Бозор Собир, акс аз бойгонӣ

Намояндагони Сафорат то ҳол дар сари болини Бозор Собир ҳастанд

354
(Таҷдидшуда 19:21 10.04.2018)
Ҳафтаи гузашта хабар дода шуд, сафири фавқуллода ва мухтори Ҷумҳурии Тоҷикистон дар ИМА Фарҳод Салим ва намояндаи Тоҷикистон дар СММ дар паҳлӯи шоири бемор ҳастанд ва ба ӯ кӯмак мерасонанд

ДУШАНБЕ, 10 апр- Sputnik. Намоядаи Сафорати Ҷумҳури Тоҷикистон дар Иёлоти Муттаҳидаи Амрико дар як сӯҳбати кӯтоҳе ба Sputnik Тоҷикистон гуфт, то ҳол кормандони ниҳод дар бари шоир Бозор Собир ҳастанд.

Ёдрас мешавем, 5 апрел хабари бемории шоири тавонои тоҷик Бозор Собир дар расонаҳро ва шабакаҳои иҷтимоӣ паҳн гашт.

Тавре наздикони устод хабар доданд, аҳволи шоир вазнин буда, вай дар Шӯъбаи эҳёи яке аз бемористонҳои шаҳри Сиэтлии Амрико табобат мегиранд. Бозор Собирро  маризии қалб ранҷ медодааст.

Дар дунболи ин хабар, дафтари матбуотии раисҷумҳури Тоҷикистон, дастури қатъии кишвардор Эмомалӣ Раҳмонро мунташир кард. Раисҷумҳур ба роҳбарияти ВУХ ҶТ, Сафорати Тоҷикистон дар Амрико ва дигар масъулин супориши қатъӣ дод, ки ба аёдати Бозор Собир рафта, ӯро дастгирӣ ва кӯмак кунанд.

Ҳамин тавр, манбаъ, рӯзи 7 апрел як гузориши дигар мунташир кард, ки дар он гуфта мешуд, "ду рӯз мешавад, ки сафири фавқулодда ва мухтори Ҷумҳурии Тоҷикистон Фарҳод Салим, намояндаи Ҷумҳурии Тоҷикистон дар Созмони Милали Муттаҳид Маҳмадамин Маҳмадамин дар паҳлуи бемор қарор доранд ва ба ӯ кумаку ёрии ҳамаҷониба мерасонанд".

Аммо ҳамсӯҳбати Sputnik Тоҷикистон аз шарҳи бештари ин қазия худдорӣ кард ва дар бораи вазъи саломатии устод Бозор Собир маълумоте надод.

Ба гуфтаи вай, Сафорати ҶТ дар ИМА ҳама гуна маълумотҳои заруриро ба ВУХ Тоҷикистон ирсол мекунад, ки дар ҳолати зарурӣ мунташир хоҳад шуд.

Бозор Собир 20 ноябри соли 1938 дар деҳаи Сӯфиёни ноҳияи Файзобод ба дунё омадааст. Маълумоти миёнаро дар интернати давлатии шаҳраки Ҳисор ба даст овард ва соли 1962 Донишгоҳи миллии Тоҷикистонро дар риштаи забон ва адабиёти форсии тоҷикӣ хатм кардааст. Солҳо дар матбуот, аз ҷумла дар дафтари рӯзномаи "Маориф ва маданият", маҷаллаи "Садои Шарқ", ҳафтаномаи "Адолат" фаъолият намудааст. Соле дар кишвари Афғонистон ба сифати мутарҷим ифои вазифа доштааст. Аз соли 1979, ҳудуди даҳ сол, дар Иттиҳодияи нависандагони Тоҷикистон ба унвони мушовири бахши шеър кор кардааст.

354
Барчаспҳо:
бемор, табобат, Сафорати ҶТ дар ИМА, Бозор Собир, Тоҷикистон
Министр иностранных дел РФ Сергей Лавров

Лавров гуфт муносибати Русияву Амрико дар аҳди Байден чӣ гуна тағйир меёбад

272
(Таҷдидшуда 17:38 18.01.2021)
Вазири умури хориҷаи Русия тавзеҳ дод, ки муносибатҳои русия ва Амрико дар давраи Байден чӣ гуна тағйир меёбанд

ДУШАНБЕ, 18 янв — Sputnik. Сергей Лавров, вазири умури хориҷаи Русия зимни нишасти матбуотӣ аз чигуна сурат гирифтани муносибатҳои минбаъдаи Русия ва Амрико гуфт.

"Ба ҳама мерасад": Амрико дар изҳороти "агрессияи Русия" чиро пинҳон мекунад

Ба боварии Лавров моҳияти сиёсати Амрико нисбати Русия дар замони президенти тозаинтихоб Ҷо Байден низ бетағйир мемонад.

