Класс. Ученики

Якуми сентябр: Рӯзи дониш, иди Қурбон ё нофармонии шаҳрвандӣ?

726
(Таҷдидшуда 14:55 28.08.2017)
Бархе аз шаҳрвандони Тоҷикистон қарори Вазорати маорифу илми ҶТ дар бораи рӯзи дарсӣ эълон кардани 1-уми сентябрро, ки бо иди Қурбон ҳамзамон шудааст, носозгор бо Қонуни асосии ҶТ ва нақзи ҳуқуқи шаҳрвандии худ донистанд

ДУШАНБЕ, 28 авг — Sputnik. Шурои уламои Маркази исломии Тоҷикистон муқаррар карда буд, ки иди Қурбон рӯзи ҷумъа, 1 сентябр фаро мерасад. Аммо Вазорати маорифу илми Тоҷикистон қарор карда, ки 1 сентябр дар ҳама муассисаҳои омӯзишии кишвар дарсҳо оғоз шаванд.

Устоди Донишгоҳи милии Тоҷикистон дуктур Ҷовид Муқим ин қарори Вазорати маорифу илми Тоҷикистонро носозгор бо Қонуни асосӣ ва қонунгузории ҷории кишвар донистааст.

Вай ёдоварӣ карда, ки "мувофиқи моддаи 2 Қонуни Ҷумҳурии Тоҷикистон «Дар бораи рӯзҳои ид» «Иди Қурбон — ҳар сол дар рӯзе, ки аз тарафи мақоми ваколатдори давлатии соҳаи дин муқаррар карда мешавад» таҷлил мегардад ва бино бар моддаи 3 ҳамин қонун иди Қурбон рӯзи таътил аст. Пас қарори ҳайъати мушовараи Вазорати маорифу илми Тоҷикистон ба Қонуни Ҷумҳурии Тоҷикистон «Дар бораи рӯзҳои ид» мухолифат мекунад".

Дуктур Муқим бар ин бовар аст, ки "қарори Вазорати маорифу илм бо моддаҳои 14 ва 37 Қонуни асосии ҶТ, моддаи 9 Қонуни ҶТ "Дар бораи санадҳои меъёрии ҳуқуқӣ" ва моддаи 89 Қонуни кори ҶТ ихтилоф дорад".

Устоди ДМТ таъкид кардааст, ки бино бар моддаи 16 Қонуни ҶТ «Дар бораи санадҳои меъёрии ҳуқуқӣ» Қонуни асосии ҶТ эътибори олии ҳуқуқӣ дорад ва меъёрҳои он мустақиман амал мекунанд. Аз ин рӯ, дигар санадҳои меъёрии ҳуқуқӣ набояд хилофи Қонуни асосӣ бошанд.

Вай ҳамчунин ёдоварӣ карда, ки бино бар моддаи 9 Қонуни ҶТ «Дар бораи санадҳои меъёрии ҳуқуқӣ», ки низоми санадҳои меъёрии ҳуқуқии Тоҷикистонро муайян мекунад, қарори ҳайъати мушовараи Вазорати маорифу илм нисбат ба Қонуни асосӣ, кодексу қонунҳо, қарорҳои маҷлиси қонунгузор, фармонҳои раисҷумҳур ва дигар санадҳо эътибори камтар дорад ва набояд он амалӣ гардад.

"Вазорати маорифу илми ҶТ наметавонад ҳуқуқи омӯзгорон ва донишомӯзонро ба истироҳат дар иди Қурбон маҳдуд бикунад. Бинобар ин Вазорати маорифу илмро мебояд, ки тибқи моддаи 85 ва 86 Қонуни ҶТ "Дар бораи санадҳои меъёрии ҳуқуқӣ" амалӣ гардидани қарори ҳайъати мушовираашро боз дорад ва ё ба он тағйиру иловаҳо ворид карда, онро ба Қонуни асосии Тоҷикистон ва қонунгузории ҷорӣ созгор кунад", — гуфтааст устоди курсии рӯзноманигории ДМТ.

Аммо Исмоил Файзизода, муовини раиси Федеросюни Иттифоқҳои касабаи мустақили Тоҷикистон, қарори Вазорати маорифу илмро дуруст шумурдаву гуфтааст, ки ин ниҳод дар чорчӯби салоҳияти худ тасмимгирӣ карда ва он бо қонунҳо созгор аст.

