Маҳмадсаид Убайдуллоев, раиси Маҷлиси миллии Маҷлиси Олии Тоҷикистон

Убайдуллоев: агар мо намунаи ибрат набошем, ҳаққи ташвиқи дигаронро надорем

533
Маҳмадсаид Убайдуллоев, раиси Маҷлиси миллии Маҷлиси Олиии Тоҷикистон, дар мулоқот бо Вячеслав Володин, раиси Думаи давлатии Русия ҳамкорӣ дар бахши маориф, амният ва қонунгузориро баррасӣ кард

ДУШАНБЕ, 25 окт — Sputnik. Тибқи иттилои дафтари матбуоти Думаи давлатӣ, Володин бо истиқбол аз 34,9 фоиз зиёд шудани додугирифти мол миёни Тоҷикистону Русия дар моҳҳои охир изҳор доштааст, ки ин омор баёнгари сатҳи муносибатҳост.

Володин инчунин аз иқдоми мақомоти тоҷик барои таҳкиму рушди мақоми забони русӣ дар Тоҷикистон тавсиф намудааст.

“Дар Конститутсияи Тоҷикистон забони русӣ мақоми забони муоширати байналмилалиро дорад ва ин омили муҳим барои густариши ҳамкориҳо дар ин бахш ва маориф дар маҷмуъ мебошад. Феълан донишҷӯёни зиёди тоҷик дар Русия таҳсил доранд ва сохтмони 5 мактаби русӣ дар Тоҷикистон идома дорад”, - зикр кардааст Володин.

Маҳмадсаид Убайдуллоев дар навбати худ изҳор доштааст, ки баъди ба мақоми роҳбарии Думаи давлатӣ расидани Володин толори ҷаласаҳо тақрибан ҳама вақт пур аст.

“Агар мо, масъулини парлумон барои дигарон намунаи ибрат набошем, агар масъулияти маънавиро эҳсос накунем, мо ҳуқуқи ташвиқи дигаронро надорем. Шумо ҳақ ҳастед, ки минбари парлумон на барои намоишкорию шуҳратхоҳӣ, балки барои кор, масъулият ва баҳсҳо мебошад”, - изҳор доштааст Убайдуллоев.

Раиси Маҷлиси Миллӣ, таъкид намудааст, ки субот дар ҷаҳон имрӯз аз субот дар Русия вобастагии зиёд дорад.

“Суботу дастовардҳои Русия ин асоси муътадилӣ дар ҷаҳон аст. Мо муносибот бо Русияро хеле қадр мекунем. Ташаккур ба Русия, ки ҳамеша дар ҷабҳаи пеши мубориза бо терроризму экстремизм қарор дорад”, - илова намуд Убайдуллоев.

Ӯ инчунин аз ҳамтоёни русиягияш хоҳиш кардааст, ки имкони бунёди боз як мактаби русиро дар Тоҷикистон баррасӣ кунанд.

 Володин ва Убайдуллоев инчунин таҳияи буҷаи давлатиро барои солҳои 2019 – 2021 баррасӣ кардаанд. Раиси Думаи давлатӣ иттилоъ додааст, ки тайи чор соли гузашта вазъ мушкил буд, аммо тамоми уҳдадориҳои иҷтимоиро давлат иҷро кард. Володин афзудааст, ки соли равон қисмати даромади буҷа дар Русия аз хароҷоташ бештар мебошад.

Дар посух Убайдуллоев изҳор дошт, ки аксари кишварҳо, аз ҷумла Тоҷикистон низ касри буҷа дорад ва дар фикри пур кардани он мебошад.

Зимни ин мулоқот инчунин раиси Думаи давлатии Русия изҳор доштааст, ки дар доираи СПАД имкони таҳияи феҳрасти ягонаи созмонҳои террористию экстремистиро баррасӣ хоҳанд кард.  

