Раисҷумҳури Қазоқистон Карим Масимов. Акс аз бойгонӣ

Сарвазири Қазоқистон: сафари Керрӣ ҳамкориҳоро наздиктар мекунад

10
(Таҷдидшуда 13:58 03.11.2015)
Сарвазири Қазоқистон Карим Масимов дар мулоқот бо вазири корҳои хориҷии ИМА Ҷон Керрӣ як қатор масъалаҳои марбут ба ҳамкориҳои Остонаву Вашингтонро баррасӣ карданд. Ҷонибҳо инчунин дар мавриди мавзуъҳои доғи байналмилалӣ табодули назар кардаанд.

ДУШАНБЕ, 2 ноя — Sputnik. Сафари вазири корҳои хориҷии ИМА Ҷон Керрӣ ба Қазоқистон барои ҳамкориҳои наздиктари Остонаву Вашингтон ҳавасмандиҳое эҷод кард, гуфтааст сарвазири ин кишвар Карим Масимов.

Тибқи иттилои сомонаи сарвазир, ҷаноби Масимов бо вазири корҳои хориҷии ИМА, ки дар доираи нахустин сафари расмии худ вориди шаҳри Остона шуд, мулоқот кардааст. Сарвазири Қазоқистон дар мулоқот бо вазири корҳои хориҷии ИМА як қатор масъалаҳои марбут ба ҳамкориҳои Остонаву Вашингтонро баррасӣ карданд. Ҷонибҳо инчунин дар мавриди мавзуъҳои доғи байналмилалӣ табодули назар кардаанд.

"Карим Масимов ибрози боварӣ кардааст, ки ин сафари Ҷон Керрӣ ба Қазоқистон барои наздиктар шудани ҳамкориҳои Остонаву Вашингтон ҳавасмандиҳое эҷод кардааст. Аз ҷумла дар бахши тиҷорат ва сармоягузорӣ", — навиштааст сомонаи сарвазир.

Тавре қаблан сафорати ИМА дар Қазоқистон хабар дода буд, Ҷон Керрӣ барои аввалин бор сафареро ба Остона анҷом медиҳад. Ӯ шоми 1 ноябр вориди шаҳри Остона шуда, интизор меравад, сафари ӯ ба Қазоқистон то 3 ноябр идома ёбад.

Қарор аст, Керрӣ дар доираи ин сафари худ бо раисҷумҳур Нурсултон Назарбоев ва вазири корҳои хориҷии Қазоқистон Эрлан Идрисов дар шакли иҷлосияи чоруми Комиссияи Қазоқистону Амрико барои ҳамкориҳои стратегӣ мулоқот кунад.

Худи ин рӯз вазири корҳои хориҷии ИМА дар донишгоҳи пойтахти Қазоқистон дар мавзуи нақши ҷумҳуриҳои Осиёи Марказӣ дар ҳалли мушкилоти ҷаҳонӣ суханронӣ карда, дар мавриди сиёсат ва шарикии кишвараш бо давлатҳои ин минтақа ҳарф хоҳад зад.

10
Барчаспҳо:
Карим, Масимов, ҳамкориҳо, Марказӣ, Остона, Ҷон, Керрӣ, Осиё, ИМА, сафар, мушкилот, сафари Керрӣ ба Қазоқистон ва изҳороти Масимов, Карим Масимов, Остона, Осиёи Марказӣ, Қазоқистон, ИМА
Выборы президента Узбекистана

Санаи интихоботи президентӣ дар Ӯзбекистон эълон шуд

945
(Таҷдидшуда 12:57 26.01.2021)
Мақомоти Ӯзбекистон санаи пешбинишудаи интихоботи президентӣ дар ин кишварро эълон карданд

ДУШАНБЕ, 26 январ - Sputnik. Интихоботи навбатии президентӣ дар Ӯзбекистон моҳи октябри соли равон баргузор хоҳад шуд, менависад Sputnik Ӯзбекистон.

"Интихоботи президентӣ дар Ӯзбекистон метавонад рӯзи якшанбеи даҳаи сеюми октябр баргузор шавад", - менависад агентӣ.

Таъкид шудааст, ки санаи интихобот дар ҷаласаи фраксияҳои ҳизбҳои сиёсӣ дар палатаи поёнӣ муҳокима карда шуд.

Ба иттилои манбаъ, як рӯз пеш дар Ӯзбекистон ҷаласаи Комиссияи марказии интихоботи ҷумҳурӣ баргузор гардид ва дар он қайд карда шуд, ки ҳайати САҲА ва Бюро оид ба институтҳои демократӣ ва ҳуқуқи инсон, ки интихоботи парлумониро мушоҳида кард, як қатор тағйироти мусбатро дар системаи миллии интихоботии кишвар эътироф кардааст.

Норозигии вазири тоҷиктабори навтаъйин дар Ӯзбекистон аз коғазу маҷлисбозӣ ва беташаббусӣ

Бояд қайд кард, ки дар Ӯзбекистон номзадҳои президентиро танҳо аз ҷониби ҳизбҳои сиёсӣ пешбарӣ кардан мумкин аст. Айни замон, дар кишвар панҷ ҳизби сиёсӣ сабти ном шудаанд.

Интихоботи президентӣ дар Ӯзбекистон ҳар панҷ сол як маротиба баргузор мешавад.