Вале Алим Шерзамонов, раҳбари бахши бадахшонии Ҳизби сусиёл-демукроти Тоҷикистон, дар вокуниш ба қарори Вазорати маорифу илм шаҳрвадони Тоҷикистонро фаро хондааст, ки 1 сентябр даст ба нофармонии маданӣ зананд.

Вай дар фарохоне, ки дар сафҳаи фейсбукии худ мунташир карда, гуфтааст, "иди Қурбонро рӯзи корӣ эълон кардани мақомоти кишваре, ки 98 дарсади ҷамъияташро мусалмонон ташкил медиҳанд, ба мардум ҳақи тазоҳурот медиҳад".

Вай пешниҳод карда, ки "ин рӯз бояд рӯзи нофармонии саросарӣ эълон шавад".

"Даъвати банда аз тамоми волидайни муҳассилини макотиби миёна, донишҷӯёни муассисаҳои таҳсилоти миёнаи махсус, коллеҷҳо, макотиби олӣ ва мӯҳтарам омӯзгорони тамоми зинаҳои таҳсилот: Рӯзи 01.09.2017 аз ҳуқуқи конститутсионии худ дифоъ карда, ҳама чун як тан аз ширкат дар таҳсил ва тадрис худдорӣ кунед. Ин ҳуқуқи конститутсионӣ ва вазифаи имониву инсонии ҳар яки мост, ки аз муқаддасоти худ дифоъ намоем. Аз истифодабарандагони шабакаҳои иҷтимоъӣ даъват мекунам, ки сар аз имрӯз то иди Қурбон ҳама масъалаҳои ҷузъиро як сӯ гузошта дар ин тазоҳурот бо пиёдасозии флешмоби густарда саҳим бошед", — гуфтааст Шерзамонов дар фарохонаш.

Ин фарохон дар шабакаҳои иҷтимоъӣ вокуниши густардаеро дар пай дошта ва бархе аз корбарони шабакаҳои иҷтимоъӣ, аз ҷумла фаъолони ҳуқуқи башар, ин фарохонро дастгирӣ кардаанд.

726
Барчаспҳо:
нофармонии маданӣ, иди Қурбон, Рӯзи дониш, Исмоил Файзизода, Ҷовид Муқим, Алим Шерзамонов, Тоҷикистон
Мавзуъ
Имомон аз волидон даъват карданд, рӯзи иди Қурбон фарзандонро ба мактаб фиристанд
Фазилат ва ҷойгоҳи қурбонӣ
Аз барои иди Қурбон: Дар мактабҳои Маскав соли хониш аз 4-уми сентябр оғоз мешавад
Се рӯзи истироҳати тоҷикистониён дар иди Қурбон
Рӯзи таҷлили "Иди Қурбон" дар Тоҷикистон муайян шуд
Рӯзи дониш дар Тоҷикистон муайян шуд: 1-уми сентябр
Военные РФ в Сирии, архивное фото

"Мо онҳоро нодида гирифтем": Ғарб комёбии низомии Русияро дар Сурия эътироф кард

423
(Таҷдидшуда 19:33 07.08.2020)
Агар Русия намебуд, Башор Асад дар ин ҷанг пирӯз намешуд. Амрикоиҳо иқрор шуданд, ки бо дахолати Маскав, Эрон ва "Ҳизбуллоҳ" ба артиши Сурия даст дод, ки қисмати бештари кишварро аз дасти гурӯҳҳои мусаллаҳи ғайриқонунӣ бозпас гиранд

ДУШАНБЕ, 7 авг — Sputnik, Андрей Котc. Хадамоти пажӯҳишии конгресс дар гузориши 49-варақаи худ таҳти унвони "Низоъи мусаллаҳона дар Сурия ва вокуниши ИМА" ба хулоса омадааст, ки агар Русия намебуд, Башор Асад дар ин ҷанг пирӯз намешуд.

Таҳлилгарони низомӣ чӣ мегӯянд ва чӣ пешбинӣ мекунанд - ҷавоби суолро аз ин мавод дарёфт хоҳед кард.

