Нерӯи амниятии Арабистони Саудӣ ҳангоми парад

Сафир: эҳтимол аст, Душанбе ба эътилофи Риёз бипаёвандад

15
(Таҷдидшуда 17:03 22.12.2015)
Мақомоти Арабистон ахиран аз таъсиси эътилофи исломие барои мубориза бо террорризм таҳти раҳбарии Риёз хабар доданд. То ҳол ба ин эътилоф 34 кишвар пайвастааст.

ДУШАНБЕ, 21 дек — Sputnik. Душанбе эҳтимол аст, ба эътилофи мубориза алайҳи терроризм ба раҳбарии Риёз бипайвандад, навиштааст нашрияи расмии Арабистони Саудӣ бо истинод ба сафири Тоҷикистон дар ин кишвар Аъзамшо Латифзода.

"Раҳбарияти Тоҷикистон дар ҳоли ҳозир пешниҳоди Риёз дар бораи пайвастан ба эътилофи исломӣ бо раҳбарии Арабистони Саудиро, ки ба хотири муборза бо терроризм ташкил шудааст, меомӯзад", — гуфтааст ҷаноби Аъзамшоҳ.

Ба гуфтаи ӯ, қарор аст Эмомалӣ Раҳмон моҳи январи оянда ба Арабистони Саудӣ сафар карда, дар ҷараёни он бо шоҳ — Салмон ибни Абдулазиз дидор кунад.

"Ҷонибҳо дар ин вохурӣ масоили марбут ба тавсеаи равобити ду кишвар, аз ҷумла эҳтимоли пайвастани Душанбе ба ин эътилофро баррасӣ хоҳанд кард", — афзудааст Аъзамшоҳ.

Мақомоти Арабистон ахиран аз таъсиси эътилофи исломие барои мубориза бо террорризм таҳти раҳбарии Риёз хабар доданд. То ҳол ба ин эътилоф 34 кишвар пайвастааст.

 

 

15
Барчаспҳо:
эътилоф, терроризм, пешниҳод, мубориза, эҳтимол, Аъзамшоҳ Латифзода, Салмон ибни Абдулазиз, Эмомалӣ Раҳмон, Ар-Риёз, Арабистони Саудӣ, Душанбе, Тоҷикистон
Министр иностранных дел РФ Сергей Лавров

Лавров дар бораи танишҳо дар марзи Тоҷикистону Қиғизистон: Русия омодаи кӯмак аст

390
(Таҷдидшуда 19:58 26.05.2020)
Вазири умури хориҷаи Русия Сергей Лавров аз Тоҷикистону Қирғизистон даъват кардааст, ки дар марз аз истифодаи нерӯ худдорӣ кунанд

ДУШАНБЕ, 26 мая — Sputnik. Ҷониби Русия аз Тоҷикистон ва Қирғизистон даъват меорад, ки дар марз аз истифодаи силоҳ даст кашанд ва омода аст, ки ҳамчун миёнрав хизмат кунад. Дар ин боравазири умури хориҷии Русия Сергей Лавров баъди нишасти вазирони умумири хориҷа дар ҷаласаи СПАД гуфтааст.

 "Ин вазъ дар марзи Тоҷикистону Қирғизистон, мутаассифона бори аввал нест. Мо аз шариконамон даъват меорем, ки онҳо роҳи маслиҳатомезро пеш гиранд ва ҳарчи тавонанд аз истифодаи қувва худдорӣ кунанд. Мо омодаем ҳамчун миёнрав хизмат кунем. Ҳарчи зудтар вазъият ба эътидол ояд, ҳарчи беҳтар аст. Дар ин бора имрӯз ба дӯстонамон ҳам гуфем", - таъкид кардааст Лавров.

Ёдрас мешавем, 24 май бар марзи Тоҷикистону Қирғизистон таниши навбатӣ ба миён омад. Марбонони ҳарду кишвар тир кушоданд.

Марзбонии ду давлат ҳодисаро гуногун тавзеҳ доданд.

Фаврӣ: тирандозӣ дар марзи Тоҷикистону Қирғизистон дар рӯзи ид

Қирғизистон сокинони Ворухро дар гузаштан ба минтақаи қирғизҳо барои чарронидани чорво муттаҳам кард, аммо ба иттилои КДАМ Тоҷикистон баръакс, чӯпонҳои қирғиз дар ҳудуди деҳаи Пули Офтобрӯяи ҷамоати деҳоти Ворухи шаҳри Исфара, ки бо деҳаи қирғизнишини Мойнок ҳамсарҳад мебошад, вориди қаламрави Тоҷикистон гардида, ба муноқишаи навбатӣ бо сокинони наздимарзии ҶТ даст заданд.

