Салом. Акс аз бойгонӣ

Нақлиёт ва савдо: Тоҷикистон ва Узбакистон дар Душанбе чиро муҳокима мекунанд

151
(Таҷдидшуда 11:17 27.12.2016)
Дар рафти вохӯрӣ ҷонибҳо масъалаҳои интиқоли маҳсулот, ҳамкориҳои соҳаи нақлиёту алоқа ва ҳамкории хадамоти гумрукро муҳокима хоҳанд кард

ДУШАНБЕ, 27 дек — Sputnik. Дар Душанбе ҷаласаи муштараки Тоҷикистону Узбакистон ба кори худ шурӯъ мекунад. Дар рафти вохӯрӣ ҳамкориҳои гуногунҷабҳаи кишварҳои ҳамсоя баррасӣ мешаванд.

Ҳайати Узбакистонро муовини сарвазир Рустам Азимов роҳбарӣ менамояд. Интизор меравад, ки президенти Ҷумҳурии Тоҷикистон Эмомалӣ Раҳмон бо роҳбари ҳайти Узбакистон вохӯрад.

"Ба ҳайати Узбакистон муовини вазири вазорати корҳои хориҷӣ, намояндаи соҳаи иқтисодӣ, савдо ва сармоягузорӣ, кишоварзӣ, муовини раиси хадамоти гумрук ва дигар шахсони воломақом дохил шуданд. Раисони комиссияи ду кишвар муовини сарвазири Узбакистон Рустам Азимов ва муовини аввали нахуствазири Тоҷикистон Давлаталӣ Саид  мебошанд",-маълум кард РИА Новости.

Дар рафти кори ҷаласа баррасии  масъалаҳои рушди интиқоли маҳсулот, ҳамкориҳои соҳаи нақлиёту алоқа муносибатҳои хадамоти гумруки ду кишвар дар назар аст.

Ҳамчунин интизор меравад, ки ҷонибҳо масъалаи содда гардонидани низоми раводидро, ки ҳанӯз соли 2000 ҷорӣ карда шуд, муҳокима намоянд.

Қаблан хабар дода шуд, ки сафари муовини сарвазири Узбакистон Рустам Азимов аз 26-уми декабр ба имрӯз гузаронида шуд. Вале ба қавли коршинос ба таъхир гузоштани сафар ягон ҳодисаи ғайриоддӣ нест.

"Аввалаш ин, ки президенти Ҷуиҳурии Тоҷикистон дар ҳоли ҳозир дар шаҳри Санкт-Петербург барои иштирок дар ҷаласаи СПАД қарор дорад ва бидуни ӯ гуфтушунидҳо намегузаранд. Дар баробари ин эҳтимолан барои ҳар ду ҷониб ҷиҳати аниқ кардани ҷузъиёти созишнома як рӯзи дигар лозим шавад",-изҳор дошт сиёсатшинос.

151
Барчаспҳо:
алоқа, савдо, баррасиии масоили иқтисод, ҳамкории ду кишвар, нақлиёт, Рустам Азимов, Душанбе, Тоҷикистон
Мавзуъ
Узбакистон низоми раводидро барои 15 давлати дунё бекор мекунад
Бичков: Узбакистон ва Тоҷикистон ғайри дӯстӣ дигар роҳ надоранд
Эҳтимол аст, роҳи оҳани байни Тоҷикистону Узбакистон боз шавад
Масъалаи истифодаи об байни Тоҷикистону Узбакистон дар Тошканд
премьер-министр Узбекистана Абдулла Арипов

Санаи сафари сарвазири Ӯзбекистон ба Тоҷикистон маълум шуд

116
(Таҷдидшуда 21:34 19.09.2020)
Палатаи савдо ва саноати Тоҷикистон мегӯяд, сафари Абдулло Арипов, сарвазири Ӯзбекистон ба Душанбе ба рӯзҳои 28-30 сентябр рост меояд

ДУШАНБЕ, 19 сен — Sputnik.  Омодагӣ ба сафари Абдулло Арипов дар Палатаи савдо ва саноати Тоҷикистон баррасӣ шуд. Дар доираи ин сафар анҷумани соҳибкорони Тоҷикистону Ӯзбекистон рӯзҳои 28-30 сентябр ба нақша гирифта шудааст.

