Мирзорахим Кузов, член Высшего и Исполнительного советов ПИВТ

Додгоҳи Олии Юнон наҳзатии боздоштшударо ба Тоҷикистон пас надод

244
(Таҷдидшуда 20:26 29.11.2017)
Додгоҳи Олии Юнон Шоҳнаъим Карим, узви Раёсати Олӣ ва узви Шурои иҷроии ҲНИТ-ро, ки Интерпол боздошт карда буд, ба Тоҷикистон истирдод накард

ДУШАНБЕ, 29 ноя — Sputnik. Ҳизби наҳзати исломии Тоҷикистон, ки фаъолияташ дар ҶТ қонунан мамнуъ шудааст, бо интишори баёнияе эълом карда, ки Додгоҳи Олии Юнон Мирзораҳим Кузов маъруф ба Шоҳнаъим Каримро озод кардааст.

"Додраси Додгоҳи Олии Юнон бо ҳайъати мушовара далелҳои пешниҳодии Ҳукумати Тоҷикистонро беасос ва сиёсӣ дониста, далелҳои пешниҳодии вакилони дифоъ ва шоҳидонро қонеъкунанда донист ва ҳукми озодии Кузовро содир намуд", — гуфта мешавад дар ин баёния.

Додгоҳи Олии Юнон Мирзораҳим Кузовро аз толори додсаро озод кардааст.

Шоҳнаъим Каримро, ки узви Раёсати Олӣ ва узви Шурои иҷроии ҲНИТ аст, Интерпол ё Пулиси байналмилал 9 октябр дар фурудгоҳи шаҳри Афина — пойтахти Юнон боздошт карда буд.  

Чанде пеш сарлашкар Абдуғаффор Азизов, раҳбари Дафтари миллии Интерпол дар ВУД ҶТ, эълом карда буд, ки 6 тан аз аъзои фаъоли ҲНИТ дар кишварҳои урупоӣ боздошт ва ба Тоҷикистон оварда шуданд.

ҲНИТ дар ин баёния ин иддиъоро радд карда ва гуфта "он воқеъият надорад".

244
Барчаспҳо:
Интерпол, Додгоҳи Олии Юнон, Интерпол, ҲНИТ, Шоҳнаъим Карим, Мирзораҳим Кузов, Тоҷикистон-Юнон
Мавзуъ
ВУД Тоҷикистон аз боздошти 6 тан аз фаъолони ҲНИТ дар Урупо хабар дод
Имомхатиб: ҲНИТ дар Тоҷикистон мехост мазҳаби шиъаро густариш диҳад
Мусозода Эронро муттаҳам ба мазҳабгустарӣ дар Тоҷикистон ва пуштибонии ҲНИТ кард
Мулоқоти Саидмукаррам Абдулқодирзода бо муфтии Истамбул дар бораи ҲНИТ ва табаддулотҳо