Омӯзиши неруҳои СПАД дар Арманистон

Коршинос дар умури Афғонистон: Амрико талош дорад, ба Русия фишор орад

14
(Таҷдидшуда 22:10 12.10.2015)
Яку якбора бад шудани вазъи минтақа мавзуи меҳварии мулоқоти раисҷумҳури Тоҷикистон Эмомалӣ Раҳмон ва ҳамтои руси ӯ, Владимир Путин гардид, ки 6 октябр дар шаҳри Сочӣ баргузор шуд.

Директори Маркази ташхиси геополитикии Русия Валерий Коровин назари худ дар бораи он ки оё эҳтимоли ҳаракати ҷангиёни Толибон аз Афғонистон ба кишварҳои Осиёи Марказиро дорад, иброз дошт.

Ҳаракати Толибон, ки ҳоло дар қаламрави Афғонистон фаъол шудааст, аз сӯи Иёлоти Муттаҳидаи Амрико ташкил гардидааст. Тавре сиёсатшинос гуфт, ин ҳаракат ҳанӯз ҳам тавассути намяондагони гуруҳҳои террористии минтақавии арабӣ аз сӯи ин кишвар идора мешавад. Ба гуфтаи ӯ, Вашингтон замоне аз Толибон истифода мекунанд, ки шиддатёбии вазъ дар минтақа барояш лозим бошад.

"Ва имрӯз ҳам он замон фаро расидааст. Зеро Русия бо яке аз гуруҳҳои дигари террористии ташкилнамудаи ИМА — "Давлати исломӣ" муборизаи муваффақ дар Сурия бурда истодааст. ИМА барои кам кардани таваҷҷуҳи Русия дар Сурия фаъоляти ҳаракатҳои дигар, аз ҷумла Толибонро дар минтақа фаъол намуда истодааст", изҳор дошт, Коровин дар суҳбат бо бахши узбакии Sputnik.

Толибон ҳам бояд дар асоси дархости Вашингтон бо фаъол намудани чкучкбораи фаъолияти худ мушкилеро барои Русия эҷод кунад ва Амрико ҳам бо ин васила ба мақомоти рус фишор оварда, онҳоро каме гапдаро кунад.

Хатар ба Осиёи Марказӣ меафзояд

"Дар сурати ба таври ҷиддӣ мудохила накардани Русия ба вазъи пешомада ИМА бидуни шубҳа ҷангиёни Толибонро ба қаламрави Тоҷикистон ё кишварҳои дигари ҳаммарзи шимолии Афғонистон сар хоҳад дод", — мегӯяд, сиёсатшинос.

Дар ин ҳол, тавре ҳамсуҳбати мо мегӯяд, ҷангиёни Толибон дар минтақаҳои номбурда тактикаҳои кутоҳмуддати худро роҳандозӣ карда, ҳамзамон барои ИМА ҳам манфиатҳои стратегӣ эҷод мекунанд.

Роҳи ҳал вуҷуд дорад

Мушкили вазъ дар минтақаҳои назди сарҳадии Тоҷикистонро, тавре сиёсатшинос борҳо гуфта буду дар ҷаласаи Шӯрои СПАД ҳам қайд гардида буд, бидуни дахолати фаъол дар қаламрави Афғонистон наметавон ҳал кард.

Дар қаламрави ин кишвар имрӯз мудирияти мутамарказ вуҷуд надорад ва давлат ҳам таҳти идораи гуруҳҳои террористии ташкилнамудаи ИМА қарор дорад.

Барои коҳиши ташаннуҷи вазъ ба гуфтаи коршинос, бояд каме баъзе аз густаришҳои стратегӣ анҷом дод.

Маскав барои фишор омодааст

Коршинос шак надорад, ки ингуна шадид шудани вазъият дар марзи Тоҷикистон мисли шиддат гирифтанаи танишҳои эҳтимолии дигар дар манотиқи ҳаммарз бо Русия аз ҷониби Маскав дар назар гирифта шудаанд ва Қафқози шимолиро ҳам, ки ҳоло минтақаи анъанавие барои фишор ба Русия табдил шудааст, набояд аз мадди назар дур гирифт.

Барои ҳамин, ҳоло ки Русия ҳамлаҳои муваффақона алайҳи "Давлати исломӣ" дар Сурияро оғоз кардааст, стратегҳои ғарбӣ ҳам роҳҳои фишор ба мақомоти русро рӯи даст гирифтаанд.

