5 сентября 2016. Президенти ФР Владимир Путин ва президенти ИМА Барак Обама дар вақти вохӯрӣ дар Ханчжау

Мулоқоти як соатаи Путин ва Обама дар Чин

18
(Таҷдидшуда 13:04 05.09.2016)
Муддати вохӯрии сарони ду давлат дар Чин аз вақти ба нақшаи гирифташуда ҳам,зиёдтарро давом ёфт. Дар аввал дар толор вазири ВКХ ФР Сергей Лавров ва котиби давлатии ИМА Ҷон Керрӣ ҳузур доштанд, пасон президентон суҳбаташондро дар алоҳидагӣ давом доданд.

ДУШАНБЕ, 5 сен — Sputnik. Дар давоми саммити "бистгонаи калон"  дар шаҳри Ханчжоуи Чин президенти Русия Владимир Путин  ва ИМА Борак Обама вохӯрӣ доир намуданд.

Путин ва Обама ҳамдигарро пешвоз гирифтанд ва пасон ба гуфтушунид оғоз карданд. Сӯҳбати онҳо зиёда аз як соат давом кард.

Дар вохӯрӣ аз ҷониби Русия ҳамчунин вазири ВКХ ФР Сергей Лавров ва ёрдамчии президент Юрий Ушаков ва аз ҷониби ИМА- котиби давлатии ИМА Ҷон Керрӣ иштирок доштанд. Баъдтар президентон дар танҳогӣ сӯҳбати худро давом доданд.

"Вохӯрӣ аз вақти ба нақша гирифташуда ҳам, бештар давом кард. Асосан масъалаи Сурия ва пасон Украинаро муҳокима намуданд. Пасон,  Путин ва Обама чашм ба чашм сӯҳбат намуданд",- гуфт котиби матбуоти президенти ФР Дмитрий Песков.

Вақте ки дар бораи чӣ гуна гузаштани ин сӯҳбати сарони ду давлат пурсон шуданд,  Песков кӯтоҳакак гуфт: "Хуб, корҳо давом хоҳанд ёфт".

Пештар Песков ба рӯзноманигорон нақл карда буд, ки рӯзи якшанбе Путин ва Обама ячанд маротиба сӯҳбати кӯтоҳ доир намуда, ба хулоса омаданд, ки вохӯрии алоҳида доир менамоянд. Манбаи ҳайъати кории  русӣ гуфтааст, ки маҳз Обама хоҳиш намудааст, ки дар алоҳидагӣ президентон сӯҳбат намоянд.

 

 

18
Барчаспҳо:
Вохӯрии сарони Русия ва ИМА, Саммити "бистгонаи калон", Владимир Путин, Барак Обама, Ханчжау, Дар ҷаҳон, Чин
Пустое кресло

Маъмурияти дипломатии сафири Итолиё дар Тоҷикистон ба анҷом расид

50
Муовини вазири корҳои хориҷии Тоҷикистон Музаффар Ҳусейнзода ба Андреа Бертотсӣ барои саҳми арзандааш дар тақвияти ҳамкории дуҷониба миннатдорӣ баён намуд

ДУШАНБЕ, 8 июл — Sputnik. Маъмурияти дипломатии сафири Итолиё дар Тоҷикистон ба анҷом расид, хабар медиҳад Вазорати умури хориҷии Тоҷикистон.

Бино бар иттилои манбаъ, чанде пеш муовини вазири умури хориҷаи Тоҷикистон бо сафир мулоқот кардааст.

"Мулоқоти видеоии Муовини вазири корҳои хориҷии Ҷумҳурии Тоҷикистон Музаффар Ҳусейнзода бо Сафири Ҷумҳурии Италия дар Ҷумҳурии Тоҷикистон бо қароргоҳ дар Тошканд Андреа Бертотсӣ бино бар ба поён ёфтани маъмурияти дипломатиаш барпо гардид", - тавзеҳ медиҳад манбаъ.

Гуфта мешавад, Музаффар Ҳусейнзода ба Андреа Бертотсӣ барои саҳми арзандааш дар тақвияти ҳамкории дуҷониба миннатдорӣ баён намуд.

Зимни гуфтугӯ ҷонибҳо инчунин аҳаммияти баргузории чорабиниҳои банақшагирифташуда, аз ҷумла вохӯриҳо дар сатҳи олӣ ва баландро, пас аз ба эътидол омадани вазъи ҷаҳон бар асари вобаста ба ҳамагирӣ таъкид карданд.

