Вазири мудофиаи ФР Сергей Шойгу. Акс аз бойгонӣ

Шойгу дар ҷаласаи вазирони мудофиаи кишварҳои СҲШ иштирок мекунад

11
Баррасии чорабиниҳои омодагӣ ба омӯзишҳои зиддитеррористии муштараки “Миссияи сулҳ-2016”, ки дар Қирғизистон гузаронида мешавад, мавзӯъи алоҳидаи ҷаласа хоҳад буд.

ДУШАНБЕ, 8 июн — Sputnik. Вазири мудофиаи Русия, генерал Сергей Шойгу рӯзи сешанбе ба Қазоқистон рафта рӯзи чоршанбе, 8 июн дар ҷаласаи вазирони мудофиаи кишварҳои аъзои Созмони Ҳамкориҳои Шанхай (СҲШ), ки дар Остона баргузор мегардад иштирок мекунад, иттилоъ дод рӯзи сешанбе намояндаи расмии вазорати мудофиаи Русия Игор Конашенков ба рӯзноманигорон.

"Дар рафти вохӯрӣ дар бораи масъалаҳои мубрами рӯз, амнияти байналмиллалӣ минтақавӣ, пайдо кардани роҳҳои беҳтари вокуниш ба таҳдидҳои нави ҷаҳонӣ дар қаламрави кишварҳои аъзои СҲШ, мубодилаи афкор сурат мегирад",-гуфт Конашенков.

Ба қавли ӯ "баррасии чорабиниҳои омодагӣ ба омӯзишҳои зиддитеррористии муштараки "Миссияи сулҳ-2016", ки дар қаламрави Қирғизистон гузаронида мешавад, мавзӯъи алоҳидаи ҷаласа хоҳад буд".

Ҳамчунин иштирокчиёни ҷаласа натиҷаҳои ҳамкориҳои соли гузаштаро таҳлил карда, масъалаҳои рушди ҳамкориҳои вазоратҳои мудофиаи кишварҳои аъзои СҲШ-ро баррасӣ хоҳанд намуд, хабар дод генерал.

Дар ҷаласа ҳайати намояндагони шаш кишвари аъзои СҲШ (Русия, Қазоқистон, Қирғизистон, Чин, Тоҷикистон ва Узбакистон), намояндагони котибот ва мақомоти зиддитеррористии СҲШ иштирок мекунанд.

"Чун анъана дар давраи баргузории ҷаласаи вазирони мудофиаи кмшварҳои аъзои СҲШ фестивали байналмиллалии оркестри мамлакатҳои аъзои СҲШ "Труба мира-2016" доир мегардад. Ин ҷашнвораи сеюмин буда, шакли маъмули ҳамкориҳои фарҳангии байни кишварҳои СҲШ ба шумор рафта, ба рушди мудобилаи фарҳангии давлатҳои СҲШ мусоидат мекунад ",-гуфт Конашенков.

11
Барчаспҳо:
амният, ҳамкорӣ, ҷаласа, СҲШ, Игор Конашенков, Сергей Шойгу, Остона
Мавзуҳо:
Шӯрои кории Русия ва Тоҷикистон ҳамкориҳои иқтисодиро тақвият мебахшад (13)
Мавзуъ
Омӯзишҳои вижа дар Тошканд ва омодагӣ ба нишасти сарони СҲШ
Раҳмон: СҲШ “механизм”-и ҳақиқии ҳамкории минтақавӣ гардидааст
СҲШ: Афғонистон омили асосии таҳкими амният дар Осиёи Марказӣ аст
премьер-министр Узбекистана Абдулла Арипов

Санаи сафари сарвазири Ӯзбекистон ба Тоҷикистон маълум шуд

312
(Таҷдидшуда 21:34 19.09.2020)
Палатаи савдо ва саноати Тоҷикистон мегӯяд, сафари Абдулло Арипов, сарвазири Ӯзбекистон ба Душанбе ба рӯзҳои 28-30 сентябр рост меояд

ДУШАНБЕ, 19 сен — Sputnik.  Омодагӣ ба сафари Абдулло Арипов дар Палатаи савдо ва саноати Тоҷикистон баррасӣ шуд. Дар доираи ин сафар анҷумани соҳибкорони Тоҷикистону Ӯзбекистон рӯзҳои 28-30 сентябр ба нақша гирифта шудааст.

Инчунин зимни ин сафар ҷаласаи навбатии Комиссияи байниҳукуматии Тоҷикистон ва Ӯзбекистон баргузор мегардад

Дафтари матбуоти вазорати иқтисод ва савдои Тоҷикистон, мегӯяд, ҳоло омодагиҳо ба ҷаласаи навбатии Комиссияи байниҳукуматии Тоҷикистон ва Ӯзбекистон давом доранд.

Тибқи иттилои манбаъ, ин нукта зимни вохӯрии  Вазири рушди иқтисод ва савдои Тоҷикистон Завқӣ Завқизода ва муовини якуми Вазири сармоягузорӣ ва савдои хориҷии Ӯзбекистон Лазиз Қудратов, муовини Вазири иқтисод ва паст кардани сатҳи камбизоатии Ӯзбекистон Акмалхон Ортиқов, ки 18 сентябр дар шаҳри Душанбе баргузор гардид, мавриди баррасӣ қарор гирифт.

