Дидори Эмомалӣ Раҳмон бо Қурбонгулӣ Бердимуҳаммадов

Эмомалӣ Раҳмон ва Қурбонқулӣ Бердимуҳаммадов дар Душанбе дидор мекунанд

78
(Таҷдидшуда 21:53 01.11.2017)
Интизор меравад, ки дар паи дидору гуфтугӯи сарони Тоҷикистон ва Туркманистон Эмомалӣ Раҳмон ва Қурбонқулӣ Бердимуҳаммадов чандин санади ҳамкории дусӯя имзо карда хоҳад шуд

ДУШАНБЕ, 1 ноя — Sputnik. Раиси Ҷумҳурии Туркманистон Қурбонқулӣ Бердимуҳаммадов 2 ноябр бо сафари дурӯзаи расмӣ ба Тоҷикистон хоҳад омад.

"Фардо субҳ дар "Қасри миллат" мулоқоти вижаи раисҷумҳурҳои Тоҷикистону Туркманистон Эмомалӣ Раҳмон ва Қурбонқулӣ Бердимуҳамадов баргузор мешавад ва сипас музокироти ҳайъатҳои ду кишвар бо ширкати раҳбарони давлатҳо дар назар аст", — гуфт Вафо Ниятбекзода, раиси Раёсати иттилоъот, матбуот, таҳлил ва тарҳрезии сиёсати хориҷии ВКХ ҶТ.

Ба гуфтаи вай, дар паи ин дидору гуфтушунидҳо чандин санади ҳамкории дусӯя имзо хоҳад шуд ва иттилоъияи расмии муштараки сарони ду кишвар барои расонанигорон эълом карда хоҳад шуд.

Ҳамчунин фардо пас аз нимрӯз кишвардори Туркманистон дар маросиме бар пояи тандиси амир Исмоил Сомонӣ гулчанбар хоҳад гузошт.

Эмомалӣ Раҳмон. Акс аз богйонӣ
© Фото : пресс-служба президента Таджикистана

"Дар чорчӯби сафари раисҷумҳури Туркманистон ба Тоҷикистон  1 ноябр дар Китобхонаи миллӣ ҳамоиши бозаргонону корофаринони ду кишвар баргузор мешавад", — афзуд Ниятбекзода.

Равобити Тоҷикистон ва Туркманистон бар беш аз 50 қарордоду санаде бунёд ёфта, ки дар солҳои 1993 —2012 имзо шуда ва ҳамкориҳои ду кишварро дар заминаҳои сиёсӣ, иқтисодӣ, фарҳангиву инсонӣ, сармоягузорӣ, молиёт ва гумрук танзим мекунанд.

Гуфтанист, гардиши коло миёни ду кишвар дар соли 2016 камобеш 95 милюн дулорро ташкил дода буд. Тоҷикистон аз Туркманистон асосан фаровардаҳои нафтӣ, рӯғани гиёҳӣ ва семент мехарад. Туркманистон аз Тоҷикистон бештар колоҳои мавриди ниёзи мардум, алюминий ва фаровардаҳои он ва маҳсулоти кишоварзӣ харид мекунад.

78
Барчаспҳо:
сафари расмӣ, Қурбонқулӣ Бердимуҳаммадов, Эмомалӣ Раҳмон, Тоҷикистон-Туркманистон
Мавзуъ
Роҳҳои густариши ҳамкориҳои Тоҷикистону Туркманистон баррасӣ шуданд
Узбакистону Туркманистон мехоҳанд ҳамкорияшонро бо ИДМ густардатар кунанд
Эмомалӣ Раҳмон ба Туркманистон сафар кард
Талоши раисҷумҳур барои рушди робитаҳо бо Туркманистон
Коршинос: Узбакистону Туркманистон ба тарҳи CASA-1000 нахоҳанд пайваст

Ҷабборов кишвардори Русияро ба Қирғизистон хонд

150
(Таҷдидшуда 19:27 24.02.2021)
Кишвардори Қирғизистон Содир Ҷабборов дар аввалин сафари расмии хориҷии худ озими Русия шуд

ДУШАНБЕ, 24 фев — Sputnik. Содир Ҷабборов раисиҷумҳури Қирғизистон имрӯз дар раъчи як ҳайати ҳукуматӣ озими Федератсияи Русия шуд.

Дар ин сафар, Ҷабборов бо Владимир Путин, раисиҷумҳурии Русия дар мавриди ҳамкориҳои дуҷониба, чашмандози тавсеаи бештари равобит ва эҷоди таомули муассир байни ду кишвар гуфтугӯ намуд.

Гуфта мешавад, Ҷабборов ҳамтои худ Владимир Путинро ба Қирғизистон даъват намудааст.

Илова бар ин, дуҷонибаи кишвардори Қирғизистон бо Михаил Мишустин, нахуствазири Русия ва Валентина Матвиенко, раиси Шӯрои федерастсияи Русия ва Вячеслав Володин, раиси Думаи давлатӣ низ хоҳад дошт.

Савгандёдкунии хоксорона: Ҷабборов барои масрафоти зиёд аз кортежу банкет даст кашид

Интизор меравад, ҷаласае бо ҷомеаи бозаргонии Русия ва ҳамчунин бо ҳамватанону донишҷӯёни қирғизистонӣ, ки дар донишгоҳҳои Русия таҳсил мекунанд, низ дошта бошад.

