Варшава, акс аз бойгонӣ

Таъсиси созмони нав дар Полша алайҳи наҳзатиҳо ва ба ҷонибдорӣ аз раисиҷумҳури Тоҷикистон

1132
(Таҷдидшуда 14:51 10.09.2018)
Гуруҳи ҷавонони Тоҷикистон дар Полша алайҳи гуруҳҳои зиддиконститутсионӣ ва ба ҷонибдории сиёсати раисиҷумҳур Эмомалӣ Раҳмон рӯзи 9 сентябри соли равон "Ҷамъияти донишҷӯёни тоҷик"-ро таъсис додаанд

ДУШАНБЕ, 10 сен — Sputnik. Дар изҳороти "Ҷамъияти донишҷӯёни тоҷик"-и Полша, ки хабаргузории давлатии "Ховар" нашр намудааст, иттилоъ дода шуд, ки ҷамъияти навтаъсис, сиёҳкории гуруҳҳои зиддиконститутсионӣ дар Аврупоро маҳкум мекунад.

Гуруҳи донишҷӯёни тоҷик, ки худро 270 нафар гуфтаанд, изҳор доштаанд, ки ҷамъиятро барои ояндаи дурахшони Тоҷикистон таъсис додаанд.

"Фаъолияти ноҷавонмардона ва амалҳои иғвоангези гуруҳҳои зиддиконститутсионии Тоҷикистон, бахусус фаъолону роҳбарони ҳизби террористию экстремистии наҳзати исломиро, ки дар кишварҳои Аврупо худро паноҳандаи сиёсӣ муаррифӣ карда, Ватани худ, миллати худ, халқи худ, қавми худ, давлати худ ва тамоми арзишҳои ватандориро дар назди ҷомеаи Аврупо сиёҳ мекунанд, ҳамзамон барои равнақи Точикистону ободию осиштагии сокинони кишвари азизамон бо ҳар роҳ монеа эҷод мекунанд, бо чашми худ дар  Полша дида ва эҳсос карда, нангу номус, ифтихори ватандорӣ ва ҳуввияти миллии мо, донишҷӯёни тоҷик боло гирифт ва моро нагузошт, ки ба ояндаи Ватанамон бетарафӣ намоем", — омадааст дар изҳорот.

Онҳо таъкид намудаанд, ки зуҳуроти терроризму экстремизм, нооромӣ, бесуботӣ, иғвоангезӣ, ҷудоиандозӣ ва бенизомиро, ки роҳбарони ҳизби террористию экстремистии наҳзати ислом дар кишварҳои Аврупо пешаи худ қарор додаанд, маҳкум карда, маҳз барои рушди Тоҷикистон талош меварзанд.

Аъзоёни ин ҷамъият афзудаанд, ки барои дастгирӣ ва ҷонибдории сиёсати созандаи Эмомалӣ Раҳмон, раисиҷумҳури Тоҷикистон муттаҳид шуда, тамоми қувваю дониш ва иродаи худро барои рушди Ватан равона мекунанд.

"Дар назди Ватану миллат ваъда медиҳем, ки дар кишвари  Полша бо сари баланд таҳсил карда, барои муарифӣ намудани миллати тоҷик дар арсаи ҷаҳонӣ бо роҳи ноил шудан ба дастовардҳои бузург кӯшиш мекунем", — омадааст дар изҳорот.

Дар зери изҳорот номи чор нафар —  Эмомалӣ Эмомзода, Муминҷон  Абдуғаффоров, Суҳроб Рустамов ва Мавлуда Ашӯрова зикр шудааст.

Таъсиси ҷамъияти нав дар ҳолест, ки гуруҳҳои мухолиф ахиран дар Полша аз таъсиси иттиҳоди нав зери унвони Паймони миллии Тоҷикистон иттилоъ доданд.

Инчунин феълан дар Варшава ҷаласаи солонаи САҲА дар бораи ҳуқуқи инсон ҷараён дорад, ки дар он баробари ҳайати расмии Тоҷикистон аъзои созмонҳои дар кишвар мамнуъ низ иштирок мекунанд.

Ба ҳайати расмии Тоҷикистон дар ин ҷаласа Низомиддин Зоҳидзода, ноиби аввали вазири умури хориҷӣ, Вафо Ниятбекзода, сардори Раёсати таҳлил ва иттилооти ВКХ, Рустам Азизӣ, ноиби мудири Маркази исломшиносӣ, собиқ аъзои ҲНИТ, устоди Донишгоҳи исломӣ Абдураҳим Каримов, Мавлавӣ Айёмиддин ва дигарон шомил мебошанд.

