Президенти Туркия Раҷаб Тайиб Эрдуғон. Акс аз бойгонӣ

Эрдуғон хостори ворид шудани Туркия ба СҲШ шуд

67
(Таҷдидшуда 10:02 21.11.2016)
Воридшавии Туркия ба Иттиҳоди Аврупо роҳи ягона нест, изҳор дошт президенти Туркия ва илова кард, ки раванди эътидоли муносибатҳо бо Русия дар роҳи рушд аст

ДУШАНБЕ, 21 ноя — Sputnik. Анқара масъалаи ворид шудан ба CҲШ-ро бо президенти ФР Владимир Путин ва роҳбари Қазоқистон Нурсултон Назарбоев муҳокима мекунад, изҳор дошт Тайиб Эрдуғон.

Чуноне президенти Туркия қайд кард, пайвастан ба Иттиҳоди Аврупо роҳи ягона нест, хабар медиҳад РИА Новости.

"Brexit " метавонад пайҳн шавад, чунин овозаҳо аз Фаронса, Италия шунида мешаванд. Дар чунин шароит Туркия бояд худро ором ҳис кунад. Набояд гуфт, ки Иттиҳоди Аврупо-роҳи ягона аст. Чаро Туркия аъзои СҲШ нашавад? Ин масъаларо ман бо Владимир Путин ва Нурсултон Назарбоев муҳокима кардам. Иштироки Туркия дар СҲШ ба мо озодии бештари амалиётро фароҳам меорад", изҳор дошт Эрдуғон зимни баргаштан аз Узбакистон.

Қаблан дар ҳамоиш, ки дар Истамбул шуда гузашт, Эрдуғон изҳор дошт, ки сарфи назар аз сатҳи тараққиёти Туркия, он барои мамолики Ғарб кишвари дараҷаи дуюм боқӣ мемонад.

Роҳбари Туркия қайд кард, ки раванди эътидоли муносибатҳо бо Русия дар роҳи рушд аст.

"Муносибатҳоямон дар ҳоли ҳозир бо Русия хуб ҳастанд. Ҳамааш яку якбора намешад. Санаи 5-6-уми декабри соли равон нахуствазири Туркия ба ФР сафар карда, дар семоҳаи аввали соли 2017 Шӯрои сатҳи олии Русия ва Туркия баргузор хоҳад шуд. Сафарҳои сатҳи олӣ идома мекунанд",-илова кард Эрдуғон.

Ба Созмони Ҳамкориҳои Шанхай, ки соли 2001-ум таъсис ёфт-Русия, Чин, Казоқистон, Қирғизистон, Тоҷикистон ва Узбакистон дохил мешаванд. Соли 2015 ба СҲШ раванди воридшавии Ҳиндустон ва Покистон шурӯъ шуд. Арманистон, Озарбойҷон, Камбоҷа, Непал, Туркия ва Шри-Ланка шарикони лоиҳа ба ҳисоб мераванд.

Президенти Туркия Таййиб Эрдуғон бо сафари корӣ дар Узбакистон қарор дошт. Дар рафти вохӯрӣ бо иҷрокунандаи муваққатии вазифаи президентии Узбакистон Шавкат Мирзиёев президенти Туркия руши муносибатҳои минбаъдаро муҳокима карда, қайд намуд, ки мехоҳад бо кишвари бародар ҳамкориҳоро тақвият бахшад.

67
Барчаспҳо:
баррасии воридшавӣ, воридшавӣ ба СҲШ, Иттиҳоди Аврупо, СҲШ, Раҷаб Тайиб Эрдуғон, Туркия
Мавзуъ
Эрдуғон сафари Мирзиёевро ба ҳайси президент ба Туркия интизор аст
Эмомали Рахмон и Си Цзиньпин

Ваксинаи ройгони Чин: Раҳмон изҳори сипос кард

561
(Таҷдидшуда 22:04 01.03.2021)
Чин изҳор доштааст, ки омода аст Тоҷикистонро бо ваксинааш бепул таъмин кунад

ДУШАНБЕ, 1 мар – Sputnik.  Эмомалӣ Раҳмон, раисҷумҳури Тоҷикистон дар рафти сӯҳбати телефонӣ бо роҳбари Чин Си Ҷинпин барои омодагии Чин ба пешниҳоди ваксини ройгонаш ба Тоҷикистон изҳори сипос кардааст.

