Президент Афганистана Ашраф Гани и глава Таджикистана Эмомали Рахмон

Раҳмон ба Ашраф Ғанӣ: сулҳи Афғонистон омили амнияти Тоҷикистон аст

69
(Таҷдидшуда 16:46 09.06.2018)
"Эмомалӣ Раҳмон дар оғози суҳбат иброз дошт, ки Тоҷикисон таъмини сулҳу суботро дар Афғонистонро омили амнияти кишвари худ ва тамоми минтақа медонад", - хабар медиҳад дафтари матбуотии раисҷумҳури Тоҷикистон

ДУШАНБЕ, 9 июн — Sputnik. Имрӯз, 9 июни соли дар шаҳри Чиндаои  Чин дар ҳошияи нишасти Шӯрои сарони давлатҳои аъзои Созмони Ҳамкории Шанхай  Эмомалӣ Раҳмон бо раисҷумҳури  Афғонистон Муҳаммад Ашраф Ғанӣ мулоқот кард.

"Эмомалӣ Раҳмон дар оғози суҳбат иброз дошт, ки Тоҷикисон таъмини сулҳу суботро дар Афғонистонро омили амнияти кишвари худ ва тамоми минтақа медонад", — хабар медиҳад дафтари матбуотии раисҷумҳури Тоҷикистон.

Гуфа мешавад, раисҷумҳур зарурати ҳамкории зич ва пайвастаи хадамоти амниятии Тоҷикистону Афғонистонро дар самти муборизаи муштарак бо терроризм, ифротгароӣ ва қочоқи ғайриқонунии маводи нашъаовар, инчунин пурзур кардани ҳифзи сарҳадоти давлатии Тоҷикистонро таъкид кард.

Ҷонибҳо  инчунин масъалаи таҳкими муносибатҳои дӯстонаи Тоҷикистону Афғонистонро дар соҳаҳои тиҷорату иқтисод, маориф, таълим ва фарҳанг, баррасӣ карданд.

Дар ҷараёни мулоқот татбиқи тарҳҳои зербиноии миллию минтақавии энергетикӣ, тақвияти ҳамкории тиҷоратию иқтисодии байни ду кишвар махсус  дар бахши энергетика, аз ҷумла лоиҳаи "САSA-1000", роҳандозии лоиҳаҳои нақлиётӣ, роҳи оҳани "Тоҷикистон — Афғонистон — Туркманистон" ҳамчун омили беҳсозии вазъи иқтисодию иҷтимоии Афғонистон маънидод карда шуд.

69
Барчаспҳо:
мулоқот, Ашраф Ғанӣ, Эмомалӣ Раҳмон, Афғонистон, Тоҷикистон
Министры иностранных дел России и Таджикистана Сергей Лавров и Сироджиддин Аслов

Нотаи Тоҷикистон ба Русия: Душанбе тарафи сеюмро дар марз номақбул хонд

1088
(Таҷдидшуда 21:05 29.05.2020)
Вазорати умури хориҷии Тоҷикистон изҳороти Сергей Лавров, вазири умури хориҷии Русия дар мавриди миёнаравӣ дар масоили марзи Тоҷикистону Қирғизистонро номақбул хонда, таъкид кардааст, ки гуфтушунидҳои марзӣ кори дохилии ду давлат мебошад

ДУШАНБЕ, 29  май — Sputnik. Вазорати умури хориҷии Тоҷикистон 29 май бо ирсоли як нота ба Вазорати умури хориҷии Русия пешниҳоди миёнаравии Сергей Лавровро ғайри қобили қабул хондаст.

Душанбе дар нота ба унвонии Маскав инчунин таъкид кардааст, ки масъалаи марз дар ҷаласаи Шӯрои вазирони умури хориҷии СПАД баррасӣ нашуда буд, ки баъдан Лавров дар бораи он изҳори назар кард.

Тоҷикистон дар нота унвонии Русия баён доштаст, ки ҷалби тарафи сеюмро ба ҷараёни гуфтушунид дар масоили марзии Тоҷикистону Қирғизистонро мувофиқи мақсад намедонад.

