Саидмукаррам Абдукодирзода, раиси Шӯрои уламо, акс аз бойгонӣ

Аз хатари ихтилоф то буздилӣ: даъвати Абдулқодирзода ба фармонбардорӣ

281
(Таҷдидшуда 12:39 10.07.2018)
Раиси Шӯрои уламо шаҳрвандонро ба фармонбардорӣ аз Худо ва Расул даъват намуда, аз хатари низоъ ва ихтилоф ҳушдор додааст

ДУШАНБЕ, 10 июл — Sputnik. Саидмукаррам Абдуқодирзода, раиси Шӯрои уламои Маркази исломии Тоҷикистон, бо нашри як матлаб дар бораи хатари ихтилофу парокандагӣ ва аҳамияти ваҳдат изҳори назар кардааст.

Абдуқодирзода дар сомонаи Кумитаи дини Тоҷикистон шаҳрвандонро ба фармонбардорӣ аз Худо ва Расул даъват намуда, аз хатари низоъ ва ихтилоф ҳушдор додааст.  

"Ҳамин гуна таъкид дар ояи 46-уми сураи "Анфол" низ омадааст: "Ва ба Худову расули Ӯ фармонбардорӣ кунед ва бо якдигар низоъ макунед, ки (дар ин сурат) буздил шавед ва давлату қуввати шумо биравад ва шикебоӣ варзед! Ба дурустӣ, ки Худо бо шикебоён аст",-изҳор доштааст раиси Шӯрои уламо.

Абдуқодирзода таъкид намудааст, ки Ислом дар зоти худ парокандагиро намехоҳад ва онро бузургтарин нуқсони зиндагии ҷомеа меҳисобад.

"Инро Худованди таъоло дар Қуръони карим таъкид намудааст: "Ва монанди касоне мабошед, ки баъд аз он ки ба онҳо ҳуҷҷатҳо омад, пароканда шуданд ва бо якдигар ихтилоф карданд ва он гурӯҳро азоби бузург аст",-ҳушдор додааст раиси Шӯрои уламо.

Дар мавриди Ваҳдати миллӣ дар Тоҷикистон Абдуқодирзода изҳор доштааст, ки он натиҷаи хирад, заковат ва неруи сулҳдӯстии мардуми тоҷик мебошад. Ба гуфтаи ӯ, кори сулҳ аз ҳама бештар аз роҳбарияти олии сиёсии мамлакат ҷаҳду талошҳои муҳофизати миллату давлатро тақозо мекард, зеро сарнавишти кишвар дар ҳолати пуртаҳлукаи ҳастиву нестӣ қарор дошт.

Раиси Шӯрои уламо изҳороти ахири раисиҷумҳури Тоҷикистонро дар Конибодом зикр кардааст, ки ҳукумат маҷмӯан бо ИНОТ, яъне Иттиҳоди неруҳои мухолифин санади сулҳ имзо кардааст, на бо ҳизби хиёнаткори наҳзат.

Ба гуфтаи Абдулқодирзода ин посухи раисиҷумҳур  даъвои подарҳавои онҳоеро инкор мекунад, ки сулҳу ваҳдати миллиро ба чанде аз хоинону бадхоҳони миллат нисбат медиҳанд.

"Агар ҳизби наҳзат ҷонибдори ваҳдату ҳамбастагӣ мебуд, ба ҳеҷ ваҷҳ муқобили арзишҳои милливу давлатӣ намебаромад ва сиёсати зиддимиллиро пеш намегирифт. Бадхоҳи касон ҳеҷ ба мақсад нарасад- мегӯянд дар урфият. Ин ҳикмат зодаи хиради мардумист ва он дар зеҳни миллат ҷовидон мемонад",- хулоса кардааст раиси Шӯрои уламо.

281
Барчаспҳо:
Абдулқодирзода, сиёсат, амният, тоҷик, Шӯрои уламо, Саидмукаррам Абдулқодирзода, Тоҷикистон
Президент Республики Таджикистан Эмомали Рахмон

Президенти АМА Эмомалӣ Раҳмонро шодбош гуфт

97
(Таҷдидшуда 18:46 19.10.2020)
Алифа бин Зойид Оли Наҳён саломатии бардавому хушбахтӣ ва ба Ҳукумату мардуми дӯсти Ҷумҳурии Тоҷикистон рушду шукуфоии минбаъдаро таманно кард

ДУШАНБЕ, 19 окт — Sputnik. Президенти Аморати Муттаҳидаи Араб Алифа бин Зойид Оли Наҳён раисҷумҳури Тоҷикистон Эмомалӣ Раҳмонро ба муносибати дигарбора интихоб шуданаш ба мансаби президентӣ шодбош гуфт. Дар ин бора дафтари матбуоти раисҷумҳури Тоҷикистон иттилоъ медиҳад.