390
Члены движения Талибан, архивное фото

Ғанӣ амр дод, ки то 2 ҳазор маҳбуси Толибонро раҳо шаванд

150
(Таҷдидшуда 11:12 25.05.2020)
Президенти Афғонистон Ашраф Ғанӣ тасмим гирифт, ки тақрибан ду ҳазор маҳбусони толибонро дар посух ба оташбас ба иди Фитр озод кунад

ДУШАНБЕ, 25  май — Sputnik. Президенти Афғонистон Ашраф Ғанӣ амр дод, ки то 2000 нафар аъзои ҷунбиши радикалии Толибон раҳо карда шаванд, гуфт сухангӯи ӯ Седик Седикки.

Қаблан Толибон дар Афғонистон аз қатъи тирпаррониҳо давоми се рӯз ба ифтихори Иди Фитр хабар доданд. Президенти Афғонистон инро истиқбол кард ва изҳор дошт, ки раванди озодшавӣ аз маҳбасҳо ҷонибдорони ҷунбиши радикалии Толибон суръат хоҳад ёфт ва аз Толибон даъват карда шуд, ки раҳоии маҳбусонро низ суръат бахшанд.

"Президент Ғанӣ имрӯз (якшанбе) Ҷараёни раҳо кардани 2000 нафар маҳбусони толибонро ҳамчун иқдоми хайрхоҳона дар посух ба эълони оташбаси онҳо дар замони Иди Фитр оғоз кард. Ҳукумати федералии Афғонистон пешниҳоди сулҳро тавсеа медиҳад ва барои таъмини муваффақияти раванди сулҳ қадамҳои минбаъда меандешад "гуфт Сиддиқӣ дар Твиттер.

Ёдовар мешавем охири моҳи феврал, дар як маросим дар Қатар, ИМА ва гурӯҳи радикалии Толибон аввалин созишномаи сулҳро зарфи беш аз 18 соли ҷанг имзо карданд, ки хуруҷи нерӯҳои хориҷӣ аз Афғонистон дар тӯли 14 ва гуфтугӯи сулҳро пешбинӣ мекунад.

Муколама миёни ҳукумати Ғанӣ ва Толибон моҳи март пас аз раҳоии маҳбусон аз ҳарду ҷониб оғоз шуд.

150
Барчаспҳо:
оташбас, раҳоӣ, маҳбусон, Толибон, Ашрафғанӣ Аҳмадзай, Афғонистон
Девушка в наручниках, фото из архива

Боздошти зане, ки бо як зарби корд шавҳарашро захмӣ кард

0
(Таҷдидшуда 13:35 27.05.2020)
Вазорати умури дохилии Тоҷикистон аз боздошти як ҷавонзани 19 сола дар вилояти Суғд хабар медиҳад, шавҳарашро бо як зарби корд захми кардааст

ДУШАНБЕ, 27  май — Sputnik. Бино ба иттилои дафтари матбуотии ин ниҳод, дар пайи гузаронидани чорабиниҳои оперативӣ-ҷустуҷӯӣ ҷавонзани 19-солаи сокини шаҳраки Ғафурови ноҳияи Б.Ғафуров ҳамчун гумонбар дар қасдан расонидани зарари вазнин ба саломатӣ дастгир карда шуд.

Ба иттилои манбаъ, номбурда, санаи 19-уми майи соли 2020, тахминан соати 23:30-дақиқа, ҳангоми дар хонаи истиқоматии ҳамзисташ ҷавони 20-солаи сокини ноҳияи Исфара қарор доштанаш, аз сабаби муноқишаи ба миёномада, бо корди хоҷагӣ 1-маротиба ба тарафи чапи қафаси синаи ҷабрдида задааст.

Аммо вазорат шарҳ надодааст, ки ҷавонзан шавҳарашро дар пайи  чи баҳс  захмӣ кардааст.

Манба мегӯяд, дар натиҷа, ҷабрдида ҷароҳати вазнини ҷисмонӣ бардошта, дар беморхона бистарӣ шудааст.
ВУД мегӯяд, нисбати гумонбаршаванда парвандаи ҷиноятӣ бо моддаи 110 қисми 1 Кодекси ҷиноятии Ҷумҳурии Тоҷикистон оғоз карда шуда, тафтишот идома дорад.

0
Барчаспҳо:
захмӣ, шавҳар, корд, зан, боздошт, ВКД, Суғд, Тоҷикистон