533
Премьер-министр Узбекистана Абдулла Арипов прибыл в Душанбе

Миннатдории Раҳмон аз ҳукумати Ӯзбекистон барои кумак дар давраи ҳамагирӣ

305
(Таҷдидшуда 20:04 29.09.2020)
Президенти Тоҷикистон Эмомалӣ Раҳмон дар суҳбат бо сарвазири Ӯзбекистон Абдулло Орипов аз ҳукумати кишвари ҳамсоя барои кумак, изҳори сипос кард

ДУШАНБЕ, 29 сен — Sputnik. Президенти Тоҷикистон Эмомалӣ Раҳмон сарвазири Ӯзбекистон Абдулло Ориповро, ки бо сафари корӣ дар Душанбе қарор дорад, ба ҳузур пазируфт.

Тибқи иттилои котиботи  раисиҷумҳури Тоҷикистон, ҷонибҳо бо қаноатмандӣ тамоюлҳои мусбати рушди устувор ва таъмиқи муносибатҳои ду кишвар, аз ҷумла афзоиши мунтазами ҳаҷми тиҷорати мутақобила, кори фаъолонаи Комиссияи байниҳукуматӣ оид ба ҳамкориҳои тиҷоративу иқтисодиро, ки ҷаласаи навбатии он имрӯз дар пойтахти Тоҷикистон шаҳри Душанбе баргузор гардид, таъкид доштаанд.

Эмомалӣ Раҳмон изҳори боварӣ намудааст, ки натиҷаҳои кори Комиссия, бешубҳа, ба таҳкими минбаъдаи ҳамкории ҷонибҳо мусоидат хоҳанд кард.

Президент хусусияти афзалиятноки муносибатҳои Тоҷикистону Ӯзбекистонро дар сиёсати хориҷии Тоҷикистон қайд карда, аҳамияти нигоҳ доштани робитаҳои доимии сиёсӣ ва муколама дар сатҳҳои олӣ ва баландро барои пайгирона мустаҳкам намудани муносибатҳои шарикии стратегии Тоҷикистону Ӯзбекистон таъкид кардааст.

Зимни муҳокимаи масъалаҳои мубрами густариши ҳамкорӣ дар шароити пандемияи бемории сироятии коронавируси нав, Президент аз фурсат истифода бурда, бори дигар ба дӯстони узбек барои кумаки башардӯстона, ки дар рӯзҳои барои ҳама вазнин ба Тоҷикистон расониданд, изҳори сипос намудааст.

Бо дарназардошти таҳдиди ҷаҳонии паҳншавии COVID-19, ҷонибҳо андешидани чораҳои заруриро ҷиҳати пешгирии таъсири манфии бӯҳрон дар иқтисоди ҷаҳонӣ ба ҷараёни муносибатҳои тиҷоративу иқтисодии байни ду кишвар зарур донистанд.

Соҳаҳои гидроэнергетика ва сохтмони инфрасохтори нави роҳҳо ҳамчун самтҳои дигари умедбахши ҳамкорӣ муайян карда шудаанд.

305
Барчаспҳо:
дидору мулоқот, Эмомалӣ Раҳмон, Абдулло Орипов, ҳукумати Ӯзбекистон, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Премьер-министр Узбекистана Абдулла Арипов прибыл с рабочим визитом в Кыргызстан

Сарвазири Ӯзбекистон Абдулло Орипов вориди Душанбе шуд

471
Роҳбари ҳайати Ӯзбекистон Абдулло Ариповро дар фурудгоҳи байналмилалии Душанбе муовини сарвазир Давлатшо Гулмаҳмадзода пешвоз гирифт

ДУШАНБЕ, 29 сен – Sputnik. Ҳайати ҳукумати Ӯзбекистон таҳти роҳбарии сарвазир Абдулло Орипов барои иштирок дар ҳафтумин ҷаласаи комиссияи байниҳукуматии ҳамкориҳои тиҷоративу иқтисодӣ вориди Душанбе шуд.