Тақсимоти қувва

Дар ин гузориш харитаи Сурия нишон дода шудааст. Қисмати марказӣ, шарқӣ ва ҷанубии кишварро ҳукумати Башор Асад бар истиснои минтақае дар марз бо Иордания - Ат-Танф, ки он ҷо пойгоҳи низомии ИМА қарор дорад, назорат мекунад. Идлиб дар қисмати шарқу ғарби кишвар таҳти идораи гурӯҳҳои эстремистӣ ва Туркия қарор дорад. Минтақае дар шимолу шарқи Ифрот - тақрибан се дарсади Сурия дар дасти курдҳо ҳаст.

Ин ҷо таҳлилгарон каме дурӯғ мегӯянд, чун далелан ин манотиқро Вашингтон назорат мекунад. Тибқи гузориш амрикоиҳо инҷо онқадар бисёр нестанд - наздики 600 найза. Вале онҳо манотиқи асосии нафтдори кишварро аз худ кардаанд. Дар баробари ин дар шимоли Сурия садҳо низомиёни созмонҳои хусусӣ фаъол ҳастанд. Дар ин ҳуҷҷат омада, ки ҳукумати расмии ин давлат ҳузури Амрикоро дар хокаш ғайриқонунӣ мешуморад.

Вале дар Вашингтон мегӯянд, манбаъҳои истихроҷи нафтро бояд аз террористон муҳофизат кард.

Муаллифони гузориш пинҳон намедоранд, ки гоҳ-гоҳ бо низомиёни Асад ҷанҷол мешавад. Ҳамин тавр онҳо мегӯянд, моҳи феврал низомиён дар минтақаи Камишли Қувваҳои мусаллаҳи ИМА-ро тир заданд. Касе осеб надид. Дар баробари ин мухолифати миёни низомиёни Русия ва Амрико низ дар шимолу-шарқи кишвар бештар шудааст.

Дар интернет аллакай наворҳои зиёде нашр шудааст, ки дар он мошинҳои ИМА роҳи худравҳои пулиси Русияро банд мекунад. Хушбахтона то ҳол ба тирпарронӣ нарасидааст.

Русия намеравад

Дар умум амрикоиҳо иқрор шудаанд, ки ҳуҷуми ҳавоии исроилиҳо ба обектҳои Эрон ва таҳримҳои зидди Русия, нагузошт, ки Маскав ва Теҳрон аз дастгирии Башор Асад даст кашанд.

"ИМА хоҳиш ва имконоти Русияро барои густариши таъсири худ дар Ховари Миёна нодида гирифтанд, - навиштаанд таҳлилгарон. Дар баробари ин бояд дарк кард, ки Маскав то чӣ андоза барои дастгирии шарики худ омада аст".

Муттаасифона муаллифони гузориш мегӯянд, ҳоло зарба задан ба Дамаск душвортар шудааст. Хатти фронро аз пойтахти Сурия дар навбати аввал бо кӯмаки қувваҳои ҳавоии Русия ба ақиб партофтанд ва қисмати бузурги кишвар таҳти назорати низоми Асад шуд. Душманони сиёсии Башор Асад қариб ки бе ҳеҷ чиз монданд. Дар баробари ин курдҳо бо Димишқ наздиктар мешаванд. Ин маънои онро дорад, ки минтақаи марказӣ ва шимолу шарқӣ зери назорати Димишқ бар хоҳад гашт.

Давлати Исломӣ (мамнӯъ дар Тоҷикистон) ҳамоно хатар дорад

Моҳи декабри соли 2018 Доналд Трамп дар бораи пирӯзӣ бар Давлати Исломӣ (мамнӯъ дар Тоҷикистон) эълом кард. Вале таҳлилгарон бар онанд, ки гурӯҳҳои мухолифин то ҳол нобуд нашудаанд. Шарикони ИМА нуқтаҳои қавии Давлати Исломиро дар Сурия соли 2019 аз худ карданд. Вале исломгароён низоми идоракуниро чӣ дар Сурия ва чӣ дар Ироқ нигоҳ доштанд. Яъне то ҳол қодиранд ҳамла кунанд.

"Дар дурнамо тақдири Давлати Исломӣ (мамнӯъ дар Тоҷикистон) аз имконоти мо барои созмони иттиҳодияҳои амниятӣ вобаст аст, ки нагузорад гурӯӯҳо боз қувваи худро такмил диҳад, - қайд мекунанд таҳлилгарон. Вале таҳдиди Давлати Исломӣ (мамнӯъ дар Тоҷикистон) дурудароз аст. Мо дар оянда низ бояд курдҳоро дастгирӣ кунем, то онҳо бо тероризм мубориза баранд".