Тавре дафтари матбуоти раисҷумҳури Тоҷикистон хабар медиҳад, дар ҷараёни суҳбат ҷонибҳо самтҳои мубрами ҳамкориҳои дуҷонибаро дар доираи муносибатҳои шарикии ҳамаҷонибаи стратегии  Тоҷикистон ва Чин  муҳокима карданд.

Гуфта мешавад, масъалаҳои густариши ҳамкориҳои тиҷоративу иқтисодӣ, нақлиёт ва соҳаи кишоварзӣ, инчунин қадамҳои минбаъдаи муштарак дар ин самт ва бо мақсади коҳиш додани шиддати таъсири бӯҳрони натиҷаи пандемия баррасӣ шуданд.

Эмомалӣ Раҳмон ба Си Ҷинпин миннатдории Тоҷикистонро барои кӯмак ва дастгирӣ дар рафъи оқибатҳои пандемия, аз ҷумла омодагии Ҳукумати Чин барои ба Тоҷикистон ба таври ройгон додани  ваксинаи зиддивирусии истеҳсоли Чин иброз доштааст.

Ҷонибҳо ҷиҳати рушди минбаъдаи вазъи вобаста ба пандемия дар ду кишвар дар маҷрои муътадилгардонии устувори он изҳори умед намуданд.

Сарони  давлатҳо ҷонибдории худро аз рушди минбаъдаи робитаҳои фарҳангию гуманитарии Тоҷикистону Чин ва омодагии тарафҳоро ҷиҳати таҳкими ҳамкориҳои   судманд дар соҳаи амният изҳор карданд.

Раиси Ҷумҳурии Мардумии Чин муҳтарам Си Ҷинпин мардуми Тоҷикистонро ба муносибати  ҷашни Наврӯз табрик гуфтааст.

Тоҷикистон аз Чин чанд пул қарздор аст

Дар анҷоми суҳбат ҷонибҳо бори дигар тасмими худро оид ба пешбурди минбаъдаи муштараки рушди тамоми самтҳои муносибатҳои Тоҷикистону Чин дар рӯҳияи дӯстӣ, ҳамсоягии нек ва эътимоди тарафайн, таъйид карданд.

561
Барчаспҳо:
Си Ҷинпин, Эмомалӣ Раҳмон, Чин, Тоҷикистон
Глава МИД РТ встретился с преседателем парламент Афганистан Миррахмон Рахмони

Сироҷиддин Муҳриддин ва Мир Раҳмон Раҳмонӣ чиҳо гуфтанд?

30
Вазири умури хориҷии Тоҷикистон раиси Маҷлиси намояндагони Афғонистонро ба ҳузур пазируфт

ДУШАНБЕ, 1 мар – Sputnik. Сироҷиддин Муҳриддин, вазири умури хориҷии Тоҷикистон  бо раиси парлумони Афғонистон Мир Раҳмон Раҳмонӣ мулоқот кард, хабар медиҳад Вазорати корҳои хориҷии Тоҷикистон.

Гуфта мешавад, дар мулоқот роҷеъ ба масъалаҳои вазъи минтақа ва Афғонистон, раванди музокироти байниафғонӣ, робитаҳои байни Тоҷикистон ва Афғонистон дар соҳаҳои гуногун баррасӣ гардид.

"Бо мақсади ҳаққи масъалаҳои марбут ба қонунгузорӣ гурӯҳи дӯстӣ миёни Маҷлиси намояндагони Маҷлиси Олии Ҷумҳурии Тоҷикистон ва Вулуси Ҷиргаи Шӯрои Миллии Ҷумҳурии Исломии Афғонистон ташкил шуд", - хабар медиҳад манбаъ.

Изҳори умедворӣ шуд, ки ҷиҳати густариши робитаҳои байнипарлумонӣ гурӯҳи дӯстии ташкилгардида саҳми босазо гузошта, иштироки фаъоли парлумонҳои ду давлати дӯсту бародарро дар арсаи байналмилалӣ ва минтақавӣ таъмин намояд.

Ҳамчунин зикр гардид, ки муносибатҳои дӯстӣ, ҳамкорӣ ва шарокат байни ду кишвари ҳамҷавор ва ҳамзабон имкон медиҳад, ки Душанбе ва Кобул дар масъалаҳои мубрами байналмилалӣ ва минтақавӣ мавқеи яксон ё наздик дошта бошанд.

Ҷонибҳо изҳор карданд, ки муборизаи муштарак бо терроризм, ифротгароӣ ва қочоқи маводди мухаддир самти муҳимми ҳамкорӣ байни ду кишвар мебошад.