Ҳамзамон, вазири рус изҳори умедворӣ кард, ки рафтори он кишвар дар қиболи Русия боодобтар мешавад.

"Маълум аст, ки пешдастии давлати амрикоӣ шеваи зиндагии амрикоӣ идома хоҳад ёфт. Боздории Русия ва Чин бидуни шак ҷузъи таркибии сиёсати хориҷии ИМА хоҳад буд. Онҳо бар инанд, ки блояд коре кунанд то Русия ва Чин ба ҳадде муттаҳид нашаванд, ки худро тавонотар аз худи Амрико эҳсос кунанд", - тавзеҳ дод роҳбари ВУХ Русия.

Ҳамзамон, Лавров таъкид кард, ки Русия мунтазири пешниҳодҳои мушаххаси маъмурияти нави ИМА оид ба тамдиди Шартнома дар бораи чораҳои минбаъдаи коҳиш ва маҳдуд кардани яроқи стратегии ҳуҷум ва муколама оид ба суботи стратегӣ мебошад.

272
Барчаспҳо:
Русия, Амрико, муносибат, Сергей Лавров

ИМА манъи вуруд аз бархе кишварҳои мусалмониро бекор мекунад

137
(Таҷдидшуда 14:20 18.01.2021)
Ҷо Байден, раисиҷумҳури тозаинтихоби ИМА, ният дорад, манъи вуруди шаҳрвандони бархе аз кишварҳои мусалмониро бекор кунад

ДУШАНБЕ, 18 янв — Sputnik. Лағви манъи вуруд аз бархе кишварҳои мусалмонӣ аз нахустин қадамҳои Ҷо Байден дар мақоми раисиҷумҳури ИМА хоҳад буд, хабар додааст CNN.

Манбаъ афзуд, Байден дар рӯзи нахустини корияш инчунин бархе тағйироти ҷиддии дигарро анҷом доданист. Аз ҷумла зикр шудааст, ки ИМА ба созишномаи Париж дар бораи тағйирёбии иқлим бармегардад. Ин созишнома коҳиши партовҳо ба ҳаворо дар назар дорад.

Байден инчунин ният дорад, ба Конгресс тарҳи бузурги умури муҳоҷиратро пешниҳод кард, ки бар асоси он миллионҳо муҳоҷири беҳуҷҷат дар қаламрави ИМА метавонанд шаҳрвандии ин кишварро ба даст оранд.

Инчунин маълум шуд, ки Байден бархе дастуроти раисиҷумҳурии феълии ИМА-ро бекор карданист. Аз ҷумла баромадани ИМА аз Созмони ҷаҳонии тандурустӣ ва ғайраро.

Маросими савгандёдкунии раисиҷумҳури нави ИМА 20 январ дар назар аст. Ба далели пандемия ин маросим бо бархе тағйирот сурат хоҳад гирифт.

137
Барчаспҳо:
мусалмонон, қарор, президент, ИМА
Маруф Мухаммадзода

Таъйиноти кадрӣ дар ҳукумати Суғд: Маъруф Муҳаммадзода, вазифаи нав гирифт

0
(Таҷдидшуда 10:49 20.01.2021)
Маъруф Муҳаммадзода, собиқ раиси шаҳри Хуҷанд дар ҳукумати вилояти Суғд ба вазифаи нав таъйин шудааст

ДУШАНБЕ, 20 янв – Sputnik. Бино ба иттилоъи манобеи Sputnik Тоҷикистон бо қарори Раҷаббой Аҳмадзода раиси вилояти Суғд, Маъруф Муҳаммадзода мудири бахш оид ба сохтмон дар ҳукумати Суғд таъйин шудааст.

“Маросими муаррифии Муҳаммадзода ба мақоми нави вазифавӣ имрӯз дар ҳукумати вилояти Суғд доир шуд”, гуфт манбаъ.

Ба иттилоъи манбаъ, собиқ шаҳрдори Хуҷанд дар ин мақоми нави вазифавӣ дар ҳукумати Суғд, ба ҷойи Аминҷон Бобоҷонов таъйин шудааст.

Бо омадани Муҳаммадзода Бобоҷонов ба куҷо рафтааст, зимнан маълум нест. Маъруф Муҳаммадзода дар поёни соли 2017 раиси шаҳри Хуҷанд таъйин шуда то соли 2020 дар ин вазифа се сол кор кард.

Таъиноти кадрӣ аз Бонки миллӣ то Прокуратураи генералӣ: президент кадрҳоро ҷобаҷо кард

Санаи 18 ноябри соли 2020, ӯ бо фармони раисиҷумҳур Эмомалӣ Раҳмон аз ин мақоми шаҳрдорӣ барканор гардид ва ба ҷои ӯ Фирдавс Шарифзода, иҷрокунандаи вазифаи раиси шаҳри Хуҷанд таъйин шуд.

0