Акси овехтаи нишони ҲНИТ дар қароргоҳи марказии он дар Душанбе. Акс аз бойгонӣ

Кумита барои дифоъ аз аъзои ҲНИТ: шумори боздоштшудаҳо меафзояд

17
(Таҷдидшуда 22:00 12.10.2015)
Ба гуфтаи Бузургмеҳр Ёров, алайҳи 13 узви Раёсати олии Ҳизби наҳзати исломии Тоҷикистон (ҲНИТ) бар асоси моддаи 187 (ташкили иттиҳоди ҷиноӣ)-и Кодекси ҷиноӣ аз сӯи Додситонии кулли кишвар айб эълон шудааст, ки қонунгузорӣ барои ин навъи ҷиноят аз 15 то 20 соли зиндон пешбинӣ намудааст.

ДУШАНБЕ, 28 сен — Sputnik. Барои ҳимоя кардани ҳуқуқҳои онҳо аз сӯи наздикону пайвандонашон даҳҳо муроҷиатнома қабул кардаам, — гуфт, ҳуқуқшиноси тоҷик ва раиси Кумитаи ҷамъиятӣ барои дифоъ аз ҳуқуқи 13 узви боздоштшудаи Раёсати олии ҲНИТ Бузургмеҳр Ёров дар суҳбат бо Sputnik.

"13 нафар, аксарияти инҳо нафароне мебошанд, ки ному насабашон дар ВАО нашр шудааст. Ба ҷуз аз инҳо, боз ҳар рӯз даҳҳо муроҷиатнома қабул мекунем, ки аз боздошти ғайриқонунӣ ва эълони айбҳои беасос алайҳашон шикоят мекунанд", — афзуд Ёров.

Ба гуфтаи ҳамсуҳбати мо, мақомот манзили бархе аз онҳоро мавриди бозҷӯӣ ҳам қарор додаанд, ки силоҳ ва лавозимоти ҷангӣ пайдо шудааст.

"Гӯиё тир ва норинҷак пайдо кардаанд. Аз хонаи се узви ҲНИТ танҳо баъд аз бозҷӯии дубора силоҳ ёфт шудааст. Ҳамсари яке аз боздоштшудаҳо дар Душанбе гуфт, мақомот дар пакети селофании нав туфангчаеро пайдо кардаанд, ки ҳеч изе дар он дида намешавад", — афзуд Ёров.

Дар пайи эълони хатми амалиёти вижаи муштараки мақомоти қудратии Тоҷикистон барои нобуд кардани дастаи генерали кушташудаи Вазорати дифои Тоҷикистон рӯзи 16 сентябр 13 узви фаъоли ҲНИТ аз сӯи мақомот боздошт шуданд. Пеш аз ҳама муовини раиси ҲНИТ Сайидумар Ҳусайнӣ дар фурудгоҳи шаҳри Душанбе ҳангоми парвоз ба шаҳри Алмаато боздошт шуд, ки ба гуфтаи Ёров мақомот талош кардаанд, аввал бо ӯ дар масъалае ба мувофиқа бирасанд.

"Ӯро на аз дохили ҳавопаймо, балки аз фурудгоҳ барои "як суҳбат" даъват намуда, ба раёсати мубориза бо ҷиноятҳои муташаккил бурдаанд", — таъкид кард ҳуқуқшиноси тоҷик.

"Маро дар бинои ин раёсат 3-4 соат манъ карданд, муносибат аввал хуб буд. Чанд кас омад, изҳор доштанд, ки мо хешу таборем, зора карданд, ки биё аз ҳизб даст каш, тариқи телевизион муроҷиат кун, ки ман аз ҳизб баромадам ва фаъолияти ҲНИТ нодуруст аст. Аммо зерҳимояам ин пешниҳодро рад карда, изҳор доштааст, ки ҲНИТ ҳизби конститутсионӣ аст ва дар асоси қонун фаъолият дорад. Гуфт баъде ки ҷавоби рад гирифтаанд, ӯро боздошт карда, ба боздоштгоҳи Кумитаи амният бурдаанд", илова намуд ӯ.

