БВазири корҳои хориҷии Русия Сергей Лавров

Лавров: сарозер кардани "А321" маънои ҳамла ба Русияро дорад

14
(Таҷдидшуда 16:07 18.11.2015)
Ба гуфтаи ӯ, ҳуқуқи ҳифозат аз худ дар асоси имкониятҳои мавҷудаи сиёсию низомӣ аз тариқи хадамоти вижаю иктишофӣ ва ғайра сурат мегирад.

ДУШАНБЕ, 18 ноя — Sputnik. Куштори русҳо дар натиҷаи сарозер кардани ҳавопаймои "А321" дар нимҷазираи Сино баробари ҳамла ба хоки Русия аст ва Маскав ҳам барои ҳимоят аз худ аз тамоми чораҳо кор хоҳад гирифт, гуфт вазири корҳои хориҷии ин кишвар Сергей Лавров рӯзи чаҳоршанбе.

"Дар мавриди иқдомҳои мо (ҷустуҷӯӣ ва муҷозоти дастандаркорони ин ҳодиса) метавон гуфт, ки онҳо бар асоси моддаи 51-и Ойинномаи СММ сурат хоҳанд гирифт. Ин модда ба кишварҳое, ки мавриди ҳамла қарор мегиранд, иҷоза медиҳад, барои ҳифозат аз худ ба таври инфиродӣ ё дастаҷамъӣ чораандешӣ кунад ва куштори русҳо дар натиҷаи сарозер кардани "А321" ҳам баробар ба ҳамла ба Русия аст", — изҳор дошт ҷаноби Лавров зимни нишасти хабарияш дар ҳошияи мулоқот бо вазири корҳои хориҷии Лубнон Ҷуброн Басил.

Ба гуфтаи ӯ, ҳуқуқи ҳифозат аз худ дар асоси имкониятҳои мавҷудаи сиёсию низомӣ аз тариқи хадамоти вижаю иктишофӣ ва ғайра сурат мегирад.

Ин дар ҳолест, ки Раҳбари ХФА-и Русия Александр Бортников ахиран гуфт, дар дохили ҳавопаймои суқуткардаи "А321" дар нимҷазираи Сино маводи таркандаи худсохт, ки вазни он наздик ба 1 кило буд, таркидааст.

Ташхиси ашёи шахсии мусофирон ва қисматҳои ҳавопаймо исбот намудааст, ки дар дохили ин ҳавопаймо бомби худсохт таркидааст ва ин бозгӯкунандаи он аст, ки ҳавопамои Русия дар натиҷаи амали террористӣ суқут кардааст.

Баъд аз расидани ин иттилоъ раисҷумҳури Русия ҳам ваъда дод, ки дастандаркорон ҳатман муҷозот хоҳанд шуд.

"Мо бояд ин корро бидуни таъхир анҷом бидиҳем, щар кадоме аз онҳо бояд шиносоӣ шаванд. Ҳар куҷое пинҳон нашаванд, ҷустуҷӯ мекунем ва дар ҳар гӯшаи сайёра ҳам, ки набошанд, ҳатман пайдо карда, муҷозот мекунем", — гуфт ҷаноби Путин.

Рӯзи 31 октябри соли равон ҳавопаймои Airbus-321 ширкати "Когалимавиа"-и Русия, ки мехост аз Шарм уш-Шайх ба шаҳри Санкт-Петербург парвоз кунад, дар қаламрави Миср суқут кард ва дар пайи ин ҳодиса 224 нафар, тамоми мусофирон ва ҳайати ҳавопаймо ҷон доданд. Амсоли ин ҳодисаро таърихи ширкатҳои ҳавопаймоии Русия ва Иттиҳоди шӯравӣ дар ёд надорад.

14
Барчаспҳо:
ХФА, ҳавопаймои А321, нимҷазира, Сино, Миср, Сергей, Лавров, изҳорот, Маскав, Русия, изҳорот, ВКХ Русия, Сергей Лавров, Миср, Русия, Маскав
Министр иностранных дел РФ Сергей Лавров

Лавров гуфт муносибати Русияву Амрико дар аҳди Байден чӣ гуна тағйир меёбад

270
(Таҷдидшуда 17:38 18.01.2021)
Вазири умури хориҷаи Русия тавзеҳ дод, ки муносибатҳои русия ва Амрико дар давраи Байден чӣ гуна тағйир меёбанд

ДУШАНБЕ, 18 янв — Sputnik. Сергей Лавров, вазири умури хориҷаи Русия зимни нишасти матбуотӣ аз чигуна сурат гирифтани муносибатҳои минбаъдаи Русия ва Амрико гуфт.

"Ба ҳама мерасад": Амрико дар изҳороти "агрессияи Русия" чиро пинҳон мекунад

Ба боварии Лавров моҳияти сиёсати Амрико нисбати Русия дар замони президенти тозаинтихоб Ҷо Байден низ бетағйир мемонад.

