Флаг Ирана. Архивное фото

Сафорати Эрон: иддиъоҳои ВУД Тоҷикистон бепоя ва дурӯғ аст

295
(Таҷдидшуда 09:26 10.08.2017)
Сафорати Ҷумҳурии Исломии Эрон дар Душанбе бо интишори баёнияе иддиъоҳои матраҳшуда дар филми Вазорати умури дохилаи Тоҷикистонро, ки 8 август аз телевизиюни саросарии Тоҷикистон пахш шуда буд, "бепояву дурӯғ" хонд

ДУШАНБЕ, 10 авг — Sputnik. Дар баёнияи матбуъотии сафорати ҶИЭ дар Душанбе, ки шоми 9 август мунташир шуда, иддиъоҳои матраҳшуда дар филми ВУД Тоҷикистон "бепояву дурӯғ" дониста ва таъкид шудааст: "Тардиде нест, ки таҳиякунандагони ин филм муваффақ ба тахриби пайвандҳои фарҳангӣ, тамаддунӣ ва дӯстии торихии ду миллати Эрон ва Тоҷикистон нахоҳанд шуд".

Сафорати Эрон гуфта, ки иддиъоҳое, ки дар ин филм эътирофкунандаҳои зиндонӣ матраҳ кардаанд, ба нақл аз касонест, ки акнун зинда нестанд ва аз ин рӯ наметавонанд эътиборе дошта бошанд.

"Ҳофизаи торихии миллати шарифи Тоҷикистон хуб ба ёд дорад ва фаромӯш нахоҳад кард, ки Ҷумҳурии Исломии Эрон ҳамчун яке аз бунёдгузорон ва тазминкунандагони аслии сулҳи Тоҷикистон ва мизбони музокироти тарафҳои даргир, чи нақши созандае дар поён додан ба ҷангҳои дохилии ин кишвар дар даҳаи 90 ифо намуд", — гуфта шуда дар ин баёния.

Сафорати Эрон бархе аз иқдомоти Ҷумҳурии Исломӣ барои тақвияти зерсохтҳои иқтисодӣ, фарҳангӣ ва беҳдоштии Тоҷикистон, аз ҷумла сохти нақби Истиқлол (Анзоб), сарбанду нерӯгоҳи барқобии "Сангтӯда-2", бемористони Ибни Сино, ироаи хадамоти пизишкӣ ва беҳдоштии Ҳилоли Аҳмари Эрон ва ёрирасонии Кумитаи имдоди имом Хумайнӣ ба хонаводаҳои камнаво ва бесарпарасту бадсарпараст, бунёди марказҳои варзишӣ, бозсозии сохтмонҳои торихӣ, омӯзиши ҷавонони тоҷик дар марокизи донишгоҳӣ, кумак ба марокизи илмӣ ва донишгоҳии Тоҷикистон, таъсису таҷҳизи марказҳои омӯзиши фаннӣ ва ҳирфаиро бар шумурда ва таъкид кардааст, ки "ин иқдомоти Эрон мафҳуме ҷуз кумак ба таҳкими суботу тавсеъа ва кумак ба ҳифзи истиқлол ва амнияти пойдори Тоҷикистон ва истеҳкоми пояҳои давлати он надорад".

Сафорати ҶИЭ ҳамчунин афзудааст: "Муборизаи Эрон бо теруризм барои ҳамагон ошкор аст ва Эрон худ аз аввалин ва бузургтарин қурбониёни теруризм аст. Амалкарди ҶИЭ дар арсаҳои майдонии мубориза бо теруризм чун офтоб барои ҳама ҷаҳониён рӯшан аст".

Дар ин баёния ҳамчунин таъкид шудааст, ки пахши ингуна филмҳои муғризона, пас аз сафари ахири вазири энержӣ ва захоири обӣ ва раиси тоҷики Кумисюни муштараки ҳамкориҳои иқтисодӣ ва фарҳангии ду кишвар ба Теҳрон барои ширкат дар ойини савганд додани раиси ҷумҳурии исломии Эрон ба намояндагӣ аз раисҷумҳури Тоҷикистон, "баёнгари он аст, ки бархе гароишҳо ва маҳфилҳо таҳаммули оддӣ шудани равобит ва тақвияти дӯстии байни ду кишварро надоранд".