Ҳамзамон манбаъ таъкид доштааст, ки зимни вохӯрӣ ҷонибҳо инчунин вазъ ва дурнамои ҳамкории дуҷонибаро дар соҳаи тиҷоратию иқтисодӣ, аз ҷумла зиёд намудани нишондиҳандаҳои ҳаҷми гардиши савдои дуҷониба, таъсиси корхонаҳои муштарак дар минтақаҳои озоди иқтисодии Тоҷикистон баррасӣ намуданд.

312
Барчаспҳо:
ҷаласа, ҳамкорӣ, Ӯзбекистон, Тоҷикистон
Здание парламента Республики Таджикистан

Санаи сафари Иноятов дар садри вакилони Ӯзбекистон ба Душанбе маълум шуд

217
(Таҷдидшуда 17:09 19.09.2020)
Маҷлиси намояндагони Тоҷикистон санаи сафари ҳайати вакилони Ӯзбекистонро таҳти роҳбарии Улуғбек Иноятов ба Душанбе эълон кард

ДУШАНБЕ, 19 сен — Sputnik. Ҳадафи сафар иштирок дар нахустин ҷаласаи муштараки гурӯҳҳои парлумонии дӯстӣ ва ҳамкории Тоҷикистон ва Ӯзбекистон мебошад. Ҳайати намояндагони парлумони Ӯзбекистон 20 сентябр ба Душанбе меояд.

Дар Душанбе мулоқотҳои ҳайати парлумонии Ӯзбакистон ва Тоҷикистон 21 сентябр ба нақша гирифта шудааст.

Муҳаммадатов Султонов, котиби матбуоти Маҷлиси намояндагони Тоҷикистон, ба “Ховар” иттилоъ додааст, ки ҳайати Ӯзбекистонро, ки ба ҳайати он намояндагони ҳарду палатаи парлумони ин кишвар шомиланд, муовини раиси Палатаи қонунгузории Олий Маҷлиси Ҷумҳурии Ӯзбекистон Улуғбек Иноятов сарварӣ мекунад.

“Гурӯҳи дӯстӣ ва ҳамкории Маҷлиси намояндагон бо парлумони Ӯзбекистонро муовини раиси Маҷлиси намояндагони Маҷлиси Олии Ҷумҳурии Тоҷикистон Дилрабо Мансурӣ сарварӣ мекунад”, - омадааст дар иттилоия.

Манбаъ илова намуд, ки щайати Ӯзбекистон дар доираи ин сафар ҳамчунин бо раиси Маҷлиси намояндагон Маҳмадтоир Зокирзода мулоқот намуда, аз шаҳри Турсунзода дидан менамояд.

217
Барчаспҳо:
парлумон, Ӯзбекистон, Тоҷикистон
Пост БДА в Хороге, архивное фото

Сангзанӣ дар Хоруғ баъди футбол: ВУД теъдоди маҷруҳон ва иншооти осебдидаро гуфт

445
(Таҷдидшуда 10:02 21.09.2020)
Вазорати умури дохилии Тоҷикистон бо нашри як иттилоия сангзанӣ дар шаҳри Хоруғро шарҳ додааст, ки дар пайи он беш аз 20 нафар ҷароҳат бардоштанд

ДУШАНБЕ, 21 сен — Sputnik. Тибқи иттилои ВУД, 19 сентябри соли 2020, соати 19:00 дар майдончаи варзишии мактаби таҳсилоти миёнаи умумии №2, воқеъ дар маҳаллаи "Гулакен"-и шаҳри Хоруғ байни дастаҳои маҳаллаҳои "Гулакен" ва "Хоруғи боло"-и шаҳри Хоруғ бозии нимфиналии футбол баргузор гардид.

Манбаъ афзуд, ки баъди ба анҷом расидани бозӣ соати 20:00 байни мухлисони маҳаллаҳои Гулакен ва Хоруғи боло муноқишаи гурӯҳӣ ба амал омад.

"Дар натиҷаи сангпартоӣ аз ҳарду ҷониб 21 нафар ҷароҳатҳои гуногуни ҷисмонӣ бардошта, 20 адад шишаҳои тирезаи МТМУ №2 дар шаҳри Хоруғ, 7 шишаҳои хонаҳои истиқоматӣ, 6 адад автомашинаи шаҳрвандон зарари техникӣ бардошта, 6 адад тиреза ва 4 курсии варзишгоҳ, 5 шишаҳои тирезаи бинои БДА "Амонатбонк" шикаста шудааст", - омадааст дар иттилоияи ВУД.

Манбаъ таъкид кард, ки вобаста ба ҳолати мазкур нисбати гурӯҳи авбошон парвандаи ҷиноятӣ оғоз гардида, тафтишот идома дорад. ВУД афзудааст, ки чорабиниҳои оперативӣ-ҷустуҷӯӣ барои ҷустуҷӯ намудани гунаҳкорон гузаронида шуда истодааст.

Феълан назари худи иштирокдорони қазия маълум нест.

445
Барчаспҳо:
Футбол, Хоруғ, Тоҷикистон