Участники Совета глав государств СНГ, на церемонии фотографирования глав, архивное фото

Порошенко ва Бердимуҳаммадов ба Душанбе намераванд: барои чӣ?

447
(Таҷдидшуда 20:29 18.09.2018)
Айни ҳол маълум аст, ки дар нишасти сарони кишварҳои ИДМ дар Душанбе раисҷумҳури Туркманистон ба ҷойи худ нахуствазираш Пурли Ағамуродовро равон мекунад

ДУШАНБЕ, 18 сен — Sputnik. Раисҷумҳури Туркманистон Қурбонқулӣ Бердимуҳаммадов дар нишасти сарони кишварҳои ҳамсуд ширкат намекунад, ки 28 сентябр дар Душанбе баргузор мешавад.

Тавре хабар дода мешавад, раисҷумҳур аз 29 сентябр то 2 октябр бо сафари корӣ ба Амрико рафта, дар 73-умин ҷаласаи Маҷмаи умумии СММ ширкат карда, бо намояндагони тиҷоратии Амрико дидор мекунад.

Интизор меравад, ки дар ҷаласаи Маҷмаи умумии СММ Бердимуҳаммадов аз мавқеъҳои авлавияти Туркманистон дар ҳалли мушкилиҳои калиди замони муосир ва ҳамкории Ишқобод бо СММ хоҳад гуфт.

Ҳамчунин интизор меравад, ки раисҷумҳур бо тоҷирони амрикорӣ мулоқот мекунад. Чунончӣ дар ҷаласаи навбатии Ҳукумати Туркманистон, ки дар рафти он сафари раисҷумҳур ба ИМА баррасӣ гардид, президент ба роҳбарияти ВУХ Туркманистон супориш дод, ки дар Ню-Йорк мулоқоти тоҷирони Туркманистону Амрикоро дар шакли шӯрои корӣ ташкил кунад, ки роҳбари он тоҷири амрикоӣ Эрик Стюарат мебошад.

Шӯрои кории тиҷоратии Туркманистону Амрико идорае мебошад, ки вазифаи рушди ҳакориҳои тиҷоратии Амрикову Туркманистонро бар ӯҳда дорад.

Эрик Стюарат низ зуд-зуд ба Туркманистон сафар карда, бо Қурбонқулӣ Бердимуҳаммадов мулоқот мекунад.

Порошенко ҳоло сукут кардааст

Айни замон маълум нест, ки оё раисҷумҳури Украина Пётр Порошенко ба нишаст ҳозир мешавад, ё не.

"Ӯ, албатта ба нишаст даъват шудааст. Чунин даъватнома ҳаст ва Украина ҳам дар ин бора хабар дорад, дар ҳамин ҳол мо медонем, ки шояд роҳбарияти кишвар аз ширкат дар нишаст дар Душанбе худдорӣ кунад. Дар ҳоле, ки аз таҷрибаҳо медонем, ки посухро метавон қариб дар рӯзҳои охир гирифт ва мо ҳоло интизор мемонем. Ҳоло посухи Киев дар бораи ширкат дар нишаст садо надодааст", — мегӯяд раиси Кумитаи иҷроияи ИДМ Сергей Лебедев.

Пас аз табодулоти давлатӣ дар Украина дар соли 2014  роҳбарияти нави кишвар эълом дошт, ки аз ширкат дар кори ИДМ даст мекашад. Ӯ хабар дод, ки фармонеро дар бораи бозхонди намояндаҳои кишвар аз ҳамаи идораҳои муқарраротии ИДМ ба имзо расонидааст.

447
Барчаспҳо:
иштирок, нишаст, Қурбонқулӣ Бердимуҳаммадов, Пётр Порошенко, Украина, Туркманистон, Тоҷикистон
Председатель Совета Федерации РФ Валентина Матвиенко на заседании Совета Федерации РФ

"Маскав бароят шаҳри бегона нест": пазироии Матвиенко аз Рустами Эмомалӣ- навор

3944
(Таҷдидшуда 20:57 24.11.2020)
Рустами Эмомалӣ раиси Маҷлиси миллии Маҷлиси Олии Ҷумҳурии Тоҷикистон, ки бо нахустин сафари кории худ озими Русия шуд, бо ҳамтои русаш Валентина Матвиенко вохӯрд

ДУШАНБЕ, 24 ноя - Sputnik. Дар Маскав мулоқоти рӯбарӯи Рустами Эмомалӣ ва Валентина Матвиенко баргузор шуд. Ин мулоқот дар доираи сафари расмии ҳайати Маҷлиси Миллии Маҷлиси Олии Ҷумҳурии Тоҷикистон ба Федератсияи Русия бо даъвати раиси Шӯрои Федератсия баргузор гардид.

Встреча Валентины Матвиенко с Эмомали Рахмоном
© Официальная страница пресс-службы президента РТ в Facebook

Дар мадҳ, Матвиено, Рустами Эмомалиро ба пойтахти Русия шаҳри Маскав хушомадед гуфта, изҳор дошт, ки "Маскав барои ӯ шаҳри бегона нест, чун ин ҷо таҳсил карда, маълумоти олӣ гирифта буд".

Гузашта аз ин, раиси Шӯрои Федератсияи Русия аз он изҳори хушнудӣ намуд, ки Рустами Эмомалӣ барои нахустин сафари кории худ маҳз Русияро интихоб намуд.

Ба гуфтаи ӯ, дар замони пандемия ташриф овардан ба кишвари дигар боиси таҳсину офарин аст.

"Ҳоло, аксар мулоқоту вохӯриҳо дар шароити видеоӣ мегузаранд, вале мулоқоти мо на фосилавӣ, балки бевосита рӯбарӯ баргузор мегардад, ки ин барои ман бисёр хуш аст", - тавзеҳ додааст Матвиенко.