"Сафорати Ҷумҳурии Исломии Эрон бар ин бовар аст, ки иқдомоти тафриқаандозона дар чорчӯби хосту манофеъи ду миллат нест ва тавассути касоне дунбол мешавад, ки муносиботи бародаронаи Эрону Тоҷикистони ҳамфарҳангу ҳамзабонро барнаметобанд", — таъкид шудааст дар ин баёния.

Ёдоварӣ мекунем, ки Вазорати умури дохилаи Тоҷикистон бо намоиши филме Эронро муттаҳам ба пуштибонии моливу низомӣ аз куштори бархе аз чеҳраҳои сиёсиву илмиву фарҳангиву расонаии Тоҷикистон ва афсарони пойгоҳи низомии Русия дар солҳои 1990-ум карда буд.

295
Барчаспҳо:
иттиҳомот, такзиб, баёния, Сафорати ҶИЭ дар ҶТ, Тоҷикистон-Эрон
Мавзуъ
Сафорати Эрон дар Тоҷикистон: мавзеъамонро ба зудӣ эълом хоҳем кард
Тоҷикистон Эронро муттаҳам ба пуштибонии моливу низомӣ аз кушторҳои сиёсии солҳои 1990-ум кард
Полномочный посол Исламской Республики Афганистан Мухаммад Захир Агбар

Шарҳи сафир Ағбар дар бораи сафари ҳайъати бузурги парлумони Афғонистон ба Тоҷикистон

448
(Таҷдидшуда 15:12 27.02.2021)
Интизор меравад, дар рафти ин сафар чанд мушкилоте ки дар ҳамкориҳои иқтисодиву тиҷории Тоҷикистон мавҷуд аст, баррасӣ ва ҳал шаванд

ДУШАНБЕ, 27 фев — Sputnik. Сафири ҷумҳурии исломии Афғонистон дар Тоҷикистон Муҳаммад Зоҳир Ағбар дар сӯҳбат бо хабарнигори Sputnik Тоҷикистон сафари ҳайъати бузурги парлумони Афғонистонро бо роҳбарии раиси он Мирраҳмон Раҳмонӣ тавзеҳ дод.

Бино бар иттилои ҷаноби Ағбар, интизор меравад ҳамин рӯз ҳайъати 34-нафараи парлумони кишвар вориди Тоҷикистон шаванд.

"Ин ҳайъат аз раиси парлумон ва аъзои комисияҳои мухталифи парлумон иборат аст", - таъкид кард сафир.

Вай афзуд, ки дар ҳошияи ин сафар мулоқотҳои гуногунҷанбаи мақомоти Тоҷикистон бо ин ҳайъат дар назар аст.

"Ман бовар дорам, ки ин мулоқотҳо боиси густариши равобити иқтисодӣ мешавад", -гуфт вай ва таъкид кард, ки дар натиҷа чанд мушкилоте ки садди роҳи ин ҳамкориҳо гаштаанд, ҳал хоҳанд шуд.

Ҳамчунин Муҳаммад Зоҳир Ағбар тавзеҳ дод, ки мушкилоти мазкур дар қонунгузорӣ мавҷуд аст.

"Умедворам, ки дар қавонун як қатор мушкилоте ки мавҷуд аст, ҳал мекунем, то сармоягузориҳои хубе дар Тоҷикистон суръат бигирад", - таъкид кард сафир.

Ба гуфтаи Ағбар, феълан Тоҷикистону Афғонистон дар соҳаи иқтисодиву тиҷорӣ бештар аз 7 тавофуқномаву қарордод имзо кардааст.

Баъди ҳамла: мулоқоти Ятимов бо Амруллоҳ Солеҳ ва Абдулло Абдулло дар Кобул

Вай афзуд, ки феълан сарҳади ҳарду кишвар ҳам барои интиқоли коло ва ба рӯйи тоҷирон боз аст.