Таҳдиди дигар урдугоҳи маҳбусони низомӣ мебошад, ки феълан он ҷо наздики 10 ҳазор ҷанҷӯёни ДИ қарор доранд. Онҳо асосан дар шимоли кишвар ҷойгиранд ва аз ҷониби низомиёни курдӣ идора мешаванд. Дар баробари ин боз як урдӯгоҳи дигар барои аъзои хонаводаи эктремистҳо вуҷуд дорад. Дар бузургтарин урдугоҳ -Ал-Хол наздики 66 ҳазор занон ва кӯдакони террористон ба сар мебаранд. Ба гуфти таҳлилгарон ҷангҷӯён дар миёни ин қишр тағрибот мегузаронанд, то маҳбусонро дастгирӣ кунанд, вале ДИ қасди ҳуҷумро дорад, то тарафдоронашонро озод кунад.

Раҳбарияти курдҳо чандин бор дар бораи нарсидани қувва барои нигоҳдории маҳбусон изҳор дошт. Амрикоиҳо барои кумак шитоб надоранд - Вашингтон бар ин аст, ки давлатҳо шаҳрвандони худро барои идомаи ҷазо ба кишварҳои худ интиқол диҳанд. Вале касе намехоҳад "террорист" - ҳои худро бозгардонад ва барои анҷом надодани ин кор баҳонаҷӯӣ мекунад. 

Вилояти мушкилзо

Гармтарин нуқта ин вилояти Идлиб мебошад. Феълан он ҷо Сурия, Русия, Эрон ва Туркия фаъол ҳастанд. Қувваҳои ИМА он ҷо нест, вале амрикоиҳо чандин бор ба низомиёне, ки бо "Ал-Қоида"  ҳамроҳӣ доранд ҳуҷум кардаанд.

Ноҳияҳои шимолии Идлиб - ягона минтақаест, ки таҳти назорати қувваҳои мухолифин мебошад, - қайд мекунанд таҳлилгарон. Гурӯҳҳои маҳаллӣ - он дастаҳое, ки соли 2011 бар зидди Димишқ бархоста буд. Аз 5 март дар Идлиб сулҳе, ки президентҳои Русия ва Туркия карданд, ҳукмфармост. Низомиёни ин ду кишвар ҳамроҳ масири стратегии М4-ро идора мекунанд.

Муаллифони гузориш қайд мекунанд, ки ба тирпарронии ҷангҷӯён нигоҳ накарда, ҳоло дар ин макон сулҳро нигоҳ дошта мешавад. Вале Туркия то ҳол интиқоли қувваҳои низомияшро ба ин макон хотима надодааст ва чанде пеш аз оғози амалиёти ҷангӣ эълон кард. Ин маънои онро дорад, ки ҷанг дар Сурия ҳоло хотима наёфтааст.

423
Барчаспҳо:
террорист, Давлати Исломӣ, ИМА, Русия, Сурия
Здание Госдепартамента США в Вашингтоне

Сафорати Русия дар Амрико гузориши Департаменти давлатиро оиди "таблиғот" шарҳ дод

94
(Таҷдидшуда 16:14 06.08.2020)
Гузориши Департаменти Давлатӣ дар бораи "таблиғи русӣ" бо ҳадафи пешниҳоди Маскав дар бораи барқарор кардани ҳамкорӣ бо Иёлоти Муттаҳида пешбинӣ шудааст, гуфт сафорати Русия дар Вашингтон

Қаблан Маркази ҷалби глобалии Департаменти Давлатӣ гузоришеро дар бораи "сутунҳои маълумоти бардурӯғи Русия" интишор кард, ки мафҳуми "таблиғи русиро" ба низом овард. Ин таъриф, аз ҷумла, аз ҷониби васоити ахбори оммаи Русия бо маблағгузории давлатӣ ҷамъбаст карда шуд. Дар сарлавҳаҳои Sputnik, РИА Новости, RT, Первий канал, Россия 24 ва ғайра намунаҳои пароканда оварда шудаанд.

Намояндагиҳои дипломатӣ ба расонаҳои Русия ва дигар кишварҳо ҳушдор додаанд, ки матлабҳои таблиҳотии онҳо алайҳи ИМА ҷиддан тафтиш мешаванд ва ҳамчунин манбаҳои паҳнкунандаи он дар шабакаҳои иҷтимоиро амрико бидуни дудилагӣ мебандад.

