Бинои ВКХ-и ҶТ дар Душанбе. Акс аз бойгонӣ

Душанбею Тошканд машваратҳои сиёсии худро ба таъхир андохтанд

11
(Таҷдидшуда 13:46 18.12.2015)
Равобити ҳар ду кишвари ҳамсоя баъд аз пошхурии Иттиҳоди шӯравӣ чандон хуб ба назар наменамояд.

ДУШАНБЕ, 17 дек — Sputnik. Вазоратхонаҳои умури хориҷии Тоҷикистону Узбакистон машваратҳои сиёсии худро, ки қарор буд, рӯзҳои 17-18 декабри соли равон баргузор шавад, ба таъхир гузоштаан, дар ин бора иттилоъ додааст Хадамоти матбуотии ВКХ-и кишвари ҳамсоя.

Қаблан намояндаи расмии сафорати Тоҷикистон дар Узбакистон гуфта буд, ки то ҳол миёни вазоратхонаҳои умури хориҷии ду кишвар боре машварати сиёсӣ баргузор нашудааст.

Интизор мерафт, дар ин машварати сиёсӣ тавсеаи равобити иқтисодию тиҷорӣ, нақлиёт баррасӣ шуда, инчунин дар мавриди масоили минтақавӣ, аз ҷумла вазъ дар Афғонистон табодули афкор сурат бигирад.

"Машваратҳои сиёсии намояндагони вазоратхонаҳои умури хориҷии Тоҷикистону Узбакистон, ки қарор буд, 17 ва 18 декабри соли равон дар шаҳри Душанбе баргузор шавад, бо мувофиқаи ҳар дуҷониб ба вақти номаълум гузошта шуд", — навиштааст манбаъ.

Аммо дар мавриди санаи нави баргузории ин машварат чизе нагуфтааст.

Равобити ҳар ду кишвари ҳамсоя баъд аз пошхурии Иттиҳоди шӯравӣ чандон хуб ба назар наменамояд. Роҳи ҳавоӣ миёни Тоҷикистону Узбакистон ҳам аз соли 1992, аз ҷумла ҷанги шаҳрвандии кишвар ба ин ҷониб маҳдуд аст.

Соли 2001 аввал мақомоти Узбакистон ва баъд Тоҷикистон низоми раводидро миёни ҳам ҷорӣ карданд.

11
Барчаспҳо:
машварат, Шӯравӣ, сиёсӣ, раводид, иттиҳод, равобит, ВКХ Узбакистон, ВКХ Тоҷикистон, Узбакистон, Тоҷикистон
Президент Кыргызской Республики Сооронбай Жээнбеков

Сооронбой Жээнбеков барои таҷлили Рӯзи Пирӯзӣ ба Маскав меравад

81
(Таҷдидшуда 18:43 28.05.2020)
Гузашти низомӣ ба муносибати Рӯзи Пирӯзӣ дар Маскав рӯзи 24 июн баргузор мешавад. Рӯзи таҷлили ид дар Маскав чораҳои амниятӣ шадид мешавад

ДУШАНБЕ, 28  май — Sputnik. Президенти Қирғизистон Сооронбой Жээнбеков дар гузашти низомӣ ба муносибати 75-умин солгарди Рӯзи Пирӯзӣ ширкат хоҳад кард, хабар медиҳад Sputnik Қирғизистон.

Ин хабарро раҳбари хадамоти матбуотии президент, Толгонай Стамалиев таъйид кардааст.

Ёдрас мешавем, ки имсол ба далели паҳншавии коронавируси навъи COVID - 19 таҷлили оммавии Рӯзи Пирӯзӣ дар Русия, ки ҳамасола рӯзи 9 май, баргузор мешуд, лағв шуд.

Президенти Русия Владимир Путин, рӯзи 26 май фармон дод, ки омодагӣ барои таҷлили 75-умин солгарди Пирӯзӣ дар Ҷанги Бузурги Ватаниро дар пойтахти Русия шаҳри Маскав ва дигар шаҳрҳо оғоз шавад.

Беш аз миллион нафар аз 60 кишвари ҷаҳон суруди "Рӯзи Пирӯзӣ" - ро сароиданд - видео

Ӯ қайд кард, ки рӯзи 24 июн барои таҷлили ин иди бузург рӯзи мувофиқ аст, чун маҳз дар ин таърих нахустин бор соли 1945 гузашти низомии қаҳрамонон баргузор шуда буд.

Дақиқаи хомӯшӣ барои поси хотири қурбониёни Ҷанги Бузурги Ватанӣ

Дар баробари ин президент ба вазири дифоъ Сергей Шойгу фармуд, то замони таҷлили ид амнияти шаҳрвандон қатъиян таъмин шавад ва хатари сироятёбӣ ба коронавирус дар он рӯз кам карда шавад.

81
Барчаспҳо:
ҷашни рӯзи Ғалаба, Маскав, сафар, Сооронбой Жээнбеков, Маскав
Мавзуҳо:
Пайомадҳои COVID-19 дар Тоҷикистон ва ҷаҳон
Министр иностранных дел РФ Сергей Лавров

Лавров дар бораи танишҳо дар марзи Тоҷикистону Қиғизистон: Русия омодаи кӯмак аст

440
(Таҷдидшуда 19:58 26.05.2020)
Вазири умури хориҷаи Русия Сергей Лавров аз Тоҷикистону Қирғизистон даъват кардааст, ки дар марз аз истифодаи нерӯ худдорӣ кунанд

ДУШАНБЕ, 26 мая — Sputnik. Ҷониби Русия аз Тоҷикистон ва Қирғизистон даъват меорад, ки дар марз аз истифодаи силоҳ даст кашанд ва омода аст, ки ҳамчун миёнрав хизмат кунад. Дар ин боравазири умури хориҷии Русия Сергей Лавров баъди нишасти вазирони умумири хориҷа дар ҷаласаи СПАД гуфтааст.

 "Ин вазъ дар марзи Тоҷикистону Қирғизистон, мутаассифона бори аввал нест. Мо аз шариконамон даъват меорем, ки онҳо роҳи маслиҳатомезро пеш гиранд ва ҳарчи тавонанд аз истифодаи қувва худдорӣ кунанд. Мо омодаем ҳамчун миёнрав хизмат кунем. Ҳарчи зудтар вазъият ба эътидол ояд, ҳарчи беҳтар аст. Дар ин бора имрӯз ба дӯстонамон ҳам гуфем", - таъкид кардааст Лавров.

Ёдрас мешавем, 24 май бар марзи Тоҷикистону Қирғизистон таниши навбатӣ ба миён омад. Марбонони ҳарду кишвар тир кушоданд.

Марзбонии ду давлат ҳодисаро гуногун тавзеҳ доданд.

Фаврӣ: тирандозӣ дар марзи Тоҷикистону Қирғизистон дар рӯзи ид

Қирғизистон сокинони Ворухро дар гузаштан ба минтақаи қирғизҳо барои чарронидани чорво муттаҳам кард, аммо ба иттилои КДАМ Тоҷикистон баръакс, чӯпонҳои қирғиз дар ҳудуди деҳаи Пули Офтобрӯяи ҷамоати деҳоти Ворухи шаҳри Исфара, ки бо деҳаи қирғизнишини Мойнок ҳамсарҳад мебошад, вориди қаламрави Тоҷикистон гардида, ба муноқишаи навбатӣ бо сокинони наздимарзии ҶТ даст заданд.

440