Ҳамзамон, вазири рус изҳори умедворӣ кард, ки рафтори он кишвар дар қиболи Русия боодобтар мешавад.

"Маълум аст, ки пешдастии давлати амрикоӣ шеваи зиндагии амрикоӣ идома хоҳад ёфт. Боздории Русия ва Чин бидуни шак ҷузъи таркибии сиёсати хориҷии ИМА хоҳад буд. Онҳо бар инанд, ки блояд коре кунанд то Русия ва Чин ба ҳадде муттаҳид нашаванд, ки худро тавонотар аз худи Амрико эҳсос кунанд", - тавзеҳ дод роҳбари ВУХ Русия.

Ҳамзамон, Лавров таъкид кард, ки Русия мунтазири пешниҳодҳои мушаххаси маъмурияти нави ИМА оид ба тамдиди Шартнома дар бораи чораҳои минбаъдаи коҳиш ва маҳдуд кардани яроқи стратегии ҳуҷум ва муколама оид ба суботи стратегӣ мебошад.

270
Барчаспҳо:
Русия, Амрико, муносибат, Сергей Лавров

ИМА манъи вуруд аз бархе кишварҳои мусалмониро бекор мекунад

136
(Таҷдидшуда 14:20 18.01.2021)
Ҷо Байден, раисиҷумҳури тозаинтихоби ИМА, ният дорад, манъи вуруди шаҳрвандони бархе аз кишварҳои мусалмониро бекор кунад

ДУШАНБЕ, 18 янв — Sputnik. Лағви манъи вуруд аз бархе кишварҳои мусалмонӣ аз нахустин қадамҳои Ҷо Байден дар мақоми раисиҷумҳури ИМА хоҳад буд, хабар додааст CNN.

Манбаъ афзуд, Байден дар рӯзи нахустини корияш инчунин бархе тағйироти ҷиддии дигарро анҷом доданист. Аз ҷумла зикр шудааст, ки ИМА ба созишномаи Париж дар бораи тағйирёбии иқлим бармегардад. Ин созишнома коҳиши партовҳо ба ҳаворо дар назар дорад.

Байден инчунин ният дорад, ба Конгресс тарҳи бузурги умури муҳоҷиратро пешниҳод кард, ки бар асоси он миллионҳо муҳоҷири беҳуҷҷат дар қаламрави ИМА метавонанд шаҳрвандии ин кишварро ба даст оранд.

Инчунин маълум шуд, ки Байден бархе дастуроти раисиҷумҳурии феълии ИМА-ро бекор карданист. Аз ҷумла баромадани ИМА аз Созмони ҷаҳонии тандурустӣ ва ғайраро.

Маросими савгандёдкунии раисиҷумҳури нави ИМА 20 январ дар назар аст. Ба далели пандемия ин маросим бо бархе тағйирот сурат хоҳад гирифт.

136
Барчаспҳо:
мусалмонон, қарор, президент, ИМА
Даст ба дуо, акс аз бойгонӣ

Афзоиши фавти эрониён аз COVID-19

0
(Таҷдидшуда 20:57 19.01.2021)
Вазорати беҳдошт ва дармони Эрон мегӯяд, дар 24 соати гузашта бар асари коронавирус дар ҷумҳурӣ 83 нафар ҷон доданд

ДУШАНБЕ, 17 янв — Sputnik. Шумори қурбониёни коронавирус дар Эрон, ки 83 миллион нафар аҳолӣ дорад, то имрӯз ба 56 ҳазору 973 тан расид. Дар шабонарӯзи гузашта 83 ҳолати фавт аз ин маризӣ сабт шудаанд.

Ба гузориши Вазорати беҳдошт ва дармони Эрон, дар 24 соати гузашта 5 ҳазору 917 бемори ҷадиди мубтало ба COVID-19 дар Эрон шиносоӣ ва аз ин теъдод 518 нафар бистарӣ шуданд, навиштааст сомонаи Парстудей.

Боз 300 ҳазор ваксина "Спутник V" дастраси мардуми Аргентина шуд - видео

Манбаъ афзуд,  маҷмӯи беморони мубтало ба вируси корона дар Эрон ба як миллиону 342 ҳазору 134 нафар расидааст, ки ҳудуди як миллиону 132 ҳазор нафар аз мубталоён ба ин вирус беҳбуд ёфта ва аз бемористонҳо мурраххас шудаанд.

Теъдоди афроди мубтало ба вируси корона дар ҷаҳон низ ба беш аз 96 миллион нафар расидааст, ки аз ин теъдод беш аз ду миллион нафари ҷони худро аз даст дода ва ҳудуди 69 миллион нафар ҳам беҳбуд ёфтаанд.

0
Барчаспҳо:
беморӣ, вируси корона, Эрон