Котиби департаменти давлатии ИМА Ҷон Керрӣ. Акс аз бойгонӣ

ВАО: нахустин боздиди Ҷон Керрӣ аз Тоҷикистон

17
(Таҷдидшуда 12:39 28.10.2015)
Ҳадафи боздиди Керрӣ аз Тоҷикистон бо ибораҳои стандартии дипломатӣ - “баррасии масоили вобаста ба ҳамкориҳои дуҷониба ва минтақа” пардапӯш аст.

ДУШАНБЕ, 28 окт — Sputnik. Вазири корҳои хориҷии ИМА Ҷон Керрӣ охирҳои моҳи октябр аз кишварҳои Осиёси Марказӣ, аз ҷумла Тоҷикистон боздид мекунад, менависанд, расонаҳои хабарӣ.

Вазири корҳои хориҷии ИМА баъд аз суҳбат дар бораи Сурия рӯзҳои 28-29 дар шаҳри Вена озими Осиёи Марказӣ мешавад.

Тибқи иттилои расонаҳои хабарӣ, ӯ ба шаҳрҳои Тошканд, Бишкек, Ашқобод, Остона ва Душанбе сафар мекунад.

"Ин нахустин сафари Керрӣ ба кишварҳои Осиёи Марказӣ ва аввалин боздиди ӯ аз 5 кишвари ин минтақа дар доираи як сафар ба шумор меравад", навиштаанд, расонаҳи хабарӣ.

Ҷаноби Керрӣ дар шаҳри Бишкек дар маросими ифтитоҳи бинои Донишгоҳи амрикоӣ ва яке аз биноҳи нави сафорати ИМА дар Қирғизистон иштирок мекунад.

Дар шаҳри Тошканд ӯ дар ҷаласаи вазирони корҳои хориҷии кишварҳои Осиёи Марказӣ — С5+1, ки соли равон ташкил гардид, ширкат мекунад.
Дар Остона ӯ дар муколамаи стратегияи ҳамкориҳои ИМА ва Қазоқистон иштирок хоҳад кард.

Аммо дар Ашқобод ва Душанбе Керрӣ танҳо масоили вобаста ба ҳамкориҳои дуҷониба ва минтақаро баррасӣ мекунад.

17
Барчаспҳо:
Вена, Ашқобод, Остона, Тошканд, Ҷон, Керрӣ, Қазоқистон, Туркманистон, Бишкек, Узбакистон, ИМА, сафар, боздид, Қирғизистон, Амрико, Тоҷикистон, Душанбе, боздид аз Осиёси Марказӣ, Ҷон Керрӣ, Ашқобод, Вена, Бишкек, Ӯзбекистон, Туркманистон, Қирғизистон, Қазоқистон, Тошканд, Амрико, Душанбе, Тоҷикистон
Заместитель министра обороны РФ Анатолий Антонов. Архивное фото

Посухи сафири Русия ба изҳороти ИМА бобати мушаки фаросавтӣ дар Аврупо

110
(Таҷдидшуда 15:15 29.10.2020)
Сафири Федератсияи Русия дар Вашингтон Анатолий Антонов аз сабқати силоҳи мушакӣ дар Аврупо ҳушдор дод

ДУШАНБЕ, 29 окт — Sputnik. Дипломат ба изҳороти мушовири амнияти миллии ИМА Роберт О'Брайен, ки рӯзи чаҳоршанбе омодагии Вашингтон барои дар қаламрави Аврупо ҷойгир кардани силоҳи фаросавтӣ ва мушакҳои баллистикиро эълон кард, чунин посух дод.

"Чунин ниятҳо хатари барҳам задани амнияти минтақавию ҷаҳониро дар бар дошта, боиси шиддати мухолифатҳо мегарданд. Агар Вашингтон воқеан ҳавасманди "назорати амалии аслиҳа" мебошад, барои ин зарур нест, сабқати мусаллаҳсозӣ бо мушакҳо дар қитъаи Аврупо шиддат бахшида шавад", - изҳор дошт Антонов зимни шарҳаш, ки сафорат дар саҳифааш дар фейсбук нашр кардааст.

