Оғози сафари расмии Раисҷумҳури Ҷумҳурии Исломии Афғонистон Муҳаммад Ашраф Ғанӣ ба Тоҷикистон 10.05.2016

Тоҷикистону Афғонистон: 25-умин солгарди роҳандозии равобити сиёсӣ

40
(Таҷдидшуда 19:33 14.07.2017)
Раиси Ҷумҳурии Тоҷикистон Эмомалӣ Раҳмон ва Раиси Ҷумҳурии Исломии Афғонистон Ашраф Ғанӣ дар паёмҳое 25-умин солгарди роҳандозии равобити сиёсӣ миёни ду кишварро ба якдигар табрик гуфтанд

ДУШАНБЕ, 14 июл — Sputnik. Дафтари иттилоърасониии кишвардори Тоҷикистон эълом кард, раисҷумҳури Тоҷикистон Эмомалӣ Раҳмон ва раисҷумҳури Афғонистон Ашраф Ғанӣ дар паёмҳое 25-умин солгарди барпо намудани робитаҳои сиёсӣ миёни ду кишварро ба якдигар табрик гуфтанд.

Эмомалӣ Раҳмон дар паём ба Ашраф Ғанӣ аз густаришу тавсеъаи равобити дуҷониба хушнудӣ карда ва аз ҷумла гуфтааст:

«Изҳори итминон менамоям, ки равобити неки ҳамҷаворӣ ва ҳамкориҳои муфиди тарафайн, ки дар сархатти стратегияи минтақаии Ҳукумати Тоҷикистон қарор доранд, дар оянда низ рушди матлуб хоҳанд ёфт".

"Ба Ҷалолатмаоб сиҳатмандиву комёбиҳои навин ва ба мардуми бародари Афғонистон сулҳу амният ва саодату пешрафт таманно дорам", — гуфта шуда дар паёми Эмомалӣ Раҳмон.

Ашраф Ғанӣ ҳам дар паём ба Эмомалӣ Раҳмон "маротиби беҳтарин таманниёту неки хеш ва мардуми Афғонистонро" иброз дошта ва 25 соли равобити дипломатики ду кишварро баёнгари "иродаи сиёсии устуворе" дониста, ки "реша дар умқҳои торих, фарҳанг ва тамаддуни муштарак" дорад.

Раҳбари Афғонистон дар ин паём аз ҷумла гуфтааст:

"Бо такя ва таъкид бар ин ҳақиқати халалнопазир, мо метавонем ба пайгирии манфиатҳои миллӣ минтақаи муттаҳидеро эҷод кунем, ки раҳоварди он амният, субот ва инкишофи пойдор дар минтақа аст. Бар асари саъю талоши Ҷаноби Олӣ мардуми кишвари дӯст ва бародар ба сӯи хушбахтӣ, некӯаҳволӣ, озодӣ, сулҳ ва субот дар ҳаракатанд, ки мо ба унвони дӯст ва ҳамсоя бо он меболем".

"Бо истифода аз фурсат, як бори дигар ин рӯзи таърихиро муборакбод гуфта, сиҳат ва муваффақияти Ҷалолатмаоби Шумо, саодат ва тараққии миллати бародари Тоҷикистонро орзу медорам"- гуфта мешавад дар паёми Ашраф Ғанӣ.

40
Барчаспҳо:
паём, 25-умин солгарди роҳандозии равобити сиёсӣ, Ашраф Ғанӣ, Эмомалӣ Раҳмон, Тоҷикистон-Афғонистон
Мавзуъ
Раҳбарони Тоҷикистону Афғонистону Покистон дар Душанбе мулоқот хоҳанд кард
Эмомалӣ Раҳмон инфиҷор дар Афғонистонро шадидан маҳкум кард
Тоҷикистон ва Афғонистон дурнамои ҳамкориҳои тиҷориву иқтисодиро баррасӣ карданд
Официальный визит президента РФ В. Путина в Таджикистан. День второй

Суҳбати телефонии Раҳмону Путин: кишвардорҳои Тоҷикистону Русия чиро баррасӣ карданд?

1654
(Таҷдидшуда 16:16 13.07.2020)
Эмомалӣ Раҳмон ва Владимир Путни як қатор масъалаҳои ҷории муносибатҳои шарикии стратегии Тоҷикистону Русияро мавриди муҳокима қарор дода, масъалаҳои алоҳидаи мубрами минтақавӣ ва байналмилалиро баррасӣ карданд

ДУШАНБЕ, 13 июл – Sputnik. Раисҷумҳури Тоҷикистон Эмомалӣ Раҳмон бо кишвардори Русия Владимир Путин суҳбати телефонӣ анҷом додПрезиденти Федератсияи Россия муҳтарам Владимир Путин суҳбати телефонӣ анҷом дод.

Эмомалӣ Раҳмон бо Владимир Путин телефонӣ суҳбат кард

Ба иттилои котиботи раисҷумҳури Тоҷикистон, дар ҷараёни суҳбат президентҳо як қатор масъалаҳои ҷории муносибатҳои шарикии стратегии Тоҷикистону Русияро мавриди муҳокима қарор додаанд.

