Встреча президента РФ В. Путина с президентом Таджикистана Э. Рахмоном

Сухангӯи Путин: Маскав сафари Раҳмон ба Сочиро бисёр арҷ мегузорад

230
(Таҷдидшуда 19:37 10.10.2017)
Раҳбарони Тоҷикистон ва Русия имрӯз дар шаҳри Сочӣ дидору гуфтугӯ доранд

ДУШАНБЕ, 10 окт — Sputnik. Маскав сафари Эмомалӣ Раҳмон ба Сочӣ дар рӯзҳои барояш сахтро бисёр арҷ мегузорад, гуфт сухангӯи раисҷумҳури Русия Дмитрий Песков.

Ҳамакнун дар шаҳри Сочӣ дидори рӯбарӯи раҳбарони Тоҷикистон ва Русия — Эмомалӣ Раҳмон ва Владимир Путин ҷараён дорад. Дар ин мулоқот, ки дар пушти дарҳои баста баргузор мешавад, вазири умури хориҷаи Русия Сергей Лавров ва муовини нахуствазири ин кишвар Игор Шувалов низ ширкат доранд.

Пеш аз оғози ин мулоқот Дмитрий Песков, сухангӯи раисҷумҳури Русия гуфт, Маскав сафари Эмомалӣ Раҳмон ба Сочӣ дар рӯзҳои барояш сахтро бисёр арҷ мегузорад.

"Сафари Раҳмон дар рӯзҳои барояш сахт ба худии худ муҳим арзёбӣ шуда, зеро вай бародарашро аз даст дода, вале тавониста барои ширкат дар нишасти сарони Иттиҳоди давлатҳои мустақил биёяд ва бо Путин дидори ҷудогона дошта бошад", — гуфт Дмитрий Песков.

"Путин дар дидор бо Раҳмон бори дигар даргузашти бародарашро таслият гуфт", — афзуд вай.

Ин дидор пеш аз оғози нишасти Шурои сарони кишварҳои Иттиҳоди давлатҳои мустақил ва Шурои олии иқтисодии Уросиё баргузор мешавад.

"Раҳбарони Тоҷикистон ва Русия дар ин дидор масоили муҳими минтақаро баррасӣ хоҳанд кард", — гуфта буд дар ин бора ёвари раисҷумҳури Русия Юрий Ушаков.

Нишасти Шурои сарони кишварҳои ҳамсуд 10 — 12 октябр баргузор мешавад.

Раисҷумҳури Тоҷикистон имрӯз бомдод барои ширкат дар нишасти Шурои сарони кишварҳои Иттиҳоди давлатҳои ҳамсуд ба шаҳри Сочӣ рафт.

Дар ин сафар Эмомалӣ Раҳмонро вазири умури хориҷӣ, ёварони раисҷумҳур дар умури равобити хориҷӣ ва масоили кадрӣ ва дигар масъулин ҳамроҳӣ мекунанд.

230
Барчаспҳо:
дидор, Дмитрий Песков, Владимир Путин, Эмомалӣ Раҳмон, Тоҷикистон-Русия
Мавзуъ
Эмомалӣ Раҳмон ва Владимир Путин дар Сочӣ дидору гуфтугӯ доранд
Эмомалӣ Раҳмон ва Владимир Путин дар Сочӣ дидор мекунанд

Байден ба Трамп: Голфбозӣ бас аст, коратро анҷом бидеҳ

234
Номзади Ҳизби демократ дар интихоботи раёсатҷумҳурии Амрико бо интиқоди шадид аз амалкарди раиси ҷумҳури ин кишвар дар муқобила бо вируси корона аз ӯ хост ба ҷои голфбозӣ кардан вазифаҳояшро анҷом диҳад

ДУШАНБЕ, 2 авг — Sputnik. Ҷо Бойден дар як паёми твиттерӣ бо интиқоди шадид аз амалкарди Доналд Трамп навиштааст "дарёфти мукофотпулии бекорӣ барои миллионҳо нафар нимашаб ба поён мерасад. 

Мо як барномаи муассир дар сатҳи миллӣ барои гирифтани тест (корона) ё ҳатто як барнома барои контроли ин вирус надорем. Коркунони ҳавзаи саломат ва беҳдошти мо ҳануз таҷҳизоти кофии ҳифозати шахсӣ надоранд. Сафарҳои охири ҳафта барои голфбозӣ кардан дигар бас аст. Оқои раиси ҷумҳур коратро анҷом бидеҳ", менависад шабакаи Алъолам.

Бойден ҳамчунин навишт: Имрӯза иҷораҳо боло рафтааст. Доналд Трамп масъулияти раҳбарӣ кардани мо барои хориҷ шудан аз буҳрони КОВИД-19-ро раҳо кардааст ва мо акнун ба хотири ҳамин бо буҳрони маскан ва иҷора мувоҷеҳ ҳастем. Оқои раиси ҷумҳур ҳамин алъон иқдом бикун то амрикоиҳо маҷбур набошанд байни боми болои сарашон ё ғизо рӯи мизашон, якеро интихоб кунанд.

Пешгӯии Трамп амалӣ мешавад? фавти 865 маризи коронавирус дар Амрико давоми як шабонарӯз

Трамп ва аъзои давлати Амрико, ба иллати амалкарди заиф дар муқобила бо вируси корона дар рӯзҳои ахир ба шиддат мавриди интиқод қарор гирифтаанд.

Омори  донишгоҳи Ҷонз Ҳопкинз нишон медиҳад маҷмуъи мубталоён ба КОВИД-19 дар Амрико ба 4 миллиону 620 ҳазору 239 нафар расида ва шумори қурбониён аз 154 ҳазору 360 нафар гузаштааст.

