Встреча президента Туркменистана Гурбангулы Бердымухамедов и президента РТ Эмомали Рахмон

Тоҷикистон ва Туркманистон 13 санадаи ҳамкорӣ имзо карданд

104
(Таҷдидшуда 15:25 02.11.2017)
Дар нахустин рӯзи сафари раисҷумҳури Туркманистон Қурбонқулӣ Бердимуҳаммадов ба Тоҷикистон 13 санади нави ҳамкорӣ миёни ду кишвар имзо шуд

ДУШАНБЕ, 2 ноя — Sputnik. Раҳбарони Тоҷикистон ва Туркманистон Эмомалӣ Раҳмон ва Қурбонқулӣ Бердимуҳаммадов дар паи музокироти дуҷониба ва ҳайъатҳои давлатӣ 13 санади нави ҳамкорӣ имзо карданд.

Ба гузориши дафтаи иттилоърасонии раисҷумҳури Тоҷикистон, сарони ду кишвар "дар фазои дӯстона" вазъи кунунӣ ва дурнамои густариши равобиту ҳамкориҳои ду кишвар ва масоили муҳими минтақаӣ ва ҷаҳониро баррасӣ карданд.

Сарони ду кишвар раванди густариши равобити Тоҷикистону Туркманистон дар заминаҳои сиёсӣ, иқтисодӣ, иҷтимоъӣ, инсонӣ ва дигар риштаҳоро "хушнудкунанда, пӯё ва мусбат" арзёбӣ карданд. Яке аз омилҳои мусоидаткунанда ба ин раванд имзои Паймони ҳамкории роҳбурдӣ миёни Тоҷикистон ва Туркманистон дониста шуд.

Ҳар ду кишвар бахшҳои энержӣ, таробарӣ, саноеъи сабук ва коркарди маҳсулот, сохтусоз, кишоварзӣ ва гардишгариро самтҳои бартари ҳамкории иқтисодӣ мешуморанд.

Вале ҳаҷми гардиши коло миёни Тоҷикистону Туркманистон рӯ ба коҳиш гузошта ва дар нӯҳ моҳи имсол 32 милюн дулори амрикоӣ баровард шудааст, ки хушнудкунанда нест.

Ба манзури афзоиши хариду фурӯш ва густариши ҳамкориҳои иқтисодиву бозаргонӣ миёни ду кишвар қарор шуд назорат бар иҷрои дастовардҳои Кумисюни муштараки ҳамкориҳои тиҷорӣ-иқтисодӣ ва илмиву фаннӣ дақиқтар шавад ва ҳамчунин ҳамоишҳои бозаргонону корофаринони ду кишвар бештар баргузор шаванд.

Раҳмон ва Бердимуҳаммадов ҳамчунин бар аҳамияти иҷрои тарҳи сохтмони роҳи оҳани "Тоҷикистон-Афғонистон-Туркманистон" таъкид карданд ва хостори беҳбуди ҳамкориҳо дар заминаи обу нерӯ ва роҳандозии парвозҳои мустақими миёни ду кишвар шуданд.

Сарони ду кишвар ҳамчунин масъалаҳои рушди ҳамкорӣ дар бахшҳои фарҳангӣ, инсонӣ ва илмиву омӯзиширо баррасӣ карда ва хостори ҳамкорӣ миёни шаҳру вилоятҳои ду кишвар шуданд.

Дар поёни ин дидор сарони ду кишвар омодагии худро барои таҳкиму густариши ҳамкорӣ дар арсаи байналмилалӣ ба хотири ҳалли мушкилоти ҷаҳонӣ, муборизаи муштарак бо таҳдиду хатарҳои ҷаҳони муосир, теруризму ифротгароӣ, гардиши ғайриқонунии маводи мухаддир, таъмини амну субот дар минтақа ва ба эътидол овардани вазъи сиёсӣ дар Афғонистон баён доштанд.

Пас аз анҷоми мулоқоту музокироти расмӣ 13 санади нави ҳамкорӣ миёни Тоҷикистону Туркманистон ба имзо расид.