Ба гуфтаи Бузургмеҳр Ёров, алайҳи 13 узви Раёсати олии Ҳизби наҳзати исломии Тоҷикистон (ҲНИТ) бар асоси моддаи 187 (ташкили иттиҳоди ҷиноӣ)-и Кодекси ҷиноӣ аз сӯи Додситонии кулли кишвар айб эълон шудааст, қонунгузорӣ барои ин навъи ҷинотя аз 15 то 20 соли зиндон пешбинӣ намудааст.

Ҳуқуқшиноси тоҷик таъкид кард, ки ҳамаи 13 узви боздоштшудаи ҲНИТ иттиҳоми ҳамдасти бо генерал Назарзодаро рад мекунанд.

17
Барчаспҳо:
ҲНИТ, фурудгоҳ, боздошт, ҳизб, Абдуҳалим Назарзода, Сайидумар Ҳусайнӣ, Бузургмеҳр Ёров, Алмаато, Душанбе, Тоҷикистон
Урна для голосования на одном из избирательных участков в Таджикистане. Архивное фото

Интихоботи президентӣ: Ҳизби аграрӣ ҳам номзад пешниҳод мекунад

464
(Таҷдидшуда 19:35 13.08.2020)
Ҳизби аграрии Тоҷикистон анҷумани ғайринавбатии худро даъват кардааст, то номзади худро дар интихоботи президентӣ пешниҳод кунад

Душанбе, 13 август - Sputnik. Рустам Латипов, раиси Ҳизби аграрӣ, дар таъйиди ин хабар ба Sputnik Тоҷикистон гуфт, ин анҷуман қарор аст соати 09:00 – и рӯзи шанбе, 15 август дар толори Академияи миллии илмҳои Тоҷикистон баргузор шавад.

"Мо ҳудуди 130 намояндаи худро аз шуъбаҳои Ҳизби аграрӣ дар саросари кишвар даъват кардаем. Ду масъала дар рӯзномаи маҷлис аст. Яке, ширкати ҳизб дар интихоботи президентӣ ва дигаре, пешниҳоди номзад", - гуфт Рустам Латипов.

Ҳизби аграрии Тоҷикистон 15 ноябри соли 2005 таъсис ёфта, дар интихоботҳои президентии солҳои 2006 ва 2013 низ ширкат кардааст.

Дар интихоботи президентии соли 2006 номзади ҳизб раиси он Амир Қароқулов буд, ки бино ба иттилои Комиссияи марказии интихобот ва раъйгирии Тоҷикистон, 5,2 дарсади раъйи мардумро ба даст оварда буд.

Таъйини интихобот ба рӯзи 13 сентябри соли 2020

Дар интихоботи президентии соли 2013 Ҳизби аграрӣ номзадии Толиббек Бухориев, муовини раиси ҳизбро пешниҳод кард, ки 4,61 дарсад раъй гирифт.

Интихоботи президентии Тоҷикистон 11 октябри соли равон баргузор мешавад. То ба ҳол ҳеҷ як аз номзадҳо маълум нестанд.

464
Барчаспҳо:
ҳизб, чор ҳизб, Тоҷикистон, интихобот
Мэр Душанбе Рустам Эмомали

Рустами Эмомалӣ интизориҳояшро аз интихоботи президентӣ эълон кард

6553
(Таҷдидшуда 15:09 12.08.2020)
Рустами Эмомалӣ, раиси Маҷлиси миллии Тоҷикистон интизороташро аз интихоботи президентии 11 октябр баён дошт

ДУШАНБЕ, 12 авг — Sputnik. Рустами Эмомалӣ таъкид кард, ки интихобот бояд шаффофу демократӣ бо иштироки ҳамаи ҳизбҳои сиёсии Тоҷикистон баргузор шавад.

Ӯ изҳори умед кард, ки интихоботи раисиҷумҳур омили муттаҳидкунандаи мардуми кишвар ва таҳкими ваҳдату субот дар ҷомеа хизмат намояд.

