Эмомалӣ Раҳмон ва Владимир Путин

Эмомалӣ Раҳмон ба ҳамсолаш-Владимир Путин занг зад

273
(Таҷдидшуда 15:37 08.10.2017)
Раисҷумҳури Тоҷикистон Эмомалӣ Раҳмон Владимир Путинро бо зодрӯзаш табрик кард. Эмомалӣ Раҳмон ва Владимир Путин имсол 65 сола шуданд

ДУШАНБЕ, 7 окт — Sputnik. Ба гузориши хадамоти матбуотии раисҷумҳур, рӯзи 7 октябр Эмомалӣ Раҳмон бо Владимир Путин суҳбати телефонӣ анҷом дод.

Дар рафти суҳбат, Эмомалӣ Раҳмон бо ибрози беҳтарин таманниёт Владимир Путинро ба муносибати 65-солагиаш сидқан табрик намуданд.

"Раиси Ҷумҳурии Тоҷикистон ба обрӯ ва эътибори баланди Владимир Путин дар паҳнои Русия ва берун аз ҳудуди он ишора карда, нақши муассири ӯро дар раванди рушди бемайлони муносибатҳои дӯстӣ ва ҳамкориҳои гуногунҷанбаи миёни Тоҷикистон ва Русия ба таври хоса таъкид кард", — омадааст дар хабарнома.

Қайд гардид, ки талошҳои муштараки ҳадафманд ба хотири таҳкими шарикии стратегии Тоҷикистон ва Русия ҷавобгӯи манфиатҳои аслии мардумони ду кишвар буда, омили муҳими суботу амнияти минтақа мебошад.

Ҷонибҳо ҳамчунин атрофи як қатор масъалаҳои умдаи ҳамкориҳои дуҷониба ва дорои хусусияти байналмилалии мавриди таваҷҷӯҳи тарафайн мубодилаи афкор анҷом доданд.

Қаблан сарвари давлати Тоҷикистон унвонии Владимир Путин барқияи табрикотӣ ирсол кардааст.

Ду рӯз пеш рӯзи 5 октябр Владимир Путин Эмомалӣ Раҳмонро бо зодрӯзаш шодбош гуфта буд.

Ба гузориши дафтари иттилоърасонии Кремл, раисҷумҳури Русия Владимир Путин барои Эмомалӣ Раҳмон ба муносибати ҷашни зодрӯзаш паёми шодбош низ ирсол карда, ки дар он гуфта мешавад:

"Дар муддати раёсат Шумо тавонистед сулҳу созишро дар кишвар барқарор кунед, арҷгузории ҳамватанон ва обрӯи баланд дар хориҷ аз кишвар ба даст оваред. Бо раҳбарии Шумо Тоҷикистон дилпурона ба сӯи рушди иҷтимоиву иқтисодӣ роҳ паймуда, дар ҳалли масоили рӯзмарраи минтақаӣ фаъолона ширкат мекунад".

  • Эмомалӣ Раҳмон ва Владимир Путин
    Эмомалӣ Раҳмон ва Владимир Путин
    © Sputnik / Сергей Субботин
  • Эмомалӣ Раҳмон ва Владимир Путин
    Эмомалӣ Раҳмон ва Владимир Путин
  • Эмомалӣ Раҳмон ва Владимир Путин
    Эмомалӣ Раҳмон ва Владимир Путин
    © Sputnik / Рамиль Ситдиков
  • Эмомалӣ Раҳмон ва Владимир Путин
    Эмомалӣ Раҳмон ва Владимир Путин
  • Эмомалӣ Раҳмон ва Владимир Путин
    Эмомалӣ Раҳмон ва Владимир Путин
1 / 5
© Sputnik / Сергей Субботин
Эмомалӣ Раҳмон ва Владимир Путин

 

273
Барчаспҳо:
зодрӯз, табрикот, Эмомали Раҳмон, Владимир Путин, Тоҷикистон, Русия
Мавзуъ
Нурсултон Назарбоев 65-умин солгарди зодрӯзро ба Эмомалӣ Раҳмон табрик гуфт
Владимир Путин солгарди зодрӯзи Эмомалӣ Раҳмонро табрик гуфт
Премьер-министр Узбекистана Абдулла Арипов прибыл в Душанбе