150
Барчаспҳо:
Содир Ҷабборов, Владимир Путин, Русия, Қирғизистон
Пограничник на смотровой вышке на границе Кыргызстана. Архивное фото

Тоҷикистону Қирғизистон масъалаи додугирифти шаҳрвандони боздоштшударо баррасӣ карданд

222
(Таҷдидшуда 12:08 24.02.2021)
Дидори мақомдорони ин ду кишвар бо даъвати Ҷумҳурии Қирғизистон баргузор шудааст

ДУШАНБЕ, 24 фев – Sputnik. Дар дидори мақомоти Тоҷикистон ва Қирғизистон дар ноҳияи Ботканд мавзӯи озодии шаҳрвандони боздоштшудаи ин ду ҷумҳурии ҳамсоя мавриди баррасӣ қарор гирифт, хабар медиҳад "Парс тудей" бо истинод ба сомонаи АКИ пресс.

Ба иттилои манбаъ, ин дидор ба дархости тарафи Қирғизистон баргузор шуд, ки дар он мақомоти ҳукуматӣ, полис, идороти амниятӣ, додситонӣ ва марзбонии ноҳияҳои Бобоҷон Ғафурови Тоҷикистон ва Лайлаки Қирғизистон ширкат карданд.

Тарафҳо дар ин дидор дар бораи ду мавзӯи таъмини амнияти сокинони рустоҳои марзӣ ва озодии 15 шаҳрванди тоҷики боздоштшуда дар Қирғизистон ва 9 қирғизи боздоштшуда дар Тоҷикистон баҳс ва табодули назар карданд. 

Гуфта мешавад, ки 9 шаҳрванди Қирғизистон ба далели гум кардани роҳ ҳангоми бозгашт аз Тоҷикистон ба дасти марзбонони тоҷик боздошт шудаанд, аммо дар бораи иллати боздошти 15 шаҳрванди Тоҷикистон дар Қирғизистон тавзеҳ дода нашудааст. 

Қаблан Умурбек Субҳон Алиев, раиси нави вилояти Ботканд дар пайи муроҷиаи волидайни боздоштшудагони қирғиз дар Тоҷикистон эълом карда буд, ки аз тариқи музокира бо мақомоти тоҷик ин мушкил ҳал хоҳад шуд.

Қирғизистон ва Тоҷикистон аз моҳи март тақсимоти сарҳадро идома медиҳанд

Вай таъкид кардааст, ки заминаи сафари наздикони ин афрод ба вилояти Суғд ва дидор бо боздоштшудагонро фароҳам хоҳад кард. 

То лаҳзаи интишори ин хабар дар бораи натоиҷи музокироти мақомоти Тоҷикистон ва Қирғизистон дар ноҳияи Ботканд иттилое мунташир нашудааст.

222
Барчаспҳо:
боздоштшуда, шаҳрвандон, додугирифт, Қирғизистон, Тоҷикистон
Конкурс Чакомаи Гесу в Худжанде

Мӯдарозтарин духтари Душанберо муайян карданд

0
(Таҷдидшуда 21:07 24.02.2021)
Дар Душанбе фестивали "Чакомаи гесу" ҷамъбаст гардид ва ғолибони озмун - духтарони муйдарози пойтахт муайян шуданд

ДУШАНБЕ, 24 фев — Sputnik. Имрӯз дар шаҳри Душанбе бо ташаббуси Мақомоти иҷроияи ҳокимияти давлатии шаҳр "Чакомаи гесӯ" баргузор гардид.

Дар оғози фестивал намоишгоҳи маҳсулоти ороишии  ҳунармандон, анвои гуногуни ороиши миллии занонаи аз ҷиҳати экологӣ фоидаовар ва лавозимоти марбут ба парваришу ороиши мӯйю рӯй  ба маъраз гузошта шуд.

Дар фестивал инчунин ашъори баланпоя ва суруду рақс, ривояту таронаҳои мардумӣ оид ба ҳусну таровати рӯй, ҷозибаи гесӯ, сарулибос ва ороишоти миллӣ, истифодаи маҳсулоти табиии ватанӣ дар парваришу нигоҳбини рӯйю мӯй ва муҳофизати пӯсти дасту рӯй тарғибу ташвиқ гардид.

Дар фестивали мазкур муовини Раиси шаҳри Душанбе Мавсума Муинӣ, Раиси Кумитаи занон ва оилаи назди Ҳукумати Ҷумҳурии Тоҷикистон Ҳилолбӣ Қурбонзода, ғолибони даври ноҳиявии фестивал аз ноҳияҳои пойтахт ва сокинони шаҳр  иштирок намуданд.

Мавриди зикр аст, ки давоми се соли охир фестивали мазкур дар доираи эълон гардидани солҳои 2019-2021 ҳамчун Солҳои рушди деҳот, сайёҳӣ ва ҳунарҳои мардумӣ дар тамоми қаламрави мамлакат доир  мегардад.

Рустам Эмомалӣ қарор кард: дар Душанбе фестивали "Чакомаи гесу" баргузор шавад

Дар фарҷоми Фестивал ғолибони бахшҳои он ва иштирокчиёни фаъол бо диплому сипоснома ва ҷоизаи махсуси мақомоти иҷроияи ҳокимияти давлатии шаҳри Душанбе сарфароз гардонида шуданд.

0