"Ҷонибҳо аз вазъи вобаста бо сирояти коронавирус, ки дар миқёси ҷаҳонӣ ҳамоно хеле ҳам муташанниҷ боқӣ мемонад, изҳори нигаронӣ карда, дар хусуси тадбирҳое, ки ҷиҳати паст кардани хатари паҳншавии пандемияи "COVID-19" дар ду кишвар андешида мешаванд, мубодилаи иттилоъ анҷом доданд", - таъкид мешавад дар хабар.

Гуфта мешавад, Эмомалӣ Раҳмон дар рафти суҳбат ба масъалаи суръат бахшидан ба ҳамкориҳои ду кишвар дар соҳаи тандурустӣ таъкид кард.

Ҳамчунин, ҷараёни хуби рушди ҳамдастии Тоҷикистон ва Русия дар дигар арсаҳои ҳамкорӣ, аз ҷумла муносибатҳои тиҷоративу иқтисодӣ, робитаҳои гуманитариву фарҳангӣ ва дар соҳаи таъмини амният қайд карда шуд.

Гузашта аз ин, масоили идомаи шарикии самарабахши ду кишвар дар чорчӯбаи созмонҳои байналмилалӣ ва минтақавӣ низ мавриди таваҷҷуҳи президентҳо қарор гирифтанд.

1654
Барчаспҳо:
суҳбати телефонӣ, Владимир Путин, Эмомалӣ Раҳмон
Рахматилло Зойиров, архивное фото

Шарҳи Вазорат: кӣ рӯйхати аъзои ҲСДТ-ро ба милиса додаст?

332
(Таҷдидшуда 16:20 13.07.2020)
Вазорати адлияи Тоҷикистон аз фишору таъқиби аъзои Ҳизби сотсиал-демократи ҷумҳурӣ изҳори бехабарӣ карда, афзуд, ки рӯйхати аъзои ин ҳизбро ба ягон ниҳоди дигар пешниҳод накардааст

ДУШАНБЕ, 13 июл — Sputnik. Асадулло Ҳакимзода, муовини вазири адлияи Тоҷикистон, имрӯз зимни нишасти матбуотӣ гуфт, рӯйхате, ки ҲСДТ пешниҳод мекунад, танҳо барои истифодаи дохили вазорат нигоҳ дошта мешавад.

Ӯ таъкид намуд, ки ин рӯйхатҳо ба ягони ниҳоди давлатии дигар пешниҳод намегарданд.

Ҳакимзода афзуд, ки ягон арзу шикоят ба мақомоти бақайдгиранда, Вазорати адлия дар бораи фишору таъқиби аъзои ҲСДТ ворид нагардидааст.

Ноиби вазири адлия таъкид намуд, ки бо ҲСДТ ҳамкорӣ доранду хуб мешуд, худи ҳизб маълум мекард, ки ин сарчашмаҳо то куҷо воқеият доранд.

Ин дар ҳолест, ки қаблан Раҳматилло Зоиров, раиси ҲСДТ аз таъқиби аъзоёни ҳизб дар навоҳӣ шикоят карда, афзуд, ҳисоботеро, ки дар бораи аъзои ҳизбаш ба Вазорати адлия пешниҳод мекунад, дар дасти маъмури милисае дид.

Дар ин феҳраст ному насаб ва макони зисти аъзои ҳизб сабт шудааст. Вазорати адлияи Тоҷикистон мегӯяд, рӯйхатеро, ки аз аҳзоб мегирад, ба ниҳодҳои дигари давлатӣ пешниҳод намекунад.

332
Барчаспҳо:
ҷумҳурӣ, ҲСДТ, Тоҷикистон
Нефть

Саридораи геологияи гуфт, дар Тоҷикистон чи қадар кони нафту газ аст

0
Саридораи геологияи назди ҳукумати Ҷумҳурии Тоҷикистон шумораи конҳои нафту гази кишварро номбар кард

ДУШАНБЕ, 9 июл – Sputnik. Дар Тоҷикистон 24 кони нафту газ мавҷуд аст, гуфт сардори Саридораи геологияи назди ҳукумати кишвар Илҳомҷон Оймуҳаммадзода зимни нишасти хабарӣ дар Душанбе.

Ба гуфтаи Оймуҳаммадзода, то имрӯз бо 17 ширкат шартномаҳо оид ба истифодаи сарватҳои зеризаминӣ баста шудаанд.

Вай қайд кард, ки пас аз ҳамоҳангсозӣ бо вазорату идораҳо Саридораи геологияи Тоҷикистон чаҳор лоиҳаро барои баррасӣ ба ҳукумат барои ҳуқуқи гузаронидани корҳои иктишофи геологӣ пешниҳод кард.

Оймухаммадзода илова намуд, ки дар шаш моҳи аввали соли 2020 Саридораи геология дар доираи 22 лоиҳа таҳқиқотщои зериразминӣ гузаронидааст.

Корҳо оид ба ҷустуҷӯи конҳои металлҳои сиёҳ, ранга, қиматбаҳо ва нодир, сангҳои нимқиматбаҳо ва ороишӣ анҷом дода шуданд.

0