1132
Барчаспҳо:
Полша, Варшава, ҷамъиятӣ, донишҷӯёни тоҷик, тоҷикон, Тоҷикистон
Национальный флаг Китая

Қарор шуд: Чинро даҳдаста буғӣ мекунанд, оё Русия ҳам даъват мешавад?

558
(Таҷдидшуда 18:44 05.08.2020)
Дар заминаи дарк намудани ногузирии Ҷанги сард бо Чин, ки эҳтимолан таҳримҳо, маҳдудиятҳои равобити иқтисодӣ ва муқовиматро дар пай хоҳад дошт, ҷомеаи коршиносони ғарбӣ, дар ҷустуҷӯи роҳи пирӯзӣ бар Пекин ҳастанд

ДУШАНБЕ, 5 авг — Sputnik. Қариб ҳама имконоти "буғӣ кардани Чин", ки дар Вашингтон, Брюссел ва Лондон баррасӣ мешаванд, созмони эътилофи бузургеро дар назар дорад, ки бо қувваи коллективӣ барои нест кардани Чин равона мешавад, чуноне бо ИҶШС шуда буд.

Аммо, агар дар сатҳи баъзе принсипҳои роҳнамо ҳеҷ гуна гуногунӣ мушоҳида нашавад, дар сатҳи татбиқи мушаххаси ин принсипҳо мушкилии ҷиддӣ ба миён меояд, ки ҳалли онҳо найзаҳои президентҳо, сарвазирҳо, дипломатҳо ва таҳлилгаронро мешиканад.

Гап сари ин, ки дар бахре аз пойтахтҳои кишварҳои Урупо ва дар "марказҳои пажӯҳиши" - и ИМА аллакай дарк мешавад, ки баъзе аз давлатҳои Иттиҳоди Урупо (аз қабили Олмон, Фаронса ва Италия) ва ҳамчунин чанде аз кишварҳои Осиё аз чӣ бошад, намехоҳанд дар Ҷанги сард бар зидди Чин чун пешоҳангҳои ИМА ширкат кунанд.

Зиёда аз ин, онҳо намехоҳанд, ки барои пирӯзии ИМА дар ин ҷанг пул пардохт кунанд (ки он дар ҷанҷолҳои абадии Олмон ва Фаронса барои пардохти ду фоизи ММД барои "боми низомии" Амрико хуб мушоҳида мешавад) ва онҳо ҳатто омода нестанд, ки қатъиян содироти Huawei - и Чин барои шабакаҳои 5G - ро манъ кунанд, ки албатта Вашингтон ва Лондонро  бениҳоят ба хашм меорад.

Дар заминаи изҳороти урупоӣ дар бораи созмони қувваҳои мусаллаҳи худӣ ва Декларатсияи Макрон оиди хоҳиши бурдани сиёсати мустақил (яъне на бо Чин ва на бо Амрико) гумонҳо оиди он, ки ташкили эътилофи зидди Чин бисёр душвор ва гарон хоҳад буд, рӯз аз рӯз афзун мешавад ва дар баробари ин ҷустуҷӯи ҳалли ин мушкил низ тақвият меёбад.

Нашриёти бонуфузи Foreign Affairs, ки таҳти назорати маркази Council on Foreign Relations ("Шӯрои муносиботи байналмилалӣ") ду роҳи ҳалли ин масъаларо нишон медиҳад, ки якеро роҳи "Доналд Трамп" ва дигареро "Борис Ҷонсон" номидан мумкин аст.

Бо назардошти таъсири бузурги Council on Foreign Relations ба тафаккури элитаи амрикоӣ ва ҷонибдорони онҳо дар Урупо (худи маркази "фикрҳо" қариб чун "сояи ҳукумати ИМА" пиндошта мешавад), бояд ба методҳое назар кард, ки барои ҳалли ин бӯҳрон пешниҳод мешаванд, чун ба Русия муносибат дорад.

Ба мақолаи нави Foreign Affairs, ки таҳти унвони "Шӯрои демократия метавонад гуногуниро дар муносиботи байналмилалӣ ҳифз кунад", роҳҳои пешниҳодшуда ба нигоҳ доштани қудрати Амрико камаш дар ҷаҳони Ғарб нигаронида шудааст.