Миннатдории Раҳмон аз ҳукумати Ӯзбекистон барои кумак дар давраи ҳамагирӣ

318
(Таҷдидшуда 20:04 29.09.2020)
Президенти Тоҷикистон Эмомалӣ Раҳмон дар суҳбат бо сарвазири Ӯзбекистон Абдулло Орипов аз ҳукумати кишвари ҳамсоя барои кумак, изҳори сипос кард

ДУШАНБЕ, 29 сен — Sputnik. Президенти Тоҷикистон Эмомалӣ Раҳмон сарвазири Ӯзбекистон Абдулло Ориповро, ки бо сафари корӣ дар Душанбе қарор дорад, ба ҳузур пазируфт.

Тибқи иттилои котиботи  раисиҷумҳури Тоҷикистон, ҷонибҳо бо қаноатмандӣ тамоюлҳои мусбати рушди устувор ва таъмиқи муносибатҳои ду кишвар, аз ҷумла афзоиши мунтазами ҳаҷми тиҷорати мутақобила, кори фаъолонаи Комиссияи байниҳукуматӣ оид ба ҳамкориҳои тиҷоративу иқтисодиро, ки ҷаласаи навбатии он имрӯз дар пойтахти Тоҷикистон шаҳри Душанбе баргузор гардид, таъкид доштаанд.

Эмомалӣ Раҳмон изҳори боварӣ намудааст, ки натиҷаҳои кори Комиссия, бешубҳа, ба таҳкими минбаъдаи ҳамкории ҷонибҳо мусоидат хоҳанд кард.

Президент хусусияти афзалиятноки муносибатҳои Тоҷикистону Ӯзбекистонро дар сиёсати хориҷии Тоҷикистон қайд карда, аҳамияти нигоҳ доштани робитаҳои доимии сиёсӣ ва муколама дар сатҳҳои олӣ ва баландро барои пайгирона мустаҳкам намудани муносибатҳои шарикии стратегии Тоҷикистону Ӯзбекистон таъкид кардааст.

Зимни муҳокимаи масъалаҳои мубрами густариши ҳамкорӣ дар шароити пандемияи бемории сироятии коронавируси нав, Президент аз фурсат истифода бурда, бори дигар ба дӯстони узбек барои кумаки башардӯстона, ки дар рӯзҳои барои ҳама вазнин ба Тоҷикистон расониданд, изҳори сипос намудааст.

Бо дарназардошти таҳдиди ҷаҳонии паҳншавии COVID-19, ҷонибҳо андешидани чораҳои заруриро ҷиҳати пешгирии таъсири манфии бӯҳрон дар иқтисоди ҷаҳонӣ ба ҷараёни муносибатҳои тиҷоративу иқтисодии байни ду кишвар зарур донистанд.

Соҳаҳои гидроэнергетика ва сохтмони инфрасохтори нави роҳҳо ҳамчун самтҳои дигари умедбахши ҳамкорӣ муайян карда шудаанд.

318
Барчаспҳо:
дидору мулоқот, Эмомалӣ Раҳмон, Абдулло Орипов, ҳукумати Ӯзбекистон, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Премьер-министр Узбекистана Абдулла Арипов прибыл с рабочим визитом в Кыргызстан

Сарвазири Ӯзбекистон Абдулло Орипов вориди Душанбе шуд

480
Роҳбари ҳайати Ӯзбекистон Абдулло Ариповро дар фурудгоҳи байналмилалии Душанбе муовини сарвазир Давлатшо Гулмаҳмадзода пешвоз гирифт

ДУШАНБЕ, 29 сен – Sputnik. Ҳайати ҳукумати Ӯзбекистон таҳти роҳбарии сарвазир Абдулло Орипов барои иштирок дар ҳафтумин ҷаласаи комиссияи байниҳукуматии ҳамкориҳои тиҷоративу иқтисодӣ вориди Душанбе шуд.

Дар фурудгоҳи байналмилалии Душанбе роҳбари ҳайати Ӯзбекистонро муовини сарвазири Тоҷикистон Давлатшо Гулмаҳмадзода пешвоз гирифт.