448
Барчаспҳо:
Тоҷикистон, Афғонистон, сафир

Ҷабборов ба кишвардори Русия тӯҳфаи ғайриоддӣ дод

2906
(Таҷдидшуда 20:29 26.02.2021)
Кишвардори Қирғизистон, Содир Ҷабборов ҳангоми сафари худ ба Федератсияи Русия ба Владимир Путин раисҷумҳури он кишвар тӯҳфаи ғайриодӣ тақдим намудаст

ДУШАНБЕ, 26 фев - Sputnik. Президенти Қирғизистон Содир Ҷабборов, ки бо сафари расмӣ ба Русия омада буд, ба Владимир Путин тӯҳфа овард.

Мулоқоти сарони ду кишвар чанд рӯз пеш дар Маскав баргузор шуд. Дар мусоҳиба бо "Российская газета", Ҷабборов баъзе ҷузъиёти дидорашонро ошкор кард.

Ба гуфтаи ӯ, ба Русия дасти холӣ наомада, балки як тӯҳфаи ғайриоддӣ - шамшери қирғизиро ҳамчун дастовез овард.

Ҷабборов изҳор дошт, шамшере, ки ба Владимир Путин ҳадя кард, устоҳои беҳтарини Қирғизистон омода намуданд.

Илова бар ин, Ҷабборов ҳамтои русашро ба Қирғизистон хонд.

Яке аз мавзӯъҳои марказии муҳокимаи роҳбарони ду давлат, масъалаҳои мубрами марбут ба пандемияи COVID-19 буд. Гуфта мешавад, Ҷабборов аз президенти Русия хоҳиш кард, ки муҳоҷирони меҳнатиро ба барномаи эмгузаронии коронавирус дохил кунад.

Ҷабборов мегӯяд шахси иғвогар наметавонад мири Бишкек шавад

Путин қайд кард, ки Русия кӯмакро ба Қирғизистон дар мубориза бо вируси COVID - 19 идома медиҳад. Дар навбати худ, Ҷабборов ба самаранокии ваксинаи "Спутник V" таъкид карда, изҳори умедворӣ кард, ки ин дору ба зудӣ барои эмгузаронии оммавӣ ба Қирғизистон хоҳад расид.

Ба таъкиди Ҷаборов, пандемияи коронавирусӣ нагузошт, ки Русия ва Қирғизистон 200 чорабинии муштаракро амалӣ кунанд.

2906
Барчаспҳо:
Владимир Путин, тӯҳфа, Содир Ҷабборов

Хурӯс соҳибашро ҳангоми хурӯсҷанг дар Ҳиндустон кушт: суд мешавад

0
(Таҷдидшуда 09:38 01.03.2021)
Пас аз марги соҳибаш паррандаи ҷангиро ба идораи полис бурданд, сарнавишти минбаъдаи онро додгоҳ ҳал мекунад

ДУШАНБЕ, 1 мар - Sputnik. Хурӯс тасодуфан дар хурӯсҷанге дар минтақаи Ҷагитали Ҳиндустон соҳиби худро куштааст, менависад Times of India.

Қабл аз оғози хурӯсҷанг парранда гурехтанӣ шуд ва соҳиби худ Танугул Сатишро бо корди дар панҷааш басташуда ба поёни шикамаш зад.

Мардро ба беморхона интиқол доданӣ мешаванд, аммо аз сабаби зиёд рафтани хун дар роҳ мефавтад.

Полис ҳолати мазкурро нохост хонда, парванда боз кардааст ва хурӯсро ба қисми навбатдорӣ овардааст.

Баъзе шабакаҳои хабарӣ аз боздошти хурӯс хабар доданд, аммо полис инро рад кардааст.

Онҳо илова карданд, ки хурӯс дар додгоҳ ҳамчун сабаби марги соҳиби он муаррифӣ хоҳад шуд ва тақдири минбаъдаи онро дар он ҷо ҳал хоҳанд кард.

Баъзе иштирокчиёни дигари хурӯсҷанг низ ба суд оварда мешаванд.

Хурӯсҷанг дар Ҳиндустон аз соли 1960 манъ карда шудааст, аммо он дар бисёр иёлатҳо пинҳонӣ сурат мегирад ва иштирокчиён ба он шарт мегузоранд.

0
Барчаспҳо:
Суд, пулис, ҳалокат, Ҳиндустон