, парванда, иттиҳом, боздошт, Муҳаммадалӣ Ҳайит, Муҳиддин Кабирӣ, Ромит, Душанбе, Тоҷикистон
Президент Кыргызской Республики Сооронбай Жээнбеков

Сооронбой Жээнбеков барои таҷлили Рӯзи Пирӯзӣ ба Маскав меравад

91
(Таҷдидшуда 18:43 28.05.2020)
Гузашти низомӣ ба муносибати Рӯзи Пирӯзӣ дар Маскав рӯзи 24 июн баргузор мешавад. Рӯзи таҷлили ид дар Маскав чораҳои амниятӣ шадид мешавад

ДУШАНБЕ, 28  май — Sputnik. Президенти Қирғизистон Сооронбой Жээнбеков дар гузашти низомӣ ба муносибати 75-умин солгарди Рӯзи Пирӯзӣ ширкат хоҳад кард, хабар медиҳад Sputnik Қирғизистон.

Ин хабарро раҳбари хадамоти матбуотии президент, Толгонай Стамалиев таъйид кардааст.

Ёдрас мешавем, ки имсол ба далели паҳншавии коронавируси навъи COVID - 19 таҷлили оммавии Рӯзи Пирӯзӣ дар Русия, ки ҳамасола рӯзи 9 май, баргузор мешуд, лағв шуд.

Президенти Русия Владимир Путин, рӯзи 26 май фармон дод, ки омодагӣ барои таҷлили 75-умин солгарди Пирӯзӣ дар Ҷанги Бузурги Ватаниро дар пойтахти Русия шаҳри Маскав ва дигар шаҳрҳо оғоз шавад.

Беш аз миллион нафар аз 60 кишвари ҷаҳон суруди "Рӯзи Пирӯзӣ" - ро сароиданд - видео

Ӯ қайд кард, ки рӯзи 24 июн барои таҷлили ин иди бузург рӯзи мувофиқ аст, чун маҳз дар ин таърих нахустин бор соли 1945 гузашти низомии қаҳрамонон баргузор шуда буд.

Дақиқаи хомӯшӣ барои поси хотири қурбониёни Ҷанги Бузурги Ватанӣ

Дар баробари ин президент ба вазири дифоъ Сергей Шойгу фармуд, то замони таҷлили ид амнияти шаҳрвандон қатъиян таъмин шавад ва хатари сироятёбӣ ба коронавирус дар он рӯз кам карда шавад.

91
Барчаспҳо:
ҷашни рӯзи Ғалаба, Маскав, сафар, Сооронбой Жээнбеков, Маскав
Мавзуҳо:
Пайомадҳои COVID-19 дар Тоҷикистон ва ҷаҳон
Министр иностранных дел РФ Сергей Лавров

Лавров дар бораи танишҳо дар марзи Тоҷикистону Қиғизистон: Русия омодаи кӯмак аст

440
(Таҷдидшуда 19:58 26.05.2020)
Вазири умури хориҷаи Русия Сергей Лавров аз Тоҷикистону Қирғизистон даъват кардааст, ки дар марз аз истифодаи нерӯ худдорӣ кунанд

ДУШАНБЕ, 26 мая — Sputnik. Ҷониби Русия аз Тоҷикистон ва Қирғизистон даъват меорад, ки дар марз аз истифодаи силоҳ даст кашанд ва омода аст, ки ҳамчун миёнрав хизмат кунад. Дар ин боравазири умури хориҷии Русия Сергей Лавров баъди нишасти вазирони умумири хориҷа дар ҷаласаи СПАД гуфтааст.

 "Ин вазъ дар марзи Тоҷикистону Қирғизистон, мутаассифона бори аввал нест. Мо аз шариконамон даъват меорем, ки онҳо роҳи маслиҳатомезро пеш гиранд ва ҳарчи тавонанд аз истифодаи қувва худдорӣ кунанд. Мо омодаем ҳамчун миёнрав хизмат кунем. Ҳарчи зудтар вазъият ба эътидол ояд, ҳарчи беҳтар аст. Дар ин бора имрӯз ба дӯстонамон ҳам гуфем", - таъкид кардааст Лавров.

Ёдрас мешавем, 24 май бар марзи Тоҷикистону Қирғизистон таниши навбатӣ ба миён омад. Марбонони ҳарду кишвар тир кушоданд.

Марзбонии ду давлат ҳодисаро гуногун тавзеҳ доданд.

Фаврӣ: тирандозӣ дар марзи Тоҷикистону Қирғизистон дар рӯзи ид

Қирғизистон сокинони Ворухро дар гузаштан ба минтақаи қирғизҳо барои чарронидани чорво муттаҳам кард, аммо ба иттилои КДАМ Тоҷикистон баръакс, чӯпонҳои қирғиз дар ҳудуди деҳаи Пули Офтобрӯяи ҷамоати деҳоти Ворухи шаҳри Исфара, ки бо деҳаи қирғизнишини Мойнок ҳамсарҳад мебошад, вориди қаламрави Тоҷикистон гардида, ба муноқишаи навбатӣ бо сокинони наздимарзии ҶТ даст заданд.

440