Эмомалӣ Раҳмон ва Қурбонқулӣ Бердимуҳаммадов Эъломияи муштараки Раиси Ҷумҳурии Тоҷикистон ва Раиси Ҷумҳурии Туркманистон ва Паймони ҳамкории роҳбурдӣ миёни Ҷумҳурии Тоҷикистон ва Ҷумҳурии Туркманистонро имзо карданд.

Аз дигар санадҳои ҳамкорӣ дар зер ном бурда мешавад:

Созишнома миёни Ҷумҳурии Тоҷикистон ва Ҷумҳурии Туркманистон дар бораи усули молиётбандии ғайримустақим аз содироту воридоти колоҳо, анҷоми корҳо ва хадамот;

Созишнома миёни Ҳукумати Ҷумҳурии Тоҷикистон ва Ҳукумати Ҷумҳурии Туркманистон барои ҳамкориҳои дарозмуддати иқтисодӣ ва бозаргонӣ;

Созишномаи пазириши мутақобилаи санадҳои таҳсилии ду кишвар миёни  Ҳукумати Ҷумҳурии Тоҷикистон ва Ҳукумати Ҷумҳурии Туркманистон;

Созишномаи ҳамкорӣ дар заминаи кишоварзӣ миёни Ҳукумати Ҷумҳурии Тоҷикистон ва Ҳукумати Ҷумҳурии Туркманистон;

Созишномаи ҳамкорӣ дар заминаи дифоъи ғайринизомӣ, пешгирӣ аз балоҳои табиӣ ва бартарафсозии онҳо миёни Ҳукумати Ҷумҳурии Тоҷикистон ва Ҳукумати Ҷумҳурии Туркманистон;

Созишномаи пазириши муҷаввизи сохтусоз миёни Ҳукумати Ҷумҳурии Тоҷикистон ва Ҳукумати Ҷумҳурии Туркманистон;

Барномаи ҳамкорӣ миёни  Ҳукумати Ҷумҳурии Тоҷикистон ва Ҳукумати Ҷумҳурии Туркманистон дар заминаи фарҳангу ҳунар барои солҳои 2018 — 2020;

Протоколи ислоҳи Созишнома миёни Ҳукумати Ҷумҳури Тоҷикистон ва Ҳукумати Ҷумҳурии Туркманистон барои сохтусози сохтмони мактаби миёнаи таҳсилоти умумии Махтумкулӣ дар иттиҳодияи деҳқонии "Эргаш Султонов" дар ноҳияи Дӯстии вилояти Хатлони Ҷумҳури Тоҷикистон;

Созишнома миёни шаҳрдориҳои Душанбе ва Ишқобод барои барпо кардани равобити бародаршаҳрӣ миёни шаҳрҳои Душанбе ва Ишқобод;

Созишномаи ҳамкориҳои тиҷориву иҷтисодӣ ва илмиву фаннӣ ва фарҳангӣ миёни Ҳукумати вилояти Хатлони Ҷумҳурии Тоҷикистон ва Ҳукимияти вилояти Лабоби Туркманистон;

Ёддошти тафоҳум миёни ширкати давлатии "Тоҷинвест" вобаста ба Кумитаи давлатии сармоягузорӣ ва идораи амволи давлатии Ҷумҳури Тоҷикистон ва Иттиҳодияи соҳибкорон ва саноатдорони Туркманистон.

Бо имзои ин санадаҳо, ки бахшҳои тиҷориву иқтисодӣ, сохтмону саноат, дифоъӣ ғайринизомӣ, кишоварзӣ, илмиву фаннӣ, фарҳангӣ ва сармоягузориро дар бар мегиранд, шумораи санаду қарордодҳои ду кишвар ба беш аз 70 санад расид.

Пас аз маросими имзои санадҳои муҳими ҳамкорӣ Эмомалӣ Раҳмон ва Қурбонқулӣ Бердимуҳаммадов барои хабарнигорон нишасти матбуотӣ ороста, натиҷаҳои сафари расмии раисҷумҳури Туркманистонро пурарзиш ва бобарор арзёбӣ карданд.

