Владимир Путин ва Эмомалӣ Раҳмон, акс аз бойгонӣ

Путин Эмомалӣ Раҳмонро бо Рӯзи ғалаба муборакбод гуфт

30
Ҳамчунин, раисҷумҳури Русия Владимир Путин собиқадорони ҷангро бо Рӯзи ғалаба муборакбод гуфт ва ба онҳо сиҳатмандиву умри дароз таманно кард

ДУШАНБЕ, 9 мая — Sputnik. Президенти Русия Владимир Путин, раисҷумҳури Тоҷикистон Эмомалӣ Раҳмонро ба муносибати Иди зафар муборакбод гуфт.

Владимир Путпн дар номаи табрикотии хеш қайд кард, ки Рӯзи ғалаба- санаи муқаддас ва рамзи қаҳрамонии беҳамтои падарон ва бобоёнамон аст, ки ба хотири наҷот додани ватани худ аз фашизм ҷангидаанд.

Раисҷумҳури Русия қайд кард, ки беҳтарин арҷгузорӣ назди ҷанговарон- ин муборизаи муштараки зидди ҳар гуна кӯшишҳои таҳрифи таърих ва сафедкунии фашизм ва миллатгароӣ мебоашд.

Ҳамчунин, Владимир Путин тамоми собиқадорони ҷанг ва меҳнати Тоҷикистонро муборакбод намуда, ба онҳо саломатӣ ва умри дароз таманно кард.

30
Барчаспҳо:
табрикот, Владимир Путин, Эмомалӣ Раҳмон, Тоҷикистон
Мавзуҳо:
"Ҳанги ҷовидон" дар Тоҷикистон: ёде аз ҶБВ (21)
Председатель Совета Федерации РФ Валентина Матвиенко и глава палаты парламента Таджикистана Рустам Эмомали

Муҳоҷиру пулу гӯшаи тоҷикон: натиҷаҳои нахустсафари расмии Рустами Эмомалӣ ба Маскав

1039
(Таҷдидшуда 21:09 25.11.2020)
Нахустин сафари расмии Рустами Эмомалӣ дар Маскав, ки зимни он ба ҳайси раиси Маҷлиси миллӣ бо аъзои парлумони Русия ва ба ҳайси шаҳрдори Душанбе бо Сергей Собянин мулоқот кард, анҷом ёфта истодааст

ДУШАНБЕ, 25 ноя — Sputnik. Зимни ҷаласаи муштарак Валентина Матвиенко, раиси палатаи болоии парлумон ва Рустами Эмомалӣ самтҳои асосии ҳамкории ду кишвар – саноат, тиҷорат ва ҳамкории минтақаваиро муайян намуданд.

Раиси Маҷлиси миллӣ гуфт, гарчанде Русия тайи солҳои зиёд шарики асосии тиҷории Тоҷикистон мебошад (гардиши мол тайи 8 моҳи 2020 ҳудуди 720 миллион доллар), имкониятҳои истифоданашудаи ҳамкорӣ ҳанӯз зиёданд.

“Ҳиссаи сармоягузориҳои мустақими Русия ҳанӯз ҳам ба имконоти мавҷуда ҷавобгӯй набуда, зарфиятҳои ҳамкории иқтисодии Русия ва Тоҷикистон пурра истифода нашуда истодааст”, - изҳор дошт ӯ.

Валентина Матвиенко дар навбати худ аҳамияти сафари раиси палатаи болоии парлумони Тоҷикистонро таъкид карда, афзуд, ки он таконе барои рушди ҳамкориҳои дуҷонибаи Тоҷикистону Русия хоҳад шуд.

Ба гуфтаи ӯ, яке аз монеаҳои асосии рушди ҳамкориҳои иқтисодии дуҷониба коғазбозиҳои зиёд ва расмиёти мураккаб мебошад.

“Бюрократияи зиёдатию таъхиркориҳо монеи рушди ҳамкорӣ дар ин бахш мебошанд. Барои ин ба хулоса расидем, ки як роҳҳалро таҳия кунем. Тариқи кумитаҳои соҳавӣ ҳамоҳангсозиро вусъат бахшида, заминаи ҳуқуқию шартномавиро таҳким мебахшем”, - изҳор дошт раиси Шӯрои Федератсия.

