ИМА иқрор кард, ки нафти ДИИШ аз марзи Туркия мегузарад

© Sputnik / Григорий Сысоев / Гузариш ба медиабонкшаҳри Анқара
шаҳри Анқара - Sputnik Тоҷикистон
Обуна шудан
Ӯ тақаллубӣ будани тасвирҳои моҳвораии Русияро, ки дар онҳо корвони мошинҳои ҳомили нафт дида мешаванд, баҳс накардааст.

ДУШАНБЕ, 3 дек — Sputnik. Департаменти давлатии ИМА иқрор кард, ки нафти таҳти идораи ДИИШ аз марзи Туркия убур мекунад.

"Тақсимоти нафти ДИИШ тавассути марзи Сурияву Туркия ҷой дорад. Аз ин рӯ, мо аз Туркия хоҳиш дорем, марзи худро бибандад", — гуфтааст намояндаи расмии Департаменти давлатии ИМА Марк Тонер.

Путин: Су-24 барои ҳимояти интиқоли нафт аз ДИ ба Туркия сарнагун шуд

Ӯ тақаллубӣ будани тасвирҳои моҳвораии Русияро, ки дар онҳо корвони мошинҳои ҳомили нафт дида мешаванд, баҳс накардааст.

Қаблан муовини вазири дифои Русия Анатолий Антонов зимни як нишасти хабарӣ гуфта буд, ки харидори аслии нафти дӯздии ДИИШ Туркия мебошад.

Раисҷумҳури Русия Владимир Путин ҳам гуфта буд, ки Кремл дар мавриди он ки ҳавопаймои низомии Су-24-и он ба хотири ҳимоят аз интиқоли нафт тавассути ҷангиёни ДИИШ ба Туркия сарнагун карда шудааст, тамоми далелҳоро дорад.

"Мо тамоми далелҳо дар мавриди он ки ҳавопаймои Су-24 ба хотири таъмини амнияти роҳҳои интиқоли нафт ба Туркия сарнагун карда шудааст. Ба хусус, ин ҳодиса дар наздикии бандаргоҳе рух додааст, ки аз он ҷо бояд нафтҳо ба танкерҳои ҳамл шаванд",- изҳор доштааст ӯ.

Лентаи хабарҳо
0