104
Барчаспҳо:
сафари расмӣ, Қурбонқулӣ Бердимуҳаммадов, Эмомалӣ Раҳмон, Тоҷикистон-Туркманистон
Мавзуъ
Роҳҳои густариши ҳамкориҳои Тоҷикистону Туркманистон баррасӣ шуданд
Эмомалӣ Раҳмон ба Туркманистон сафар кард
 Председатель Согдийской области Раджаббой Ахмадзода

Чаро раиси нави Бодканд ба Аҳмадзода занг зад

677
(Таҷдидшуда 10:04 07.03.2021)
Дар ҳамин ҳол, интизор меравад раисҷумҳури Қирғизистон Содир Ҷабборов бо сафари расмӣ ба Тоҷикистон равад

ДУШАНБЕ, 7 мар – Sputnik. Раиси тоза мансубшудаи вилояти Бодканд Омурбек Субҳоналиев бо раиси вилояти Суғд Раҷаббой Аҳмадзода сӯҳбати телефонӣ анҷом додааст.

Тавре "Парс тудей" менависад, Субҳоналиев ҳамчунин бо раиси вилояти Фарғонаи Ӯзбекистон сӯҳбат кардааст.

Гуфта мешавад, ӯ дар тамоси телефонӣ бо руасои вилоятҳои Суғди Тоҷикистон ва Фарғонаи Ӯзбекистон авзо дар марзҳои муштараки ин се кишвари ҳамсояро баррасӣ кард.

"Омурбек Субҳоналиев дар тамоси телефонӣ бо Раҷаббой Аҳмадзода раиси вилояти Суғди Тоҷикистон ва Хайруллоҳ Бозоров раиси вилояти Фарғонаи Ӯзбекистон дар бораи зарурати ҳифзи оромиш ва амният дар манотиқи марзӣ баҳсу табодули назар кард.", - менависад манбаъ.

Ҳамчунин мавзӯи густариши равобити иқтисодӣ ва тиҷорӣ, ҳамлу нақл ва транзит, об ва энергетика ва бозорчаҳои муштараки марзӣ аз дигар мавзӯоти ин тамоси телефонӣ буд. 

Раиси тоза мансуб шудаи вилояти Бодканд қаблан низ бар зарурати поён додани ба қочоқи сӯхт дар марз бо Тоҷикистон  таъкид карда буд  ва инак мақомоти Бишкек барои ҷилавгириӣ аз ин раванд ба минтақаи марзии Қирғизистон бо Тоҷикистон нерӯи низомӣ эъзом кардаанд, ки ин рӯйдод муҷиби афзоиши қиммат бензину гозоил дар Тоҷикистон шудааст. 

Аҳмадзода: оини ҳамсоядориро нигоҳ медорем, як ваҷаб заминро ноҳақ ба касе намедиҳем

Аз сӯи дигар Садир Ҷабборов раиси ҷумҳурии Қирғизистон ахиран эълон кардааст, ки барои дидор ва гуфтугӯ бо мақомоти Тоҷикистон дар бораи аломат гузории марзҳо ба Душанбе сафар хоҳад кард. 

677
Барчаспҳо:
марз, Ворух, Бодканд, Қирғизистон, Тоҷикистон
Флаг США

Демократия меомӯзонанд. ИМА усулҳои мудохиларо ёфт

189
(Таҷдидшуда 16:11 05.03.2021)
Амрикоиҳо дигар барои демократия мубориза нахоҳанд бурд. Вақт нишон дод, ки дахолат ва сарнагунии сарварони худкома бесамаранд

Душанбе 5 мар — Sputnik, Софья Мельничук. Вашингтон аз ин сабақ гирифт ва нақша дорад, ки ҷаҳонро аз худаш сар карда тағйир диҳад.

Замони нав - усулҳои ҷадид

Нахустин суханронии расмии котиби давлатӣ Энтони Блинкен дар Департаменти давлатӣ, гарчанде ки он дар як толори холӣ баргузор шуд, сару садоро ба вуҷуд овард. Дар тӯли ним соат сарвари дипломатияи Амрико самтҳои асосии сиёсати хориҷиро номбар кард, ки ба қарибӣ дар стратегияи амнияти миллӣ тасдиқ карда мешаванд.

Флаги с символикой Евросоюза у здания Еврокомиссии в Брюсселе.
© Sputnik / Алексей Витвицкий

Тақрибан ҳар чизе ки Блинкен гуфт, нав нест: ҳам ӯ ва ҳам президент Ҷо Байден дар моҳҳои охир инро на як бору ду бор ба такрор гуфтаанд. Аммо як чиз таваҷҷуҳро ҷалб кард.

