Мулоқоти Эмомалӣ Раҳмон ва Раҷаб Тайиб Эрдуғон

Таҳсил дар Туркия осон мешавад: мулоқоти Раҳмон ва Эрдуғон

770
(Таҷдидшуда 20:11 01.03.2017)
Имрӯз президенти ҶТ Эмомалӣ Раҳмон дар доираи иштирок дар ҷаласаи 13-уми Созмони Ҳамкориҳои Иқтисодӣ бо раисҷумҳури Туркия Раҷаб Тайиб Эрдуғон мулоқот кард

ДУШАНБЕ, 1 мар- Sputnik. Бино ба иттилои хадамоти матбуоти президенти ҶТ Эмомалӣ Раҳмон зимни мулоқот бо Раҷаб Тайиб Эрдуғон масоили гуногуни ҳамкории ду кишварро баррасӣ кард.

Гуфта мешавад, ки сарони давлатҳо ҷиҳати гузаронидани Шӯрои ҳамкории ҶТ ва Туркия, рӯзҳои фарҳангии ду давлат дар кишварҳои ҳамдигар, табодули донишҷӯёну омӯзгорон, хусусан афзун намудани шумораи квотаҳои таҳсил дар муассисаҳои олии Туркия барои шаҳрвандони ҶТ ва роҳандозии робитаи пайвастаи аҳли илму эҷод ба мувофиқа расиданд.

Ҷонибҳо ҷиҳати рушди муомилоти иқтисодию тиҷоратӣ ва дарёфти роҳои нави беҳтарсозии гардиши савдои берунии байнидавлатӣ фикру мулоҳизаҳои судманд баён намуданд.

Ҳарду ҷониб барои таҳкими муштаракоти дуҷонибаю минтақавӣ дар мубориза бар зидди терроризму экстремизми байналмилалӣ ва мусоидат ба барқарорсозии сулҳу субот дар Афғонистон ҳамфикрии хешро таъкид намуданд.

Президенти Ҷумҳурии Туркия Реҷеп Тайип Эрдоган аз gрезиденти Ҷумҳурии Тоҷикистон Эмомалӣ Раҳмон даъват ба амал овард, ки дар фурсати муносиб бо сафари расмӣ ба Туркия биёяд.

Даъват бо камоли майл пазируфта шуд ва таъкид гардид, ки вақту муҳлати барои ҳарду ҷониб мувофиқи ин сафар тариқи роҳҳои дипломатӣ муайян карда хоҳад шуд.

770
Барчаспҳо:
афзун намудани бурсияҳои таҳсил, вохӯрӣ, мулоқот, Созмони Ҳамкориҳои Иқтисодӣ, Раҷаб Тайиб Эрдуғон, Эмомалӣ Раҳмон, Исломобод
Мавзуъ
Эрдуғон хостори ворид шудани Туркия ба СҲШ шуд
Эрдуғон: шаҳрвандони Тоҷикистон ба таркишҳои Истамбул даст доранд
Номаи Эмомалӣ Раҳмон унвонии Раҷаб Тайиб Эрдуғон
Канцлер Германии Ангела Меркель и президент Таджикистана Эмомали Рахмон

Deutsche Welle: Тоҷикистон дигар ба дастгирии Олмон ниёз надорад

673
Олмон ҳамкориҳояшро бо кишварҳои Осиёи Марказӣ боздид мекунад, ки Тоҷикистон низ дар ин номгӯй шомил шудааст

ДУШАНБЕ, 6  июн — Sputnik. Олмон стратегияи сиёсати хориҷии худро таҷдиди назар карда, лоиҳаҳои муштаракро бо бисёр кишварҳои шарик, аз ҷумла Тоҷикистон, қатъ мекунад, хабар медиҳад Deutsche Welle.

Вазорати федерали ин кишвар ҳамкориҳои иқтисодӣ ва рушд шумораи шариконро аз 85 ба 60 кам мекунад.

Тибқи изҳороти расмии сардори департамент Герд Мюллер, баъзе кишварҳое, ки аз ҷониби вазорат шомил карда шудаанд, аллакай "чунон рушд кардаанд, ки ба дастгирӣ эҳтиёҷ надоранд".

 Дар дар дигар кишварщо, кӯмаки Олмон "дар пасманзари шарикони дигар" гум мешавад.

Ҳамзамон, вазорат итминон медиҳад, ки онҳо гуфтугӯро бо кишварҳо идома хоҳанд дод, аммо дар шакли нав ва лоиҳаҳои оғозкардаро то анҷом ҳамроҳӣ хоҳанд кард.

Ҳамин тариқ, аз кишварҳои Осиёи Марказӣ, Олмон танҳо бо Узбакистон корашро идома хоҳад дод. Ҳамкорӣ бо Туркманистон ва Қазоқистон комилан қатъ шудааст ва кор бо Тоҷикистон ва Қирғизистон танҳо дар доираи созишномаҳои мавҷуда идома хоҳад ёфт.

Ғайр аз ин, қайд мешавад, ки лоиҳаҳои мавҷуда метавонанд тамдид карда шаванд.

Чунин қарори Вазорати молияи Олмон аз ҷониби вакилони Олмон интиқод шудааст.