Ба гуфтаи ӯ, миёни Душанбе ва Маскав баъзе нофаҳмиҳо дар масъалаи устуворсозии заминаи ҳуқуқӣ-шартномавӣ вуҷуд дорад. Ва аъзои парлумони ду кишвар метавонанд барои ҳамоҳангӣ ва тезондани тасвиби ҳуҷҷатҳо созиш кунанд.

Рустами Эмомалӣ инчунин бо ноиби раиси Ҳукумати Русия, Алексей Оверчук, ки ҳамраисии Комиссияи байниҳукуматии Тоҷикистону Русия дар умури ҳамкориҳои иқтисодиро низ ба уҳда дорад, мулоқот намуд.

Таваҷҷуҳи махсус ба ҳамкориҳои тиҷоратию иқтисодӣ равона карда шуд. Аз ҷумла Оверчук ва Рустами Эмомалӣ ҳамкорӣ дар бахши куҳкорӣ, саноати коркард, бахши энергетикаю сӯзишворӣ ва хоҷагии қишлоқро баррасӣ намуданд.

Масъалаи содироту воридоти маҳсулоти ғизоӣ, аз ҷумла меваю сабзавот аз мавзӯъҳои меҳварии мулоқот буд.

Албатта ҷонибҳо соҳаи гуманитариро низ бетаваҷҷуҳ нагузоштанд. Рустами Эмомалӣ бо аъзои парлумони Русия масоили вусъат бахшидани сохтмони макотиби русӣ дар Тоҷикистонро ба миён гузошту Валентина Матвиенко аз Рустами Эмомалӣ хост ба ҷавонон таваҷҷуҳ дода шавад.

“Ман ҷонибдори барқарорсозии ҳарчи зудтари ҳамкориҳо дар бахшҳои гуманитарӣ, афзоиш дар бахши фарҳангу маориф, варзиш ва албатта ҷавононам”, - таъкид кард раиси Шӯрои Федератсия. Ӯ давом дод, ки дар дунё созмону ҳаракатҳои ифротию террористӣ зиёданд, ки барои мағзи ҷавонон талош мекунанд. Мо бояд пешдастӣ кунем, тариқи табодули таҷриба бояд ҳарчи бештар лоиҳаҳо ва маъракаҳоро амалӣ созем.

Аз ҷумлаи иқдоми мушаххас пешниҳод гардид, ки дар 20-солаи наздик теъдоди намояндагиҳои донишгоҳҳои Русия дар Тоҷикистон афзоиш дода шавад. Таъкид гардид, ки дар заминаи макотиби Маскав барои омӯзгорони забони русии макотиби Душанбе ва дар заминаи беморхонаҳо барои табибони тоҷикистон курсҳои такмили ихтисос гузаронда шаванд.

Барои Рустами Эмомалӣ дар мулоқот бо аъзои парлумон ва ҳукумати Русия масъалаи муҳоҷирони меҳнатӣ буд. Ӯ дар бораи расмиёти содаи ҷалби муҳоҷирони тоҷик ба кор, барқарорсозии парвозҳо ва пешгирии паҳншавии коронавирус миёни муҳоҷирон суҳбат кард.

Масъалаи муҳоҷиронро инчунин дар мулоқот бо ҳамтои русиягияш, Сергей Собянин низ баррасӣ намуданд.

Зимни гуфтушунид густариши ҳамкориҳо дар бахши тиҷорату иқтисод фарҳангу гуманитарӣ ва роҳандозии равобити бевосита миёни хоҷагидорон баррасӣ шудаанд.

Собянин ва Рустами Эмомалӣ зарурати афзоиши ҳамкорӣ дар бахши маориф, тандурустӣ, сайёҳӣ ва навсозии техникию моддии хоҷагиҳои коммуналиро таъкид намудаанд.

Инчунин ба иттилои котиботи шаҳрдории Маскав, ҷонибҳо таъсиси гӯшаи Тоҷикистон дар намоишгоҳи “ВДНХ”-ро баррасӣ кардаанд, ки дар он ҷо аз соли 1939 то 1965 вуҷуд дошт.

Натиҷаи музокирот имзои Барномаи ҳамкорӣ барои солҳои 2020 – 2023 миёни Маскав ва Душанбе шуд.

Дар баробари мулоқот бо Матвиенко, Собянин ва Оверчук, раиси Маҷлиси миллии Тоҷикистон бо раиси Думаи давлатии Русия, Вячеслав Володин музокироти телефонӣ анҷом дод.