 

 

 

50
Официальный визит президента РФ В. Путина в Таджикистан. День второй

Занги Эмомалӣ Раҳмон ба Назарбоев: 80-солагӣ муборак

128
Дар ин зимн ҷонибҳо атрофи як қатор масъалаҳои тавсеаву таъмиқи ҳамкории ду кишвар дар сиғаи шарикии стратегӣ ибрози ақида намуда, аҳамияти пешбурди минбаъдаи ин раванди созандаро бар нафъи мардумони ба ҳам дӯсти Тоҷикистон ва Қазоқистон таъкид карданд

ДУШАНБЕ, 6 июл – Sputnik. Имрӯз, 6 июл раисҷумҳури Тоҷикистон Эмомалӣ Раҳмон ба якумин президенти Қазоқистон Нурсултон Назарбоев сӯҳбати телефонӣ анҷом додааст. Дар ин бора котиботи раисҷумҳури Тоҷикистон гузориш медиҳад.

"Дар ҷараёни суҳбат кишвардори Тоҷикистон якумин Президенти Ҷумҳурии Қазоқистонро бо рӯйдоди муҳим – 80–солагии зодрӯзаш самимона табрик карда, таманниёти неки худро ба соҳибҷашн иброз намуд", - менависад котиботи раисҷумҳур.

Раисҷумҳури Тоҷикистон фаъолияти самарабахши солҳои тулонии Нурсултон Назарбоевро дар маснади Президенти Қазоқистони дӯст бахусус зикр кардааст.

Дар ин зимн ҷонибҳо атрофи як қатор масъалаҳои тавсеаву таъмиқи ҳамкории ду кишвар дар сиғаи шарикии стратегӣ ибрози ақида намуда, аҳамияти пешбурди минбаъдаи ин раванди созандаро бар нафъи мардумони ба ҳам дӯсти Тоҷикистон ва Қазоқистон таъкид карданд.

Қаблан Эмомалӣ Раҳмон унвонии якумин Президенти Ҷумҳурии Қазоқистон барқияи табрикотӣ ирсол намуд.

128
Инспектор ГИБДД, архивное фото

Бадахшон: дар 13 садамаи нақлиётӣ 7 нафар ҳалок ва 13 нафар ҷароҳатдор гардиданд

0
(Таҷдидшуда 16:19 09.07.2020)
Бозрасии давлати автомабилии Раёсати умури дохила дар ВМКБ аз коҳиш ёфтани нақви қавонини роҳ аз сӯи ронандаҳо хабар дод

ДУШАНБЕ, 9 июл – Sputnik. Дар роҳҳои автомобилгарди Вилояти Мухтори Кӯҳистони Бадахшон давоми шаш моҳи охири соли ҷорӣ 13 садамаи нақлиётӣ рух додааст, хабар медиҳад агентии Ховар бо такя ба маълумоти БДА РВУД дар ин вилоят.

Бар хабари БДА дар ВМКБ дар ин давра 37 ҳолати идора кардани воситаи нақлиёт бе рақами давлатӣ ва шаҳодатномаи ронанадагӣ, 10 далели истифодаи шишаҳои сиёҳу хира бе иҷозатномаи махсус ошкор  гардидааст.

Ҳамчунин чанд соли охир дар вилоят бамаротиб коҳишёбии шумораи ронандагоне, ки воситаи нақлиётро дар ҳолати сархушӣ идора мекунанд, мушоҳида мегардад.

Ҳаво дар Бадахшон то 30 дараҷа гарм мешавад: пешгӯии дақиқи обуҳаво дар Тоҷикистон

Аз моҳи январ то моҳи июни соли равон 12 нафар ронанда, ки мошинро дар ҳолати сархушӣ идора мекарданд, аз сӯи нозирони шуъбаи БДА РВКД-и вилоят боздошт шуданд. Ҳамаи ин ронандагон ҷарима ва ба муҳлати панҷ сол аз ҳуқуқи идора кардани воситаҳои нақлиёт маҳрум гардиданд.

Дар давоми шаш моҳи соли равон инчунин 39 ронанда, ки бе литсензияи давлатӣ ба мусофиркашонӣ машғул буданд, боздошт ва ба ҷавобгарии маъмурӣ кашида шуданд.

Манбаъ таъкид мекунад, ки риоя накардани қоидаҳои ҳаракати роҳ ва сари вақт мавриди муоинаи техникӣ қарор надодани воситаҳои нақлиёт оқибат ба ҳодисаҳои нохуш оварда мерасонад.

0
Барчаспҳо:
садама, нақлиёт, Бадахшон