"Равиши мо тағйир хоҳад ёфт, - изҳор дошт котиби давлатӣ". Мо демократияро тавассути дахолати гаронарзиши низомӣ ё кӯшиши сарнагун кардани режимҳои авторитарӣ бо зӯрӣ таблиғ намекунем.

"Чунин усулҳо, гарчанде бо нияти нек истифода мешуданд, ҳеҷ натиҷаи хуберо ба бор наоварданд, эътироф кард ӯ. Гузашта аз ин, калимаҳои "мусоидат ба демократия" тобиши манфӣ гирифтаанд ва ҳатто худи амрикоиҳо дигар ба онҳо бовар намекунанд.

Ҷаҳон тағйир ёфт ва дар шароити нав Вашингтон диққати худро аз таҳдиди терроризм ба мубориза бо қудратҳои рақиб табдил хоҳад дод.

Ривоҷ додани демократия, ки ҳамоно сиёсати хориҷии ИМА аст - бояд бо намунаи ибрат пешбарӣ карда шавад. "Дар акси ҳол, мо дар якҷоягӣ бо рақибоне чун Чин ва Русия бозӣ мекунем, ки аз ҳар як имконият истифода бурда, дар бораи пойбандии мо ба идеалҳо шубҳаҳо ба вуҷуд меоранд. Ҳоҷат нест, ки ин корро барояшон осонтар созем", - гуфт сиёсатмадор.

Мисоли наонқадар хуб

Соли гузашта барои кишвар душвор омад. Ҳамагирии коронавирус, ки дар муқоиса бо Ҷангҳои Якум, Дуввум ва Ветнам шумораи бештари амрикоиҳоро кушт, нобаробарии иҷтимоиро дар соҳаи тандурустӣ нишон дод. Ошӯбҳои нажодӣ бар асари бераҳмии полис ва куштори сиёҳпӯстон бори дигар мушкилоти нажодпарастиро дар ҷомеа нишон доданд.

Интихоботи президентӣ пурсарусадотарин дар даҳсолаҳои охир шуд. Доналд Трамп ҳанӯз ҳам даъво дорад, ки натиҷаҳо тақаллуб карда шудаанд. Ин ба ҳуҷуми воқеъӣ ба арзишҳои асосӣ оварда расонд: 6 январ ҳангоми тасдиқи овоздиҳӣ издиҳом ба бинои Капитолия ворид шуд.

Президенти нав Ҷо Байден бо зарурати фавран барқарор кардани ваҳдат дар дохили кишвар рӯ ба рӯ шуд, то пеш аз ҳама, ба худи амрикоиҳо исбот кунад, ки Иёлоти Муттаҳида то ҳол маҳаки  демократия аст.

"Ҳоло дар Иёлоти Муттаҳида мушкилоти калон мавҷуданд", -  гуфт Павел Кошкин, корманди калони илмии Пажӯҳишгоҳи Иёлоти Муттаҳида ва Канада, дар мусоҳиба бо РИА Новости.

"Онҳо барои сафарбар кардани интихобкунандагон ба воситаи риторикӣ ниёз доранд, онҳо бояд нишон диҳанд, ки мо қодирем вазъи кишварро ба эътидол орем".

Кошкин бовар дорад, ки изҳороти Блинкен то андозае ба дохил равона карда шудааст. "Ба тартиб даровардани дар дигар давлатҳо, як навъ ҳавасмандӣ аст: бояд аз худ оғоз кард", -  мегӯяд ӯ.

Рушд муқобили демократия

Маъмурияти Байден доимо таъкид мекунад, ки рақиби асосии стратегӣ Чин ва модели рушди он мебошад. Вашингтон маҳз тағйири онро мехоҳад.
Худи Пекин нақшаи тағйири низоми сиёсиро надорад, тавре ки раиси Ҷумҳурии Мардумии Чин Си Ҷинпин гуфтааст. "Мо имкониятҳои сулҳро тавассути рушд пеш мебарем" гуфт ӯ.