Зимни суҳбат аз ҷумла баргузории Ассамблеяи парлумонии Созмони аҳдномаи амнияти дастаҷамъӣ дар шаҳри Душанбе баррасӣ гардидааст, ки санаи эҳтимолии он охири марти соли 2021 мебошад.

1039
Барчаспҳо:
мулоқот, Русия, Тоҷикистон
Вячеслав Володин, раиси Думаи давлатии Русия, акс аз бойгонӣ

Раиси Маҷлиси миллӣ дар Маскав бо Володин телефонӣ суҳбат кард

364
(Таҷдидшуда 20:06 25.11.2020)
Рустами Эмомалӣ, раиси Маҷлиси миллии Тоҷикистон, бо Вячеслав Володин, раиси Думаи давлатии Русия гуфтушунид кард

ДУШАНБЕ, 25 ноя – Sputnik. Раиси Маҷлиси миллии Тоҷикистон зимни сафараш дар Маскав бо раиси Думаи давлатии Русия, Вячеслав Володин музокирот анҷом дод.

Тибқи иттилои котиботи Думаи давлатии Русия, муколамаи Рустами Эмомалӣ ва Вячеслав Володин ба воситаи занги телефонӣ амалӣ шуд.

Таъкид шудааст, ки зимни суҳбат ҷонибҳо масоили ҳамкориҳои байнипарлумониро баррасӣ кардаанд.

Аз ҷумла эҳтимоли баргузории Ассамблеяи парлумонии Созмони аҳдномаи амнияти дастаҷамъӣ дар шаҳри Душанбе баррасӣ гардидааст. Санаи эҳтимолии баргузории ин ҳамоиш охири марти соли 2021 мебошад.

Инчунин хабар дода шуд, ки Рустами Эмомалӣ аз Вячеслава Володин даъват кард, ки аз Тоҷикистон боздид намояд.

Қаблан раиси Маҷлиси миллии Тоҷикистон бо Александр Жуков, муовини аввали раиси Думаи давлатии Русия мулоқот намуда, масоили гуногун, аз ҷумла муҳоҷират ва тиҷорату иқтисодро баррас кард.

364
Барчаспҳо:
гуфтушунид, мулоқот, Русия, Тоҷикистон
Работница коммерческого секса с клиентом, архивное фото

Дар Чин мардеро, ки ба ҳамсараш хиёнат кард, ҷазои қадимӣ доданд - навор

0
(Таҷдидшуда 13:39 26.11.2020)
Аз асри XIV то XX дар Чин алайҳи хиёнаткор чунин навъ ҷазо ба кор бурда мешуд, ки овохири он марг буд

ДУШАНБЕ, 26 ноя — Sputnik. Дар Чин алайҳи як нафар ҷавонмард, ки ба ҳамсари худ хиёнат намудааст, ҷазои қадимаро роҳандозӣ карданд, хабар медиҳад Daily Mail.

Ба иттилои манбаъ, дар музофоти Гуандун як гурӯҳ ҷавонон ба хонае рахна шуданд, ки он ҷо марде бо маъшуқаи худ қарор дошт.

Ҳамсари хиёнаткорро бо ресмон баста аз дохили бино берун оварданд ва дар қафаси аз бамбук омодашуда андохта, ба даруни об партофтанд.

Солҳои пеш ин навъ ҷазодиҳӣ дар Чин роиҷ буд ва ҷинояткоронро боин усул мекушанд.

Кор дар мақомоти низомӣ бар ивази 1700 доллар: Суд корманди қалбакии мақомотро ҷазо дод

Аммо ин навбат ҳамсари хиёнаткорро то ҷон додан дар дохили об нигоҳ надошта, балки саломат берун оварданд. Ҳарчанд ҷароҳатҳои вазнин набардошт, вале ҳоло дар беморхона қарор дорад.

Навори ҷазо додани ҳамсари маъшуқадор зуд ба шабакаҳои иҷтимоии Чин паҳн роҳ ёфта, ба яке аз сербинандатарин навор табдил ёфт. 

Гуфта мешавад, пас аз паҳн шудани навори мазкур, кормандони пулис як тан аз ташкилкунандаҳои ин навъ ҷазодиҳиро боздошт карданд. Сипас, бо гузашти як рӯз ҳамаи аъзоёни ин гурӯҳ ба идораи пулис омада, аз амалкарди худ иқрор шуданд.

0
Барчаспҳо:
навор, ҳамсар, хиёнат, ҷазо, Чин