Созмони Паймони Амнияти Дастҷамъӣ як ташкилоти низомиву сиёсӣ бар асоси Паймони амнияти дастҷамъӣ дар соли 1999 ташкил шуда, ба узвияти он Русия, Арманистон, Қазоқистон, Қирғизистон, Тоҷикистон ва Белорус шомиланд. Ӯзбакистон дар соли 1999, дар авҷи гармии муносибатҳояш бо Ғарб ва Иёлоти Муттаҳидаи Амрико СПАД-ро тарк кард.

Ҷанг барои Қундуз: то Тоҷикистон километрҳои ба шумор мондааст
© Sputnik
Ҷанг барои Қундуз: то Тоҷикистон километрҳои ба шумор мондааст
14
Барчаспҳо:
ташаннуҷ, марз, вазъ, Афғонистон, Тоҷикистон, Сурия, Афғонистон, Тоҷикистон, ИМА, Русия

Эмомалӣ Раҳмон бо Владимир Путин телефонӣ суҳбат кард

926
(Таҷдидшуда 13:59 02.07.2020)
Раисиҷумҳури Тоҷикистон Эмомалӣ Раҳмон, имрӯз бо кишвардори Русия Владимир Путин телефонӣ суҳбат карда, ҳамтои русашро ба муносибати бо муваффақият анҷом ёфтани раъйпурсӣ барои тағйирот ба Конститутсия, табрик намуд

ДУШАНБЕ, 2 июл — Sputnik. Президенти Тоҷикистон Эмомалӣ Раҳмон бо кишвардори Русия Владимир Путин телефонӣ суҳбат кард.

Бино ба гузориши котиботи раисиҷумҳур, дар ибтидои суҳбат президенти Тоҷикистон Владимир Путинро ба муносибати бо муваффақият анҷом ёфтани раъйпурсӣ барои тағйирот ба Конститутсияи Русия табрик намуда, таъкид кард, ки нишондиҳандаҳои баланди иштироки раъйдиҳандагон дар он, боз як далели возеҳи аз ҷониби ҷомеа пурра дастгирӣ ёфтани сиёсате мебошад, ки роҳбарияти кишвар ҷиҳати тақвияти давлатдорӣ дар Русия пеша кардааст.

Раҳмон ҳамчунин зикр кардааст, ки тағйироти конститутсионӣ ба раванди рушди босуботи кишвар такони тоза бахшида, ҳатман ба нафъи тамоми шаҳрвандони Русия хизмат хоҳанд кард.

Дар ин зимн, Президенти Тоҷикистон ба мардуми дӯсти Русия сулҳу амонӣ, некӯаҳволӣ ва шукуфоии бардавом орзу намудааст.

Манбаъ афзуда, ки президентҳои Тоҷикистон ва Русия ҳамчунин атрофи масъалаҳои алоҳидаи мубрами ҳамкории минтақавӣ ва байналмилалӣ мубодилаи афкор намуданд.

926
Барчаспҳо:
мулоқот, суҳбати телефонӣ, Тоҷикистон, Эмомалӣ Раҳмон, Владимир Путин
Рустами Эмомалӣ, раиси Маҷлиси миллӣ бо муовинонаш Раҷаббой Аҳмадзода ва Ёдгор Файзов (аз рост)

Рустами Эмомалӣ хостори тағйироти кадрию корӣ дар парлумон шуд: муҳлат 1 моҳ

2330
(Таҷдидшуда 16:18 01.07.2020)
Рустами Эмомалӣ, раиси Маҷлиси миллии Тоҷикистон дар ҷаласаи дуюми палатаи болоии парлумон таҳти роҳбарияш хостори тағйироти кадрию корӣ дар ин ниҳод шуд

ДУШАНБЕ, 1 июл — Sputnik. Раиси Маҷлиси миллӣ дар ҷаласа таъкид кард, ки на ба шумораи лоиҳаҳои қонунҳо, балки ба мазмун ва сифати онҳо диққати аввалиндараҷа зоҳир карда шавад.

“Бо ин мақсад зарур мешуморам, ки барои интихоб ва ба кор қабул намудани мутахассисони ҷавону болаёқат ва донандагони забонҳои хориҷӣ ҳарчи зудтар озмуни интихоби кадрҳоро эълон карда, қабул ва ҷобаҷогузории онҳо тибқи тартиби муқарраргардида роҳандозӣ карда шавад”, - изҳор дошт Рустами Эмомалӣ.

Ӯ ба роҳбари Дастгоҳи Маҷлиси миллӣ супориш дод, ки бо мақсади муайян намудан ва баланд бардоштани сатҳи дониши касбии кормандони Дастгоҳ аттестатсияи навбатӣ гузаронида, барои аз нав ҷо ба ҷо кардани кадрҳо дар муддати як моҳ пешниҳодҳои асоснок манзур намояд.

