ДУШАНБЕ, 25 сен — Sputnik. Тоҷикистон бо ду кишвари дигари ҷаҳон муносибатҳои дипломатӣ барқарор кард, хабар медиҳад Вазорати умури хориҷаи Тоҷикистон.
Бино бар иттилои манбаъ, 24 сентябри соли 2018 дар Ню-Йорк дар ҳошияи мубоҳисаҳои умумии иҷлоси 73-юми Маҷмаи Умумии СММ маросими ба имзо расонидани Баёнияи муштараки барқарор намудани муносибатҳои дипломатӣ байни Ҷумҳурии Тоҷикистон ва Сан-Томе ва Принсипи баргузор гардид.
"Баёнияи муштаракро дар ин хусус аз ҷониби Тоҷикистон Вазири корҳои хориҷӣ Сироҷиддин Муҳриддин ва аз ҷониби Сан-Томе ва Принсипи Вазири корҳои хориҷии он кишвар Урбино Хосе Ботелҳо ба имзо расониданд", - гуфта мешавад дар иттилои манбаъ.
Ин дар ҳолест, ки ахиран Тоҷикистон ва Иттиҳоди Ҷазоири Комор равобити дипломатӣ роҳандозӣ карда буданд.