Дар баъзе кишварҳо воқеан дархости воридоти унсурҳои алоҳидаи ҳукумати Чин мавҷуд аст, мегӯяд мушовири маркази Карнеги Маскав, синолог Темур Умаров. Мисол, давлатҳои Осиёи Марказӣ мебошанд, ки нуфузи Иёлоти Муттаҳида сол аз сол дар ин минтақа коҳиш меёбад.

"Ҳама давлатҳои минтақа мехоҳанд муваффақияти Чинро такрор кунанд: бидуни ислоҳоти демократӣ ба иқтисоди пешрафта табдил ёбанд",- гуфт Умаров. Дар айни замон, ҳар як худкома дар ҷаҳони муосир ба назар демократӣ менамояд. Бидуни ин, дар ҷаҳон ба таври муқаррарӣ вуҷуд доштан ғайриимкон аст.

Аз ин рӯ, дар суханронӣ ҳама дар Осиёи Марказӣ дар бораи ислоҳот ва ҳуқуқи инсон ҳарф мезананд, аммо дар асл Ғарбро намунаи ибрат намеҳисобанд. Агар қаблан ҳадди аққал як кишвар - Қирғизистон, ба истилоҳ, маркази демократия дар Осиёи Миёна - тарафдори Амрико буд, акнун ӯ низ тасмимашро дигар кард ва роҳи дигарро пеш гирифт, гуфт Темур Умаров мушовир дар маркази Карнегии Маскав.

Иёлоти Муттаҳида метавонист мавқеи худро дар минтақа тақвият диҳад, агар дар Осиёи Марказӣ аз ҷиҳати иқтисодӣ фаъолтар бошад ба мисли Пекин. Бидуни ин ба идеология таъсири бузург ба даст овардан ғайриимкон аст, бовар дорад Умаров.

Пешини фаромӯшнашуда

Равиши маъмурияти нав идомаи он сиёсате ҳаст, ки Барак Обама оғоз кард. Доктринаи ба истилоҳ Обама коҳиши ҳузури низомии Амрикоро дар хориҷ дар назар дошт. Ҳатто пас аз он, демократҳо ба хулосае омаданд, ки усулҳои низомӣ чандон муассир нестанд ва демократия бояд на тавассути дахолат, ишғол ва сохтани давлат, балки тавассути қудрати нарм паҳн карда шавад.

Аммо, президенти 44-ум муваффақ нашуд: соли 2011 Иёлоти Муттаҳида ба нерӯҳои ҳукумати Либия зарбаҳои ҳавоӣ зад. Баъдтар Обама эътироф кард, ки қарор, албатта, дуруст буд, аммо Вашингтон ба оқибатҳои он омодагӣ надид. Либия ба бетартибӣ рӯ ба рӯ шуд - Обама онро бадтарин иштибоҳи раёсати худ номид.

Маъмурияти кунунӣ талоши ӯро идома хоҳад дод ва ба ҷуз аз дахолати мустақими низомӣ, ҳама усулҳоро истифода хоҳад кард, бовар дорад Дмитрий Суслов, муовини директори Маркази омӯзиши урупоӣ ва байналмилалии Мактаби олии иқтисодӣ.

"Таъкид ба сиёсати кумакҳои хориҷӣ ва созмонҳои ғайридавлатӣ мешавад, онҳо дар дастгирии инқилоби ранга фаъолтар хоҳанд шуд", - мегӯяд ӯ.

Ӯ бовар дорад, ки дар Сурия ИМА мустақиман бо режими Башор мубориза набурд, аммо ба нерӯҳои мухолиф кумак кард. "Ин як абзори қобили қабул боқӣ мемонад".

Ҳоло Вашингтон ҷонибдори мухолифон дар Русия, Белорус ва Венесуэла мебошад. Қаблан Иёлоти Муттаҳида алайҳи баъзе мақомоти Русия барои парвандаи Алексей Навалний таҳримот ҷорӣ карда буд. Светлана Тихановская бо сафири Амрико чораҳои маҳдудкунӣ нисбати президенти Белорус Александр Лукашенкоро баррасӣ кард.

Як рӯз пеш, Блинкен ба Хуан Гайдо, раҳбари мухолифини Венесуэла занг зад. Дар Чин ва Эрон ИМА ба созмонҳои ғайриҳукуматии ғарбӣ ва дигарандешон кумак мекунад.

