Рустам Азизӣ

"Гуфт, гӯшатро мебурам": шарҳи Рустам Азизӣ дар бораи занозании мухолифин бо дипломатҳо

1544
(Таҷдидшуда 21:24 12.09.2018)
Рустам Азизӣ, ноиби мудири Маркази исломшиносӣ, узви ҳайати расмии Тоҷикистон дар ҷаласаи САҲА дар Варшава, занозанӣ миёни фаъолони Ҳизби мамнӯи наҳзати исломӣ ва дипломатҳои тоҷикро шарҳ дод

ДУШАНБЕ, 12 сен — Sputnik. Рустам Азизӣ, мудири Маркази исломшиносии назди раисиҷумҳури Тоҷикистон мегӯяд, муноқишаи ахир дар ҳошияи ҷаласаи САҲА дар Варшава, ба муносиботи Тоҷистону ин созмон халал ворид нахоҳад кард.

Ӯ дар шарҳи занозанӣ ба Sputnik Тоҷикистон гуфт, 11 сентябр замоне ҳайати расмии Тоҷикистон аз маҷлисгоҳи САҲА берун мешуд, яке аз фаъолони мухолифин — Сулаймони Орзу ба дасти Аёмиддин Сатторов, собиқ узви раёсати ҲНИТ (ҳизби дар Тоҷикистон мамнӯи наҳзати исломӣ) коғазе бо навиштаҷоти "зиндониҳои сиёсиро озод кунед",  дод ва хост  акс бардорад.

Аммо як намояндаи Тоҷикистон ин амали фаъоли сиёсиро таҳқир ҳисобида, коғазро аз дасти Айёмиддин Сатторов гирифта партофтааст.

Ба гуфтаи Рустам Азизӣ дар ҳамин лаҳза фаъоли наҳзатӣ дар хитоб ба намояндаи Тоҷикистон гуфт, "агар як бори дигар ин коратро кунӣ гӯшатро мебурам".

Дар пайи ин миёни тарафҳо раддубадале шуду муноқиша рух дод.

"Ман наметавонам бигӯям, ки ин иғвоангезии барқасдона буд, ё қазияи худҷӯш. Аммо бештар ба иғвоангезӣ монанд буд, чун аъзои мухолифин қасдан ба намояндагони Тоҷикистон таҳдид мекарданд.  Ба ҳар сурат занозании шадиде нашудааст, танҳо як шаппотӣ буд ва дарҳол онҳоро ҷудо карданд", — тавзеҳ дод Азизӣ.

Аъзои ҳайати расмӣ мегӯянд,  барои шиддат нагирифтани вазъ хостанд, макони муноқишаро тарк кунанд, вале намояндагони мухолифин мошинро иҳота карда, монеи ҳаракаташон шудаанд.  Аммо намояндагию ҳайатҳои диломатӣ дар ҳар кишвар аз ҳуқуқи дахлнопазирӣ бархӯрдоранд ва маъмурини пулис ба қазия мудохила карда, якчанд намояндаи мухолифинро боздошт кардаанд.

Ингиборг Солрун Гисладоттир, мудири Дафтари демократия ва ҳуқуқи башари САҲА занозаниро маҳкум карда, аз намояндагони мақомоти Тоҷикистон барои сари вақт ба ҷои ҳодиса ҳозир нашудани посбонони ин ҷаласа узрхоҳӣ кардааст. Ӯ изҳор доштааст, ки ҳоло полис ба таҳқиқи ин қазия оғоз кардааст ва иштирокчиёни муноқиша то анҷоми тафтишот дар ҷаласа иштирок нахоҳанд кард.

Ингиборк Солрун Гисладотгир таъкид намудааст, ки чунин муноқишаҳо мухолиф ба фарҳанг ва руҳияи ташкилот мебошанд.

Ба гуфтаи Азизӣ ин муноқиша ба муносибатҳои Тоҷикистону  САҲА ҳеч халале ворид нахоҳад кард.

"Албатта намояндагони Тоҷикистон дар ҷаласаҳои САҲА иштирокашонро давом хоҳанд дод. Бо ин амал тарафи мухолифин тарзи муборизаи сиёсиашонро нишон доданд", — афзуд ӯ.

Ҷаласаи арзёбиҳои ҳуқуқи башари САҲА, ки рӯзи 10-уми сентябр дар шаҳри Варшава оғоз шуд, дар баробари фаъолони мухолифин дар хориҷи кишвар, аз ҷумла аъзои ҳизби дар Тоҷикистон мамнӯи наҳзати исломӣ, чанд мақоми баланпояи кишварро аз Душанбе ба ҳам овард.   

Ҷаласа аз 10 то 21 сентябр дар Полша баргузор мешавад. Ҳамоиши солонаи САҲА барои баррасии иҷрои уҳдадориҳо дар мавриди ҳуқуқи инсон, бузургтарин рӯйдоди сол дар ин бахш арзёбӣ шуда, имсол дар он 1800 намоянда аз 57 кишвари узв ва шарикон иштирок доранд.