Дар сафорат изҳор доштанд, ки ба Департаменти давлатӣ "мавҷудияти манбаҳои алтернативии иттилоотӣ" писанд нест ва барои ошкору бартараф кардани онҳо захираҳои ҷиддӣ равона карда шудааст.

Дилхоҳ овозе, ки бар муқобили Вашингтон аст, он ҳамчун хизмат ба Кремл ва хадамоти Русия пиндошта мешавад, таъкид намуданд дипломатҳои амрико дар сафҳаи Фейсбук.

Ҷанҷол бар сари нафти Сурия: Вашингтон таъкид дорад даромади нафт ба Амрико намерасад

Сафорат намунаҳои изҳороти бемаънии ин гузоришро ифшо намудаст. Аз ҷумла "дар иртиботи расмии ҳукумат" Вазорати умури хориҷии ИМА раҳбари Ҳизби либерал-демократии Русия Владимир Жириновский ва радиои хусусии "Говорит Москва" сабти ном кардааст.
Зимнан, Департаменти Амрико барои ифшои маълумоти бардурӯғ дар соли 2021 ҳудуди 138 миллион доллар маблағ ихтисос додааст.

Дар ҳоле, ки ҳукумати Русия борҳо тамоми иттиҳомоти Амрико дар робита ба он, ки Русия маълумоти бардурӯғро мунташир мекунад, рад намуда буд.

Трамп Меркелро ҷазо медиҳад: Олмонро пас аз хурӯҷи низомиёни амрикоӣ чӣ интизор аст -навор

Дар Амрико  агентии  давлатӣ оид ба пахши хориҷӣ аз қабили Садои Амрико ва радиои Озодӣ вуҷуд дорад, ки Вазорати адлияи Русия онҳоро дар якҷоягӣ бо дигар расонаҳои хабарӣ ба рӯйхати агентҳои хориҷӣ шомил кард.

Ин созмон, ки аз соли 1994 Шӯрои Идораи Телерадиошунавонӣ (BBG) ном дошт, соли 2018 Агентии Иёлоти Муттаҳида оид ба Глобалии Медиа (USAGM) номгузорӣ шуд. Дар доираи он, барномаҳои телевизионӣ таҳия карда мешаванд, аммо тақрибан танҳо барои пахши интернет. Агентӣ пурра аз буҷаи ИМА маблағгузорӣ мешавад, дар соли 2017 хароҷоти он 748 миллион долларро ташкил додааст.

94
Барчаспҳо:
таблиғ, Амрико, Русия, сафорат
Скорая помощь на месте взрыва у американского университета в Кабуле, архивное фото

Бештар аз 7 пулиси афғон қурбони инфиҷор дар Ғазна шуданд

0
(Таҷдидшуда 15:53 09.08.2020)
Бино бар иттилои ВКД Афғонистон дар яке аз музофотҳои шарқии кишвар худраве таркидааст. Дар натиҷа 10 корманди пулис ба ҳалокат расидаанд

ДУШАНБЕ, 9 авг — Sputnik. На камтар аз ҳафт корманди мақомоти милисаи Афғонистон дар пайи инфиҷор дар шарқи Афғонистон осеб дидаанд, гузориш медиҳад "Тулӯъ нюс" дар истинод ба мақомоти амниятии кишвар.

Ҳодиса дар шаҳри Ғазнаи Афғонистон рух додааст.

Бино бар иттилои расмӣ, худраве ки таркидааст, ба кормандони пулис тааллуқ доштааст.
Ба гуфтаи намояндаи Вазорати умури дохилаи кишвар, пас аз таркиш ҷангиён кӯшиши ҳамла ба урдугоҳи низомӣ кардаанд, аммо безарар гардонида шуданд.

Таъкид мешавад, ки дар натиҷаи таркиш бештар аз 7 корманди мақомоти ҳифзи ҳуқуқ кушта шуда, 15 нафарашон захмӣ шуданд.

Таъкид мегардад, ки осебдидагонро тавассути чархбол барои расонидани ёрии тиббӣ ба Кобул интиқол доданд.

Марзи Афғонистону Покистон ҳам ноором: даргирӣ дар марз ва захмӣ шудани ду марзбон

То ҳол гурӯҳе ин амали террористиро бар ӯҳда нагирифтааст.

 

0