Дар ҷое ин дастгирии яке аз тарафҳои ҷанги шаҳрвандӣ аст, дар ҷое - иғвои бӯҳрони сиёсӣ.

Сиёсати иттилоотӣ, таблиғот, дипломатияи мардумӣ. Таҳримҳо инчунин як воситаи муҳими густариши демократия мебошанд: онҳо ба он элитаҳое, ки мехоҳанд халос шаванд, зарба мезананд. Аммо Ироқу Либияи нав - чунин амалиёт нахоҳад буд, мегӯяд Дмитрий Суслов муовини директори Маркази омӯзиши урупоӣ ва байналмилалӣ, Донишгоҳи Миллии Тадқиқоти Мактаби олии Иқтисоди Русия.

Таърих нишон медиҳад, ки демократияро танҳо бо намунаи шахсӣ роҳандозӣ кардан мушкил аст - аз ҷудо кардани пул барои лоиҳаҳои хориҷӣ мушкилтар аст. Пас дастгирии молиявии нерӯҳои дӯстона, зоҳиран, воситаи асосии Департаменти давлатӣ хоҳад шуд.

189
Барчаспҳо:
роҳи демократия, демократия, роҳ, Русия, ИМА
Продавец наливает мед в банку, архивное фото

Шӯрои уламо гуфт, ҷазои асалфурӯшони сохтакор чист

0
(Таҷдидшуда 20:05 07.03.2021)
Шӯрои уламои Маркази исломии Тоҷикистон дар посух ба суоли корбарони сомонааш пдоши аъмоли мардумфиребиро гуфт, ки то куҷо хоҳад расид

ДУШАНБЕ, 7 мар — Sputnik. Мирзоумар, як корбари сомонаи Шӯрои уламо аз ин ниҳод суол кардааст, ки шакарро дар оташ ҷушонда ба он доруе омехта мекунанд, ки мисли асал мешавад, пас онро асали тоза гуфта мефурўшанд. Оё пули он ҳалол аст?

Шӯрои уламои Тоҷикистон посух додааст, ки Паёмбари акрам (с) дар ҳадисе фармудаанд: “Касе фиреб мекунад, аз мо нест”.

Пас, ҳар кору амале, ки дар он фиребу норостӣ вуҷуд дорад, баракате аз он ҳосил намешавад, ҳатто мумкин аст сабаби наҳсӣ дар зиндагӣ ва молу сарват ҳам гардад, таъкид кардааст, ин ниҳоди динии кишвар.

Манбаъ гуфтааст, ҳар касе панди "он чи ба худ написандӣ, ба дигарон написанд"-ро шиори зиндагии худ қарор диҳад, ҳаргиз ба ин гуна амали нораво даст намезанад.

Мавриди зикр аст, ки дар сомонаи Шӯрои уламо бахши суолу ҷавоб фаъол аст, ки корбарон дар он суолҳои худро аз бахшҳои гуногун ироа мекунанд. Ин ниҳод инчунин ба суолҳои дигари корбарон аз бахшҳои гуногун бо такя ба манобеи исломӣ посуху маслиҳат медиҳад.

Ёдовар мешавем, Вазорати умури дохилии Тоҷикистон аз ошкор шудани асалсозии сунъӣ хабар дод, ки барои як кило 10 сомонӣ харҷ мешаваду ба мардум чун асали куҳистон ба маротиб қиматтар фурӯхта мешавад.

Мурғи марҷону занбӯри асал: кӯмаки ҳукумати Тоҷикистон ба занони мӯҳтоҷи деҳот

Маъмурини милисаи ноҳияи Деваштич муайян кардаанд, ки шаҳрванд Қосимов Шаҳриёр, сокини 22-солаи ҷамоати деҳоти Росровути ноҳияи мазкур наздики як сол инҷониб бо истифода аз шакар, кислотаи лиму, оби нӯшокӣ ва иловагиҳои маззадиҳанда маҳсулоти ба асал монандро таҳия ва дар ҳудуди шаҳру ноҳияҳои Деваштич, Зафаробод, Спитамен, Ҷ.Расулов, Хуҷанд, Б.Ғафуров, Мастчоҳ ва Конибодому Исфара ҳамчун асали табиии дар шароити куҳистон истеҳсолшуда ба фурӯш мебаровардааст.

 

0