Таъкид шуд, масоили аломатгузорию муайянсозии марз кори дохилии кишварҳои узви СПАД буда, танҳо тариқи дуҷониба амалӣ мешавад.

ВУХ афзуд, ба самъи ҷониби Русия расонда шуд, ки гуфтушунидҳои марзии Тоҷикистону Қирғизистон мунтазам дар доираи Комиссияи байниҳукуматӣ бо такя ба таҷрибаи пешрафтаи ҷаҳонию воситаҳои ҳуқуқӣ амалӣ мешаванд.

Қаблан Сергей Лавров, вазири умури хориҷии Русия дар пайи ҷаласаи СПАД зимни нишасти матбуотӣ аз Тоҷикистон ва Қирғизистон даъват кард, ки дар марз аз истифодаи силоҳ даст кашанд ва Русия омода аст, ҳамчун миёнрав бошад.

"Ин вазъ дар марзи Тоҷикистону Қирғизистон, мутаассифона бори аввал нест. Мо аз шариконамон даъват меорем, ки онҳо роҳи маслиҳатомезро пеш гиранд ва ҳарчи тавонанд аз истифодаи қувва худдорӣ кунанд. Мо омодаем ҳамчун миёнрав хизмат кунем. Ҳарчи зудтар вазъият ба эътидол ояд, ҳарчи беҳтар аст. Дар ин бора имрӯз ба дӯстонамон ҳам гуфем", - таъкид кардааст Лавров.

Ин дар ҳолест, ки  24 май дар марзи Тоҷикистону Қирғизистон таниши навбатӣ ба миён омад, ки дар натиҷа ҷавонзани 25-сола шаҳрванди Тоҷикистон маҷруҳ шуд.

1088
Барчаспҳо:
Тоҷикистон
Премьер-министр Таджикистана Кохир Расулзода

Расулзода бо ҳамтоёнаш оқибатҳои буҳронро баррасӣ кард

142
(Таҷдидшуда 16:56 29.05.2020)
Қоҳир Расулзода, сарвазири Тоҷикистон, 28 май дар машварати сатҳи баланди виртуалӣ таҳти унвони “Маблағгузорӣ барои рушд дар даврони COVID-19 ва марҳалаҳои минбаъда” суханронӣ намуд

ДУШАНБЕ, 29  май — Sputnik. Чорабинии мазкур бо ибтикори дабири кулли СММ Антониу Гутерриш, сарвазири Канада Ҷастин Трюдо ва сарвазири Ҷамайка Эндрю Холнесс доир карда  шуд, хабар додааст “Ховар”.

Манбаъ афзуд, ки дар машварат, аз ҷумла роҳбарон ва сарвазирони Тоҷикистон, Олмон, Фаронса, Ҷопон, Италия, Британияи Кабир, Покистон , Қирғизистон, Беларус, Арабистони Саудӣ ва ғайра, инчунин роҳбарони Хазинаи байналмилалии асъор, Созмони ҳамкории иқтисодӣ ва рушд, Бонки ҷаҳонӣ  ва дигар институтҳои молиявии ҷаҳон ширкат  варзиданд.

“Сарвазири Ҷумҳурии Тоҷикистон  зимни суханронии хеш дар машварат оид ба иқдомҳои Ҷумҳурии Тоҷикистон ва ҷомеаи ҷаҳонӣ дар заминаи пешгирии шуюи бемории ҳамагири COVID-19 ва паёмадҳои иқтисодӣ ва иҷтимоии он ба кишвар изҳори назар кард”, - омадааст дар иттилоия.

Манбаъ тавзещ дод, ки машварат дар се бахш гузаронида шуда, қарору тасмимҳои вобаста ба вазъи фавақулодаи бар асари пандемияи COVID-19 баамаломада ва рафъи оқибатҳои он мавриди баррасӣ қарор гирифтанд.

142
Барчаспҳо:
оқибатҳо, СММ, Тоҷикистон