Инчунин зимни ин сафар ҷаласаи навбатии Комиссияи байниҳукуматии Тоҷикистон ва Ӯзбекистон баргузор мегардад

Дафтари матбуоти вазорати иқтисод ва савдои Тоҷикистон, мегӯяд, ҳоло омодагиҳо ба ҷаласаи навбатии Комиссияи байниҳукуматии Тоҷикистон ва Ӯзбекистон давом доранд.

Тибқи иттилои манбаъ, ин нукта зимни вохӯрии  Вазири рушди иқтисод ва савдои Тоҷикистон Завқӣ Завқизода ва муовини якуми Вазири сармоягузорӣ ва савдои хориҷии Ӯзбекистон Лазиз Қудратов, муовини Вазири иқтисод ва паст кардани сатҳи камбизоатии Ӯзбекистон Акмалхон Ортиқов, ки 18 сентябр дар шаҳри Душанбе баргузор гардид, мавриди баррасӣ қарор гирифт.

Ҳамзамон манбаъ таъкид доштааст, ки зимни вохӯрӣ ҷонибҳо инчунин вазъ ва дурнамои ҳамкории дуҷонибаро дар соҳаи тиҷоратию иқтисодӣ, аз ҷумла зиёд намудани нишондиҳандаҳои ҳаҷми гардиши савдои дуҷониба, таъсиси корхонаҳои муштарак дар минтақаҳои озоди иқтисодии Тоҷикистон баррасӣ намуданд.

116
Барчаспҳо:
ҷаласа, ҳамкорӣ, Ӯзбекистон, Тоҷикистон
Здание парламента Республики Таджикистан

Санаи сафари Иноятов дар садри вакилони Ӯзбекистон ба Душанбе маълум шуд

147
(Таҷдидшуда 17:09 19.09.2020)
Маҷлиси намояндагони Тоҷикистон санаи сафари ҳайати вакилони Ӯзбекистонро таҳти роҳбарии Улуғбек Иноятов ба Душанбе эълон кард

ДУШАНБЕ, 19 сен — Sputnik. Ҳадафи сафар иштирок дар нахустин ҷаласаи муштараки гурӯҳҳои парлумонии дӯстӣ ва ҳамкории Тоҷикистон ва Ӯзбекистон мебошад. Ҳайати намояндагони парлумони Ӯзбекистон 20 сентябр ба Душанбе меояд.

Дар Душанбе мулоқотҳои ҳайати парлумонии Ӯзбакистон ва Тоҷикистон 21 сентябр ба нақша гирифта шудааст.

Муҳаммадатов Султонов, котиби матбуоти Маҷлиси намояндагони Тоҷикистон, ба “Ховар” иттилоъ додааст, ки ҳайати Ӯзбекистонро, ки ба ҳайати он намояндагони ҳарду палатаи парлумони ин кишвар шомиланд, муовини раиси Палатаи қонунгузории Олий Маҷлиси Ҷумҳурии Ӯзбекистон Улуғбек Иноятов сарварӣ мекунад.

“Гурӯҳи дӯстӣ ва ҳамкории Маҷлиси намояндагон бо парлумони Ӯзбекистонро муовини раиси Маҷлиси намояндагони Маҷлиси Олии Ҷумҳурии Тоҷикистон Дилрабо Мансурӣ сарварӣ мекунад”, - омадааст дар иттилоия.

Манбаъ илова намуд, ки щайати Ӯзбекистон дар доираи ин сафар ҳамчунин бо раиси Маҷлиси намояндагон Маҳмадтоир Зокирзода мулоқот намуда, аз шаҳри Турсунзода дидан менамояд.

147
Барчаспҳо:
парлумон, Ӯзбекистон, Тоҷикистон