Манфред Грунд, вакили парлумон ва роҳбари гурӯҳи парлумонии Бундестаг  “Олмон -Осиёи Марказӣ”, аз ин тасмим изҳори нигаронӣ карда, қайд кард, ки бисёр масъалаҳои минтақа танҳо дар ҳамкорӣ бо Ӯзбекистон, бидуни дигар кишварҳои Осиёи Марказӣ, наметавонанд ҳалли худро ёбанд.

Ин вакили парлумон гуфтааст, бо рафтани Олмон аз ин минтақа замина барои воридшавӣ ба дигар кишварҳо аз ҷумла Чин пеш меорад

673
Прилет президента Таджикистана Э. Рахмона в Москву

Эмомалӣ Раҳмон бо даъвати Владимир Путин ба Маскав сафар мекунад

6447
(Таҷдидшуда 17:15 01.06.2020)
Президенти Тоҷикистон Эмомалӣ Раҳмон барои таҷлили Рӯзи Пирӯзӣ ба пойтахти Русия шаҳри Маскав сафар мекунад

ДУШАНБЕ, 1 июн — Sputnik. Эмомалӣ Раҳмон президенти Ҷумҳурии Тоҷикистон барои ширкат дар гузашти низомӣ ба муносибати 75-умин солгарди Рӯзи Пирӯзӣ ба Маскав меравад, хабар медиҳад РИА Новости.

Қайд мешавад, ки Эмомалӣ Раҳмон даъвати кишвардори Русия Владимир Путинро барои ширкат дар гузашти низомӣ ба муносибати Рӯзи Пирӯзӣ, қабул кардааст.

"Президенти Тоҷикистон рӯзи 24 июн гузашти низомиро ба муносибати 75-умин солгарди Рӯзи Пирӯзӣ тамошо хоҳад кард", - омадааст дар хабарнома.

Бино ба иттилои манбаъ, феълан дипломатҳои ду кишвар масъалаҳои ташкилотии ин сафарро ҳал мекунанд.

Пештар хабар дода шуд, ки Владимир Путин ҳамаи сарони кишварҳои Иттиҳоди Давлатҳои Мустақилро барои таҷлили Рӯзи Пирӯзӣ ба Маскав даъват кард.

Сооронбой Жээнбеков барои таҷлили Рӯзи Пирӯзӣ ба Маскав меравад

Имсол ба далели паҳншавии коронавируси навъи COVID - 19 таҷлили оммавии Рӯзи Пирӯзӣ дар Русия, ки ҳамасола рӯзи 9 май, баргузор мешуд, лағв шуд.

Президенти Русия Владимир Путин, рӯзи 26 май фармон дод, ки омодагӣ барои таҷлили 75-умин солгарди Пирӯзӣ дар Ҷанги Бузурги Ватаниро дар пойтахти Русия шаҳри Маскав ва дигар шаҳрҳо оғоз шавад.

Беш аз миллион нафар аз 60 кишвари ҷаҳон суруди "Рӯзи Пирӯзӣ" - ро сароиданд - видео

Ӯ қайд кард, ки рӯзи 24 июн барои таҷлили ин иди бузург рӯзи мувофиқ аст, чун маҳз дар ҳамин таърих нахустин бор соли 1945 гузашти низомии қаҳрамонон баргузор шуда буд.

Дар баробари ин президент ба вазири дифоъ Сергей Шойгу фармуд, то замони таҷлили ид амнияти шаҳрвандон қатъиян таъмин шавад ва хатари сироятёбӣ ба коронавирус дар он рӯз кам карда шавад.

6447
Барчаспҳо:
ҷашни рӯзи Ғалаба, сафар, Маскав, Эмомалӣ Раҳмон
Свеча

Мусибат дар хонаводаи Мӯъмин Қаноат: набераи 42 - солааш ҷаҳони фониро падруд гуфт

290
(Таҷдидшуда 23:48 06.06.2020)
Баҳрин нахустнабераи шоири зиндаёд Мӯъмин Қаноат дар синни 42 - солагӣ аз олам ҷашм пӯшид. Иллати марги ӯ маризии гурда арзёбӣ мешавад

ДУШАНБЕ, 6 июн – Sputnik. Хабари фавти бармаҳали Баҳрин - нахустнабераи Мӯъмин Қаноат шоири зиндаёдро адиби тоҷик Аҳмадшоҳи Комилзода дар сафҳаи Фейсбукии худ коридаст.

акс аз сафҳаи фейсбукии Комилзода Аҳмадшоҳ
Баҳрин нахустнабераи Мӯъмин Қаноат

Ба навишати Комилзода, набераи устоди зиндаёд Мӯъмин Қаноат ҳамагӣ 42 - сол умр дошта, бар асари бемории шадиди гурда, рӯзи 6 - уми июн аз олам чашм пӯшид. 

"Баҳрин ҷавони донишманд, донанда ва тарҷумони хуби се забон – порсии тоҷикӣ, русӣ ва англисӣ буд, ки бо ин се забон кору тарҷума мекард", - навиштааст Комилзода.

Хезед бобо Дарвоз мерем: арӯси хонаводаи Мӯъмин Қаноат аз вопасин суханҳои шоир нақл кард

Аз марҳум ду фарзанд Суруш ва Мумтоз, ки яке 15 - сола ва дувумӣ 13 - солаанд, ятим монданд.

Дӯстони Баҳрин, даргузашти ӯро ҳамчун шахсияти соҳибхираду соҳибғурур ва нафари ботамкин, як мусибати бузурги ҷуброннопазир арзёбӣ мекунанд.

290