Таъкид шуд, ки ҷиҳати рафъи паёмадҳои ҳамагирии Ковид-19 ҳамкорӣ ва ҳамёрӣ байни ду кишвар бояд афзояд.

Тоҷикистон кӯшишҳои Ҳукумати Афғонистонро дар таъмини амният ва сулҳу субот дар кишвар ҷонибдорӣ мекунад. Дар ин робита, ҷониби Тоҷикистон аз раванди музокироти сулҳи байниафғонӣ дар Давҳа истиқбол мекунад.

Ҷониби Тоҷикистон умедвор аст, ки музокироти сулҳи байниафғонӣ заминаи муҳкамро барои барқарорсозии сулҳу оромӣ дар кишвари азияткашида гузорад.

Глава МИД РТ встретился с преседателем парламент Афганистан Миррахмон Рахмони
Глава МИД РТ встретился с преседателем парламент Афганистан Миррахмон Рахмони

Тоҷикистон нақши калидии Афғонистонро дар таъмини амният дар тамоми минтақаи Осиёи Марказӣ хуб дарк намуда, аз ташаббусҳои созандаи ҷомеаи ҷаҳонӣ ҷиҳати таъмини сулҳу субот дар Афғонистон ва барқарорсозии иқтисодиву иҷтимоии он ҳамеша пуштибонӣ мекунад.

Таъкид гардид, ки Тоҷикистон ва Афғонистон дар чаҳорчӯби созмонҳои байналмилалӣ ва минтақавӣ, аз қабили Созмони Милали Муттаҳид, Созмони ҳамкории Шанхай, Созмони ҳамкории исломӣ ва ғайра бомуваффақият ҳамкорӣ мекунанд.

Аз мулоқот бо Ғанӣ то Абдуллоҳу Амруллоҳ Солеҳ: чаро Ятимов ба Кобул рафт?

Ҷонибҳо аз сатҳи баланди робитаҳои сиёсӣ ва байнипорлумонии байни ду кишвар изҳори қаноатмандӣ карданд.

30
Барчаспҳо:
Сироҷиддин Муҳриддин, сиёсат, мулоқот, Тоҷикистон, Афғонистон
Мужчина совершает молитву на кладбище

Даргузашти Фотима Ғуломова, ҳунарманди тоҷик пас аз як моҳи марги шавҳар

349
(Таҷдидшуда 22:08 01.03.2021)
Фотима Ғуломова, ҳунарманди номии тоҷик, модари коргардони тавонои тоҷик Барзу Абдураззоқов ва ҳамсари Ҳабибулло Абдураззоқов аст

ДУШАНБЕ, 1 мар – Sputnik. Фотима Ғуломова, ҳунарпешаи номдори театру синамо, модари коргардони машҳур Барзу Абдураззоқов ва ҳамсари Ҳабибулло Абдураззоқов, ҳунарманди номии театру синамо пас аз бештар аз як моҳи марги шавҳараш даргузашт.

Фотима Ғуломова, ҳунарманди номии тоҷик
Акс аз саҳифаи фейсбукии Хуршед Мустафоев
Фотима Ғуломова, ҳунарманди номии тоҷик

Аз даргузашти ҳунарпеша корбарони шабакаҳои иҷтимоӣ, ҳаводорони саҳна ва дӯстони фарзандаш Барзу Абдураззоқов хабар додаанд.

Писари дигари ҳунарманд Шаҳбоз Абдураззоқов ин хабарро тасдиқ карда, гуфтааст, модараш дар пайи беморӣ ҷон ба Ҷонофарин супурд.

Фотима Ғуломова 87 сол дошт ва бештар аз 40 сол дар саҳнаи Театри давлатии академии драмавии ба номи Лоҳутӣ фаъолият карда буд.

Фарзандонаш Барзу Абдураззоқов, коргардони тавонои тоҷик, корманди идораи Созмони Милал Шаҳбоз Абдураззоқов ва проффессори Консерваторияи Шветсия Ниссор Абдураззоқов ҳастанд.

Ӯ дар намоишҳои "Бой ва ғулом", "Шоҳ Лир", "Рӯдакӣ", "Рустам ва Суҳроб", "Мо аз боми ҷаҳон" нақшҳои асосӣ ва хотирмонро бозидааст.

Хомушии ситораи дигар: нақшҳои беҳтарини Ҳабибулло Абдуразоқов – видео

Марги Фотима Ғуломова дар ҳолест, ки ҳанӯз бештар аз як моҳ қабл, 19 январ ҳамсараш, ҳунарманди тавонои синамо ва театр Ҳабибулло Абдураззоқов даргузашта буд.

349