Зимнан, Матвиенко афзуд, ки Рустами Эмомалиро мулоқот бо шаҳрдори Маскав Сергей Собянин, раиси Думаи давлатӣ Вячеслав Володин ва чанд мақомдори дигари Русия интизор аст.

Ёдовар мешавем, дар ин сафар Рустами Эмомалиро раисони кумитаҳои Маҷлиси миллии Маҷлиси Олии Ҷумҳурии Тоҷикистон, роҳбари Дастгоҳи Маҷлиси миллии Маҷлиси Олии Ҷумҳурии Тоҷикистон ва дигар шахсони расмӣ ҳамроҳӣ мекунанд.

3944
Барчаспҳо:
Валентина Матвиенко, Рустами Эмомалӣ
Самолет на закате, архивное фото

Парвозҳо миёни Тоҷикистону Миср имкон аст, роҳандозӣ шавад

119
(Таҷдидшуда 18:38 24.11.2020)
Азсаргирии парвозҳо байни Душанбе ва Шарм-аш-Шайх масъалаи марказии мулоқоти намояндагони ду кишвар буд

ДУШАНБЕ, 24 ноя — Sputnik. Дар шаҳри Қоҳираи Миср сафири Тоҷикистон дар Миср Заробиддин Қосимӣ бо вазири туризм ва осори бостонии ин кишвар Холид Ал-Инонӣ мулоқот кард, хабар медиҳад хадамоти матбуотии Вазорати корҳои хориҷии Тоҷикистон.

Ба иттилои манбаъ, дар вохӯрӣ масоили ҳамкорӣ дар соҳаҳои сайёҳӣ, омӯзиши осори таърихию фарҳангӣ ва осорхонадорӣ баррасӣ шуданд.

"Бо дарназардошти имкону захираҳои фаровони мавҷуда ҳар ду ҷониб омодагии худро ба таҳким ва густариши ҳамкорӣ таъкид доштанд", - афзудааст манбаъ.

Вазорат ҳамзамон мегӯяд, зимни мулоқот зикр гардид, ки хатсайри ҳавоии Душанбе - Шармушшайх ва давраҳои кӯтоҳмуддати бозомӯзӣ дар Миср барои кормандони соҳаҳои сайёҳӣ ва осорхонадории Тоҷикистон бояд аз нав ба роҳ монда шаванд.

Дар поёни нишаст, Косимӣ ва Ал-Инонӣ омодагии худро барои таҳким ва тавсеаи ҳамкорӣ таъкид карданд. Ҳамин тариқ, Тоҷикистон ва Миср дар соҳаҳои сайёҳӣ, мероси таърихию фарҳангӣ ва корҳои осорхонаҳо ҳамкорӣ хоҳанд кард.

Хотиррасон мекунем, ки муносибатҳои дипломатии байни ҷумҳуриҳо 1 апрели соли 1993 барқарор карда шуд. Миср 1 январи соли 1992 истиқлолияти Тоҷикистонро эътироф кард. Дар давраи ҳамкориҳои байни кишварҳо нӯҳ санад ба имзо расидааст.

Рӯз ба рӯз: нашри ҷадвали нави парвозҳо аз Русия ба Тоҷикистон

Душанбеу Қоҳира дар соҳаҳои иқтисод, тиҷорат ва илму техника ҳамкорӣ мекунанд. Ғайр аз ин, дар соҳаи маориф табодули донишҷӯён сурат мегирад.

119
Барчаспҳо:
парвозҳо, ҳамкорӣ, Миср, Тоҷикистон
Асозода Дилшод Алимурод глава города Нурек  посетил ветерана ВОВ  Гулов Малах

Мақомоти шаҳри Норак ба иштирокчии Ҷанги Бузурги Ватанӣ хона сохт

0
(Таҷдидшуда 19:28 24.11.2020)
Мақомоти шаҳри Норак эълон кардааст, ки ахиран ба Гулов Малах, ки иштирокчии Ҷанги Бузурги Ватанӣ мебошад манзили нави зист иборат аз 3 ҳуҷра сохта тақдим карда шуд

ДУШАНБЕ, 24 июн — Sputnik. Бино бар иттилои дафтари маӣбуоти раиси шаҳри Норак ахиран раиси шаҳр Асозода Дилшод Алимурод ба аёдати иштирокчии Ҷанги Бузурги Ватанӣ Гулов Малах рафт.

Раиси шаҳри Норак бо вазъи зисту зиндагонии пири хирад Гулов Малах ошно гардидааст.

Манбаъ қайд кардааст, ки бо ташаббуси мақомоти шаҳр манзили нави зист иборат аз 3 ҳуҷра, ошхона барои аҳли оилаи Гулов Малах сохта, ба истифодаи онҳо супорида шуд.

Ҳамзамон раиси шаҳри Норак барои мавсими зимистонгузаронӣ ба иштирокчии ҶБВ маблағи пулӣ тақдим кардааст.

Бояд гуфт, ки солҳои ҶБВ аз аҳолии 1,5 милюнии Тоҷикистон камубеш 300 ҳазор кас ба ҷанг рафта, беш аз 100 ҳазор кас аз онҳо шаҳид шудаанд. Аз ин шумор 55 ҳазор сарбозу афсар бо нишону медолҳо ва 54 кас бо болотарин унвони кишвар - Қаҳрамони Иттиҳоди Шуравӣ сарфароз гардиданд.

0
Барчаспҳо:
ҶБВ, куҳансарбоз, собиқадорон, Норак, Тоҷикистон