1544
Барчаспҳо:
дипломатҳо, намояндаҳои Ҳукумат, Варшава, занозанӣ, САҲА, мухолифин, Тоҷикистон-САҲА
Эмомали Рахмон и Си Цзиньпин

Ваксинаи ройгони Чин: Раҳмон изҳори сипос кард

628
(Таҷдидшуда 22:04 01.03.2021)
Чин изҳор доштааст, ки омода аст Тоҷикистонро бо ваксинааш бепул таъмин кунад

ДУШАНБЕ, 1 мар – Sputnik.  Эмомалӣ Раҳмон, раисҷумҳури Тоҷикистон дар рафти сӯҳбати телефонӣ бо роҳбари Чин Си Ҷинпин барои омодагии Чин ба пешниҳоди ваксини ройгонаш ба Тоҷикистон изҳори сипос кардааст.

Тавре дафтари матбуоти раисҷумҳури Тоҷикистон хабар медиҳад, дар ҷараёни суҳбат ҷонибҳо самтҳои мубрами ҳамкориҳои дуҷонибаро дар доираи муносибатҳои шарикии ҳамаҷонибаи стратегии  Тоҷикистон ва Чин  муҳокима карданд.

Гуфта мешавад, масъалаҳои густариши ҳамкориҳои тиҷоративу иқтисодӣ, нақлиёт ва соҳаи кишоварзӣ, инчунин қадамҳои минбаъдаи муштарак дар ин самт ва бо мақсади коҳиш додани шиддати таъсири бӯҳрони натиҷаи пандемия баррасӣ шуданд.

Эмомалӣ Раҳмон ба Си Ҷинпин миннатдории Тоҷикистонро барои кӯмак ва дастгирӣ дар рафъи оқибатҳои пандемия, аз ҷумла омодагии Ҳукумати Чин барои ба Тоҷикистон ба таври ройгон додани  ваксинаи зиддивирусии истеҳсоли Чин иброз доштааст.

Ҷонибҳо ҷиҳати рушди минбаъдаи вазъи вобаста ба пандемия дар ду кишвар дар маҷрои муътадилгардонии устувори он изҳори умед намуданд.

Сарони  давлатҳо ҷонибдории худро аз рушди минбаъдаи робитаҳои фарҳангию гуманитарии Тоҷикистону Чин ва омодагии тарафҳоро ҷиҳати таҳкими ҳамкориҳои   судманд дар соҳаи амният изҳор карданд.

Раиси Ҷумҳурии Мардумии Чин муҳтарам Си Ҷинпин мардуми Тоҷикистонро ба муносибати  ҷашни Наврӯз табрик гуфтааст.

Тоҷикистон аз Чин чанд пул қарздор аст

Дар анҷоми суҳбат ҷонибҳо бори дигар тасмими худро оид ба пешбурди минбаъдаи муштараки рушди тамоми самтҳои муносибатҳои Тоҷикистону Чин дар рӯҳияи дӯстӣ, ҳамсоягии нек ва эътимоди тарафайн, таъйид карданд.

628
Барчаспҳо:
Си Ҷинпин, Эмомалӣ Раҳмон, Чин, Тоҷикистон
Глава МИД РТ встретился с преседателем парламент Афганистан Миррахмон Рахмони

Сироҷиддин Муҳриддин ва Мир Раҳмон Раҳмонӣ чиҳо гуфтанд?

36
Вазири умури хориҷии Тоҷикистон раиси Маҷлиси намояндагони Афғонистонро ба ҳузур пазируфт

ДУШАНБЕ, 1 мар – Sputnik. Сироҷиддин Муҳриддин, вазири умури хориҷии Тоҷикистон  бо раиси парлумони Афғонистон Мир Раҳмон Раҳмонӣ мулоқот кард, хабар медиҳад Вазорати корҳои хориҷии Тоҷикистон.

Гуфта мешавад, дар мулоқот роҷеъ ба масъалаҳои вазъи минтақа ва Афғонистон, раванди музокироти байниафғонӣ, робитаҳои байни Тоҷикистон ва Афғонистон дар соҳаҳои гуногун баррасӣ гардид.

"Бо мақсади ҳаққи масъалаҳои марбут ба қонунгузорӣ гурӯҳи дӯстӣ миёни Маҷлиси намояндагони Маҷлиси Олии Ҷумҳурии Тоҷикистон ва Вулуси Ҷиргаи Шӯрои Миллии Ҷумҳурии Исломии Афғонистон ташкил шуд", - хабар медиҳад манбаъ.

Изҳори умедворӣ шуд, ки ҷиҳати густариши робитаҳои байнипарлумонӣ гурӯҳи дӯстии ташкилгардида саҳми босазо гузошта, иштироки фаъоли парлумонҳои ду давлати дӯсту бародарро дар арсаи байналмилалӣ ва минтақавӣ таъмин намояд.