Антонов пешниҳоди кишвардори Русия Владимир Путинро бобати кам кардани шиддат дар шароити қатъи Шартнома дар бораи рафъи мушакҳои миёнапарвоз ва кӯтоҳпарвозро "алтернативаи созанда" хонд. 

"Русия омода аст дар ҳамдастӣ бо шарикони хориҷӣ, ба сабқати силоҳи мушакӣ дар Аврупо ва дигар кишварҳои ҷаҳон, хотима гузорад", - изҳор дошт Антонов.

Шартнома дар бораи рафъи мушакҳои миёнапарвоз ва кӯтоҳпарвоз ба таъмини суботи стратегии ҷаҳон равона гардида буд. Моҳи августи соли 2019 Амрико аз ин созишнома берун омад. ИМА Русияро дар нақзи созишнома, аз ҷумла озмоиши мушаки манъшудаи 9М729 муттаҳам намуд. Аммо Маскав исрор варзид, ки мушаки онҳо на дуртар аз 500 киломметр озмоиш шуд.

Ба қаламрави мо мушак напартоед: Ҳушдори дигарбораи Эрон ба Озарбойҷону Арманистон

Зимнан, ҳафтаи равон Владимир Путин пешниҳод намуд, ки механизми ҷилавгирӣ аз сабқати мушакӣ таҳия шавад.

Раҳбари Русия гуфт, ки Маскав омода аст мушакҳои 9М729-ро дар қисмати аврупоии кишвар ҷойгир накунад, аммо ба шарте, ки НАТО низ аз чунин иқдом кор бигирад. Вай инчунин пешниҳод кард, ки НАТО маҷмӯаҳои Aegis Ashore бо партобгоҳҳои Mk-41 дар  Аврупо ва 9M729 дар иншооти Калининградро мавриди санҷиш қарор диҳад. Сухангӯи Вазорати корҳои хориҷии Олмон Андреа Сассе посух дод, ки ин ташаббус "сазовори эътимод нест".

110
Барчаспҳо:
Аврупо, Амрико, мушак, Анатолий Антонов, Русия
Глава Чеченской Республики Рамзан Кадыров, архивное фото

Қодиров гуфт, барои мавқеъгирияш дар робита ба Макрон омода аст истеъфо ва ё ҷон диҳад

2371
(Таҷдидшуда 13:27 29.10.2020)
Раҳбари Чеченистон Рамазон Қодиров дар Telegram-аи худ пас аз изҳороташ дар бораи карикатураҳои пайғамбар Муҳаммад (с) муроҷиати худро ба президенти Фаронса Эммануэл Макрон шарҳ дод

ДУШАНБЕ, 29 окт — Sputnik. Қодиров қаблан раҳбари Фаронсаро барои суханронӣ ба ҳимоят аз карикатураҳои пайғамбар маҳкум кард.

Вай Макронро дар пуштибонӣ аз иғво айбдор кард ва илова кард, ки президенти Фаронса "пинҳонкорона мусулмононро ба ҷиноят даъват мекунад".

Қодиров аз Макрон даъват кард, ки ҳамлаҳо ва иғвоҳои мазҳабиро "пеш аз дер шуданаш" боздорад.

Бо шарҳи ин навиштаҳои Қодиров котиби матбуоти президенти Русия Дмитрий Песков гуфт, ки сарони субъектҳо ба сиёсати хориҷӣ машғул нестанд, хабар медиҳад РИА Новости.

Дар навиштааш Қодиров таъкид кардааст, ки ба президенти Фаронса на ҳамчун сиёсатмадор, балки ҳамчун як мусалмон муроҷиат кард ва илова кард, ки омода аст суханони худро такрор кунад.