234
Официальный визит президента РФ В. Путина в Таджикистан. День второй

Сӯҳбати Раҳмону Эрдуғон: аз ҳамдардӣ то барқароршавии парвозҳо ва таҳдиди "COVID" - 19

838
(Таҷдидшуда 16:58 01.08.2020)
Президенти Тоҷикистон Эмомалӣ Раҳмон бо ҳамтои туркаш Раҷаб Тайиб Эрдуғон масъалаи барқарор кардани парвозҳои мунтазамро баррасӣ кард

ДУШАНБЕ, 1 авг — Sputnik. Президенти Тоҷикистон Эмомалӣ Раҳмон бо кишвардори Туркия Раҷаб Тайиб Эрдуғон имрӯз телефонӣ сӯҳбат кард.

Бино ба гузориши котиботи раисиҷумҳури Тоҷикистон, дар рафти суҳбат кишвардорон ба муносибати Иди Қурбон ҳамдигарро табрик гуфтаанд.

Эмомалӣ Раҳмон суннатҳои аслии ин Иди саидро, ки таҷассумгари арзишҳои умумбашарии бародарию пайвандҳои амиқи дӯстӣ, ризоят, ҳамдигарфаҳмиву эътимод ба якдигар ва ҳамдастӣ мебошанд, таъкид кардааст.

Ҷонибҳо ҳамчунин атрофи раванди нигаронкунандаи паҳншавии пандемияи “Ковид-19” дар сатҳи ҷаҳонӣ мубодилаи афкор анҷом додаанд.

Дар ин росто Президенти Тоҷикистон ба мардуми Туркия, наздикону пайвандони қурбониёни ин бемории ҳамагир ҳамдардии амиқ баён намуда, ба бемороне, ки гирифтори он мебошанд, шифои ҳарчӣ зудтар орзу кардааст.

"Ба ҷониби Туркия барои тақдими кумаки башардӯстонаи тиббӣ ва мусоидат дар баргардонидани шаҳрвандони Тоҷикистон ба Ватан миннатдории ин ҷониб иброз карда шуд. Дар робита ба ин Президентҳо омодагии ҷонибҳоро ҷиҳати дар ояндаи наздик аз нав ба роҳ мондани парвозҳои мунтазамро байни ду кишвар таъкид карданд", - омадааст дар хабарнома.

Манбаъ афзуда, ки масъалаҳои алоҳидаи муносибатҳои дуҷонибаи Тоҷикистону Туркия, аз ҷумла рушди ҳамкориҳои тиҷоративу иқтисодӣ, инчунин ҳамкорӣ дар соҳаи амниятӣ ва муборизаи муштарак алайҳи хатару таҳдидҳои глобалӣ дар маркази таваҷҷуҳи ҷонибҳо қарор доштанд.

838
Барчаспҳо:
парвозҳои мустақим, Раҷаб Тайиб Эрдуғон, Эмомалӣ Раҳмон, Туркия, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Зрители в кинотеатре

Дар ноҳияи Спитамен кинотеатри замонавӣ сохта мешавад

0
(Таҷдидшуда 15:26 03.08.2020)
Бино аз 7 ошёна иборат буда, дар таҳхонаи он кинотеатри замонавӣ, дар ошёнаи якум нуқтаҳои хизматрасонӣ ва дар ошёнаҳои боқимонда хонаҳои истиқоматӣ ҷойгир мебошад

ДУШАНБЕ, 3 авг — Sputnik. Раиси вилояти Суғд Раҷаббой Аҳмадзода дар ноҳияи Спитамен бо рафти корҳои ободониву созандагӣ ба истиқболи 30-солагии Истиқлолияти давлатии Ҷумҳурии Тоҷикистон ошно шуд, хабар медиҳад хадамоти матбуотии раиси вилоят.

Гуфта мешавад, ки Аҳмадзода сараввал дар Ҷамоати шаҳраки Навкат бо ҷараёни сохтмони бинои баландошёнаи истиқоматӣ бо нуқтаҳои хизматрасонӣ ва кинотеатри замонавӣ ошно шудааст.

"Иншооти мазкур дар доираи омодагиҳо ба ҷашни 30 – солагии Истиқлолияти давлатии Ҷумҳурии Тоҷикистон аз ҷониби кооперативи “Гулрез” сохта шуда истодааст. Масоҳати умумии сохтмон 1000 метри мураббаъро ташкил медиҳад", - омадааст дар хабарнома.

Тибқи иттилои манбаъ, бинои сохташаванда тибқи лоиҳа аз 7 ошёна иборат буда, дар таҳхонаи он кинотеатри замонавӣ, дар ошёнаи якум нуқтаҳои хизматрасонӣ ва дар ошёнаҳои боқимонда хонаҳои истиқоматӣ ҷойгир мебошад.

Филм барои +18 ё поинтар: тағйири қонуни Тоҷикистон “Дар бораи кино”

Мувофиқи харҷномаи пешакӣ арзиши умумии сохтмон зиёда аз 7 миллион сомониро ташкил мекунад. Корҳои сохтмониро бунёдкорони ҶДММ “Книал” бар дӯш дорад.

Раиси вилоят ҳангоми шиносоӣ барои бо сифати баланд ба итмом расонидани корҳои сохтмонӣ ва ободонии атрофи иншоот ба масъулин супоришҳо додааст.

0
Барчаспҳо:
рушду ободонӣ, Раҷаббой Аҳмадзода, Суғд, Спитамен