Ҳамчунин зикр гардид, ки муносибатҳои дӯстӣ, ҳамкорӣ ва шарокат байни ду кишвари ҳамҷавор ва ҳамзабон имкон медиҳад, ки Душанбе ва Кобул дар масъалаҳои мубрами байналмилалӣ ва минтақавӣ мавқеи яксон ё наздик дошта бошанд.

Ҷонибҳо изҳор карданд, ки муборизаи муштарак бо терроризм, ифротгароӣ ва қочоқи маводди мухаддир самти муҳимми ҳамкорӣ байни ду кишвар мебошад.

Таъкид шуд, ки ҷиҳати рафъи паёмадҳои ҳамагирии Ковид-19 ҳамкорӣ ва ҳамёрӣ байни ду кишвар бояд афзояд.

Тоҷикистон кӯшишҳои Ҳукумати Афғонистонро дар таъмини амният ва сулҳу субот дар кишвар ҷонибдорӣ мекунад. Дар ин робита, ҷониби Тоҷикистон аз раванди музокироти сулҳи байниафғонӣ дар Давҳа истиқбол мекунад.

Ҷониби Тоҷикистон умедвор аст, ки музокироти сулҳи байниафғонӣ заминаи муҳкамро барои барқарорсозии сулҳу оромӣ дар кишвари азияткашида гузорад.

Глава МИД РТ встретился с преседателем парламент Афганистан Миррахмон Рахмони
Глава МИД РТ встретился с преседателем парламент Афганистан Миррахмон Рахмони

Тоҷикистон нақши калидии Афғонистонро дар таъмини амният дар тамоми минтақаи Осиёи Марказӣ хуб дарк намуда, аз ташаббусҳои созандаи ҷомеаи ҷаҳонӣ ҷиҳати таъмини сулҳу субот дар Афғонистон ва барқарорсозии иқтисодиву иҷтимоии он ҳамеша пуштибонӣ мекунад.

Таъкид гардид, ки Тоҷикистон ва Афғонистон дар чаҳорчӯби созмонҳои байналмилалӣ ва минтақавӣ, аз қабили Созмони Милали Муттаҳид, Созмони ҳамкории Шанхай, Созмони ҳамкории исломӣ ва ғайра бомуваффақият ҳамкорӣ мекунанд.

Аз мулоқот бо Ғанӣ то Абдуллоҳу Амруллоҳ Солеҳ: чаро Ятимов ба Кобул рафт?

Ҷонибҳо аз сатҳи баланди робитаҳои сиёсӣ ва байнипорлумонии байни ду кишвар изҳори қаноатмандӣ карданд.

36
Барчаспҳо:
Сироҷиддин Муҳриддин, сиёсат, мулоқот, Тоҷикистон, Афғонистон
Мужчина совершает молитву на кладбище

Даргузашти Фотима Ғуломова, ҳунарманди тоҷик пас аз як моҳи марги шавҳар

518
(Таҷдидшуда 22:08 01.03.2021)
Фотима Ғуломова, ҳунарманди номии тоҷик, модари коргардони тавонои тоҷик Барзу Абдураззоқов ва ҳамсари Ҳабибулло Абдураззоқов аст

ДУШАНБЕ, 1 мар – Sputnik. Фотима Ғуломова, ҳунарпешаи номдори театру синамо, модари коргардони машҳур Барзу Абдураззоқов ва ҳамсари Ҳабибулло Абдураззоқов, ҳунарманди номии театру синамо пас аз бештар аз як моҳи марги шавҳараш даргузашт.

Фотима Ғуломова, ҳунарманди номии тоҷик
Акс аз саҳифаи фейсбукии Хуршед Мустафоев
Фотима Ғуломова, ҳунарманди номии тоҷик

Аз даргузашти ҳунарпеша корбарони шабакаҳои иҷтимоӣ, ҳаводорони саҳна ва дӯстони фарзандаш Барзу Абдураззоқов хабар додаанд.

Писари дигари ҳунарманд Шаҳбоз Абдураззоқов ин хабарро тасдиқ карда, гуфтааст, модараш дар пайи беморӣ ҷон ба Ҷонофарин супурд.

Фотима Ғуломова 87 сол дошт ва бештар аз 40 сол дар саҳнаи Театри давлатии академии драмавии ба номи Лоҳутӣ фаъолият карда буд.

Фарзандонаш Барзу Абдураззоқов, коргардони тавонои тоҷик, корманди идораи Созмони Милал Шаҳбоз Абдураззоқов ва проффессори Консерваторияи Шветсия Ниссор Абдураззоқов ҳастанд.

Ӯ дар намоишҳои "Бой ва ғулом", "Шоҳ Лир", "Рӯдакӣ", "Рустам ва Суҳроб", "Мо аз боми ҷаҳон" нақшҳои асосӣ ва хотирмонро бозидааст.

Хомушии ситораи дигар: нақшҳои беҳтарини Ҳабибулло Абдуразоқов – видео

Марги Фотима Ғуломова дар ҳолест, ки ҳанӯз бештар аз як моҳ қабл, 19 январ ҳамсараш, ҳунарманди тавонои синамо ва театр Ҳабибулло Абдураззоқов даргузашта буд.

518