“Омӯзиши вазъи таъмини хизматрасонии ҳуқуқӣ, коргузорӣ, ташкилӣ, таҳлилӣ, итилоотӣ ва молиявию техникии Маҷлиси миллӣ собит менамояд, ки барои мукаммал гардонидани низом ва фаъолияти сохторҳо зарурати дар шакли нав таҳия ва қабул намудани санадҳои меъёрии ҳуқуқӣ пеш омадааст”, - илова намуд ӯ.

Рустами Эмомалӣ дастур дод, ки дар муддати ду моҳ санадҳои меъёрии танзимкунандаи фаъолияти Дастгоҳи Маҷлиси миллӣ дар таҳрири нав таҳия ва барои қабул пешниҳод карда шаванд.

2330
Судебный процесс по делу Зиёева Юсуфа Раджабалиевич по обвинению в изнасиловании трехлетней девочки

Муттаҳам дар таҷовузи духтари сесола: оғози мурофиаи парвандаи Зиеёв дар суди Душанбе: акс

990
(Таҷдидшуда 00:00 04.07.2020)
Додгоҳи шаҳри Душанбе ба баррасии парвандаи марде оғоз кардааст, ки дар таҷовузи духтарчаи сесола муттаҳам мешавад

ДУШАНБЕ, 3 июл — Sputnik. Дафтари матбуотии додгоҳи пойтах бо нашри аксҳо аз оғози баррасии парвандаи таҷовузи духтари сесола хабар додааст.

Тибқи иттилои манбаъ, мурофиаи додгоҳӣ имрӯз, 3 июли дар толори судии суди шаҳри Душанбе бо парвандаи ҷиноятӣ бо айбдории Зиёев Юсуф Раҷабалиевич барои содир намудани таҷовуз ба номуси духтарчаи се сола оғоз шудааст.

Ба иттилои манбаъ Зиёев Юсуф  бо моддаҳои 138 қисми 3 банди “а”, 139 қисми 4 банди “а” ва 127 қисми 1 Кодекси ҷиноятии ҷумҳурии Тоҷикистон гунаҳгор дониста мешавад.

Дафтари матбуотии додгоҳи Душанбе ҷузъиёти пурраи парвандаро нашр накардааст.

Тибқи Кодекси ҷиноятии Тоҷикистон қисими сеюми моддаи 138 (таҷовуз ба номус нисбат ба духтари баръало ба синни чордаҳсолагӣ нарасида ё хеши наздик) – аз 12 то 25 соли зиндон ё ҳукми қатл ё ҳабси умрбод пешбинӣ шудааст.

  • Судебный процесс по делу Зиёева Юсуфа Раджабалиевич по обвинению в изнасиловании трехлетней девочки
    Судебный процесс по делу Зиёева Юсуфа Раджабалиевич по обвинению в изнасиловании трехлетней девочки
    Пресс-служба столичного суда
  • Судебный процесс по делу Зиёева Юсуфа Раджабалиевич по обвинению в изнасиловании трехлетней девочки
    Судебный процесс по делу Зиёева Юсуфа Раджабалиевич по обвинению в изнасиловании трехлетней девочки
    Пресс-служба столичного суда
  • Судебный процесс по делу Зиёева Юсуфа Раджабалиевич по обвинению в изнасиловании трехлетней девочки
    Судебный процесс по делу Зиёева Юсуфа Раджабалиевич по обвинению в изнасиловании трехлетней девочки
    Пресс-служба столичного суда
1 / 3
Пресс-служба столичного суда
Судебный процесс по делу Зиёева Юсуфа Раджабалиевич по обвинению в изнасиловании трехлетней девочки

Ҳамчунин қисми чори моддаи 139-и Кодекси ҷиноии кишвар барои ҳаракати зўроварии дорои хусусияти шаҳвонӣ нисбат ба шахси баръало ба синни чордаҳсолагӣ нарасида аз 15 то 20 соли зиндонро дар бар мегирад.

Қисми якуми моддаи 127 бошад дидаю дониста дар хатар монондан ва нарасонидани ёрӣ ба шахсе, ки дар вазъияти барои ҳаёт ё саломатиаш хавфнок қарор дорад ва аз сабаби хурдсолӣ, пиронсолӣ, беморӣ ё аз сабаби оҷизии худ имконияти андешидани чораҳои худмуҳофизатиро надорад, ҳангоме, ки шахси гунаҳгор метавонист ба ин шахс ёрӣ расонад ва вазифадор буд нисбати ў ғамхорӣ зоҳир намояд ё худаш ўро дар ҳолати барои ҳаёт ё саломатиаш хатарнок гузоштанро дар бар гирифта, ашхоси муттаҳам бо чунин моддаро ду сол зиндон таҳдид мекунад.

990