Муаллифони нашриёти бонуфузи Амрикоӣ баҳсро аз ҷое оғоз мекунанд, ки тартиботи кунунии ҷаҳонӣ гулӯгир мешавад ва таҳдиди аслӣ имрӯз на коронавирус, балки Русия ва Чин мебошад.

"Вале то ҳамагирии коронавирус низ, он низоми гуногунҷабҳае, ки бо кумаки Амрико пас аз хотимаи Ҷанги дуюми ҷаҳонӣ сохта шуд, базӯр аз уҳдаи ҳалии мушкилот мебарояд. COVID - 19 нишон дод, ки подшоҳ - бараҳна аст, вале дар асл подшоҳ чанд вақт боз либоси тунук дошт".

G7, ки пас аз шоки нафтии соли 1973 созмон дода шуд, то ҳол берун аз минтақаи Урупо як аъзо - Ҷопонро дорад. "Бистгонаи бузург", ки пас аз бӯҳрони соли 1997 дар Осиё созмон ёфт, қадру қиммати худро замони буҳрони иқтисодии соли 2008 нишон дода, аз нигоҳи сиёсӣ ва нуқтаи назари қобилияти ҳалли мушкилоти байналмилалӣ хеле номувофиқ дониста шуд. Дар ҳамин ҳол, эҳё шудани авторитаризм дар Русия ва Чин  Шӯрои амнияти СММ - ро аз пой зад".

Ин бисёр ташхиси ҷасурона аст, ки бо суханони зер гуфа мешавад: Ҳамаи чиз аз даст рафт ва чизе кор намекунад!.

Ва албатта ду роҳи ҳал пешниҳод мешавад, яке аз ҷониби Ҷонсон ва дигаре аз тарафи Трамп.

"Ҷонсон нахустин шуда моҳи май пешниҳод кард, эътилофе иборат аз даҳ кишвари демократӣ созмон дода шавад, ки аз кишварҳои узви G7 ва Австралия, Индия ва Куреи Ҷанубӣ ташкил шуда D10 номгузорӣ шавад, то дар соҳаи алоқа алтернативаи Huawei - ро дошта бошад. Пасон Трамп вохӯрии  G7-ро, ки бояд моҳи июн баргузор мешуд, лағв кард ва ба ҷои он баргузории формати  G11 дар тирамоҳро пешниҳод кард. Аз пешниҳоди Ҷонсон пеш гузашта Трамп хостори воридшавии ҳамаи кишварҳои зикршуда ва боз Русия шуд".

Коршиносони Foreign Affairs ворид кардани Русияро ба ин эътилоф тавсия намедиҳанд, вале онҳо формати  "D10" - ро хуш доранд, яъне пешниҳоди Ҷонсонро. Маънои тавсия ин аст, ки ҳатто агар Русияро барои дар барномаи зидди Чин ширкат кардан бовар кунонанд ҳам, пешниҳоди Трамп бисёр бад аст ва дар оянда бенатиҷа хоҳад буд, чун бар зидди Чин аст, вале пешниҳоди Ҷонсон беҳтар менамояд чун ин эъттилоф на бар зидди Чин, балки "эътилоф ба хотири хубиҳо" хоҳад шуд.

Албатта ин ҷо сухан дар бораи шиорҳои хушки "Демократия", "Озодӣ" ва "Ҳуқуқи инсон" хоҳад рафт. Аҷибаш ин, ки ин пешниҳод муқобили сиёсати ҳозираи хориҷии Вашингтон гузошта шудааст: "ИМА метавонад бар зидди барномаи сармоягузории чинии "Як камарбанд-як роҳ" ва тарҳи "Северный поток — 2", ки Русия дастгирӣ мекунад, муқобилият нишон диҳад, вале барои онҳо ба ҷонибдории худ кашидани дигар кишварҳо мушкил хоҳад буд, агар барномаеро пешниҳод насозанд. Вашингтон наметавонад бидуни истифодаи ҳеҷ чиз бар чизе пирӯз шавад".

Мушкили ин равиш дар он аст, ки намешавад "Демократия" ва "Озодӣ"- ие, ки дар ИМА сохта мешавад барои Олмон гази Русия ва барои Италия сармоягузории чиниро иваз кунад.