Вай таъкид кардааст, чун шахс, ки дини худро дӯст медорад ва эътиқоди онро қатъиян риоя мекунад, чунин ҳуқуқ дорад.

"Барои ин андеша, агар лозим ояд, ман омодаам аз вазифаам истеъфо диҳам, азоб кашам ё ҷон диҳам! Аммо хомӯш истода тамошо кардан, ки динро тамасхур мекунанд, ман наметавонам ва нахоҳам кард!" - таъкид кард сарвари Чеченистон.

Ёдовар  мешавем, қаблан Макрон зимни суханронии васеъ оид ба мубориза бо ҷудоихоҳии мазҳабӣ дар Фаронса эълом дошт, ки лоиҳаи қонуни марбута ба таҳкими арзишҳои ҷумҳуриявӣ рӯзи 9 декабр пешниҳод хоҳад шуд.

Вай зарурати "озод кардани ислом дар Фаронсаро аз таъсири хориҷӣ" ва шадидтар кардани назорат аз болои маблағгузории масҷидҳо эълом кард.

Сабаби суханронии Макрон куштори муаллими таърих Самуил Пати буд, ки карикатураҳои Пайғамбар Муҳаммадро нишон додаву нишонаи озодӣ хонда буд.

Қаблан президенти Фаронса зимни шарҳи нашри нави карикатураҳои маҷаллаи ҳаҷвии Charlie Hebdo дар моҳи сентябр гуфта буд, ки дар кишвар "озодии куфр" вуҷуд дорад.

Пас аз куштори муаллим, Макрон таъкид кард, ки Фаронса аз нашри карикатураҳо даст намекашад.

2371
Барчаспҳо:
Чеченистон, Дмитрий Песков, Эммануэл Макрон, Ислом, дин, Рамзан Қодиров
(0:00 / .00Mb / просмотров видео: 14)

Маросими савгандёдкунии президенти Тоҷикистон - пахши мустақим

15
(Таҷдидшуда 09:04 30.10.2020)
Имрӯз дар Тоҷикистон маросими ба иҷрои вазифаи Президенти Ҷумҳурии Тоҷикистон шурӯъ намудани Эмомалӣ Раҳмон баргузор мешавад

Маросими савгандёдкунии президент - расман ба иҷрои вазифаи президенти Тоҷикистон шурӯъ намудани Эмомалӣ Раҳмон аст.

Инаугурация Эмомали Рахмона в 2013 году
© Официальная страница пресс-службы президента РТ в Facebook

Он чун анъана дар Қасри миллат ва мисли савгандёдкуниҳои пештар пуршукӯҳ баргузор мешавад.

Ин маросим одатан бо супурдани шаҳодатномаи Президенти Ҷумҳурии Тоҷикистон аз ҷониби Раиси Комиссияи марказии интихобот ва раъйпурсии Тоҷикистон ва Нишони Президенти Ҷумҳурии Тоҷикистон аз ҷониби Раиси Суди Конститутсионии кишвар ба Эмомалӣ Раҳмон оғоз меёбад.

Раисҷумҳур дасти рост ба болои Сарқануни Тоҷикистон гузошта, савганд ёд мекунад.

Ёдрас мешавем, интихоботи раисиҷумҳур дар Тоҷикистон рӯзи якшанбеи 11 октябр тариқи раъйдиҳии пинҳонӣ сурат гирифт. Дар интихоботи президентӣ 5 номзад аз аҳзоби мухталифи кишвар вориди рақобат шуда буданд.

Роҳбандиҳо ҳангоми савганди Раҳмон дар Душанбе: эълони ВКД

Дар интихоботи президентӣ аксари кулли овозҳо 3 млн. 837 ҳазор 227 - 90,92 дарсадро президенти амалкунандаи ҷумҳурӣ Эмомалӣ Раҳмон соҳиб шуд ва боз барои 7 соли дигар президент интихоб гардид.

15