Натоиҷи интихоботи такрории Узбакистон эълон гардид: се вакил тоҷиктабор ҳастанд

4 декабри соли 2016 дар Ӯзбекистон интихоботи пеш аз муҳлат баргузор шуд ва Мирзиёев, ки но замон сарвазир буд, пирӯз шуд. Ба ҷонибдорӣ аз ӯ 88,61% интихобкунандагон раъй доданд.

Президент Ислом Каримов, ки аз соли 1989 инҷониб кишварро идора мекард, 2 сентябри соли 2016 дар синни 78-солагӣ бар асари сактаи мағзӣ даргузашт.

945
Барчаспҳо:
парлумон, номзад, Шавкат Мирзиёев, Санаи интихоботи президентӣ дар Ӯзбакистон муайян шуд

Сироҷиддин Муҳриддин бо сафири Арабистони Саудӣ чиро баррасӣ кард

137
(Таҷдидшуда 19:27 25.01.2021)
Сироҷиддин Муҳриддин бо сафири Арабистони Саудӣ масъалаи ҳамкориҳои судманди ду кишварро баррасӣ кард

ДУШАНБЕ, 25 янв — Sputnik. Вазири умури хориҷаи Тоҷикистон Сироҷиддин Муҳриддин бо сафири Арабистони Саудӣ мулоқот доир намуд, хабар медиҳад котиботи ВУХ Тоҷикистон.

Ба иттилои манбаъ, мулоқоти вазири тоҷик бо сафири фавқулода ва мухтори Арабистони Саудӣ, Абдулазиз Муҳаммад ал-Бодӣ рӯзи 25 январ дар шаҳри Душанбе баргузор гардид.

Гуфта мешавад, дар ҷараёни мулоқот масъалаҳои ҳамкориҳои мутақобилан судманд байни ду кишвар мавриди баррасӣ қарор гирифт.

Арабистони Саудӣ дар робита ба авҷи коронавирус марзҳояшро баст ва зиёрати хонаи Худо барои кулли мусалмонон ба таъхир афтод.

Тоҷикистону Арабистони Саудӣ масоили терроризму ифротгароиро баррасӣ карданд

Аммо чанде пеш, дақиқ шуд, ки сар аз 31 марти 2021 шаҳрвандони Тоҷикистон имкони сафар ба Арабистони Саудиро дарёфт намуданд.

Қарор буд, дар нимаҳои дуюми моҳи январи соли ҷорӣ аввалин гурӯҳи шаҳрвандони Тоҷикистон ба Ҳаҷҷи умра раванд, аммо бо сабаби хуруҷи каронавируси навъи нав ё "бритонӣ" сафар ба таъхир афтод.

137
Барчаспҳо:
мулоқот, Арабистони Саудӣ, сафир, Сироҷиддин Аслов
Лампочка, архивное фото

Лимити барқ дар Тоҷикистон: Раҳмон аз Вазорати энергетика чӣ талаб кард

0
Президенти Тоҷикистон Эмомалӣ Раҳмон дар бастагӣ бо лимити барқ дар кишвар ба Вазорати энергетика чанд дастур дод

ДУШАНБЕ, 26 янв — Sputnik. Президенти Тоҷикистон Эмомалӣ Раҳмон талаб кард, ки талафоти барқ кам карда шавад.

Роҳбари давлат ёдрас шуд, ки ҳукумати кишвар ба расидан ба истиқлолияти энергетикӣ то ҳол кӯшиш мекунад.

Барои амалӣ шудани ин ҳадаф кишвар нақша дорад ояндаи наздик чанд нерӯгоҳ ифтитоҳ шавад.

Бо вуҷуди ин,-изҳор дошт президент,-дар самти таъмини доимиву устувори неруи барқ ҳанӯз як силсила масъалаҳои муҳими ҳалталаб вуҷуд доранд, ки истифодаи самараноку сарфакоронаи барқ аз ҷумлаи ҳамин масъалаҳо мебошад.

Вай таъкид кард, ки Вазорати энергетика вазифадор мешаванд, ки барқи истеҳсолшавандаро ҳисоб карда, талафоти онро кам кунанд.

Ба гуфтиа президент, имсол сохтмони хатти интиқоли барқи 500 – киловолта аз Неругоҳи барқи обии "Роғун" то зеристгоҳи конвертории "Сангтӯда шурӯъ гардида, Неругоҳи барқи обии “Сарбанд” ба маблағи беш аз 1,5 миллиард сомонӣ пурра таҷдид ва бо иқтидори 270 мегаватт- яъне аз иқтидори имрӯзааш 110 мегаватт зиёд ба истифода супорида шуд.

Лимити барқ нархи ангишт ва ҳезуму таппакро боло бурд

"Ккорҳо доир ба навсозӣ ҷиҳати кам кардани талафоти неруи барқ ва ҷорӣ намудани низоми муосири баҳисобгирии он дар шаҳрҳои Душанбе, Бохтар, Кӯлоб, Панҷакент, Истаравшан, Исфара, Конибодом, Бӯстон ва ноҳияи Данғара ба маблағи 2,4 миллиард сомонӣ оғоз мегарданд", - таъкид дошт раисҷумҳур.

 

0
Барчаспҳо:
Вазорати энергетика ва захираҳои об, лимит, барқ, Эмомалӣ Раҳмон, Тоҷикистон