Масъалаи асосии музокироти сарони ҳукуматҳо Коҳир Расулзода ва Абдулло Орипов ифтитоҳи марзҳо ва азсаргирии парвозҳо байни ду кишвар хоҳад буд.

Инчунин, ҷонибҳо дар доираи мулоқот тасмим доранд, ки масъалаҳои мубрами тавсеаи ҳамкориҳоро дар соҳаҳои тиҷорату иқтисод, нақлиёт ва коммуникатсия, энергетика, кишоварзию об ва фарҳангро баррасӣ кунанд.

Санаи сафари сарвазири Ӯзбекистон ба Тоҷикистон маълум шуд

Ғайр аз он, дар доираи сафари намояндагони Ӯзбекистон ба Тоҷикистон ҷаласаи Шӯрои соҳибкорон, инчунин форуми соҳибкорон, ки дар он тоҷирони ӯзбеку тоҷик ширкат мекунанд, баргузор мегардад.

480
Барчаспҳо:
Абдулло Орипов, Ӯзбекистон, Тоҷикистон
В.Путин принимает участие в четвертом Каспийском саммите

Рӯҳонӣ: дахолати хориҷӣ дар муноқишаи Боку ва Ереван авзоъро печидатар мекунад

0
(Таҷдидшуда 21:53 30.09.2020)
Раисҷумҳурии Эрон бо ибрози нигаронӣ аз даргирии ахир байни Арманистон ва Озарбойҷон, ҳаргуна дахолати хориҷӣ дар ин моҷароро мӯҷиби печидатар шудани авзоъ донист

ДУШАНБЕ, 30 сен — Sputnik. Ҳасани Рӯҳонӣ, раисҷумҳури Эрон ахиран дар тамоси телефонӣ бо Никол Пашиниян, нахуствазири Арманистон бо таъкид бар аҳамияти сулҳ, суботу амният дар минтақа афзуд, ки минтақаи Ғарби Осиё тавони бесуботӣ ва ҷанги ҷадидро надорад, иттилоъ додааст хабаргузории "Парстудей".

Тавре манбаъ қайд намудааст, Рӯҳонӣ бо баёни ин ки бояд барои ҳаллу фасли масъалаи Қарабоғ дар чорчӯби муқаррароти байналмиллалӣ ва тамомияти арзӣ роҳи ҳалле ёфт шавад таъкид кард, ки таваққуфи ин даргириҳо барои Эрон муҳим аст ва Теҳрон интизор дорад Арманистон ва Озарбойҷон бо дироят ва хештандорӣ дар ин масир гом бардоранд.

Раисҷумҳури Эрон бо таъкид бар ин ки ҷанг роҳи ҳалли бартараф кардани мушкилоту танишҳо ва ихтилофот нест гуфт, ки ҳаргуна дахолати хориҷӣ дар ин моҷаро на танҳо ба ҳаллу фасли мушкил кумак намекунад балки даргириҳо ва танишҳоро тӯлонитар ва авзоъро печидатар хоҳад кард.

Рӯҳонӣ  ҳамчунин бо ишора ба аҳамият ва собиқаи тӯлонии равобити Эрон бо Ҷумҳурии Озарбойҷон ва Арманистон, омодагии Теҳронро барои ифои ҳаргуна нақши созанда, ки мавриди назари ду кишвари дӯсту ҳамсоя бошад, эълом кард.

Никол Пашиниян низ бо ишора ба таҳаввулоти ахири ношӣ аз даргириҳои низомии Арманистон бо Озарбойҷон, танишу даргириро ба зиёни ҳамаи кишварҳои минтақа донисту аз ҳаргуна ибтикори амале барои таваққуфи хушунатҳо истиқбол кард.

Нахуствазири Арманистон ҳамчунин аз мудохилаи хориҷӣ дар масъалаи ихтилофоти Арманистон бо Озарбойҷон ибрози нигаронӣ кард.

0
Барчаспҳо:
Ереван, Боку, муноқиша, даргирӣ, моҷаро, хориҷӣ, Озарбойҷон, Арманистон, Эрон