Дар фурудгоҳи байналмилалии Душанбе роҳбари ҳайати Ӯзбекистонро муовини сарвазири Тоҷикистон Давлатшо Гулмаҳмадзода пешвоз гирифт.

Масъалаи асосии музокироти сарони ҳукуматҳо Коҳир Расулзода ва Абдулло Орипов ифтитоҳи марзҳо ва азсаргирии парвозҳо байни ду кишвар хоҳад буд.

Инчунин, ҷонибҳо дар доираи мулоқот тасмим доранд, ки масъалаҳои мубрами тавсеаи ҳамкориҳоро дар соҳаҳои тиҷорату иқтисод, нақлиёт ва коммуникатсия, энергетика, кишоварзию об ва фарҳангро баррасӣ кунанд.

Санаи сафари сарвазири Ӯзбекистон ба Тоҷикистон маълум шуд

Ғайр аз он, дар доираи сафари намояндагони Ӯзбекистон ба Тоҷикистон ҷаласаи Шӯрои соҳибкорон, инчунин форуми соҳибкорон, ки дар он тоҷирони ӯзбеку тоҷик ширкат мекунанд, баргузор мегардад.

471
Барчаспҳо:
Абдулло Орипов, Ӯзбекистон, Тоҷикистон
Президент Таджикистана Эмомали Рахмон

Боз як боғи Исмоили Сомонӣ дар маркази ноҳияи Шаҳринав: Раҳмон шахсан ифтитоҳ кард

0
Дар идомаи сафари корӣ дар ноҳияи Шаҳринав имрӯз Президенти Тоҷикистон Эмомалӣ Раҳмон дар маркази ноҳияи Шаҳринав ҳамчунин боғи фарҳангӣ-фароғатии Шоҳ Исмоили Сомониро ифтитоҳ кард

ДУШАНБЕ, 30 сен — Sputnik. Бино бар иттилои дафтари матбуоти раисҷумҳур, иншооти мазкур аз ҷониби мақомоти ноҳияи Шаҳринав дар якҷоягӣ бо соҳибкорону шахсони саховатпеша дар масоҳати умумии 1,98 гектар бунёд шудааст.

Гуфта шудааст, ки корҳои сохтмонӣ ҳанӯз аввали соли равон оғоз гардида, иншоот дар муддати кӯтоҳ ва бо сифати баланд ба итмом расонида шуд.

“Инчунин дар ҳамин боғ Эмомалӣ Раҳмон ҳамчунин аз пайкараи тозабунёди Асосгузори аввалин давлати тоҷикон - Шоҳ Исмоили Сомонӣ пардабардорӣ намуданд”, - қайд кардааст манбаъ.

Тибқи маълумоти дафтари раисҷумҳур пайкараи Шоҳ Исмоили Сомонӣ бо дарназардошти зерибиноаш 5 метрро ташкил дода, он аз ҷониби рассом, ҳайкалтарош Сафарбек Қосимов таҳия шудааст.

Таъкид гардидааст, ки боғи Исмоили Сомонӣ дар ноҳияи Шаҳринав яке аз маконҳои асосии баргузории ҷашну чорабиниҳои давлатию миллӣ ба ҳисоб рафта, ҳамчунин барои истироҳату фароғати сокинон имконоти мусоид фароҳам гардидааст.

Ҳамзамон Президенти кишвар аз намоиши ҳунарҳои мардумӣ ноҳия дидан кард.

Инчунин манбаъ қайд кардааст, ки дар ноҳияи Шаҳринав то истиқболи  ҷашни 30 — солагии Истиқлолият бунёди беш аз 434 иншоот ба нақша гирифта шудааст.

Зикр шудааст, ки то ба имрӯз аллакай 285-тои он мавриди истифода қарор дода шуда, дар боқимонда иншоот корҳои сохтмонӣ бомаром идома доранд.

0
Барчаспҳо:
ифтитоҳ, Исмоили Сомонӣ, "Шаҳринав", боғ, Эмомалӣ Раҳмон, Тоҷикистон