"Боиси хушҳолии беинтиҳо ва шарафи бузурги ман аст, ки Шуморо ба муносибати муҷаддадан интихоб шуданатон ба давраи нави президентӣ самимона табрик намоям. Ба Ҷаноби Олӣ саломатии бардавому хушбахтӣ ва ба Ҳукумату мардуми дӯсти Ҷумҳурии Тоҷикистон рушду шукуфоии минбаъдаро хоҳонам”, - омадааст дар номаи шодбошии президенти АМА.

Президенти Бонки Исломии Рушд Др.  Бандар М. Ҳ. Ҳаҷҷор низ кишвардори Тоҷикистонро ба ин муносибат табрик гуфтааст.

Ба бисёрзанӣ иҷозат медиҳам: нахустин номзад ба президентӣ кадом ваъдаҳоро додааст?

Ӯ омодагии худро ҷиҳати тақвияти ҳамкорӣ бо Ҷумҳурии Тоҷикистон, махсусан дар доираи тадбирҳои таъхирнопазири дастёбӣ ба истиқрору рушди иқтисодӣ дар марҳилаи пас аз пандемияи COVID-19 изҳор доштааст.

97
Абдулла Абдулла со сторонниками, на церемонии приведения к присяге на пост президента Афганистана в Кабуле

Абдуллоҳ Абдуллоҳ ба Теҳрон сафар кард

149
(Таҷдидшуда 16:31 18.10.2020)
Раиси Шӯрои олии мусолиҳаи миллии Афғонистон пеш аз ин сафар ҳам ба Ҳинд ва Покистон сафар карда буд

ДУШАНБЕ, 18 окт — Sputnik. Раиси Шӯрои олии мусолиҳаи миллии Афғонистон субҳи имрӯз якшанбе дар садри ҳайате озими Ҷумҳурии Исломии Эрон шуд.

Абдуллоҳ Абдуллоҳ қарор аст дар ин сафар бо раисиҷумур, вазири умури хориҷа, раиси маҷлис ва дабири Шӯрои амнияти миллии Ҷумҳурии Исломии Эрон дидор ва дар бораи охрин таҳаввулоти Афғонистон, раванди музокироти сулҳ ва зарурати иҷмоъ ва ҳимояти минтақаӣ аз ин раванд гуфтугӯ кунад.

Раиси Шӯрои олии мусолиҳаи миллии Афғонистон пеш аз ин ҳам ба Ҳинд ва Покистон сафар карда буд.

Абдуллоҳ Абдуллоҳ бозгашти “низоми иморати Толибон”- ба Афғонистонро рад кард

Музокироти сулҳ миёни давлати Афғонистон ва Толибон дар Қатар аз ҳудуди як моҳи пеш оғоз шуда ва то кунун ҳеч дастоварде надошта ва ҳамин мавзӯ боиси нигаронии мардум шудааст.

Огоҳони сиёсии Афғонистон бар ин боваранд, ки нақши Ҷумҳурии Исломии Эрон дар раванди сулҳи Афғонистон роҳгушо аст ва Эрон метавонад дар сулҳ ва таъмини суботи пойдори Афғонистон нақши таъйинкунанда дошта бошад.

149
Автомобили на проезжей части, архивное фото

Шарҳи ВКД дар бораи садамае, ки ҷони Диловари Зуҳуриёнро гирифт

0
(Таҷдидшуда 11:45 20.10.2020)
Вазорати корҳои дохилаи Тоҷикистон иттилоъ додааст, ки дар мошин ҳамроҳ бо оҳангсоз овозхон Диловари Зуҳуриён боз як нафари дигар ҳузур дошт, ки низ дар ҷои ҳодиса ба ҳалокат расид

ДУШАНБЕ, 20 окт — Sputnik. Бино бар иттилои Вазорати умури дохилаи Тоҷикистон садамаи маргбор санаи 19-уми октябри соли равон, тахминан соати 01:00 шаб рӯх додааст.

Тибқи иттилои манбаъ, ронандаи худрави "Мерседес-бенс", Зуҳуров Диловар Тағоймуродович, соли таваллудаш 1974, сокини ноҳияи Данғара, ҳангоми ҳаракат дар роҳи "Душанбе-Ваҳдат-Кулоб", дар ҳудуди деҳоти Бурунови шаҳри Ваҳдат аз уҳдаи идораи нақлиёт набаромада ба боркаши "Шакман", бархӯрдааст.

Мошини боркаш таҳти идораи Орифов Бахтиёр Ибрагимович, соли таваллудаш 1988, сокини ноҳияи Рӯдакӣ будааст.

"Дар натиҷа ронандаи автомашинаи тамғаи "Мерседес-бенс", Зуҳуров Д.Т ва мусофираш Зокиров Искандар Ҷобирович, соли таваллудаш 1970, сокини шаҳри Душанбе ҷароҳатҳои гуногуни ҷисмонӣ бардошта, дар ҷойи ҳодиса ба ҳалокат расидаанд", - омадааст дар хабарнома.

Манбаъ афзуда, ки аз руи ҳодисаи мазкур таҳқиқот идома дорад.

 

0
Барчаспҳо:
ҳалокат, нақлиётӣ, садама, Тоҷикистон