"Сахт андӯҳгин шудем": ҳамдардии Вазорати фарҳанг бо хонаводаи Баҳром Ғафурӣ

“Ин чорабинии муҳими сиёсӣ бояд дар доираи талаботи Конститутсия ва қонунгузории Ҷумҳурии Тоҷикистон, дар сатҳи баланди ташкилӣ, ба таври демократӣ ва озоду шаффоф, бо иштироки фаъолонаи халқи Тоҷикистон ва ҳизбҳои сиёсӣ гузаронида шуда, он ҳамчун омили муттаҳидкунандаи мардуми кишвар ва таҳкими ваҳдату субот дар ҷомеа хизмат намояд”, - хабар дод нашрияи парлумонии “Садои мардум” аз қавли раиси Маҷлиси миллӣ.

Рустами Эмомалӣ таъкид намуд, ки “ин интихобот бояд сатҳи баланди маърифати ҳуқуқӣ ва сиёсии мардуми шарифи Тоҷикистонро нишон дода, ба тақвияти боз ҳам бештари нуфузу обрӯи давлати мо дар сатҳи байналмилалӣ мусоидат намояд”.

Кӯдакистонҳо низ дар Тоҷикистон 17 август ба кор оғоз мекунанд

Ӯ дар ҷаласаи ахири муштараки ду палатаи парлумон борҳо аз вакилон суол кард, ки оё дар бораи интихобот пешниҳодҳое доранд, аммо посухе нагирифт.

Дар охир Рустами Эмомалӣ аз аъзои Маҷлиси миллӣ ва вакилони Маҷлиси намояндагон хоҳиш кард, ки барои дар сатҳи баланд баргузор гардидани ин маъракаи сиёсӣ саҳмгузор бошанд.

6553
Барчаспҳо:
интихобот, Рустами Эмомалӣ, Тоҷикистон
Новая эстакада в Душанбе

Бе ҳуҷҷати ронандагӣ ва бо суръати баланд: садама дар эстакадаи Душанбе - видео

0
Ронандаи 30 - сола, ки воситаи нақлиёташро бо суръати баланд меронд, нахуст ба монеасанги канори роҳ ва сипас ба поясутуни симчӯб бархӯрда автомашинаашро чаппа кард

ДУШАНБЕ, 14 авг — Sputnik. Раёсати Вазорати умури дохили дар шаҳри Душанбе, навор аз як садамаи нақлиётӣ дар эстакадаи пойтахтро шарҳ дод. Навори мазкур чанде пеш ба шабакаҳои иҷтимоӣ роҳ ёфт ва мавриди баҳси корбарон қарор гирифт.

Зимнан, кормандони пулис ронандаи автомашинаеро, ки пас аз бархӯрдан ба монеасанги канори роҳ ва поясутуни симчӯб чаппа шуда буд, дастгир намуданд.

Дастгиршуда Оев Қосими 30 - сола, сокини шаҳри Душанбе буда, санаи 13-уми август, тақрибан соатҳои 15:00 дақиқа ҳангоми ҳаракат аз кӯчаи Н.Махсум ба тарафи кӯчаи Б.Ғафуров дар рӯ ба рӯи истгоҳи воситаҳои нақлиёти мусофирбар, аз уҳдаи идораи воситаи нақлиёт набаромада, ба монеасанги (бардюр) канори роҳ ва сипас ба бетони поясутуни симчӯб бархӯрда, автомашинаи худро чаппагардон кард.

Садама дар шоҳроҳи Душанбе-Хуҷанд: ВУД аз қурбонии ҳодиса гуфт

Манбаъ меафзояд, дар садамаи мазкур касе осеби ҷиддӣ надид.

Зимни пурсиш маълум гардид, ки  ронанда бидуни ҳуҷҷати ронандагӣ худравашро бо суръати ниҳоят баланд идора мекард, ки дар натиҷа ба садама дучор шуд.

РВУД дар шаҳри Душанбе мегӯяд, вобаста ба ҳолати мазкур маводҳои лозима тартиб дода шуда, таҳқиқ дар ин самт ҷараён дорад.

0