ДУШАНБЕ, 30 ноя — Sputnik.Президенти Тоҷикистон Эмомалӣ Раҳмон изҳори боварӣ намуд, ки Маҷористон ташаббуси ҷониби Тоҷикистонро дар иқдоми навбатии об дастгирӣ мекунад.
Дар вохӯрӣ ба президенти Маҷористон Янош Адер раисҷумҳури Тоҷикистон қайд намуд, ки "иқдоми навбатии мо оид ба эълон намудани Даҳсолаи байналмилалии нав — "Об барои рушди устувор" ҷиҳати расидан ба Ҳадафи шашуми рушди устувор саҳми назаррас хоҳад гузошт",- хабар медиҳад хадамоти матбуоти раисҷумҳур.
Дар вохӯрӣ қайд гардид, ки ҳаҷми гардиши мол байни кишварҳо афзоиш меёбад. Тарафҳо ба мувофиқа омаданд, ки муносибатҳои тиҷоратӣ ва иқтисодии кишварҳоро таҳким бахшида, аз ҷумла корхонаҳои муштарак бунёд мекунанд ва дар соҳаи лоиҳаҳои гидроэнергеоӯтикӣ дар Тоҷикистон технологияҳои пешрафтаи хориҷиро ҷалб месозанд.
Президенти Тоҷикистон қайд намуд, ки дар соҳаи маблағгузорӣ ҳамкориҳои байнидавлатии кишварҳоро таҳким бахшида, бояд тоҷирони маҷориро дар амалӣ намудани лоиҳаҳои коркарди алюминӣ, пахта, мева, сабзавот, истихроҷи сангҳои қимматбаҳо, истеҳсоли маводи сохтмонӣ, саноати кимёвӣ ҷалб кард, омадааст дар хабари хадамоти матбуот.
Президентони ду кишвар ҳамчунин масъалаҳои ҳамкорӣ дар мубориза бо терроризми байналмиллалӣ ва ифродгароӣ, ҳамчунин таъмини амният ва субот дар минтақаъ дар назардошти вазъияти Ҷумҳурии исломии Афғонистонро баррасӣ карданд.
Президенти Маҷористон Янош Адер таклифи Эмомалӣ Раҳмонро оид ба сафари корӣ ба Тоҷикистон қабул кард.