Ин ҷо маблағи амрикоиҳо ба кор меомад, вале ба Вашингтон чунин муносибат лозим нест, новобаста аз насаби президенти оянда: ба Байден ва Трамп мустамлика лозим аст, ва бозгардонии Иттиҳоди Урупо ба ин сатҳ чӣ дар доираи D10 ва чӣ  G11, номумкин аст, дар бораи Русия умуман бояд чизе нагуфт.

558
Барчаспҳо:
буғӣ кардан, Русия, Чин

Байден ба Трамп: Голфбозӣ бас аст, коратро анҷом бидеҳ

250
Номзади Ҳизби демократ дар интихоботи раёсатҷумҳурии Амрико бо интиқоди шадид аз амалкарди раиси ҷумҳури ин кишвар дар муқобила бо вируси корона аз ӯ хост ба ҷои голфбозӣ кардан вазифаҳояшро анҷом диҳад

ДУШАНБЕ, 2 авг — Sputnik. Ҷо Бойден дар як паёми твиттерӣ бо интиқоди шадид аз амалкарди Доналд Трамп навиштааст "дарёфти мукофотпулии бекорӣ барои миллионҳо нафар нимашаб ба поён мерасад. 

Мо як барномаи муассир дар сатҳи миллӣ барои гирифтани тест (корона) ё ҳатто як барнома барои контроли ин вирус надорем. Коркунони ҳавзаи саломат ва беҳдошти мо ҳануз таҷҳизоти кофии ҳифозати шахсӣ надоранд. Сафарҳои охири ҳафта барои голфбозӣ кардан дигар бас аст. Оқои раиси ҷумҳур коратро анҷом бидеҳ", менависад шабакаи Алъолам.

Бойден ҳамчунин навишт: Имрӯза иҷораҳо боло рафтааст. Доналд Трамп масъулияти раҳбарӣ кардани мо барои хориҷ шудан аз буҳрони КОВИД-19-ро раҳо кардааст ва мо акнун ба хотири ҳамин бо буҳрони маскан ва иҷора мувоҷеҳ ҳастем. Оқои раиси ҷумҳур ҳамин алъон иқдом бикун то амрикоиҳо маҷбур набошанд байни боми болои сарашон ё ғизо рӯи мизашон, якеро интихоб кунанд.

Пешгӯии Трамп амалӣ мешавад? фавти 865 маризи коронавирус дар Амрико давоми як шабонарӯз

Трамп ва аъзои давлати Амрико, ба иллати амалкарди заиф дар муқобила бо вируси корона дар рӯзҳои ахир ба шиддат мавриди интиқод қарор гирифтаанд.

Омори  донишгоҳи Ҷонз Ҳопкинз нишон медиҳад маҷмуъи мубталоён ба КОВИД-19 дар Амрико ба 4 миллиону 620 ҳазору 239 нафар расида ва шумори қурбониён аз 154 ҳазору 360 нафар гузаштааст.

250
Парламентские выборы в Таджикистане

Замони баргузории интихоботи президентӣ дар Тоҷикистон эълон шуд

0
(Таҷдидшуда 12:06 06.08.2020)
Замони баргузории интихоботи президентӣ дар Тоҷикистон имрӯз зимни баргузории ҷаласасаи навбатии порлумони кишвар дақиқ шуд

ДУШАНБЕ, 6 авг — Sputnik. Бино ба иттилои манобеи Sputnik Тоҷикистон аз дастгоҳи Маҷлиси миллӣ қарори баргузории интихоботи президентӣ дар Тоҷикистон  дар иҷлосияи муштараки ҳар ду палатаи парлумони Тоҷикистон қабул гардид

Ба иттилои манбаъ, бар асоси қаророри қабулгашта интихоботи навбатии президентӣ дар кишвар рӯзи 11 октябри соли 2020 баргузор мешавад.

Гуфта мешавад, иҷлосия таҳти раёсати раиси Маҷлиси миллии Тоҷикистон Рустами Эмомалӣ сурат гирифт.

Дар пайи қабули қарори баргузории интихоботи президентӣ аҳзоби сиёсӣ, иттифоқҳои касаба, вилоятҳои Суғду Хатлон, ВМКБ ва шаҳри Душанбе метавонанд номзадҳои худ ба курсии президенти Тоҷикистон пешниҳод кунанд.

Ёдовар мешавем, интихоботи пешини сарвари давлати Тоҷикистон рӯзи 6 ноябри соли 2013 баргузор шуда буд, ки Эмомалӣ Раҳмон дигарбораи раисиҷумҳур интихоб гардид.

0